එහෙත්, එවැනි වෙබ් අඩවි සංඛ්‍යාවේ විශාලත්වය හා දිනන් දින අලුතින් බිහි වන ප්‍රමාණය අනුව, එය දුෂ්කර කර්තව්‍යයක් බව සේවා සපයන්නන් විසින් රජයට දැනුම් දී තිබේ.

මේ අතර, උග්‍ර මුල්‍ය අර්බුදයක සිටින රජය හා විදුලි සංදේශ නියාමන කොමිෂම මේ වන විට අලුත් ලාභදායී ව්‍යාපාරයකට අවධානය යොමු කර තිබේ. එනම්, මෙවැනි 'නරක' වෙබ් අඩවි බලන්නට කැමති අයට ඒ සඳහා මුදල් ගෙවා ලබා ගත හැකි මුරපදයක් ලබා දෙන ක්‍රමයක් ඇති කිරීමට සේවා සපයන ආයතන යොමු කිරීමයි. එමගින් රජය ලබන බදු ආදායමද වැඩි කර ගැනීමට රජය බලාපොරොත්තු වන බව වාර්තා වේ.