2010-03-31

ලංකාවේ තොරතුරු තාක්ෂණ ක්ෂේත්‍රයේ රැකියා නියුක්තිය 60,000ක් | Sixty thousand employed in ICT in Sri Lanka

(2010 මාර්තු 31-W3Lanka ) හැට දහසකට ආසන්න පිරිසක් මෙරට සන්නිවේදන තාක්ෂණ ක්ෂේත්‍රයේ රැකියාවන් හි නිරතව සිටින බව සමීක්ෂණයකින් අනාවරණය වේ.


ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ (ICTA) මෙහෙයවීම මත මෙම සමීක්ෂණය සිදු කර තිබේ.


රාජ්‍ය ආයතන 100 ක් පෞද්ගලික ආයතන 350 ක් තොරතුරු තාක්ෂණ ව්‍යාපාර ක්‍රියාවලි බාහිර කරණ කර්මාන්තයේ යෙදී සිටින ආයතන 100 ක් සහ තොරතුරු තාක්ෂණය පුහුණු කරන ආයතන 50 ක් මෙම සමීක්ෂණය සදහා සහභාගි කර ගෙන ඇත.


සමීක්ෂණයට අනුව වැඩිම පිරිසක් එම ක්ෂේත්‍රයේ රැකියාවන්හි නිරතව සිටින්නේ පෞද්ගලික අංශය නියෝජනය කරමින් වන අතර එම ගණන 53963 කි. රාජ්‍ය අංශය නියෝජනය කරමින් 3019 ‍ක් එම රැකියාවන් හි නිරතව සිටී.

තොරතුරු සන්නිවේදන තාක්ෂණ ක්ෂේත්‍රයේ රැකියාවන්හි යෙදී සිටින පිරිස පසුගිය 2009 වසරට වඩා සියයට විස්සකින් පමණ වැඩිවී තිබෙන බවද මෙම සමීක්ෂණයේදී අනාවරණය වී තිබේ.


මෙහි පිරිමි නියෝජනය සියයට 79 ක් පමණ වන අතර කාන්තා නියෝජනය සියයට 21ක් පමණ වේ.

ජනමත සමීක්ෂණ සුපර් ස්ටාර් සිසන් ටූ රෝ.ල. පියදාස ඉදිරියෙන් | Opinion Polls Super Star Season 2 Rohana Lakshman Piyadasa leads

(2010 මාර්තු 31-W3Lanka )  ඔන්න මේ පාරත් ජනමත සමීක්ෂණ සුපර් ස්ටාර් තරගය පැවැත්වෙනවා. අනුග්‍රහය ආණ්ඩුවෙන් ම තමයි. මාධ්‍ය අනුග්‍රහය දිනමිණ, ජාතික රූපවාහිනිය හා ස්වාධීන රූපවාහිනිය. මේ පාරත් සුපර් ස්ටාර් ලෙස ඉදිරියෙන් ඉන්නේ කැලනිය විශ්වවිද්‍යාලයේ ආචාර්ය රෝහණ ලක්ෂ්මන් පියදාස තමයි.


එතුමා ඉතින් කොහොමත් වැඩකාරයානේ. මතකද එයා ජනාධිපතිවරණය ගැන කියපු හැටි:
විශ්වවිද්‍යාල ආචාර්යවරුන් සිසුන් ඇතුළු සියයක පමණ සමීක්ෂණ කණ්ඩායමක් සමග අවුරුදු දහ අටේ සිට විවිධ වයස් කාණ්ඩයන්හි පිරිස් යොදාගෙන ජනාධිපතිවරණය පිළිබඳ දිස්ත්‍රික්ක විසිපහම නියෝජනය වන පරිදි ස්වාධීනව පවත්වන ලද පූර්ව සමීක්ෂණයක් අනුව, 73.32% ක් ප්‍රතාශ කරනු ලැබුවේ මහින්ද රාජපක්ෂ ජනාධිපතිවරණයේ ජය ගන්නා බව යයි කථිකාචාර්ය රෝහණ ලක්ෂ්මන් පියදාස පවසයි.
"විශ්‍රාමික ෆොන්සේකා මහතා ජයග්‍රහණය කරන බවට 24.17% ප්‍රමාණයක් පමණක් ප්‍රකාශ කරනු ලැබුවේ ය. මෙම සමීක්ෂණය අනුව යුද්ධය ජය ගැනීම සඳහා ජනාධිපති මහින්ද රාජපක්ෂ මහතා මුල් වූ බවට 63.10% ක් ප්‍රකාශ කළ අතර ඒ සඳහා ෆොන්සේකා මහතා මුල් වූ බව ප්‍රකාශ කර තිබෙන්නේ 17.04%ක ප්‍රමාණයක් පමණි. මෙම වකවානුවේ ජනතාවට වඩාත් දැනුණු දේශපාලන දැන්වීම ලෙස ‘තාරුණ්‍යයට හෙටක්’ දැන්වීම සඳහා වැඩිම ජනතා ප්‍රසාදය ඇතැයි මෙම සමීක්ෂණයේ දී තහවුරු විය," යි ඔහු ජනවාරි 14 දිනමිණ පුවත්පතට පවසයි.


මෙන්න එතුමාගේ මහ මැතිවරණ ජනමත සමීක්ෂණ ප්‍රතිඵලය. උපුටා ගන්නේ දිනමිණෙන්. දිනමිණ‍ට වාර්තා කර තිබෙන්නේ අර පුවත්පත් සාකච්ඡාවලට ගිහින් නිදා ගන්න සාමාන්‍ය දැනුම නැති ප්‍රාර්ථනා වීරසිංහ කියන ගෑනු ළමයා. මං හිතන්නෙ එයා ප්‍රජාතන්ත්‍රවාදී එක්සත් පෙරමුණ කියා කියන්නේ සරත් ෆොන්සේකාගේ නායකත්වයෙන් යුත් ප්‍රජාතන්ත්‍රවාදී ජාතික සන්ධානයට වෙන්න ඇති. දන්නැද්ද ඉතින්, මෙයා ෆිල්ම්ෆෙයාර් එකයි IIFA එකයි පටලවා ගත්ත බබානෙ. ඔය ලේක්හවුසියට මාධ්‍යවේදිනියන් බඳවා ගන්නා ආකාරය අනුව මේ ළමයාට අකුරු පුළුවන් එකත් ලොකු දෙයක්.


මෙන්න රෝ.ල. පියදාසගේ ජනමත සමීක්ෂණයේ ප්‍රතිඵල:
මෙවර මහ මැතිවරණයෙන් එක්සත් ජනතා නිදහස් සන්ධානය සියයට 65 ක ඡන්ද ප්‍රතිශතයක් ලබාගනිමින් ජයග්‍රහණය කරන බව කැලණිය විශ්වවිද්‍යාලය විසින් සිදුකරන ලද සමීක්‍ෂණයකින් හෙළිවෙයි.
එම ඡන්ද ප්‍රතිශතය අනුව එක්සත් ජනතා නිදහස් සන්ධානයට ආසන 129 ක් හිමිවන අතර ජාතික ලැයිස්තුවෙන් ආසන 16 – 17 අතර ප්‍රමාණයක් හිමිකර ගන්නා බව ද, එම සමීක්‍ෂණය තවදුරටත් තහවුරු කරයි.
කැලණිය විශ්වවිද්‍යාලයේ ජනසන්නිවේදන අධ්‍යයනාංශය කළ මේ සමීක්‍ෂණය අනුව එක්සත් ජාතික පක්‍ෂය සියයට 28 ක ඡන්ද ප්‍රතිශතයක් ද, ප්‍රජාතන්ත්‍රවාදී එක්සත් පෙරමුණ සියයට 1 ක් සහ වෙනත් පක්‍ෂ සියයට 6 ක ප්‍රතිශතයක් ද ලබාගන්නා බව ආචාර්ය රෝහණ ලක්ෂ්මන් පියදාස මහතා පවසයි.
මේ සමීක්‍ෂණය අනුව එක්සත් ජාතික පක්‍ෂය ආසන 55 ක් ද, වෙනත් පක්‍ෂ ආසන 12 ක් ද, හිමිකර ගන්නා අතර ප්‍රජාතන්ත්‍රවාදී එක්සත් පෙරමුණ එකම ආසනයක්වත් හිමිකර ගෙන නොමැත.

