2010-11-15

යාපනයේ මෝඩ දෙමළු මුස්ලිමුන් පන්නා වසර විස්සයි | 20 years after the expulsion of Muslims from Jaffna

කාතන්කුඩි පල්ලියේ සංහාරයෙන් මෙහොතකට පසු
(2010 නොවැම්බර් 15, W3Lanka) කොටි සංවිධානය මුස්ලිම් වැසියන් උතුරෙන් පන්නා දමා වසර 20ක් නිහඬව ම ගෙවිණි. වැඩිය සද්ද නැති වුණේ මහින්ද රාජ සමයේ සාම ව්‍යාපෘති කරන රාජ්‍ය නො වන සංවිධානවල ලාච්චු හිස් වීමේ ප්‍රතිඵලයක් ලෙසයි. නැතිනම් විස්ස කියන්නේ විස්ස පරවගෙන ඉන්න සංඛ්‍යාවක් නො ව ලක්ෂ විස්සකවත් සෙලිබ්‍රේෂන් එකක් කරන්නට වටින අංකයකි. 


කොටින් විසින් කරන ලද වාර්ගික ශුද්ධ කිරීමේ ක්‍රියාවලියේ කොටසක් ලෙස සැලකිය හැකි මෙම නීච ක්‍රියාව පිළිබඳ ඇති තරම් ලියැවී ඇති බැවින් තවත් ලියන්නට උවමනා නැත. ප්‍රසන්න විතාගගේගේ ඉර මැදියම චිත්‍රපටයේ මේ පිළීබඳ කලාත්මක නිරූපණයක් ඇත. 


කරුණා අම්මාන්ගේ නායකත්වයෙන් යුත් එල්.ටී.ටී.ඊ. නැගෙනහිර බලකාය මඩකලපුවේ කාත්තන්කුඩි පල්ලියේ යාඥා කරමින් සිටි මුසල්මානයන් 147ක් සංහාරය කළේ යාපනයෙන් මුස්ලිමුන් පළවා හැරීමට මාස කීපයකට පෙරයි.


කොටි සංවිධානයට හිතවත් පිරිස් මෙම සිද්ධි පිළිබඳ පසු කලෙක කළ පැහැදිලි කිරීම මෙසේ ය: 'මේ පිළිබඳව විමුක්ති කොටි කණගාටු වෙනවා. ඒ බව මුස්ලිම් වැසියන්ට දැනුම් දීමට පියවර ගෙන තිබෙනවා. නැවත එවැනි දේ සිදු නො වන්නට වග බලා ගන්නවා.'


වග බලා ගත්තේ කෙසේ ද? 2006දී ආණ්ඩුව සමග අවබෝධයෙන් මාවිල්ආරු වේල්ල වසා යුද්ධය ආරම්භ කළ කොටි සංවිධානය මාවිල්ආරු පරාජය වසා ගත්තේ මූතූර් නගරයට පහර දීමෙනි. මුස්ලිම් වැසියන්ගේ හිසට උඩින් ආණ්ඩුව සමග කළ වෙඩි තබා ගැනීමෙන් මූතූර් මුස්ලිම් වැසියන් අනාථ වද්දී කොළඹ දෙමළ ජාතිවාදීහු ප්‍රීතියෙන් ඔද වැඩුණු ආකාරය අපට මතක ය. 


දෙමළ අරගලය ආරම්භ වුණේ ලංකාවේ දෙමළ බස කතා කරන ජනයාගේ අරගලයක් ලෙසයි. මන්ද, දෙමළ බස කතා කරන ප්‍රජාවන් සමූහයක් මිස දෙමළ කියා ජාතියක් විසිවන සියවසේ මුල් යුගයේ තිබුණේ නැත. මේ කතාව සිංහලයන්ට ද අදාළ ය. දෙමළා අනෙකා නො වුණා නම් සිංහල කියා ජාතියක් හැදෙන්නේ ද නැත. මුල් කාලයේ ම මේ භාෂා ප්‍රශ්නය විසඳා ගත හැකි වී නම් අද අපි ඇත්තෙන් ම ලාංකික ජාතියකි. 


