එසේම ඩිංගි යාත‍්‍රාවලට පිටතින් සවිකරන එන්ජින්වල ධාරිතාව සම්බන්ධයෙන් පනවා තිබූ සීමාව ලිහිල් කිරීමට තීරණය කොට ඇති අතර අශ්ව බල 25 දක්වා ධාරිතාවයකින් යුතු එන්ජින් සවි කිරීමට මේ අනුව ධීවරයන්ට ඉඩකඩ සැළසේ.

ධීවරයන්ට වරායෙන් පිටත මුහුදේ මසුන් මැරීමට යාමට පහසුවන පරිද්දෙන් ති‍්‍රකුණාමලය වරායේ විශේෂ ගමන් මාර්ගයක් සකස් කෙරෙන අතර ධීවරයන් ඇඳීරි වැටීමට පෙර නික්ම ගොස් උදෑසන හිරුඑළිය පතිත වූ පසු යළි පැමිණිය යුතු වේ.

ති‍්‍රකුණාමලය වරාය තුළ මසුන් මැරීමට පනවා තිබූ තහංචිද මේ අනුව ලිහිල් කෙරෙන අතර, මීට පෙර නියම කර තිබූ ප‍්‍රදේශ සීමා පස් ගුණයකින් ඉහළ දැමේ. මාදැල් ආශි‍්‍රත කටයුතුවල නියැළීමට ද ධීවරයන්ට අවසර ලැබෙන අතර රාතී‍්‍ර 8.00 ට පෙර මාදැල් එලා අවසන් කළයුතු වේ.

රට වටා මුහුද තිබියදීත් ලංකාව මත්ස්‍ය නිෂ්පාදන ආනයනය සඳහා වාර්ෂිකව එක්සත් ජනපද ඩොලර් මිලියන 400ක් වියදම් කරයි. වසරකට ආනයනය කරනු ලබන මාළු ටින් ගණන 61,000කි.