මෛත්‍රීපාල සිරිසේන අරලියගහමන්දිරයට යවන්න පතන සමසමාජෙට දෙයියන්ගේ පිහිටයි | God bless Samasamaja that wants to send Maithripala Sirisena to Temple Trees:

අයං වස්සාන කාලෝ
මාව බේරන් කාලෝ 
(2010 මාර්තු 31-W3Lanka ) පසුගිය උතුරුමැද පළාත් සභා මැතිවරණ සමයේ පොළොන්නරුවේ ඡන්ද කෙරුවාවේ ගිය ඩිලාන් පෙරේරා කීවේ මෛත්‍රීපාල සිරිසේන ලංකාවේ අනාගත අගමැති බවයි. ඔහු ආපසු කොළඹ එන විට ඔහු දැරූ එක් ඇමති තනතුරක් වන අධිකරණ ඇමතිකම අහිමි වී තිබිණි. 


පසුගිය දිනෙක මහාචාර්ය කාලෝ ‍ෆොන්සේකා මෛත්‍රීපාල සිරිසේනගේ නිල වෙබ් අඩවිය දියත් කිරීම හා ඔහු පිළීබඳ පොතක් පළ කිරීම නිමිත්තෙන් බංඩාරනායක සම්මන්ත්‍රණ ශාලාවේදී පවත්වන ලද උත්සවයකදී පැවසුවේ මෛත්‍රීපාල සිරිසේන බඳු පරමාදර්ශී චරිතයක් සිටිය යුත්තේ අරලියගහමන්දිරයේ බවයි. ඒ ප්‍රාර්ථනාව අනාගතයේදී ඉටු වනු ඇතැයි ඔහු බලාපොරොත්තුව පළ කළේය. 


අරලියගහමන්දිරය යනු හරි නම් අගමැති නිල නිවසයි. එහෙත් විධායක ජනාධිපති බලතල යටතේ 2005 සිට එය ජනාධිපතිවරයාගේ වාසභවන බවට පත් කරගෙන තිබේ. 


මහාචාර්ය කාලෝ ෆොන්සේකා අදහස් කළේ මෛත්‍රීපාල සිරිසේන අගමැති වනු ඇද්ද, ජනාධිපතු වනු ඇද්ද යන්න අපි නොදනිමු. 


එහෙත් අපි ඇමති තිස්ස විතාරණ පිළිබඳ කණගාටු වෙමු. ජාතික ලැයිස්තුවෙන් පාර්ලිමේන්තුවට එතෙර වී විද්‍යා හා තාක්ෂණ ඇමතිකම වැනි පතෝල ඇමති පුටුවක් තව කලක් රත් කිරීමට බලාපොරොත්තුවෙන් සිටින මේ ඇමතිතුමාට දෙයියන්ගේ පිහිට පතමු. 

2010-03-30

ලංකා ජනපතිගේ අලුත්ම ආශ්චර්යය එලියන්ත වයිට් | Sri Lanka President's latest miracle , Eliyantha White

(2010 මාර්තු 30-W3Lanka ) ලංකාවේ අගමැති නිල නිවාසය හෙවත් ජනාධිපතිගේ නවාතැන වන අරලියගහමන්දිරය දැන් ලොව පුරා ධනවත්, ජනප්‍රිය පුද්ගලයන්ට ආයුර්වේද වෛද්‍ය හාස්කම් සපයන ස්ථානයක් ද බවට පත් වී තිබේ.


එංගලන්ත පාපන්දු පිලේ හිටපු නායක සුපිරි පාපන්දු ක්‍රීඩක ඩේවිඩ් බෙකම්ගේ පාදයේ ආබාධය සුවකර ගැනීම සඳහා ශ්‍රී ලංකාවට පැමිණෙන ලෙස ජනාධිපති මහින්ද රාජපක්ෂ මහතා ආරාධනාවක් යවා ඇත. සිවුවැනි වරටත් ලෝක කුසලාන පාපන්දු තරගාවලියකට සහභාගිවීමේ අවස්ථාව අහිමි වී ඇති ඩේවිඩ් බෙකම්ට යළිත් ක්‍රීඩාපිටියට අවතීර්ණ විය හැකි ආයුර්වේද වෛද්‍ය ප්‍රතිකාර පහසුකම් ශ්‍රී ලංකාවේදී ලබාදීමට ජනාධිපති මහින්ද රාජපක්ෂ මහතා කැමැත්ත පළකර ඇත.


ජනාධිපති මහින්ද රාජපක්ෂ මහතාගේ පෞද්ගලික වෛද්‍ය එලියන්ත වයිට් මහතා විදෙස් මාධ්‍ය වෙත සඳහන් කැර ඇත්තේ ජනාධිපති ලේකම් කාර්යාලය මගින් ඩේවිඩ් බෙකම් වෙත ආරාධනා පත්‍රයක් යවා ඇති බවයි.


ඩේවිඩ් බෙකම් පසුගිය 14 වැනිදා ඉතාලියේ පාපන්දු සමාජයකට ක්‍රීඩා කරමින් සිටියදී පාදයේ බත් කෙණ්ඩේ ආබාධයකට ලක්ව පසුව පින්ලන්තයේදී ශල්‍යකර්මයකට භාජනය කරන ලද අතර මාස හයක කාලයක් ක්‍රීඩා පිටියෙන් ඈත්ව සිටීමට ඔහුට වෛද්‍ය උපදෙස් ලැබී තිබේ.


1998 දී එංගලන්තය වෙනුවෙන් ලෝක කුසලාන තරගාවලියට එක්වූ බෙකම් ලබන ජූනි මාසයේ දකුණු අප්‍රිකාවේ පැවැත්වෙන ලෝක පාපන්දු ශූරතාවලියට සහභාගිවීමට අපේක්ෂාවෙන් සිටියේය. එම තරගාවලියට සහභාගිවීමට හැකි වුවහොත් ලෝක කුසලාන පාපන්දු තරගාවලි හතරක් නියෝජනය කළ පළමු එංගලන්ත ක්‍රීඩකයා ලෙස 34 හැවිරිදි බෙකම් ඉතිහාසගතවීමටද නියමිතය. ඉතිහාසගත වීම ශරීර සෞඛ්‍යයට වඩා වැදගත් කරුණක් ලෙස අපි සිතමු.


1930දී ඕස්ට්‍රේලියානු ජාතික ඩොන් බ්‍රැඩ්මන් එක් ඉනිමකදී ටෙස්ට් ක්‍රිකට් ලකුණු 334ක් ලබා ගනිමින් තැබූ වාර්තාව 68 වසරකට පසුව 1998දී සම කළ තවත් ඕස්ට්‍රේලියානුවකු වූ මාක් ටේලර් එම ලකුණු සංඛ්‍යාව ඉක්මවා නොයමින් සිය ඉනිම අවසන් කළ ආකාරය අපට නම් තේරුම් ගැනීම අපහසුය. ටේලර් අතහැර දැමුවේ ඒ වන විට බ්‍රයන් ලාරා ලකුණු 375ක් රැස් කරමින් තබා තිබුණු වාර්තාව හඹා යාමයි. ඔහුට ඩොන් බ්‍රැඩ්මන්ගේ උත්තරීතරත්වය ඉක්මවා නොයාම ඊට වඩා වැදගත් විය. වාර්තාවක් තබන්නට පුළුවන් නම් ලංකාවේ ක්‍රිකට් ක්‍රීඩකයෝ දින පහම වුව පළමු ඉනිම වෙනුවෙන් පන්දුවට පහර දෙන්නෝ ය.  කෙසේ වෙතත්, එම කරුණ මෙහිදී අදාළ නොවන වෙනත් වැල්වටාරමකි.


ජනාධිපති මහින්ද රාජපක්ෂ මහතාගේ පෞද්ගලික වෛද්‍ය එලියන්ත ලින්ඩ්සේ වයිට් ජීවකතුමා එක්ස්රේ පතක්වත් නොබලා සිය ගුප්ත බල සහිත ආයුර්වේද ප්‍රතිකාර මගින් දින තුනකදී බෙකම්ට ක්‍රීඩාපිටියට අවතීර්ණ විය හැකි බවට විශ්වාසය පළ කර ඇත.


“මා සූදානම් ඔහුට ප්‍රතිකාර කිරීමට. ඔහුගේ ආබාධය දින තුනකදී සුව කළ හැකියි. ක්‍රීඩාපිටියට යන්න පුළුවන්. සාම්ප්‍රදායික ආයුර්වේද ප්‍රතිකර්ම සමඟ මුසුකරන විශේෂ බලයක් තිබෙනවා” වෛද්‍ය එලියන්ත වයිට් විදෙස් මාධ්‍ය වෙත පැවැසීය.


