2010-07-27

කවුද මේ බස්සා? කරනු ඔහු දිවි රස්සා

(2010 ජුලි 27, W3Lanka)  බස්සා කවුද? වෙන වැඩ පසෙක තබා පෝස්ටර් අලවමින් මේ ප්‍රශ්නය අසන්නේ මාතර පොලිසිය බව ජවිපෙට සම්බන්ධ ලංකා ටෲත් වෙබ් අඩවිය පවසයි.


අනාදිමත් කාලයක සිට විශේෂයෙන් ම කොල්ලන්ගේ සමාජයේ බාලසූරිය බාලයා ය. සෙනෙවිරත්න සෙනෙවියා ය. ගුණරත්න ගුණයා ය. එසේම මහින්ද මයිනා ය. උපුල් කුකුළා ය. අජිත් අජ්ජා ය. ලලිත් ලල්ලා ය.


 එපමණක් නොව ප්‍රින්සිපල් පිනා ය. වයිස් ප්‍රින්සිපල් වයිටා ය. ලෙක්චරර් ලෙචා ය. ඩොක්ටර් ඩොකා ය. පොලිස් කොස්තාපල් කොස්සා ය.


ලංකාවේ සිටින සියලු බස්නායකලා පාසල් යන කාලයේ බස්සලා ය. මේ බව පාසල් ගිය කාටත් තේරේ. මේ වනාහි එක්තරා උප සංස්කෘතික භාෂා ලක්ෂණයකි.


සරසවි උප සංස්කෘතියේදී නම් සෑම සිසුවකුට ම කාඩ් එක යයි කියන අන්වර්ථ නමක් ද ඇත.


රුහුණු විශ්ව විද්‍යාලයේ බස්නායක නම් තරුණ සිසුවා ද බස්සා වන්නේ ඒ අනුව මිස ඔහු බස්සකුගේ පෙනුම ඇත්තකු හෝ නිශාචරයකු හෝ වෙනත් එවැනි හේතුවක් හෝ නිසා නොවේ. මේ වනාහි තවත් එක් සාමාන්‍ය සරසවි සිසුවෙකු විය හැකි ය. ඔහු වනාහි වසර කීපයකට පෙර කුමක් හෝ පාසලක ‍සිටි දක්ෂ ශිෂ්‍යයෙකි. ඔබේ දරුවෙකි. සහෝදරයෙකි. පක්ෂියෙක් නොවේ. 


වරදක් කළා හෝ නො කළා හෝ අවිධිමත් චෝදනාවක් නිසා මේ සිසුවා අද වන විට මුහුණ දී සිටින අවදානම් තත්වය ගැන වහා සමාජය අවදි විය යුතු ය. පාතාල මැරවරයකු සේ ඔහු මහ මග මරා දමන්නට ඇති ඉඩකඩ ගැන වහා සංවේදී විය යුතු ය.   


පොලිසිය කළ යුතුව තිබෙන්නේ බස්සා සොයා පෝස්ටර් ඇලවීම නොවේ. මිය ගිය සිසුවාට පොලු පහර එල්ල කළ බවට චෝදනා ලැබ සිටින බස්සා පමනක් නොව කොස්සන් ද සෙවීමයි.


බස්සා සොයන අයට වැදගත් බුදු බණක් පහත පළ වේ.


බුද්ධත්වයට එළඹීමෙන් පසු පළමු ඉල් මස පසළොස්වක පෝ දා සිය ප්‍රථම ධර්ම දූත කණ්ඩායම ධර්ම චාරිකාවෙහි යෙද වූ බුදුරජානන් වහන්සේ උරුවෙල් දනව්වේ සේනානි ගම බලා තනිවම වැඩම කළ සේක.


මහ මග දෙපසින් සුන්දර වන ලැහැබකි. එය දුටු බුදුරජාණන් වහන්සේට එහි වැඩම කොට විවේක ගන්නට සිත් විය. උන්වහන්සේ රුක් සෙවනක වැඩ සිටින විට භද්දවග්ගිය කුමරුවෝ තිස් පස් දෙනෙක් එ තැනට පැමිණිය හ. එහිදී බුදුරජාණන් වහන්සේ හා ඔවුනතර ඇති වූයේ මෙබඳු සංවාදය කි.


“ස්වාමිනි , ඔබ වහන්සේ මේ පැත්තෙන් දිව යන ස්ත්‍රියක දුටුවා ද ?”


