මේ පිළිබඳව තමන් හමුදාවෙන් විමසූ බවද, ඔවුන් බර අවි පාවිච්චි නොකළේ යයි කී බවද විජේසිංහ පවසයි. එහෙත් සැහැල්ලු අවියක් ලෙස සැලකෙන මිලිමීටර් 81 මෝටාර් කොටින්ගේ යුද ටැංකි ඇතුළු බර අවිවලට එරෙහිව භාවිතා වූ බව හේ පවසයි.

මෙම පැහැදිලි කිරීම පිළිබඳව ගාඩියන් පුවත්පතට අදහස් දක්වන නම සඳහන් නොවූ බ්‍රිතාන්‍ය නිලධාරියෙකු පවසන්නේ බර අවි පිළිබඳව එකඟ වූ අර්ථකථනයක් නැති බවයි. සිවිල් වැසියන් සීමිත බිම්කඩක තදබද වී සිටි යුද්ධයයේ අවසාන භාගයේදී එවැනි ඕනෑම අවියක් විනාශකාරී ප්‍රතිඵල ඇති කරන බව ඔහු කීවේය.