සිංහලයා මෙහිදී වඩා දක්ෂ විය. සිංහල බස කතා කරමින් සිටි සියවස් කීපයකට පෙර මෑත යුගයේ රටට සංක්‍රමණය වූ ද්‍රවිඩ සම්භවයක් සහිත දකුණු ඉන්දියන්කාරයන්ගෙන් පැවත එන නලින් ද සිල්වා වැනි අය පවා සිංහල අනන්‍යතාවේ ප්‍රකාශකයන් බවට පත් වීමෙන් හා මීගමුව හා කොළඹ වැනි ප්‍රදේශවල විශාල දෙමළ ජනගහණයක් සිංහලට ස්වීකරණය වීම භාර ගැනීමෙන් මේ බව පෙනේ. 


එහෙත්, දෙමළ ජනයා යාපනය, ත්‍රිකුණාමලය, මන්නාරම, වන්නිය, මඩකලපුව වැනි ප්‍රදේශවල විසිරී සිටි දෙමළ බස කතා කරන හින්දුන්ට ප්‍රමුඛත්වය‍ දෙමින් මුස්ලිම් ජනයා බැහැර කිරීමේ ප්‍රතිඵලය වූයේ මුස්ලිම් ජනයා දෙමළ අනන්‍යතාවෙන් ඈත් වීමයි. එහෙත්, දෙමළ ජාතිකවාදී සන්නද්ධ ව්‍යාපාර ආරම්භක සමයේ පමණක් නො ව කොටි සංවිධානයේ ඉතිහාසයේ මුල් කාලයේ පවා එහි මුස්ලිම් සහභාගිත්වයක් තිබිණි. 


එහෙත්, යාපනයේ කුලවාදී උද්ධච්ච දෙමළු තමන් අති පිරිසිදු නියම දෙමළුන් ය කියා ප්‍රදර්ශනය කරන්නට දැරූ ජාතිවාදී තැත අවසානයේ කොටි සංවිධානයට ද බෝ විය. ප්‍රභාකරන් යන සංස්කෘතකරණය වූ දෙමළ නම ශුද්ධ දෙමළෙන් පිරපාහරන් කියා කියද්දී ඔහුගේ කුලය වූ කඩලෝඩි කරායර් ලංකාවට ආවේ ද දකුණු ඉන්දියාවෙන් බව යාපනය දෙමළුන්ට අමතක විය. (පිරපාහරන් යන වචනය අපහාසාත්මකව පාවිච්චි කළ අදය ගම්මන්පිල වැනි හෙළ උරුම තක්කඩින් මෙම පසුබිම දැන සිටියා නම් එය දකුණේ ප්‍රචාරය කරන්නේ නැත.) 


ලංකාවේ දෙමළ කැරැල්ල පරාජය වූ පසු මුළු ලෝකයේ ම දෙමළ ජනයාගේ රාජ්‍ය ගොඩනැඟීමේ අරගලයට උර දී සිටින බව කීව ද කොටි සංවිධානයේ මේ ලෙඩේ තව ම සුව වී නැත. දැන් එහි නො නිල නායකයා වන නෝර්වේහි සිටින සිංහලෙන් 'දිගා' ලෙස පරිවර්තනය කළ හැකි නෙදියවන් නම දරන පුද්ගලයා නෙදියොන් ලෙස සිය නම වෙනස් කර ගන්නේ ද ‍මේ ශුද්ධ දෙමළ පිස්සුව නිසා ය. 


ලෝකයේ ම දෙමළ ජනයාට රාජ්‍යයක් දිනා දෙන්නට සටන් කරන කොටි සංවිධානයට ලංකාවේ මධ්‍ය කඳුකරයේ සිටින ඉන්දීය සම්භවයක් ඇති දෙමළ ජනයා හැමදාමත් හිරිකිත ය. මුසල්මානයන් අපුල ය. 


