2010-08-06

යුවරාජ් සිං හූ කියන අය මකවයි

(2010 අගෝස්තු 06, W3Lankaඉන්දීය - ශ්‍රී ලංකා තුන්වන හා අවසාන ටෙස්ට් තරගයේදී ඉන්දීය ක්‍රිකට් ක්‍රීඩක යුවරාජ් සිංට සමච්චල් කළේ යයි සැක පිට බොරැල්ල පොලිසිය විසින් පුද්ගලයන් තිදෙනෙකු අත්අඩංගුවට ගෙන රඳවා ඇතැයි පොලිස් මාධ්‍ය ප්‍රකාශක පසුගියදා මාධ්‍යවලට පැවසී ය.


මේ යුවරාජ් බබා ඔහුගේ සිකියුරිටි මාමලාට අරුන් මට බැන්නා යයි  ඇඟිල්ල දිගු කර පෙන්වා පැවසීම මෙම අත්අඩංගුව‍ට ගැනීමයි. 


නමින් පමණක් යුවරාජ්  වන මේ හාදයා මෙන් නොව ඇත්තට ම යුවරාජ නාමල් බේබි රගර් ගහද්දීවත් මෙහෙම සන්තෑසියක් වී මින් පෙර වී නැත. 


ප්‍රේමදාස ජනාධිපති සමයේ හේමා නෙට්බෝල් ගසද්දී ඡායාරූප ගත් ඡායාරූප ශිල්පියකු අතුරුදහන් කරන ලද බව අප අසා ඇතිමුත් හේමාගේ නෙට්බෝල් 'අපි නො දන්න චෙස්' වැනි දෙයක් නිසා එම සිද්ධිය ක්‍රීඩා සමග සම්බන්ධ කර ගත නො හැක. 


දැන් මේක හරි කෙළියක් වී ඇත. මෙහෙම ගියොත් කීපරයාට බෝක්කුවක් ගියත් හූවක් කියන්නට ලැබෙන්න්නේ නැත. ‍ක්‍රීඩා තරගවලදී ලොව හැම තැන ම හැමදාමත් සිදු වූ මෙවැනි සමච්චල් ලංකාවේ කරන්නට නො ලැබෙනු ඇත. ඒ වෙනුවට තරුණ සේවා සභාවේ බබාලා සේ 'චහ් චහ් චහ් - චහ් චහ් චහ් - චහ් - චහ් - චහ්!' කියා තාලෙට අප්පුඩි ගසා පේළියට ගෙදර එන්නට ක්‍රීඩා ලෝලීන්ට සිදු වනු ඇත.   


වරද ඇත්තේ අරූ මට ගැහුවා යි පැමිණිලි කළ එකාගේ ‍නොව, කඩපු නීතියක් නැතිව, පෞරුෂ ගැටලු ඇති එක එක හොටු කොල්ලන් කී පලියට මිනිසුන් අත්අඩංගුවට ගෙන රඳවා ගත් මහජන ආරක්ෂාවට සිටින ඇත්තන්ගේ ය. 


ජාතික ක්‍රීඩාව වන වොලිබෝල් හා වෙනත් ශාරීරික සෞඛ්‍යයට හිතකර ක්‍රීඩා කිරීම අතහැර කම්මැලි ක්‍රිකට් ගසමින් හා රූපවාහිනී ඉදිරිපිට මානසික ක්‍රීඩකයන් වෙමින් සිටින, රති ක්‍රීඩාවවත් හරියට කෙළීමට නො දත්, සෑම දහදෙනෙකුගෙන් ම එක් අයෙකු දියවැඩියා රෝගියකු වන ලාංකික ජනතාව ඇත්තට ම මෙම කාලකන්නි ක්‍රීඩාව විසින් සිරගත කර තිබේ. මේ සිද්ධියෙන් සංකේතවත් වන්නේ එයයි. 


කම්මැලි ලාංකිකයිනි, ක්‍රිකට්කාරයන් මේ අන්දමින් ඔබට පඩේ දමන්නේ ඔබ ඔය කාලකන්නි ක්‍රීඩාව බලන නිසා ය. ‍ක්‍රිකට්කාරයන්ගේ ඔලුව ඉදිමෙන ගානට සල්ලි ලැබෙන්නේ ද, මහජන ආරක්ෂාවට සිටින නිලධාරීන් පවා උන්ගේ පදයට නැටවෙන්නේ ද අප වැනි දියවැඩියා ජාතියක් රූපවාහිනී ඉදිරිපිට විරවාගෙන මැච් බලන නිසා ය. අප ක්‍රිකට් බැලීමෙන් ඈත් වුවහොත් මුන්ට අනුග්‍රාහකයන් ලැබෙන්නේ හා දැන්වීම් විකුණා ගන්නට ලැබෙන්නේ නැත. තමන්ට සැප ලැබුණේ පිට්ටනිය වටේ සිට හූවක් කියන විසිල් එකක් ගසන ක්‍රීඩා ලෝලීන් නිසා බව එවිට උන්ට මතක් වනු ඇත. 


ක්‍රිකට් වෙනුවට අඩු තරමේ මේවර කෙළියේ හෝ එළුවන් කෑමේ හෝ යෙදෙන්නේ නම් මීට වඩා නිරෝගී ජාතියක් අපට ලැබෙනු ඇත. 


Bookmark and Share
You may also like to read our English blog  Lanka Polity

6 comments:

  1. හපෝ කිරිකට් කියන්නෙ අපේ උන්දලට අරක්කු වගේ ජාතියක්...

    ReplyDelete
  2. The issue here is treating visitors not the way they enjoy the game. These people are likes of Mervin Silva...tying people who do not follow their orders to trees...there is big difference between hooliganism and sportsmanship. So this article cannot match what you say in this web page...

    ReplyDelete
  3. Hokki...hokki...hooooooooooooo..........

    ReplyDelete
  4. "ජාතික ක්‍රීඩාව වන වොලිබෝල් හා වෙනත් ශාරීරික සෞඛ්‍යයට හිතකර ක්‍රීඩා කිරීම අතහැර කම්මැලි ක්‍රිකට් ගසමින් හා රූපවාහිනී ඉදිරිපිට මානසික ක්‍රීඩකයන් වෙමින් සිටින, රති ක්‍රීඩාවවත් හරියට කෙළීමට නො දත්, සෑම දහදෙනෙකුගෙන් ම එක් අයෙකු දියවැඩියා රෝගියකු වන ලාංකික ජනතාව ඇත්තට ම මෙම කාලකන්නි ක්‍රීඩාව විසින් සිරගත කර තිබේ"

    You are describing your self and then generalising Pakarum

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.