ඡන්ද හිමි නාම ලේඛන වවුනියාවේ හා පුත්තලමේ අවතැන් කඳවුරු වෙත යවන බවද, අවතැන් වූවන්ට තම නම ලියාපදිංචි වී ඇද්දැයි සොයා බැලිය හැකි බවත්, ඔවුන්ට ඡන්දය දීම සඳහා පිළිවෙලක් සකසන බවත් මැතිවරණ දෙපාර්තමේන්තුව පවසයි.

යාපනය මහ නගර සභාවටත්, වවුනියා නගර සභාවටත් නාම යෝජනා ජුනි 18 සිට ජුනි 25දා දවල් 12 දක්වා යාපනය හා වවුනියා දිස්ත්‍රික් ලේකම් කාර්යාලවලදී භාර ගනු ලැබේ. වවුනියා නගර සභා ඡන්දය සඳහා ඡන්දය දීමට 24,626 ඡන්දදායකයන් සුදුසුකම් ලබා සිටින අතර ඔවුන් වෙනුවෙන් ඡන්ද මධ්‍යස්ථාන 18ක් වෙන් කර තිබේ. යාපනය මහ නගර සභා බල ප්‍රදේශයේ පිහිටුවනු ලබන ඡන්ද මධ්‍යස්ථාන ගණන 70කි.