2010-04-20

මහ හොරුන්ට ගරු කරන නිසා මේ පුංචි හොරාට අනුකම්පා කරමු | Let us be compassionate to this petty thief since we respect the big thieves

 (2010 අප්‍රේල් 20 - W3Lanka ) මෙහි පළ වන ඡායාරූප දෙක සමග ලංකාදීප වෙබ් අඩවියේ 'හොරාට ඉබේට දඬුවම ලැබේ' යන සිරස යටතේ මෙසේ පළ වී තිබිණි. 


'මරදානේ ඇල්ෆින්ස්ටන් සිනමා හල අසල කඩයක් කඩා බඩු පොදි බැඳගෙන එළියට එමින් සිටි හොරකු කඬේ ලෑලි දොරට හිරවී මැරී සිටි බව මරදාන පොලිසිය කියයි. හිස එළියට දමා කඩෙන් පනින්නට තැත් කරද්දී ඔහු මැරී ඇත.'


පුංචි හොරෙකුට දෙවියන් විසින් හෝ වෙන් යම් ප්‍රපංචයක් විසින් දී තිබෙන මේ ලොකු දඬුවම ගැන ලංකාවේ මිනිසුන් බෙහෙවින් සතුටු වනු ඇති බව අපි දනිමු. 


රෑ පානේ ගෙවල් බිඳින කුඩා හොරුන්ට මෙසේ සිදු වුවත්, මහ දවල් මං පහරන මහ හොරු නම් පාර්ලිමේන්තු යති. ඔවුන් පාර්ලිමේන්තුවට පත් කර යවන්නේ ඔවුන් අතින් සාක්කු සුද්ද කිරීමට ලක් වූ මහජනයා විසින් ම වීම සුවිශේෂ ය. 


මේ අසරණ පුංචි හොරාට අප අනුකම්පා කරන්නේ සමාජය මහ හොරුන්ට ගරු කරන නිසා ය. පුංචි වුණත්, ලොකු වුණත් හොරකම හොරකම ම ය. 

1 comment:

  1. නීතිය වගේම නොපෙනෙන ප්‍රපංචයනුත් ක්‍රියාත්මක වෙන්නෙ පොඩි එකාටම විතරයි වගේ.

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.