2010-10-08

ගණපූරණය නැති පාර්ලිමේන්තුවට කරන වියදම කිරි නිෂ්පාදනය නංවන්න වෙන් කළා නම් නරකද?

(2010 ඔක්තෝබර් 08, W3Lanka) පාර්ලිමේන්තු මන්ත්‍රීන්ට මහජන මුදලින් වැටුප්, දීමනා හා තවත් වරප්‍රසාද රැසක් ලබා දෙන්නේ පාර්ලිමේන්තුවේ සිට මහජනයා නියෝජනය කරන්නටයි.


එහෙත්, ඔවුන් පාර්ලිමේන්තු යාම හැර වෙනත් බොහෝ දේ නම් කරන බව පෙනේ.


ඔක්තෝබර් 09දා ප.ව. 2.40ට පමණ පාර්ලිමේන්තුව කල් තබන්නට සිදු වන්නේ පාර්ලිමේන්තුවේ ගණපූරණය නැති නිසා ය.


ගණපූරණය සඳහා සභා ගැබෙහි මන්ත්‍රීන් 20ක් සිටිය යුතු මුත්, සිටියේ 18ක් පමණි. 


ලජ්ජා නැතිව සභාවේ ගණපූරණය නැති බව පෙන්වා දුන්නේ පාර්ලිමේන්තුවේ තුනෙන් දෙකක බලයක් හිමි ආණ්ඩු පක්ෂයේ මන්ත්‍රී චන්දිම වීරක්කොඩි ය. 


ඇතැම් විට මෙය ආණ්ඩුව දුන් ගේමක් වන්නට ද ඉඩ ඇත. මන්ද, ඒ වෙලාවේ විවාද කෙරෙමින් තිබුණේ ජනාධිපති හා අගමැති ඇමති පදවි නො දැරිය යුතු බවට එක්සත් ජාතික පක්ෂ පාර්ලිමේන්තු මන්ත්‍රී රවි කරුණානායක ගෙන ආ යෝජනාවකි. 


මෙවැනි කාරණාවක් සම්බන්ධයෙන් විවාද කරන්නට පවා ආණ්ඩු පක්ෂයේ මැති ඇමතිවරු බිය බව පෙනේ. 


මෙම විවාදය පවත්වාගෙන යාමේ උවමනාවක් විපක්ෂ මන්ත්‍රීන්ටවත් තිබුණු බවක් නො පෙනේ. 


තත්වය මෙවැනි නම්, පාර්ලිමේන්තුව හා එහි මන්ත්‍රීන් නඩත්තු කරන්නට යන අතිවිශාල පිරිවැය ලංකාවේ කිරි නිෂ්පාදනය ඉහළ නැංවීම සඳහා යොදනවා නම් මීට වඩා මහජනයාට සෙතක් සැලසෙනු ඇත. 


Bookmark and Share
Bookmark, remember easily and come again  www.w3lanka.com

2 comments:

  1. ඔය කියන්නේ පාර්ලිමේන්තුවට වඩා හරක් පට්ටියක් ඇතිකලා නම් හොඳයි කියලනේ. ලොකු වෙනසක් නම් නැහැ, එළදෙන්නු ටිකක් විතර අඩුයි.

    ReplyDelete
  2. පට්ටම ඇත්ත මචෝ !

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.