මෙම විස්මිත බලය ගැන නොදන්නා හෙයින් බෙකම් ෆින්ලන්තයේදී ශල්‍ය කර්මයක් කරගෙන තිබේ. හරිනම් කෙණ්ඩ පෙරළුණ බෙකම්ව කෙළින්ම ඔසවාගෙන එන්නට තිබුණේ එලියන්ත වයිට් වෙතයි.


මෙයට පෙර පාදයේ ආබාධයකින් පෙළුණු සචින් තෙන්ඩුල්කාර්ට වෛද්‍ය එලියන්ත වයිට් මහතා ප්‍රතිකාර ලබාදුන් අතර ඔහු එක් දින ද්විත්ව ශතකයක් ලබා ලෝක වාර්තාවක් පිහිටුවමින් ජනාධිපතිතුමාට ස්තුªතිය පුදකර සිටියේය.


ඉන්දීය ක්‍රිකට් ක්‍රීඩක ගෞතම් ගාම්බීර් හා අෂීශ් නේරාද පසුගිය මාසයේදී ශ්‍රී ලංකාවට පැමිණ ප්‍රතිකාර ලබාගත්හ.


සත්තකින්ම මේ එළියන්ත වයිට් ජාතික ලැයිස්තුවෙන් හෝ පාර්ලිමේන්තුවට ගෙන ඔහුට සෞඛ්‍ය ඇමතිකම දෙනවා නම් ඔහුගේ ගුප්ත බලයන්ගෙන් අඩු තරමේ විකලාංග වෛද්‍ය විද්‍යාව හෝ පුනර්ජීවනය කළ හැකිය. අත පය කැඩී බිඳී තවමත් සුවය ලබා නැති සොල්දාදුවන්ට ප්‍රතිකාර කරන්න ද මේ එලියන්ත වයිට් යොදා ගන්නේ නම් ජනාධිපතිතුමාට පිං සිදු වනු ඇත.


මේ එලියන්ත වයිට් යනු කවුරුද යන්න ද ඔහුගේ වෛද්‍ය හාස්කම් සේම ගුප්තය. මෙවැනි ආශ්ඩර්යජනක ජීවකයන් ලංකාවේ පැරණි රජුන්ට ද සිටි බව පැරණි සාහිත්‍යයේ සඳහන් වේ. අපට ද දැන් ඉන්නේ ජනාධිපතිවරයකු නොව රජෙකු බව මේ කාරණයෙන් ද ඔප්පු වේ.


එලියන්ත වයිට් ගැන මීට වඩා විස්තර අපි නොදනිමු. අන්තර්ජාලයෙන් ඔහු පිළිබඳ සෙවීම ද අවසන් කළ බවට දිවුරා පොරොන්දු වෙමු. 

සුසිල් ප්‍රේම ජයන්ත තමන් බේරා දෙන්නැයි තිස්ස අත්තනායකගෙන් ඉල්ලයි | SOS call from Sri Lanka ruling alliance secretary to his opposition counterpart

(2010 මාර්තු 30-W3Lanka ) පක්‍ෂ ප්‍රතිපත්ති ප්‍රකාශය හා ප්‍රතිපත්තිමය කරුණු පිළිබඳ විවෘත රූපවාහිනි සජීව සංවාදයකට එන ලෙස එක්සත් ජාතික පක්‍ෂ මහ ලේකම් තිස්ස අත්තනායක මහතාට අභියෝග කරන බව එක්සත් ජනතා නිදහස් සන්ධානයේ මහලේකම් සුසිල් ප්‍රේම ජයන්ත මහතා ප්‍රකාශ කර තිබේ. කොළඹ දිස්ත්‍රික්කයෙන් ඡන්දය ඉල්ලන ජනාධිපතිගේ සහයෝගය ලැබෙන විමල් වීරවංශ වැනි අය හමුවේ මනාප පොරය පරාජය වීමේ අනතුරට මුහුණ දී සිටින මේ අසරණ ඇමතිවරයාට පිහිට වීම තිස්ස අත්තනායකට කළ හැකි මහා සේවාවකි.


මක් නිසාද යත් මෙම විවාදය මුවාවෙන් ප්‍රේම ජයන්තට අමතර මාධ්‍ය ප්‍රචාරයක් ලබා ගත හැකි ය.


තිස්සගේ නායකයා ඔහු ජාතික ලැයිස්තුවට දා දුන් නමුත් සන්ධානයේ ලේකම් වෙලාත් සුසිල්ට එහෙම චාන්ස් එකක් නොලැබිණි. ඒ චාන්ස් එක ලැබුණේ ශ්‍රී ලංකා නිදහස් පක්ෂයේ ලේකම්කමට කෙළ හළමින් සිටින ඩලස් අලහප්පෙරුමටයි. ඒ මදිවාට දැන් ලොක්කා කින්නේ මනාපවලින් පරදින එවුන්ට ජාතික ලැයිස්තුවෙන් අවස්ථාව නොදෙන බවයි. පැරදුණොත් ප්‍රේම ජයන්තට වන්නේ ආපසු අලුත්කඩේ යන්නයි.


ඒ මදිවාට රජ ගෙදර පරවියා වන විමල් වීරවංශ ද ඊයේ පෙරේදා කොට්‌ටාව, මාකුඹුර, මැතිවරණ ශ්‍රවණාගාරයේ පැවති ගුරුවරුන්ගේ ජනහමුවක්‌ අමතමින් ප්‍රේම ජයන්තට මෙහෙම ඇන්නේ ය.


'රට ගොඩනගන ඊළග යුද්ධයේ දී අධ්‍යාපනයේ සංවර්ධනයත්, ගුණාත්මක පරිවර්ථනයක්‌ කරන්න අවශ්‍ය දේශපාලන හයිය වුවමනායි. ඒකට ගැලපෙන නායකයෝ ටිකක්‌ ජනාධිපතිතුමාගේ ගමනට අවශ්‍යයි. එහෙම නැතුව ජාතික අධ්‍යාපනයක්‌ ගොඩ නගන්න බැහැ.


'අධ්‍යාපන ක්‍ෂේත්‍රයේ දීර්ඝ කාලයක ඉඳල එන ප්‍රශ්න තියෙනවා. එක එක ප්‍රශ්න ගත්තොත් මහ ගොඩක්‌. ගුරුවරුන්ට ප්‍රශ්න, විදුහල්පතිවරුන්ට ප්‍රශ්න, ළමයින්ට ප්‍රශ්න, ළමයා පාසලට ඇතුළත් කරන්න ඉන්න දෙමාපියන්ට ප්‍රශ්න. මින් ඉදිරියේ දී ප්‍රශ්න තියාගෙන රට ඉදිරියට ගෙන යන්න බැහැ. ඊළග ආණ්‌ඩුවේ දී රට ගොඩනගන්න නම් මේ සියලු ප්‍රශ්නවලට අපි පිළිතුරු සොයාගත යුතුයි. ඒ සඳහා අපි සූදානම් විය යුතුයි. ඒක කරන්න අපිට පුළුවන්. ඒක කරන්න පුළුවන් සුදුස්‌සෝ තෝරලා පාර්ලිමේන්තුවට යවන්න.'


ඒකියන්නේ දීර්ඝ කාලයක ඉඳලා අධ්‍යාපනය භාරව ඉන්න ප්‍රේම ජයන්තව පාර්ලිමේන්තු එවන්න එපා. වීරවංශට අධ්‍යපානය භාර දෙන්න.


විභාග ප්‍රශ්න පත්‍ර සැකසීම පිළිබඳ තමාට චෝදනා නඟා ඇති බවත්, එහෙත් ප්‍රශ්න පත්‍ර සකස් කරන්නේ ගුරුවරු මිස විෂය භාර ඇමැතිවරයා නොවන බවත්, එහෙත් ප්‍රශ්න සැකසීමේදී සිදුවූ වරද නැවත සිදු නොවීමට තමා පාර්ලිමේන්තුවේදී ප්‍රතිපත්තිමය තීන්දුවක් ගත් බවත් සුසිල් ප්‍රේම ජයන්ත අද දිනමිණට පවසා ඇත.

2010-03-29

W3Lanka නිෂ්පාදනයක් වන 'රන්මිනිතැන්න' චිත්‍රපටයේ කතාව | Story of Ranminithenna movie

(2010 මාර්තු 29-W3Lanka ) ජනාධිපතිතුමා අතින් මහ ඡන්දයට පෙර විවෘත වන රු. මිලියන 600ක වියදමින් තිස්සමහාරාමයේ රන්මිනිතැන්න ගමේ අක්කර 200ක භූමියක ඉදි කරන ලද ටෙලි සිනමා ගම්මානයේ චිත්‍රපටයක් රූපගත කිරීම සඳහා අප විසින් තිරනාටකයක් ලියමින් තිබේ.


