සිවිල් වැසියන් ආරක්ෂා කිරීම සඳහා දෙපාර්ශ්වයේ බැඳීම් යළි සිහිපත් කරමින්, සිවිල් වැසියන්ට පිට වී යාමට ඉඩ දිය යුතු බව බෑන් අවධාරණය කළ බව එක්සත් ජාතීන්ගේ නිවේදනයේ සඳහන් වෙනවා.

මේ අතර මානව හිමිකම් ඇමති මහින්ද රාජපක්ස ඊයේ බී.බී.සී. සේවයට කතා කරමින් කීවේ එක්සත් ජාතීන්ගේ සංවිධානය වරින් වර සටන් විරාමයක්, මානුෂීය සටන් නැවැත්වීමක් හා කඩින්කඩ සටන් නැවැත්වීමක් ආදී ඉල්ලීම් කළමුත් පැහැදිලි ස්ථාවරයක පිහිටා අදහස් ඉදිරිපත් නොකළ බවයි. එහෙත් රජය යුද්ධය නැවැත්වීමට නම් කොටින් යටත් විය යුතුය යන ස්ථාවරයේ සිටින බව ඔහු කීවා.

යුද මුක්ත කලාපයේ සිවිල් විසියන්ට හානි සිදු වන පරිදි ෂෙල් ප්‍රහාර එල්ල කළ බවට නැඟෙන චෝදනා ඔහු ප්‍රතික්ෂේප කරනවා.