ඉන්දීය නිලධාරීන් දෙදෙනා ජනාධිපති මහින්ද රාජපක්ෂ සමග සාකච්ඡා කර ආපසු ගියා. ඉන්පසු තවමත් එම ගමන ගැන සඳහනක් නැහැ.

වන්නියේ සිදු වන මිනිස් ඝාතන හේතුවෙන් කැළඹුණු දෙමළ හැඟීම් සහිත තමිල්නාඩුවේ මැතිවරණයේදී මහ ඇමති කරුණානිධිගේ ඩී.එම්.කේ. පක්ෂයේ නායකත්වයෙන් යුත් කොංග්‍රස් සන්ධානය මහත් දුෂ්කර තත්වයකට මුහුණ දෙනවා.

අන්තිම සිවිල් වැසියාත් පිට වී යනතෙක් සටන් විරාමයක් ප්‍රකාශයට පත් කරන ලෙස තමන් ශ්‍රී ලංකා බලධාරීන්ගෙන් ඉල්ලා සිටින බව ඉන්දීය විදේශ ඇමති ප්‍රනාබ් මුඛර්ජි බ්‍රහස්පතින්දා දිල්ලියේදී කී බව රජයට අයත් දූරදර්ශන් රූපවාහිනිය වාර්තා කළා. යුදමය විසඳුම සැබෑ විසඳුමක් නොවන බව දිගින් දිගටම තමන් ලංකාවේ බලධාරීන්ට කියා ඇති බවද ඔහු කීවා.