“කුමරුවනි , ස්ත්‍රියක සෙවීමෙන් ඔබට ඇති ප්‍රයෝජනය කුමක්ද ? ”


“ස්වාමින් , ඇය හෙරක්. අපගේ ආභරණ රැගෙන ඈ පැන ගියා. ”


“කුමාරවරුනි , මේ ගැන ඔබේ අදහස් මට කියන්න. වඩා වැදගත් අනුන් ගැන සෙවීමද ? නැති නම් තමන් ගැන සෙවීම ද ? ” යි බුදු රජාණන් වහන්සේ දේශනා කළහ. 


Bookmark and Share
You may also like to read our English blog  Lanka Polity

7 comments:

  1. vesa ballo, minimaru bassa thoge hora shot ekakda? u ahu unith thotath una genenna uta PUKE arinawa misak! ponna hiththa

    ReplyDelete
  2. Why he (Bassa) not appear to court with assistance of lawyer. Then he can expose what was happen and his innocent. When he is going to under ground thing will be more worst. Dont harry to determine Bassa as innocent.We have past experience with case of Nimal Balasooriya.
    KHAP Dayaratne

    ReplyDelete
  3. Dear Anonymous,

    The reading community wishes if you could refraing from sending any comment to this blog site as you cannot understand the simple truth that ; when somebody is looking throug a telescope a heavenly body not to be stay in the immediate next to the objective lens.
    OR
    when somebody is pointing his/her finger towards a heavenly object to explain it not to look at the point of the finger.
    This is a stark and simple truth what my Downs' syndrome kid knows.

    Thanks.
    Clement Peris
    U.of NY

    ReplyDelete
  4. I agree with dayaratne... because if "bassa" innocent why he isn't appear and tell the truth.. Do you think "bandara"s parents tell lies about "bassa"...

    ReplyDelete
  5. බස්සා ජෙප්පෙක් බව පැහැදිලියි. ජෙප්පන් මිනීමරුවන් බව පෙණුනේ අද ඊයේ නෙවෙයි. ජපුරේ ඕ.වී. සමන්ත මොනිටරයකින් ගසා හිස පොඩි කර අමු අමුවේ මරා දැමූ සුජිත් කුරුවිට අද ජෙප්පන්ගේ රැකියා විරහිට උපාධිධාරී සංගමයේ ලොක්කාය. ඒත් මොහුට තම බිරිඳගේ ප්‍රසූතිය සඳහා නයින් වෙල්ස් රෝහලට ගෙවීමට රුපියල ලක්ෂ 3 1/2 මුදල් ඇත. බස්සා මිනී මරුවෙක් නොවෙන්නට ඇති ඉඩ කඩ අඩුය.

    අන්ඩ ග්‍රවුන්ඩ් යවා සුදු වෑන් සෙල්ලමක් රඟ දැක්වූ විට එක ගලෙන් කුරුල්ලන් දෙන්නෙක් ජෙප්පන්ට මරා ගත හැකිය.

    ReplyDelete
  6. බස්සා
    බුලත් අතට දුම්කොළයක් අරගෙන
    දොහොත් මුදුන් දී වැන්දා දෙදණ නමා
    නිල් කොට කලිසම නිල් වැඩි කමීසයට
    ගැලපෙනමුත් දෙකකුල් තිබුණේ නිරුවත්වයි

    කුඹුර කොටන හේනේ වැට අවුලන
    අතරවාරයේ කිව්වේ චක්කර
    තනියට සීපද වෙනුවට ගැයුනේ සමීකරණ
    විභාගෙ ලිව්වා පාඩම් කෙරුවා එක එක පන්තිය ඉහල ගියා

    වාසනාව ගෙදරට ආවා වාගෙයි ආණ්ඩුවෙන් ලියුමක් ලැබුණා
    ගමෙන් ඇවිත් දස්කම් පෙන්නුව දරුවා
    උපාධියක් ගන්නට යනවා
    අම්මාවරු සතුටින් හැඩුවා

    වල් වැදුනා තල හේනට කුඹුරට
    උදලූ මහන්සියවත් නොදෙනා
    වත්තේ කුලියන යන දෙමහල්ලෝ
    අහස උසට අතැගිලි බැන්දා

    කදුලූ ගෑස් ජල පරහාර වැදිලා
    සී සීකඩ විසිරුණ පණ ගැහෙනා හදවත්අතරේ
    වටකුරු වී හිස බදා වැලපෙන කදුලක්
    අර නිල් කලිසමමයි - රතු ලේ පාටින් පෙගිලා

    --හිතුවක්කාරයා http://hithuwakkaraya.blogspot.com

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.