"රජය මුලදී කියා සිටියේ මෙම සිවිල් වැසියන් සමඟ මිශ්‍ර වී සිටින එල්.ටී.ටී.ඊ.යට සම්බන්ධ අය වෙන් කළ යුතු බවයි. දැන් රජය කියන්නේ එවැනි 10,000ක් දෙනා වෙන් කර ඇති බවයි. සෙසු පිරිස සියලු මානව හිමිකම් සහිත මේ රටේ සාමාන්‍ය පුරවැසියෝ වෙති. රජය ඔවුන් බලෙන් රඳවාගෙන සිටින්නේ ඔවුන් විසින් පත් කරන ලද පාර්ලිමේන්තු මන්ත්‍රීවරුන්ට පවා හමු වීමට ඉඩ ලබා නොදෙමිනි," යි ආචාර්ය වික්‍රමබාහු පවසයි.

ඔවුන් නිදහස් පුරවැසියන් ලෙස සලකන ලෙසද, බාහිර පුද්ගලයන් සමඟ නිදහසේ සබඳතා පැවැත්වීමට ඉඩ දෙන ලෙසද, එක්සත් ජාතීන්ගේ සංවිධානයේ නිලධාරීන්ට හා වෙනත් උදව් කරන්නන්ට ඔවුන් වෙත ප්‍රවේශය ලබා දෙන ලෙසද නව වාමාංශික පෙරමුණ ඉල්ලා සිටියි.