අන්තිමේදී එක ජාතියක් ලෙස නැඟී සිටින්නට ඉඩ තිබුණු මේ දිවයිනේ ජනයා භාෂා පදනමින් බෙදුණාට අමතරව දෙමළ කතා කරන මුස්ලිමුන්ට ජාතියක් ද අහිමි විය. ලංකාවේ සිටින්නේ සිංහල, දෙමළ නම් ජාතීන් දෙකක් නම් මුස්ලිම් ජනයා අයත් වන්නේ කුමන ජාතියට ද? මුස්ලිමුන්ට අෂ්රෆ් කෙනෙකු හා මුස්ලිම් කොංග්‍රසයක් ද, පසුකාලීනව ඔලුවිල් ප්‍රකාශය නමින් වෙන ම මුස්ලිම් ස්වයං පාලනයක් ද ඉල්ලා සිටින්නට සිදු වන්නේ මෙම සංදර්භය තුළයි. 


ලංකාවේ මුස්ලිම් ජාතිවාදයේ තිඹිරි ගෙය හදා දුන්නේ සිංහලයෝ හා විශේෂයෙන් ම යාපනේ දෙමළු ය. 


මහින්ද කවුරු වුණත්, ඔහු යටතේ යාපනයෙන් අතු ගා දමන ලද මුසල්මානයන්ට යළි සිය ගම්බිම් වෙත ආපසු පැමිණීමේ බලාපොරොත්තුවක් හෝ ඇති වී තිබේ. 


Bookmark and Share
Bookmark, remember easily and come again  www.w3lanka.com

12 comments:

  1. pidakaa aragalaye hedayama peeditaya tamange eka karagattama wena wede l.t.t.e. atulu katat wena de ekai. dinanne pidakayamai. l.t.t.e eka dinuwamda evitada dina ette pidakayamayi.

    ReplyDelete
  2. දෙමලා, දෙමලු, තක්කඩියා....

    W3Lankaත් දැන් දැන් අනගාරික ධර්මපාල වර්ගයේ භෂාවෙන් වගේ වැඩ!

    - Dimithry

    ReplyDelete
  3. @Anonymous

    දෙමළා යන පද‍යෙන් වාර්ගික පහත් කොට තැකීමක් හැඟවේ නම් සිංහලයා හා මුසල්මානයා යන පද ද එවැනි ම වේ.

    දෙමළෙන් තමිලාර් යන්නට දෙමළු යන බහුවචන නාමපදය හැර වෙනත් පරිවර්තනයක් නැත. දෙමළ ජනයා යනු දෙමළෙන් තමිල් මක්කල් ය. දමිළ යනු 1994න් පසු චන්ද්‍රිකා ආණ්ඩුවේ ඊනියා සුදු නෙළුම් සාම කුරුල්ලන් විසින් හදා ගන්නා ලද ව්‍යාජ පදයකි.

    දෙමළා, දෙමළු යන පදවලට යම් අපහාසාත්මක අරුතක් එක් කරන ලද්දේ භාෂාත්මක විකාශනයකින් නො ව දේශපාලනය තුළිනි. එයට භාෂාව පළි නැත.

    අප භාවිතා කරන වදන් වැරැදි නම් නිවැරදි වදන් හඳුන්වා දෙන්න.

    ReplyDelete
  4. [[දෙමළ බස කතා කරන ප්‍රජාවන් සමූහයක් මිස දෙමළ කියා ජාතියක් විසිවන සියවසේ මුල් යුගයේ තිබුණේ නැත. මේ කතාව සිංහලයන්ට ද අදාළ ය. දෙමළා අනෙකා නො වුණා නම් සිංහල කියා ජාතියක් හැදෙන්නේ ද නැත.]]

    this is a very valid point. before tamils migrated from south india, before sinhala were chased out of rajarata region, sinhala were the main population all over SL, w/o segregation. There shud have been a tamil population living among sinhala. And from time to time it must have got a gradual integration with base population. So Sinhala shud be the composite population of all races who lived before tamil invasion ~1000 yrs ago.