'රන්මිනිතැන්න' නම් වන මෙම චිත්‍රපටයේ කතාව මෙසේයි:


රෙනෝ නම් කූට ව්‍යාපාරිකයෙක් සිටියි. ස්ත්‍රී දූෂණ චෝදනා එල්ල වන ඔහුගේ සෙල්ලක්කාර මල්ලී වන දුමින්ද, ආකර්ශා නම් සුරූපී තරුණියක් පැහැරගෙන යයි. කෙල්ලගේ අම්මා වන ගීතා මේ පිළිබඳ ම‍හින්ද නම් වූ වීරයාට පවසයි. වීරයා වහා කෙල්ල බේරා ගැනීම සඳහා පිටත් වේ.


මේ අතර, අධ්‍යාපනය සඳහා පිටරට ගොස් සිට පැමිණෙන වීරයාගේ පුතා වන නාමල් ගුවන් තොටුපළේ පියා නොදැක ඔහු කොහි ගියේදැයි මවගෙන් අසයි.


"අන්න අර සක්කරවට්ටමක් එක්ක කාවද නැට්ටච්චියෙකු බේරා ගන්න කියල ඔය ගියේ," යි අම්මා කියයි.


"එහෙම කියන්න එපා අම්මා, මපියාණන්ගේ උතුම් අරමුණු ඔබ නොදන්නෙහිද? මපියාණන්ට දැන් මගේ උපකාර අවශ්‍යව තිබේ. එහෙයින් මම වහා පිටත් වෙමි," යි කියමින් නාමල් වහා පිස්තෝලයට පතුරම් පුරවාගෙන නවීන පන්නයේ ක්‍රීඩා වාහනයකින් හෙවත් SUV එකකින් පිටත් වේ.


මේ අතර දුමින්ද රන්මිනිතැන්න නම් කැළෑවක චන්ද්‍රමාලි නම් ඉස්සර ඡන්දෙ පවා ඉල්ලූ දැන් කංසා හේනක් වවාගෙන දුක සේ දිවි ගෙවන දුප්පත් ගැහැනියකගේ පැලක කෙල්ල සිර කර ඇගේ හිසට පිස්තෝලය තබා තමන් සමග එක් නොවුණොත් ඈ වෙඩි තබා මරන බව පවසයි.


මේ අතර, මහින්ද වීරයා රෙනෝ නම් කූට ව්‍යාපාරිකයා හමු වී ඔහුට නාහෙන් කටින් ලේ එන්නට පහර දී ඔහුගේ මල්ලී දුමින්ද සහ පැහැර ගත් ‍සුරූපිනිය ආකර්ශා‍ කොහේ සිටින්නේදැයි අසයි. ජීවිතය රිවයින්ඩ් වී අම්මා පෙවූ රන් කිරි කටින් එන විට රෙනෝ සිය මල්ලී සහ කෙල්ල සිටින තැන හෙළිදරව් කරයි. මහින්ද වීරයා වහා ගීතා ද රැගෙන කෙල්ල බේරා ගැනීමට රන්මිනිතැන්න බලා පිටත් වෙයි. ඔහු එහි ගිය බව දැන ගන්නා නාමල් ද එහි පිටත් වේ.


සිහිය පැමිණි පසු රෙනෝ වහා සිය මිතුරු ත්‍රස්ත නායකයකුට කතා කර රන්මිනිතැන්නට ත්‍රස්ත කණ්ඩායමක් එවන්නැයි කියයි. එතැනින් නතර නොවන රෙනෝ රන්මිනිතැන්නට ත්‍රස්ත ප්‍රහාරයක් එල්ල වී ඇති බවට තමන්ට හිමි 'හිරු බොල එෆ්.එම්.' නම් ගුවන් විදුලි සේවයකින් ද පවසයි. ජනතාව බිය වී හිස් ලූ ලූ අත දුවති.


මේ අතර, මහින්ද දුමින්ද සොයා ගනියි. දෙන්නා අතර වෙඩි හුවමාරුවකි. ටිකකින් දුමින්දගේ පතුරම් ඉවර වේ. මහින්ද ඌට පොලිස් ගැටයා දා අල්ලාගෙන හොඳ, නරක, කළ ගුණ ආදිය පිළිබඳ දේශනයක් පවත්වයි. එය අවසානයේදී දුමින්ද හොඳ මිනිහෙකු වන්නට කැමති බව පවසයි.


එහෙත් ඒ සමගම රෙනෝ විසින් එවන ලද ත්‍රස්ත කණ්ඩායම එතැනට පැන මහින්දට පහර දෙති. තවත් පිරිසක් ගීතා හා ආකර්ශා කැළයට ඇදගෙන යති. මහින්ද ත්‍රස්තයන් විස්සක් සමග අතින් පයින් ගහගනියි. මේ අතර නාමල්ගේ SUV එක කැළය පීරාගෙන වේගයෙන් ඉදිරියට එන්නේ පෙරළුණ ගස් කඳන් උඩින් පන්නමින් වැව් මැදින් දිය කපාගෙන මඩ කාගෙනයි. රැකවල් ලා සිටි ත්‍රස්ත කණ්ඩායමේ අය මෙම රියට එළව එළවා වෙඩි තබති. එකින් එක රෝදවල හුළං යයි. අන්තිමට ත්‍රස්තයෙක් රිය‍ට බෝම්බයකින් ගසයි. නාමල් බෝම්බය පිපිරීමට පෙර බල්ටියක් ගසා මහින්ද සිටි තැනට ම පනියි.


ෆේස් ටු ෆේස් එන්නට බැරි බව දැන ගන්නා ත්‍රස්ත කණ්ඩායමේ නායකයා පිටුපසින් පැමිණ මහින්දට පිහියෙන් අනින්නට සැරසෙයි. එය දකින නාමල් වහා පැන පිටරටදී ඉගෙන ගත් ෂොට් දෙක තුනකින් ත්‍රස්ත නායකයා පරළොව යවයි. පියාත්, පුතාත් එක් වී ත්‍රස්ත කණ්ඩායමට කැළේ කඩාගෙන දුවන්න පහර දෙන අතර, දුමින්දත් චන්ද්‍රමාලිත් එක් වී කෙල්ල හා අම්මා කැළයට ඇදගෙන ගිය ගිය ත්‍රස්තවාදීන් රවටා රෙනෝ කී බව කියා ඔවුන් මරණයෙන් බේරා ගනිති.


දුමින්ද කෙල්ලගෙන් සමාව ඉල්ලන නමුදු කෙල්ල සමාව දෙන්නේ නැත.


සියලු ත්‍රස්තවාදීන් මරා දැමීමෙන් පසු පියා පුතා වැළඳගෙන "පුත්තා..... උඹ එහෙනම් මා සොයා අවා?" යි කියමින් සිප ගනියි.


එවිටම, දුමින්ද හා චන්ද්‍රමාලි දර්ශනයට එති. දෑත් ඔසවාගෙන ඉදිරියට එන දුමින්ද තමන්ටත්, අයියාටත් සමාව දෙන්නේ නම් නරක වැඩ නවත්වා හොඳ මිනිසුන් බවට පත් වන බව කියා එය පිළි ගත නොහැකි නම් තමන්ට වෙඩි තබා මරා දමන ලෙස ඉල්ලා සිටියි. 


"පප්පා, කවුද මේ තම්බපු ඉස්සා?" යි අසන නාමල් වහා පිස්තෝලය ඇදගෙන දුමින්දට වෙඩි තැබීමට සැරසෙයි. අතින් සන් කර එය වළක්වන මහින්ද "නෑ පුතා, මුගේ අයියා මාර බරකාරයා, අපට උගෙන් හොඳ ගානක් කපා ගත හැකියි," යි පවසයි. නාමල් දත් මිටි කමින් පිස්තෝලය සාක්කුවේ දමා ගනියි.


ඔවුන් සමග සිටින ආකර්ශා සහ ගීතා දුවගෙන විත් වීරයන්ගේ දෙපා මුල වැටෙති. ආකර්ශාගේත්, නාමල්ගේත් නෙතට නෙත හමුවේ. 'සරාං' ගා සිතාර් පාරක් වදියි. එහෙත් මොකුත් වන්නේ නැත. කුතුහලය දනවමින් චිත්‍රපටය අවසන් වේ මොකුත් වෙනවා නම් වෙන්නේ ඊළඟ කොටසේදී ය.


