ඩිස්ටිලීස් සමාගම විසින් ශ්‍රී ලංකා රක්ෂණ සංස්ථාව පවත්වාගෙන ගිය සමයේ උපයන ලද ලාභය ඔවුන්ටම තබා ගත හැකි බවද ශ්‍රේෂ්ඨාධිකරණය දැනුම් දුන්නේය.

මෙම පෞද්ගලීකරණාය්දී අදාළ රාජ්‍ය නිලධාරීන් කැබිනට් මණ්ඩලයේ නිසි අවසරයකින් තොරව කටයුතු කර ඇති හෙයින් පෞද්ගලීකරණ ක්‍රියාවලිය මුල සිටම නීති විරෝධී බව ශ්‍රේෂ්ඨාධිකරණය පැවසීය.

ජනාධිපති උපදේශක වාසුදේව නානායක්කාර නීතිඥ විරාන් කොරයා සහ එම්. ඒ. සුමන්තිරන් මගින් පවරන ලද නඩුවට පසුකලක මහජන අවශ්‍යතා පිළිබඳ ක්‍රියාකාරික නිහාල් ශ්‍රී අමරසේකර මහතාද සම්බන්ධ විය. එම දූෂිත ගනුදෙනුව පිළිබඳ පරීක්ෂණයක් පැවැත්විය යුතු බව ඔවුහු ඉල්ලා සිටියහ.