    All ethnic purists foolishly forget these. Sadly these purists are the biggest hurdle against ethnic integration harmony and one Sri Lankan nation.

    W3L, I appreciate this post a lot.

    ReplyDelete
  5. දෙමළ දමිළ වන රටේ සිංහල සංහිල හෝ සිඟාල විය යුතුය.

    ReplyDelete
  6. මා W3Lanka කියවීම පටන්ගත් දා සිට මා කියවූ ඔබේ ලිපිවල අන්තර්ගතය අනුව ඔබ දෙමලා, දෙමලු යන වදන් අපහාසාත්මකව නොයොදනු ඇති බවට මට සැකයක් නැත. මා තැත් කලේ ඔබ විසින් සචේතනිකව සිදුනොකලත් එම වචන වලින් අපහාසයක් ගම්‍ය වන බවට පෙන්වාදීමයි.

    ජනවර්ගයක අගට "යා" හෝ "ආ" ලෙස යෙදීම මගින් එම ජාතිකයා හැඳින්වීම බොහෝ තැන්වලදී තාක්ෂනිකව නිවැරදිය. නමුත් දෙමලා යන පදය දෙමල ජාතිකයා අපහාසාත්මකව හැඳින්වීමට දශක ගනනාවක් පුරා යොදාගැනුනු බව මගේ හැඟීමයි. එම පදය යෙදෙන්නේ ම සිංහලයා හෝ මුසල්මානයා ලෙස නොව හම්බයා, කාපිරියා, ලංසියා හෝ පරංගියා ලෙස අපහාසාත්මක අරුතකිනි. උදාහරනයක් ලෙස දශක කීපයකට පෙර සිට ජනප්‍රිය වූ සමහර ගීත (/ බයිලා) වල දෙමලා යන පදය යෙදෙන අයුරු බලන්න. සාමාන්‍ය ව්‍යවහාරයේදී වුව දෙමලා යන පදය යෙදෙන්නේ සහෝදරාත්මකව නොවන බවට උදාහරන අවශ්‍යයැයි නොසිතමි. මේ අප දශක කීපයක සිට අත්දැකි දේශපාලනය තුල සිදුවූ භාෂාත්මක විකාශනය නොවේද?

    දෙමල ජනතාව, දෙමල මිනිසුන් හා දෙමල කාන්තාවන් ලෙස යෙදීම වඩා සුදුසු යැයි සිතමි. ඔබ වුව tamil ලෙස මිස දෙමලෙකු ලෙස ඔබේ දෙමල මිතුරකු හඳුන්වනු නැති බව මට විශ්වාසය.

    - Dimithry

    ReplyDelete
  7. * Sri Lanka to resettle Muslims evicted from North by LTTE
    Mon, Nov 15, 2010, 01:50 pm SL Time, ColomboPage News Desk, Sri Lanka.


    Nov 15, Colombo: The Sri Lankan government treats all conflict-affected people equally regardless of their places of origin, race, religion, and time of displacement and they will all be resettled in their rightful places, Sri Lanka President Mahinda Rajapaksa has said.

    President Rajapaksa made these remarks addressing a meeting at the Sri Lanka Foundation Institute auditorium Sunday (14) to commemorate the 20th year anniversary of the forcible eviction of Muslims from the Northern Province by the Liberation Tigers of Tamil Eelam (LTTE).

    The President pointed out to the Non Governmental Organizations involved in helping the displaced to keep in mind the plight of all the displaced people and ensure equal treatment to all affected by the three-decade long war.

    "Tamils, Sinhalese, Muslims were all affected due to LTTE atrocities. We will treat all equally," the President has said.

    He assured the displaced Muslim community that the Government would resettle them in their places of origin with necessary help to lead their lives normally and help them to restore their lost properties.