අන්තිමට මනස්කාන්ත නැටුම් දර්ශනයකි.


චිත්‍රපටය සඳහා නළු නිළියන් තෝරා ගැනීම සඳහා දැන් නිෂ්පාදකයන් සමග සාකච්ඡා සිදු වේ. ඒ සඳහා යෝජිත නම් පහත පළ වේ. චිත්‍රපය ජාත්‍යන්තර නිෂ්පාදනයක් කරනවාද නැතිනම් දේශීය වෙළඳපොළ සඳහා පමණක් නිකුත් කරනවාද යන කාරණය අනුව නළු නිළියන් තීරණය වනු ඇත.


නාමල් - අභිෂේක් බච්චන් හෝ නාමල් රාජපක්ෂ
මහින්ද - අමිතාබ් බච්චන් හෝ මහින්ද රාජපක්ෂ
ආකර්ශා - අයිශ්වර්යා රායි හෝ අනර්කලී ආකර්ශා
ගීතා - මධුරි ඩික්සිත් හෝ ගීතා කුමාරසිංහ
දුමින්ද - ඉර්ෆාන් ඛාන් හෝ දුමින්ද සිල්වා

2010-03-27

ධනවාදය සමග සෙට් වන ජාතිවාදයද? ජාතිවාදය සමග සෙට් වන ධනවාදයද? | A nationalism that goes with capitalism or a capitalism that goes with nationalism for Sri Lanka?

(2010 මාර්තු 27-W3Lanka ) සංචාරක ඇමති අචල සුරංග ජාගොඩ ඒකොන් සංදර්ශනය ගැන ලංකාවේ මාධ්‍යවලට කුමක් කීව ද ප්‍රංශ පුවත් සේවයට නම් ඇත්ත කියා ඇත. ඔහු කියනනේ මෙසේයි:



Sri Lanka lost a "priceless" promotional opportunity by banning the US star Akon from performing at a concert in Colombo following protests from Buddhist monks, the tourism minister said Thursday.
The rapper's concert on April 24 was blocked after monks complained about his "Sexy Bitch" music video featuring women in bikinis dancing around a pool. A Buddha statue was visible briefly in the background.
"We were expecting about 5,000 to 6,000 tourist from India, Maldives and Malaysia to watch the show. The mileage we would have got would have been priceless," Achala Jagoda told reporters in Colombo.
ඉන්දියාව, මාලදිවයින, මැලේසියාව වැනි රටවලින් මෙම සංදර්ශනය බැලීම සඳහා 5000ක් 6000ක් සංචාරකයන් එන්නට සිටි බවත්, මෙම සංදර්ශනයෙන් ලැබෙන්නට තිබුණු දේ මිළ කළ නොහැකි බවත් අචල කියයි. ඇත්ත ද එයයි. 
ඒකොන්ට වීසා අහිමි කෙරුණේ ඔහුගේ සෙක්සි චික් වීඩියෝවේ 2.06 වන තත්පරයේ මොහොතකට පෙනෙන බුදු රුවක් නිසා ය. 
මෙ සිද්ධිය අල්ලාගෙන ආණ්ඩුව අපහසුවට පත් කරමින් ලංකාවේ සංචාරක කර්මාන්තය ප්‍රවර්ධනය කිරීමට අමාත්‍යංශය හා කර්මාන්තකරුවන් දැරූ තැත කඩාකප්පල් කිරීම පිටුපස සිටින්නේ දිස්ත්‍රික් මාරු කර හෝ පාර්ලිමේන්තුවට යා ගැනීමට නොහැකිව සිටින එක්තරා ජාතිවාදී භික්ෂුවක් හා ආණ්ඩුවේම ජාතිවාදී ඇමතිවරයකු බවට ආරංචි පැතිරෙමින් තිබේ. මහින්ද රාජපක්ෂ ආණ්ඩුව සාර්ථක ධනේශ්වර සංවර්ධනයක් කළහොත් තමන්ට අනාගත අවස්ථා අහිමි වනු ඇතැයි මෙම බලවේග බිය වී ඇති බැවින් ජාතිවාදය පාවිච්චි කරමින් ආර්ථිකය කඩාකප්පල් කිරීමේ සියුම් වැඩසටහනක මෙම පිරිස නියැලී සිටින බව ද දැනගන්නට තිබේ.  
තමන් ජනාධිපති ද, නැතිනම් තවම විපක්ෂ නායක හෝ චන්ද්‍රිකාගේ ආණ්ඩුවේ අගමැතිදැයි හිටි හැටියේ නිනව් නැති වන ජනාධිපතිතුමා ද මේ කපටින්ගේ උගුලට පැන්නේය. පනින්න පෙර සිතා බලන්නැයි එතුමාට කියන්නට කවුරුවත් කැබිනට් මණ්ඩලයේ සිටියේ නැත. එහි ඉන්නේ පනින රිලවුන්ට ඉනිමං තබන අය බව කවුරුත් දනිති. 
ලංකාව බෞද්ධ තලේබාන්ලාට ඕනෑ හැටියට නටන රටක් බවට පත් වුවහොත් ලංකාවට සිදු වනු ඇත්තේ ආසියාවේ ආශ්චර්යය වීම පසෙක දමා ආසියාවේ සිම්බාබ්වේ වීමටයි. මහින්ද රාජපක්ෂ ආණ්ඩුව ලංකාවේ දැවැන්ත යටිතල පහසුකම් සංවර්ධනයක් කරන්නේ සංචාරකයන් හා ආයෝජකයන් ගෙන්නාගෙන ලංකාව 'යළි පුබුදන්නට' බව සැක නැත. ආයෝජකයන් හා සංචාරකයන් නාවොත් මේ පාරවල්, ගුවන් තොටුපළවල් ආදිය හදන්නට ගත් ණය ගෙවා ගන්නට බැරි වනු ඇත. 
ආණ්ඩුවේ කඳ ධනවාදී ය. ඔලුව හිස් නිසා ජාතිවාදී පක්ෂවලට එහි ඉහඳ තබන්නට පුළුවන් වී ඇත. 
අපට දැනගන්නට ලැබී ඇති අන්දමට නම් මේ ජාතිවාදී නරුමයන් සග කිසිවක් කරන්නට බැරි නිසා උන් ඡන්දයෙන් පැරැද්දවිය යුතු බවට දැන් ආණ්ඩුව ඇතුළෙන්ම ජනාධිපතිතුමාට බලපෑම් සිදු වෙමින් තිබේ. 
ඒ අතින් අන්න අපේ පංචායුද කුමාරයා නම් එළකිරි පොරකි. උන්නැහේත්, උන්නැහේගේ සංචාරක ගෝලයාත් ගානට වැඩේ දෙන හැටි දනිති. ආරංචි හැටියට නම් චම්පික රණවක උන්නැහේ බ්ලාස් කර දමන්නත් ඔවුන් දැන් වැඩේ සූදානම් කර තිබේ.  කේලමුන්ට ජයවේවා! 
අවංක ජාතිවාදීන්ගෙන් ධනවාදයට වැඩක් නැත. ජාතිවාදයේ පේටන්ට් එක බෙදා ගන්නට දෙන්නෙක් මොකටද? අනෙක දෙන්නා ම එන්නේ කොළඹින් ය. විමල්, චම්පික යන දෙන්නා ම ජනාධිපති පුටුවට යන්නට සැලසුම් කර තිබෙන්නේ එක ම බයිසිකලයකිනි. එක බයිසිකලය දෙන්නෙකුට පදින්නට බැරි ය. අවසානයේදී මහින්ද තෝරා ගනු ඇත්තේ ධනවාදය සමග ‍සෙට් වන ජාතිවාදය මිස ජාතිවාදය සමග සෙට් වන ධනවාදය නොවේ. 

2010-03-26

2010 දෙවන ෆිල්ම්ෆෙයාර් සම්මාන උළෙල දිනමිණ අනුග්‍රහයෙන් ලේක්හවුස් කැන්ටිමේදී | 2010 second Filmfare awards held in Lake House canteen sponsored by The Dinamina

ශිල්පා ෂෙට්ටි නංගි
 2010දි නම්
ඔය සෙල්ලම් බෑ.
බුරියට ප්ලාස්ටර් කැල්ලක්වත්
ගහගන්න
(2010 මාර්තු 26-W3Lanka ) අන්තර්ජාතික ඉන්දියානු ෆිල්ම් ෆෙයාර් සම්මාන උළෙල පැවැත්වීම සඳහා මෙවර ශ්‍රී ලංකාව තෝරා ගෙන ඇති බවට හා ආරක්‍ෂක, සංස්කෘතික හා ක්‍රීඩා අමාත්‍යාංශවල ද සහයෝගයෙන් මේ උළෙල ලබන ජුනි 02 දා සිට 04 දා දක්වා කොළඹ සුගතදාස ගෘහස්ථ ක්‍රීඩාංගනයේ දී ඉතා සාර්ථකව පැවැත්වීමට අවශ්‍ය සියලු පහසුකම් සළසා දෙන බව සංචාරක කටයුතු අමාත්‍ය අචල සුරංග ජාගොඩ පැවසූ බවට පට්ට පල් කෙබරයක් අද දිනමිණ කියා තිබේ.


