විකිණීමට නියමිත යයි කියවෙන ටෙලිකොම් සමාගමේ කොටස් මිළ මේ කටකතාවත් සමග සඳුදා වේගයෙන් ඉහළ ගියා. ටෙලිකොම් කොටස්වලින් 51%ක් රජය සතුයි. එය රජයේ ප්‍රධාන හවුල් ව්‍යවසාය අතරින් එකක්.

ටෙලිකොම් ප්‍රධානීන් මේ ආරංචිය තහවුරු වූ සත්‍යයක් නොවන බව කීවද, සති අන්තයේ පුවත්පතක් වාර්තා කළ පරිදි රාජ්‍ය ආර්ථික ප්‍රතිපත්ති රහස් විකුණා මුදල් උපයන‍ නිලධාරීන් මහබැංකුවේ ඉන්නවා.

රජය මෑතදී මෙම ණය මුදල පිළිබඳව ජා.මු.අ. නියෝජිත පිරිසක් සමග පැවැත්වූ සාකච්ඡා හමාර කළා. දැන් ඔවුන් වොෂිංටනයේ මේ පිළිබඳ අවසන් තීරණය ගැනීමේ කටයුතුවල යෙදී සිටිනවා. අප්‍රේල් අග ණය අනුමත වීමට පුළුවන්.

මේ අතර මහ බැංකුව සඳුදා අනතුරු ඇඟවූ පරිදි 2009 වසරේ ලංකාවේ දළ දේශීය නිෂ්පාදනයේ වර්ධනය 2.5 - 3.5% අතර ප්‍රතිශතයක් ගත හැකියි.