    The President reminded the audience that the LTTE ordered over 70,000 Muslims who were residents of Jaffna to leave the North 20 years ago and since then they have been living in the camps. He said that in addition to the Muslims many Sinhalese families as were also evicted.

    The LTTE on October 30, 1990 forcibly expelled the entire Muslim population of about 75,000 from Jaffna giving only two hours to evacuate the city.

    The event was organized by the All Ceylon Muslim Congress led by Industry and Commerce Minister Rishad Bathiyudeen, who himself was an evicted person from Jaffna.

    Minister A. H. M. Fowzie and Rishad Bathiudeen, Deputy Minister M. L. A. M. Hisbullah and MPs A. H. M. Azwer and M Farook, Northern Province Governor Major General G. A. Chandrasiri, US Ambassador Patricia A Butenis, Indian High Commissioner Ashok K Kantha, UAE Ambassador Mahmood Mohammed Al Mahmood, and other representatives from the political and diplomatic community also participated.

    ReplyDelete
  8. Why you expect celebrations for this blatant violation of human rights? We have many such incidents to celebrate then.

    Think about the violent incidents reported in our modern history, against the ordinary people who were targeted because of their ethnic identity. First in 1915 against the Muslims and the Sinhalese, then in 1957/58 and 1983 against the Tamils, then since the late 1980s to 2009 against the Muslims, the Tamils and the Sinhalese. The last phase by the LTTE Terrorist as well as the chauvinists who operated the State as a Terrorist.

    Now LTTE has gone. Are we free from those communal forces? Can we expect a "Nation" from the "State" we live in today? Can our State claim that it is a "Nation" which doesn't see any division among its citizens?

    ReplyDelete
  9. @Anonymous
    Dimithry,
    ඔබ නිවැරදි ය. එහෙත්, මා නම් සිතන්නේ දෙමළා, දෙමළු යන වදන් අපහාසාත්මක නො වන අරුතින් යෙදීම බහුල වන්නේ නම් මෙම භාෂාත්මක ගැටලුවට විසඳුම් සොයාගැනීම පහසු වන බවයි. තමිල් යන දෙමළ පදයට සිදුසු වෙනත් සිංහල පදයක් නිර්මානය කිරීම ඉතිහාසය නිවැරැදි කිරීමටත් වඩා අසීරු යයි මට සිතේ.

    විකල්පයක් ලෙස තමිල් යන පදය ඒ අන්දමින් ම තමිල්හු, තමිලුන්, තමිලයන් ලෙස යොදන්නට පුළුවන.

    ReplyDelete
  10. එකඟයි..

    ඔබේ හෙඩිම ගැන නැවතත් .."යාපනයේ මෝඩ දෙමළු මුස්ලිමුන් පන්නා වසර විස්සයි"

    මෙය මට සිහිගන්වන්නේම අනගාරික ධර්මපාලගේ උද්ධච්ච සහ අවලාද සහගත භාශාවයි. එය අශිෂ්ට සහ කඨෝර භාශාවක් බව මෙම පාඨකයාගේ හැඟීමයි. ඔබ බලාපොරොත්තු වන්නේ දැඩි අවධාරනය කිරීමක් බව පැහැදිලිය. ඔබ පෙනී සිටින්නේ නූතනත්වය වෙනුවෙන් නම්, ඒ සඳහා ඔබගේම නිර්මානශීලී නවීන යෙදුම් යොදා ගත නොහැකිද?

    - Dimithry

    ReplyDelete
  11. It is very important if someone can translate this to English and publish...

    ReplyDelete
  12. Please elaborate on the following sentence.

    //සිංහල බස කතා කරමින් සිටි සියවස් කීපයකට පෙර මෑත යුගයේ රටට සංක්‍රමණය වූ ද්‍රවිඩ සම්භවයක් සහිත දකුණු ඉන්දියන්කාරයන්ගෙන් පැවත එන නලින් ද සිල්වා වැනි අය පවා සිංහල අනන්‍යතාවේ ප්‍රකාශකයන් බවට පත් වීමෙන් //

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.