කොටින් සිවිල් වැසියන් පිට වී යාම වැළැක්වීමට කටයුතු කළ බව හා සිවිල් වැසියන් පළිහක් ලෙස භාවිතා නොකළ යුතු බව ඔහු කීවා. රජයේ හමුදා යුද මුක්ත කලාපයට ෂෙල් ප්‍රහාර එල්ල නොකළ යුතු බව ඔහු කීවා. යුද මුක්ත කලාපයට මෝටාර් ප්‍රහාර එල්ල කර සිවිල් වැසියන් ඝාතනය කළ බවට තමන්ට එරෙහිව නැඟෙන චෝදනාව රජය ප්‍රතික්ෂේප කරනවා.

මේ අතර විදේශ ඇමති රෝහිත බෝගොල්ලාගම බ්‍රිතාන්‍ය විදේශ ලේකම් ඩේවිඩ් මිලිබෑන්ඩ්ට දුරකථනයෙන් කතා කරමින් කොටින්ගේ ආකල්පය නිසා දීර්ඝ සටන් නැවැත්වීමක් කළ නොහැකි බව කීවා. නැගෙනහිර පළාතේ මායිම් ප්‍රදේශවල සිංහල ගම්වැසියන් 11ක් කොටින් විසින් මෙම සටන් විරාම කාලසීමාව අතරතුරදී ඝාතනය කරනු ලැබුවා.

සටන් විරාමය අතරතුරදී අප්‍රේල් 14 දින නාවික හමුදාව කී පරිදි ඔවුන් යුද මුක්ත කලාපයට ඇතුළු වීමට උත්සාහ කරමින් සිටි කොටි බෝට්ටු දෙකක් වෙඩි තබා ගිල්වා දමමින් අඩු වශයෙන් කොටි ක්‍රියාධරයන් 10ක් මරා දැමුවා.

කොටි හිතවාදී වෙබ් අඩවියක් පසුගිය මාස තුනක් ඇතුළත සිදු වූ සිවිල් වැසියන්ගේ මරන සංඛ්‍යාව 4100ක් යයි පැවසුවා. තුවාල ලබා ඇති සංඛ්‍යාව අඩු වශයෙන් 8800ක්. ස්වාධීන වාර්තාකරණයක් නොමැති නිසා හානි පිළිබඳව නිවැරදි සංඛ්‍යාලේඛන ප්‍රදේශයෙන් ලැබෙන්නේ නැහැ.