2010 වසරේ ෆිල්ම්ෆෙයාර් සම්මාන උළෙල පසුගිය පෙබරවාරි 27දා පැවැත්විණි. එය නැවත පවත්වන්නට යන්නේ මන්දැයි විපරම කළ අපට දැනගන්නට ලැබුණේ ලංකාවේ පවත්වන්නට යන්නේ International Indian Film Academy (IIFA) Awards බවයි. ඇත්තෙන් ම ලංකාව මෙම චිත්‍රපට උළෙල ලංකාවේ පැවැත්වීමට උත්සාහයක් දැරූ බවක්වත් කලින් වාර්තා වූයේ නැත. බොහෝ දෙනෙක් අනුමාන කළේ එය දකුණු කොරියාවේ සියොල්හි හෝ අයර්ලන්තයේ හෝ පැවැත්වෙනු ඇති බවයි. ඉන්දියාව මෙය ලංකාවට බලෙන් මෙන් දී ඇත්තේ ලංකාව දැපනෙ දමා ගැනීමේ ඉන්දීය ප්‍රයත්නයේ කොටසක් ලෙසයි. IIFA සංදර්ශනයෙන් පසුව පැවැත්වීමට නියමිත බලය බෙදීමේ සංදර්ශනය සඳහා ලංකාවේ පසුබිම සකසා ගැනීම සඳහා ඉන්දියාව කටයුතු කරමින් සිටින බව ඇතැමෙක් පවසති.


මේ බව දැනුම් දීම සඳහා සංචාරක අමාත්‍යංශය විසින් ඊයේ පවත්වන ලද මාධ්‍ය හමුවේදී මාධ්‍යකරුවන්ගේ වැඩි අවධානය යොමු වුණේ ඒකොන් සංදර්ශනයට සංචාරක අමාත්‍යංශයේ සම්බන්ධය පිළිබඳවයි. සංචාරක ඇමති සහ අමාත්‍යංශ නිලධාරීන් සිය ඉරුණු කලිසම් පස්සවල් දෑතින් වසා ගැනීමට යත්න දරමින් සිටින අකර දිනමිණේ වාර්තාකාරිනය හීනයක් දැක තිබේ. ඒ හීනෙන් ඇය දැක ඇත්තේ 'පා' චිතුපටය වෙනුවෙන් අමිතාබ් බච්චන් හා විද්‍යා බාලන් සුගතදාස ක්‍රීඩාංගනයේදී හොඳම නළුවා හා නිළිය සම්මානය දිනා ගන්නා අන්දමයි.


IIFA ලංකාවේ පැවැත්වීමට සංචාරක අමාත්‍යංශය ජාතික හෙළ උරුමයෙන් අවසර ගත්තා ද යන්න තවම දැනගන්නට නැත. කෙසේ වෙතත්, මෙම සංදර්ශනයේ ප්‍රසාංගික නිරූපණයන් කරන කාන්තාවන්ට දිග ගවුම් ඇඳ නටන්නට සිදු වනවා නිසැකය. බුරිය හෝ දනහිසට අඟලක් උඩින් වටොර දැක්කොත් සංඝ සම්මේලන ගල්කාරයන් සුගතදාස ක්‍රීඩාංගනය වටලනු ඇත. (සංඝ සම්මේලනය මේ ගල් සෙල්ලමට සම්බන්ධ බව කීවේ අප නොවේ ලක්ෂ්මන් හුළුගල්ලයි. එබැවින් අපට ගල් ගැසීමෙන් වළකින්න. ගල් සෙල්ලම් හොඳ නැත.) එවිට ජනාධිපති ද උන් සමග එක් වී ෂාරුක් ඛාන්, අමිතාබ් බච්චන් වැන්නන්ට වීසා අවලංගු කරනු ඇත. විද්‍යා බාලන්ට අඬ අඬා ගෙදර දුවන්නට සිදු වනු ඇත. 



ඒකොන් සමග නටමින් සාදුලා සමග ගල් ගැසීම | Dancing with Akon and pelting stones with Buddhist monks

(2010 මාර්තු 26-W3Lankaඉංග්‍රීසියෙන් running with the hare and hunt with the hounds නම් අපූරු ප්‍රස්ථාව පිරුළක් ඇත. හාවුන් සමග දුවමින් බල්ලන් සමග දඩයම් කිරීම ලෙස මෙය පරිවර්තනය කළ හැකිය.


මහින්ද චින්තනය යටතේ ද බොහෝ විට සිදු වන්නේ මෙවැනි ක්‍රියායි. අපේ රජ්ජුරුවන්ට මෙන් ම ගෝල බාලයන්ට ද හිටි හැටියේ තමන් පාලකයන් බව අමතක වේ. එවිට ඔවුහු වීදියට බැස වීදුරුවලට ගල් ගසති. අලුත්ම උදාහරණය ඒකොන් නාඩගමයි.


ඒකොන් ලංකාවට ගෙන්වා ගැනීම සඳහා මූලිකත්වය ගෙන කටයුතු කළේ සංචාරක ප්‍රවර්ධන කාර්යාංශයයි. එහි අරමුණ ලංකාවේ සංචාරක ප්‍රවර්ධනය බව කාර්යාංශයේ මූලිකත්වයෙන් පසුගිය 17දා පැවති මාධ්‍ය හමුවකදී කාර්යාංශයේ ලොක්කා ම පැවසීය.


ඩයලොග්, ශ්‍රී ලංකන් ගුවන් සේවය, සිනමන් ග්‍රෑන්ඩ් හෝටලය සහ යර්ස් එෆ්.එම්. සමාගම් මෙම ප්‍රසංගය සඳහා අනුග්‍රහ දක්වන්නට ඉදිරිපත් වී තිබිණි. බෞද්ධයන් බහුතරයක් සිටින සිංහල ක්‍රීඩා සමාජය ද මෙම සංදර්ශනය සංවිධානය කිරීම පසුපස සිට තිබේ. එය හරියට සෙක්සි චික් ගීතයේ අනග රැඟුම් දක්නට ලැබෙන නාන තටාකය පසුබිමේ ඇති බුදුරුව වැනි ය. බැනුම් ඇසූ සිරස නම් ඇත්තෙන් ම මේ පිටුපස තමන් නොසිටි බව කියයි. අනේ පව්!


සංචාරක ප්‍රවර්ධන කාර්යාංශය අයත් වන්නේ පංචායුධ විමල් වීරවංශ කුමාරයාගේ පාක්ෂික හා ප්‍රාණසම මිත්‍ර වූ ද, සංචාරක ඇමති අචල සුරංග ජාගොඩගේ විෂය පථයටයි.


මේ සංදර්ශනයට විරෝධය පළ කළ ජාතික සංඝ සම්මේලනය සිරසට එල්ල කර ප්‍රහාරයේ වගකීම භාර ගෙන ඇති බව ජාතික ආරක්ෂක මාධ්‍ය ආයතනයේ අධ්‍යක්ෂ ජනරාල් ලක්ෂ්මන් හුළුගල්ල පවසයි. මේ ජාතික සංඝ සම්මේලනයේ සැබෑ නායකයා ආණ්ඩු පක්ෂයේ මන්ත්‍රී හා ගම්පහ දිස්ත්‍රික් අපේක්ෂක අතුරලියේ රතන හිමි ය.


නඩුත් හාමුදුරුවන්ගෙ - බඩුත් හාමුදුරුවන්ගෙ යයි කියන්නේ මේවාටයි. රු. 25,000 දක්වා මිළ වූ මේ සංදර්ශනයේ ටිකට් මිළ දී ගෙන එය බලන්නට යන්නේ අපේ පංතියේ අය නොව දැන් විමල්ලා, චම්පිකලා වන්දනා කරන තුප්පහි පංතියේ අයයි. ඇත්තම කියනවා නම් අපි මේ ඒකොන් ගැන දැන ගත්තේ ද මේ ගල් සෙල්ලම නිසා ය.


