උතුරේ කොටි පාලන ප්‍රදේශවල ජනයා අවතැන්ව පළා ඒමේදී ඔවුන් සතුව තිබුණු වාහන, යතුරුපැදි, පාපැදි වැනි දේපල රැසක් මග දමා පැමිණ තිබේ. ඇතැමුන් මුදල් හා ස්වර්ණාභරණ වල දමා පැමිණ ඇති බවද කියැවේ. එම දේපලවල ඉරණම කුමක්දැයි සොයා බැලීමට කඳවුරුවලින් පිටතට යාමට ඔවුන්ට අවසර නැත. බොහෝ ඒවා ප්‍රහාරවලින් හා සෝදිසි මෙහෙයුම්වලදී හානියට පත් වී ඇතිමුත් හොඳ තත්වයේ වාහන දහස් ගණනක් තැන තැන දක්නට ලැබෙන බව වාර්තා වේ.

මෙම දේපලවල ආරක්ෂාව පිළිබඳ රජය මෙතෙක් කිසිදු ප්‍රකාශයක් කර නොමැත. මීට පෙරද අවස්ථා කීපයකදී මෙම ප්‍රදේශවලින් භාණ්ඩ සොරකම් කරගෙක එමින් සිටියදී පුද්ගලයන් කීපදෙනෙක් අත්අඩංගුවට ගන්නා ලදී. ඇතැම් සොරුන්ට ඉහළ රාජ්‍ය සම්බන්ධතා මත දඬුවම් නොවිඳ නිදහස් වීමේ අවස්ථාව ලැබුණු බවද ප්‍රසිද්ධ විය.