2010-08-29

වෙන රටවලින් ලාංකිකයන්ට on arrival වීසා ඉල්ලන්න පෙර කළ යුතු ගෙදර වැඩ

(2010 අගෝස්තු 29, W3Lankaරටවල් 71ක වැසියන්ට ලංකාවට පැමිණි පසු (on arrival) වීසා ලබා ගැනීම සඳහා දී ඇති පහසුකම අත්හිටුවීමට ලංකාව තීරණය කර තිබේ. හේතුව සිංගප්පූරුව හා මාලදිවයින හැර සෙසු රටවල් ලාංකිකයන්ට එම පහසුකම දෙන්නේ නැති වීමයි. ලංකාවේ මිනිසුන්ට අඩු තරමේ ඉන්දියාවට හෝ කල් තබා වීසා නො ගෙන යන්නට බැරි ය. 


මේ තීරණය සැප්තැම්බර් මාසයේ සිට ක්‍රියාත්මක කිරීමට කලින් තීරණය කර තිබූ මුත් දැන් එය අත්හිටුවා තිබේ. 


ලංකාවේ මිනිසුන්ට ඇමරිකාව, එංගලන්තය, ජර්මනිය, ස්විට්සර්ලන්තය, ප්‍රංශය, ඉතාලිය, ජපානය වැනි දියුණු ධනේශ්වර රටවලට ගිහින් වීසා ලබා ගන්නට හැකියාව තිබුණොත් නම් මරේ මරු ය. ලංකාවේ ජනගහණයෙන් දෙකෙන් පංගුවක් පමණ එහි ගොස් ‍මහින්ද රාජපක්ෂ ආණ්ඩුවෙන් කරදර ඇති බව කියා දේශපාලන රැකවරණ ඉල්ලනවා ඇත. ඒකට කමක් නැත. දැන් ඔය පිටරට ඉන්න පට්ට දේශප්‍රේමීන් වැඩිදෙනෙකු ඒ රටවලට ගියේ ද මේ රට හොඳ නැති බව කියලා ය. 


ලංකාවට පැමිණෙන පිටරැටියනට අප on arrival වීසා දෙන අන්දමින් ම අපටත් ඒ රටවලින් on arrival වීසා ලබා දිය යුතු බව ඉල්ලා සිටීම නරක දෙයක් නො වේ. දැන් කොටි සංවිධානය නැති බැවින් ලංකාව තව දුරටත් ත්‍රස්තවාදීන් අපනයනය කරන රටක් ලෙස සැලකීම වැරදි ය. 


එහෙත්, මෙහි ගැටලු රාශියක් තිබේ. ලංකාව පළමුකොට ම මත්ද්‍රව්‍ය ජාවාරමේ හා මිනිසුන් නිති විරෝධීව එහෙ මෙහෙ ගෙන යාමේ මධ්‍යස්ථානයක් ලෙස ඇති නම පිරිසිදු කර ගත යුතු ව තිබේ. අනෙක් පැත්තෙන් ලංකාවේ මිනිස්සු සුද්දන්ගේ වළං පිඟන් සේදීමට ආසාවෙන් සිටින ජාතියක් නො වී සැබැවින් ම රටට ආදරය කරන පිරිසක් බවට පත් වන රටක් නිර්මානය කිරීමට පාලකයන් උත්සාහ කළ යුතු ය. එවිට ඉරාකය වැනි රටකට හෝ පැන එහි වීසා නැතිව රැකියා කරන්නට පෙළඹෙන ලාංකිකයන් වෙනුවට ගෞරවනීය පුරවැසියන් සිටින රටක් ලෙස ලංකාවට ලෝකයේ පිළිගැනීමක් ලැබෙනු ඇත. 


නැතිනම් වන්නේ දැන් සුද්දන්ට විකිණීම සඳහා ලහි ලහියේ සූදානම් කෙරෙමින් තිබෙන ලංකාවේ පරිසරය බැලීමට එන්නට සිටින සුද්දාත් පස්ස ගසා ලංකාවට ලැබෙන්නට තිබෙන විදේශ විනිමය නැති වීම පමණි. විදේශ අමාත්‍යංශයේ වෙබ් අඩවියේ දැක්වෙන ආකාරයට ලංකාවේ තානාපති කාර්යාල පිහිටුවා තිබෙන්නේ රටවල් 50කටත් අඩු ගණනකයි. ලංකාවට එන්න වීසා ගන්නට තවත් රටකට යන්නට සංචාරකයන් කැමැති වනු ඇතැයි සිතිය නො හැකි ය.  


Bookmark and Share
You may also like to read our English blog  Lanka Polity

3 comments:

  1. Let them come visa on arrival but charge the same visa fee that is paid by Sri Lanka National to visit the respective country. Uk 66 pounds, Europe 60 odd euros. US free (they have a handling fee but no Visa fee)

    ReplyDelete
  2. what on earth do u mean by USA free?
    They charge US$160 per applicant. Give them visa on arrival, but charge the same price, $160.

    ReplyDelete
  3. paqcpkmarwqyzcijuhlr, http://yahooscanner.net Yahoo scanner, SYHROxK.

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.