ශ්‍රී ලංකා නාවික හමුදාව එහි මුර අටල්ලක් ඉදි කරමින් සිටින බව ඉන්දීය මාධ්‍ය වාර්තා කළේය. මෙම දිවයින 1974දී ඉන්දියාව විසින් ගිවිසුමක් මගින් ලංකාවට භාර දෙන ලදී. එම ගිවිසුම අනුව ඉන්දීය ධීවරයන්ට දැල් වේලාගැනීම පිණිස හා වාර්ෂික පූජාව සඳහා මෙම දිවයිනට යා හැකිය.

තමිල්නාඩු ප්‍රධාන ඇමති එම්. කරුණානිධි ඉන්දීය අගමැතිවරයාට ලිපියක් ලියමින් ශ්‍රී ලංකා නාවික හමුදාව විසින් කච්චතිවුහි මුර අටල්ලක් හා නාවික කඳවුරක් ඉදි කරමින් සිටින බවට ඇති පුවත්පත් වාර්තා ගැන සඳහන් කරමින් ඉන්දීය රජය අදාළ නියෝජිතායතන හරහා මෙම කරුණ සනාථ කර ගත යුතු බව පවසයි.

තමිල්නාඩුවේ විපක්ෂ AIADMK සහ තවත් පක්ෂ කච්චතිවු නැවත ඉන්දියාවට පවරා ගත යුතු බවට උද්ඝෝෂණ කරයි.