එහෙත්, දැන් බුද්ධ රූප කතන්දරේ අමතක කර බැලුවාම ඒකොන්ගේ වීඩියෝ බලන එක නිල් චිත්‍රපට බැලීම මාර අපරාදයක් බටට පත් කර තිබෙන ලංකාවේ අයට ප්‍රමාණවත් ආතල් එකකි. අන්තර්ජාලය වාරණය කරන්නට ආණ්ඩුව විසින් ගෙන්නන ලද චීන්නුන්ට දැන් ඒකොන්ගේ වීඩියෝ පවා වාරණය කරන්නට සිදු වන තරමට ලංකාවේ කොල්ලෝ සහ කෙල්ලෝ ඒවා නරඹති.


ලංකාවේ සංචාරක කර්මාන්ත ප්‍රවර්ධනය පසෙක තිබියදී දැන් මේ රට ගැන ලෝකයේ ප්‍රචාරය වන්නේ සුදු වටොරක්, වසා රොදක්, පීන පයෝධර යුගලක් දැක්කොත් වියරු වැටෙන බෞද්ධ තලේබාන්ලා මේ රටේ සිටින බවයි. කාටද ආඩම්බර?


ඒකොන්ට මේ සංදර්ශනය පැවැත්වීමෙන් ලැබෙන මුදලින් කර ගත නොහැකි ප්‍රචාරයක් ගල් සෙල්ලම නිසා ඔහුට ලැබී තිබේ. ගල් සෙල්ලම් හොඳ නැති බව කපුටා අපට කියා දුන්නේ අප නම් බාලාංශ පංතිවල ඉන්න කාලේ ය. කරුමෙට පිරිවෙන්වල බාලාංශ පංති නැත. 


අපේ මිතුරකු විහිළුවට කීවේ ඒකොන් දැන් බුද්ධාගමට හැරී ඇති බවයි. ඔහුගේ දැන් නම අලහකෝන්ලු.

2010-03-25

ඒකොන්ගේ සෙක්සි චික් වීඩියෝවේ බුදු රුව ගැන කදිම පාඨක අදහසක්

උදිත  විසිනි


(මෙම වීඩියෝව රූපගත කළ) IBIZA හි නිවාඩු නිකේතනයක නාන තටාකය අභියස මෙම වීඩියෝවට අදාල බුද්ධ ප්‍රතිමාව අදටත් ඇත.


මෙහි දිනපතා ගෑනු නාන්නේ බිකිනි ඇඳගෙන මිස රෙදි ඇඳගෙන නොවේ.


බිකිනි ඇඳගෙන බුද්ධ ප්‍රතිමාවක් අභියස නැටූ විට බුදුන්ට අපහාසයක් වේ නම් මර දූවරු බුදුන් අභියස නටන සිතුවම්...?


මීට වඩා පුළුල් දැක්මකින් ලොව දැකීමට ලාංකික මෝඩයින්ට නොහැකි වීම අරුමයක් නොවේ.


රටේ අනාගත නීති සැදීම සඳහා රස්තියාදුකාරයින් පාර්ලිමේන්තු යවන මේ මැට්ටන්ට වඩා ගැලපෙන්නේ රස්තියාදුකාර ඒකොන් වැන්නන් මිස බුදුන් නොවේ.

ජාතිවාදය හා ජාතිකවාදය | Nationalism and nationalist chauvinism

අජිත් පැරකුම් ජයසිංහ -

පසුගිය සතියේ අප විසින් සම්පාදනය කරන ලද ලිපියට අන්තර්ජාලය හරහා ප්‍රතිචාර දැක්වූ පාඨකයෙක් අප "සිංහල අයට 'ජාතිවාදීන්' (racist) කියාත් දෙමළ අයට කයන්නක් එක් කර 'ජාතිකවාදීන්' (nationalist) කියාත්" භාවිතා කරන්නේ මන්දැයි අසා තිබිණි.


එහෙත් මෙම ලිපියේ කොතැනකවත් එසේ භාවිතා කර නොතිබුණු අතර අපගේ ලේඛනවල අප එසේ භාවිතා කර තිබේ යයි ඔප්පු කරන ලෙස අප එම පාඨකයාගෙන් ඉල්ලා සිටිය ද ඔහු ඉන් පසු නිහඬ විය. මෙම වචන පිළිබඳව අප මුල සිට ම සංවේදී වුණෙමු. 'ජාතිවාදය' යන වදන අප භාවිතා කළේ නිශ්චිත අරුතකින් යුතුව සීමිත අවස්ථා ගණනාවකදී පමණි.


මෙවැනි අභූත චෝදනාවක් මතු කිරීම ද අප දකින්නේ සිංහල ජාතිවාදී හීනමාන සිතීමක ප්‍රතිඵලයක් ලෙසයි. එය එසේ වන්නේ කෙසේදැයි පැහැදිලි කිරීම සඳහා මෙම වචන හා ඒවායින් ප්‍රකාශ වන සංකල්ප පිළිබඳ අදහසක් ඉදිරිපත් කළ යුතු යයි සිතමි.


මෙහිදී අප උත්සාහ කරන්නේ ලාංකීය සංදර්භය තුළ හා සිංහල භාෂීය අවකාශය තුළ මෙම වචන සඳහා අරුත් ලැබෙන ආකාරය විමසා බැලීමටයි. එහෙයින් ජාතිකවාදය හෙවත් nationalism පිළිබඳ ප්‍රධාන වශයෙන් ඉංග්‍රීසි බසින් නිර්මිත විදග්ධ කතිකාවන්ගේ ඉදිරිපත් කිරීම් හා මෙම අදහස් අතර පරස්පරතාවක් තිබිය හැකිය.


ජාතිය, ජාතිකත්වය, ජන වර්ගය වැනි යෙදුම් කිහිපයක් ම සිංහල බසින් ලාංකීය දේශපාලන ප්‍රජාවේ යම් කොටස් හැඳින්වීම සඳහා භාවිතා වී තිබේ. මෙම වචනවල නූතන අරුත් මීට සියවසකට පෙර අරුත්වලට වඩා වෙනස් වී තිබේ. අනගාරික ධර්මපාලතුමාගේ ප්‍රකාශනවල ඇතැම්විට ජාතිය යන්නෙන් අදහස් කර තිබෙන්නේ කුලයයි. පොදු ජන ව්‍යවහාරයේ අද පවා කුලය හැඳින්වීමට ජාතිය යන වදන භාවිතා වන බව අඩු ජාතිකාරයා වැනි යෙදුම්වලින් පෙනේ. එහෙත් දේශපාලන වාග්කෝෂයේ නම් තව දුරටත් ජාතිය යන්නෙන් කුලය අදහස් වන්නේ නැත.


ජාතිය යන වචන නැවත අර්ථකථනය වන්නේ ලංකාවේ ජීවත් වන ජන ප්‍රජාවන්ගේ අනන්‍යතාව ප්‍රකාශ වන ආකාරය වෙනස් වීමත් සමගයි. ලංකාවේ ජීවත් වූ ජන ප්‍රජාවන් බ්‍රිතාන්‍යයන්ගේ පැමිණීමට පෙර කාලයේ සිය අනන්‍යතාවන් ප්‍රකාශ කිරීමට යොදා ගත් සංඥා නාම අදට වඩා සපුරා වෙනස් ඒවා ය. කොටින් ම තමන් සිංහල හෝ දෙමළ ජාතීන් ලෙස සැලකීමේ අවශ්‍යතාවක් ඔවුන්ට තිබුණේ යයි කිව නොහැක. එදා ඔවුන්ගේ ප්‍රධාන දේශපාලනික අනන්‍යතාවන් සලකුණු වන්නට ඇත්තේ ජීවත් වූ ප්‍රදේශ අනුවයි. කන්ද උඩරට, පහතරට, රුහුණ, යාපනය, වන්නිය, මඩකලපුව, දිගාමඩුල්ල වැනි ප්‍රාදේශීය අනන්‍යතා සමග කුල, ආගමික හා භාෂාමය අනන්‍යතා ද පවතින්නට ඇත.


මිනිසුන්ගේ අනන්‍යතාව කිසිදු සංදර්භයක් තුළ එක් නිශ්චිත කරුණකින් පමණක් තීරණය වන්නේ නැත.


