යුද සමයේදී රජය විවේචනය කළ පුද්ගලයන්ට එරෙහිව ක්‍රියාමාර්ග ගැනීමට රජය සැරසෙමින් සිටින බව එහි නිවේදනවලින් පෙනෙන බව හියුමන් රයිට්ස් වොච් පවසයි.

හියුමන් රයිට්ස් වොච් ආසියානු අධ්‍යක්ෂ බ්‍රැඩ් ඇඩම්ස් පවසන්නේ රජය සෑමෙදනා‍‍ගේම, විශේෂයෙන්ම දෙමළ ජනයා‍ගේ, අයිතිවාසිකම්වලට ගරු කරන බව පැහැදිලිව පෙන්විය යුතු බවයි. "අතීතයේදී ඒල්.ටී.ටී.ඊ. බල කඳවුරු බිඳවැටුණු අවස්ථාවලදී සිදු වූ මානව හිමිකම් උල්ලඝනයන් නැවත සිදු නොවන බවට ශ්‍රී ලංකා රජය වග බලා ගත යුතුය. ප්‍රජාවන් අතර විශ්වාසය ගොඩනැඟීම සඳහා ‍මෙය අතිශය වැදගත්ය,"යි හේ පවසයි.

"දේශපාලන විරුද්ධවාදීන්, විවේචකයන්, අවතැන් වූ ජනයා, අල්ලා ගන්නා ලද සටන්කරුවන් ඇතුළු සියලු පුරවැසියන්ගේ හිමිකම්වලට ගරු කිරීම තුළ ශ්‍රී ලංකා‍වේ අනාගතයට වැදගත් දීර්ඝකාලීන වටිනාකම් ඇති බව රජය හඳුනාගත යුතුය," යි බ්‍රැඩ් ඇඩම්ස් වැඩිදුරටත් පවසයි.