13වන ආණ්ඩු ක්‍රම ව්‍යවස්ථා සංශෝධනය යටතේ උතුරු නැඟෙනහිර පළාත් ඒකාබද්ධ කරන ලදමුත් විසි වසරකට පසු ශ්‍රේෂ්ඨාධිකරණය විසින් එය යළි වෙන් කරන ලදී.

එහෙත්, මධ්‍යස්ථ දෙමළ හා මුස්ලිම් පක්ෂ පවා පළාත් සභා බලතල ප්‍රමාණවත් නැති බව පවසයි. පළාත් සභා ක්‍රමයේ ඇති සමගාමී ලැයිස්තුව විසින් ලබා දෙන ලද බලය ආපසු මධ්‍යම රජයට පවරා ගන්නා බව මුස්ලිම් කොංග්‍රස් නායක රාවුෆ් හකීම් පවසයි.

ජනාධිපති විසින් පත් කර තිබෙන ඇමති තිස්ස විතාරණගේ සභාපතිත්වයෙන් යුත්සර්ව පාක්ෂික නියෝජිත කමිටුව මෙම සමගාමී ලැයිස්තුව ඉවත් කිරීමට යෝජනා කරන්නට යයි.

එහෙත්, රජයේ සන්ධාන පක්ෂ වන සිංහල අන්තවාදී ජාතික නිදහස් පෙරමුණ සහ ජාතික හෙළ උරුමය මෙම පියවරවලට විරුද්ධය. මාක්ස්වාදී ජනතා විමුක්ති පෙරමුණ යෝජනා කරන්නේ පළාත් සභා ක්‍රමය අහෝසි කර දමා සියලු බලතල ආපසු මධ්‍යම රජයට පවරා ගන්නා ලෙසයි.