2010-05-30

යාන් හෑලි: අලියා සහ හැඳුනුම්පත

(2010 මැයි 30, W3Lankaපසුගිය දිනෙක රහස් පොලිසියේ නිලධාරීන් පිරිසක් ගංජා අල්ලන්න තණමල්විල පැත්තෙ ගියාලු.


කලේ මැදින් යනකොට ඔවුන්‍ට මහළු හේන් ගොවියෙකු හමු වුණා. රහස් පොලිසිය හේන පරීක්ෂා කළා ඒකෙ තිබුණේ වට්ටක්කා, කැකිරි, තිබ්බටු, වම්බටු වගේ හේන් භෝග විතරයි.


"ඇත්ත කියනවා, කොහෙද තමුසෙ ගංජා වවන්නෙ?" රහස් පොලිස් කණ්ඩායමේ ලොක්කා ‍කඩා පැන්නා.


"මම නම් ගංජා වවන්නේ නැහැ. සර්ලට ඕනැ නම් ඕනැ තැනක බලන්න. හැබැයි අර පැත්තට නම් යන්න එපා," කියලා ගොවියා එක පැත්තක් පෙන්වමින් කිව්වා.


දැන් පොලිස් නිලධාරීන්ගේ කට කණේ. "හහ්, ඒව කොහෙද? තමුසෙ දන්නවද අපට ඕනැ තැනකට ඇතුල් වෙන්න, පරීක්ෂා කරන්න බලය තියෙනවා." පොලිස් කණ්ඩායමේ ලොක්කා සාක්කුවෙන් හැඳුනුම්පත අරගෙන ආඩම්බරෙන් පෙන්වා තම කණ්ඩායම එක්ක යන්න එපා කියූ පැත්තට ම ගියා.


ටික වෙලාවකින් මර ලතෝනියක් ඇහුණා. ගොවියා ඉක්මණට හේනේ දැවැන්ත පලු ගහක තනා තිබුණු පැලට ගොඩ වුණා.


මෙන්න පොලිස් පිරිස පණ එපා කියමින් කැලේ කඩාගෙන දුවනවා. පස්සෙන් එලවන්නෙ ඊයෙ රෑ හේනේ පැත්තක් පාළු කරපු මිනීමරු නැට්ට කොට තනි අලියා.


"බුදු අම්මෝ! අපිව බේර ගනියෝ!" පොලිස් ලොක්කා කෑ ගැහුවා.


"සර්, සර්, අලියට අර අයිඩෙන්ටි කාඩ් එක පෙන්නන්න." ගොවියා ගහ උඩ ඉඳන් කිව්වා.

2 comments:

  1. ඇත්ත සීන් එකක්ද මරු තමයි..

    ReplyDelete
  2. Dear Sir,

    I like to translate this story n to Tamil.
    May I know the Name of the author of this story pls?

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.