සමස්ත ඉන්දීය අන්නා ද්‍රවිඩ මුන්නේත්‍ර කසාගම් සන්ධානය ආසන 40ම (තමිල්නාඩු 39ක් සහ පුදුචෙරි එකක්) දිනුවොත් ඉන්දිරා ගාන්ධි පකිස්ථානයෙන් බංග්ලා දේශය වෙන් කිරීමට හමුදා එවූ ආකාරයටම ශ්‍රී ලංකාවේ වෙනම ඊලාම් රාජ්‍යයක් ඇති කිරීමට ඉන්දීය හමුදා එවන බව ජයලලිතා ඊයේ චෙන්නෛ සිට කිලෝමීටර් 250ක් ඈතින් විල්ලිපුරම්හි පැවති රැස්වීමකදී කිව්වා.

ද්‍රවිඩ මුන්නේත්‍ර කසාගම් පක්ෂයට නායකත්වය දෙන මහ ඇමති කරුණානිධි කෙතරම් මෙළ කොටි හිතවාදී වුවත් ඔහු සන්ධානගත වී සිටින කොංග්‍රස් පක්ෂයේ මධ්‍යම ආණ්ඩුව ශ්‍රී ලංකාවේ යුද්ධයට දක්වන සහයෝගය හේතුවෙන් ඔහු දැඩි විවේචනයට ලක් වෙලා. ජයලලිතා කොටි සංවිධානය විවේචනය කරන්නියක් වුවත් උග්‍ර කොටි හිතවාදීන් වන වයිකෝ වැන්නන් සන්ධානගත වී සිටින්නේ ඇය සමගයි. මැයි 13 පැවැත්වීමට නියමිත මහ මැතිවරණයේ වැඩි වාසි ඇත්තේ ඇයට බව තමිල්නාඩු ආරංචි මාර්ග පවසනවා.