ඉංග්‍රීසීන්ගේ සියවස් එකහමාරක පමණ යටත් විජිත පාලනය තුළ ලංකාවේ ජන විකසනයේ විප්ලවීය වෙනසක් සිදු විය. මෙම වෙනස සිදු වීමට ප්‍රධාන හේතුවක් වූයේ මාර්ග පද්ධතියේ ඇති වූ වේගවත් සංවර්ධනයයි. එය විසින් ජන ප්‍රජාවන් අතර සම්බන්ධතා වර්ධනය කරන ලදී. සමානකම් හා වෙනස්කම් පිළිබඳ අවබෝධය පුළුල් කරන ලදී. මේ අතර, ඉංග්‍රීසීහු සිලෝන් ලෙස ඔවුන් විසින් නම් කරන ලද මෙම දිවයින එක් පරිපාලන පද්ධතියක් හා ඒකීය රාජ්‍යයක් බවට පත් කළහ. ඉංග්‍රීසීන් විසින් ලංකාව යටත් කර ගැනීමට ආසන්න සමයේ ලංකාවේ තිබුණේ පාලන විවිධත්වයකි. යාපනය, වන්නිය, කන්ද උඩරට හා පහතරට ලෙස හෝ වෙන් කර දැක්විය හැකි පාලන විවිධත්වයක් ආසන්න පූර්ව යටත් විජිත සමයේ තිබිණි. මෙය මුල් වරට ඒකීය ලංකා රාජ්‍යයක් බවට පත් කළේ ඉංග්‍රීසීන් විසිනි. අප අද හිස් මුදුනින් බදාගෙන සිටින්නෙ සුද්දා දුන් මේ දෑවැද්දයි.


ඉංග්‍රීසීන් විසින් ලංකාව ඒකීය රාජ්‍යයක් බවට පත් කරනු ලැබුවේ ඔවුන්ගේ පාලන පහසුව පිණිස මිස ලංකාවේ ජීවත් වූ ජන ප්‍රජාවන්ගේ උන්නතිය සඳහා නොවේ. ලංකාවේ ජනතාවට භාෂාමය අනන්‍යතාව ප්‍රමුඛ වන්නට පටන් ගත්තේ ඉංග්‍රීසි දේශපාලන හා භාෂාමය ආධිපත්‍යයේ පීඩනය නිසා බව අපි යෝජනා කරමු. ඊට පෙර මේ රටේ ජනතාවට භාෂාව ගැටළුවක් වී තිබූ බවක් නොපෙනේ. අනන්‍යතාව භාෂාමය පදනමින් සලකුණු කරගෙන සංස්කෘතික සංරක්ෂණවාදයක් වෙත යොමු වූවා නම් ලංකාවේ සිංහල හා දෙමළ භාෂාවන් මෙතරම් විචිත්‍ර ප්‍රාදේශීය අනන්‍යතාවන් සහිත භාෂා ඒකක බවට පත් නොවන්නට තිබිණි. දෙමළ ආභාසය නොතිබුණා නම් අද අප කතා කරන සිංහල භාෂාව වෙනත් එකක් වන්නට තිබිණි. එසේම ලාංකීය දෙමළ භාෂාව ද සිංහල ආභාසයෙන් නොමඳව පෝෂණය වී තිබේ.


ලංකාවේ ජන ප්‍රජාවන් භාෂාමය අනන්‍යතාවකින් යුතුව සිංහල, දෙමළ ලෙස සංවිධානය වන්නට පටන් ගන්නේ ඉංග්‍රීසි දේශපාලන හා භාෂාමය ආධිපත්‍යය තුළ එයට ප්‍රතිචාරාත්මක ලෙසයි. වන්නියේ ජනතාව සිංහල, දෙමළ ලෙස දෙපසට බෙදුණු ආකාරය අධ්‍යයනය කිරීම මෙහිදී රසවත් ය. තවමත් වන්නියේ ඇතැම් සිංහලයන් භාවිතා කරන්නේ පියාගේ නම පුතාට වාසගම ලෙස යෙදෙන දෙමළ නාමකරණයයි. වේලුපිල්ලෛගේ පුතා වේලුපිල්ලෛ ප්‍රභාකරන් වී ප්‍රභාකරන්ගේ පුතා ප්‍රභාකරන් බාලචන්ද්‍රන් වන්නා සේ කන්දප්පුගේ පුතා කන්දප්පුගේ සුදුබංඩා වී ඔහුගේ පුතා සුදුබංඩාගේ චමින්ද වේ. ඉංග්‍රීසි පාලනය තුළ භූ දේශපාලනයේ සිදු වූ වෙනස්කම් හා සමපාතව වන්නියේ ජනප්‍රජාව ද සිය ප්‍රමුඛ අනන්‍යතාව භාෂාමය එකක් බවට පත් කරගෙන දෙමළ, සිංහල මිනිස්සු බවට පත් වූහ. සිංහල සමාජයේදී වන්නියේ මිනිසුන් අවමානයට පත්කිරීමට තවමත් බයියා යන වචනය භාවිතා වන්නේ ඉතිරි වූ අනන්‍යතා නෂ්ඨාවශේෂ හේතුවෙනි.


ඉංග්‍රීසීන් දෙවන ලෝක යුද්ධයෙන් පසු නිදහස සඳහා අරගල කරමින් සිටි ඉන්දියාව අතහැර යන විට ලංකාවේ ජන ප්‍රජාවෝ භාෂාමය අනන්‍යතාවන් යටතේ නැවත සංවිධානය වෙමින් සිටියහ. එහෙත් ඒ වන විටත් සිංහල, දෙමළ භාෂාමය අනන්‍යතාවන්ට වඩා උඩරට, පහතරට, යාපනය, මඩකලපු හා ඉන්දීය සම්භවයකින් යුත් වතු කම්කරු වැනි අනන්‍යතාවන් ප්‍රමුඛ විය. ඉංග්‍රීසීන් විසින් නිදහසින් පසු ලාංකිකයන්ගේ හිස මත අතහැර ගියේ මෙම වෙනස් වෙමින් පැවති ස්වදේශික අනන්‍යතාවන්ට ගැලපෙන රාජ්‍යයක් නොවේ. පැවති රාජ්‍යය ඔවුන් විසින් නිර්මානය කරනු ලැබුවේ මේ රටේ ජීවත් වූ ජන ප්‍රජාවන් වෙනුවෙන් නොව තමන්ගේ පාලන පහසුව වෙනුවෙන් බැවින් මේ රට දමා යන විට මේ රටේ මිනිසුන්ට අවශ්‍ය ආකාරයේ රාජ්‍යයක් නිර්මානය කර දී යාමේ අවශ්‍යතාවක් ඔවුන්ට නොතිබිණි. ඉංග්‍රීසීන් විසින් හඳුන්වා දෙන ලද ඡන්ද ක්‍රමය හා ප්‍රමාණාත්මකව බහුතර ජනගහණය වීම නිසා මෙතැනදී සිංහල බස කතා කරන ජනයා වාසිදායක තත්වයකට පත් විය. ඒ‍ හේතුවෙන් සිංහල කතා කරන ජනතාව වඩා වේගයෙන් නව දේශපාලන ප්‍රජාවක් ලෙස සංවිධානය විය. ලංකා රාජ්‍යයේ දේශපාලන ආධිපත්‍යය සියතට පත් වීමත් සමග එය ජාතිය නම් වඩනය සිය අනන්‍යතාව සලකුණු කිරීම සඳහා යොදා ගන්නට පටන් ගත්තේ විදේශ ආභාසයෙනි. එය හරියට ම කිවහොත් බ්‍රිතාන්‍යයේ වෙසෙන ඉංග්‍රීසි, ස්කොට්, වේල්ස්, අයිරිෂ් ජාතීන් අතරින් ඉංග්‍රීසීන් ප්‍රමුඛ වීම වැනි දෙයකි.


දෙමළ බස කතා කරන ජනයා එම බස පදනම් කරගෙන ජාතියක් ලෙස සංවිධානය වීම ආරම්භ වූයේ මේ සමගයි. සිංහලයන්ට රාජ්‍යය තුළ හිමි වී ඇති ආධිපත්‍යය ප්‍රශ්න කිරීම දෙමළ ජාතිය ගොඩනැඟීමේ ක්‍රියාවලියේ මුල් යුගයේ සිට ම දක්නට ලැබේ. සිංහල දෙමළ දෙජාතිය ම සිය අනන්‍යතාව ගොඩනඟා ගන්නේ අනෙක් ජාතිය අනෙකා කරගෙනයි. ලංකාවේ ජාතික ප්‍රශ්නය නිර්මානය වන්නේ එසේයි. ජාතික ප්‍රශ්නය මුල සිට ම රාජ්‍යය හා දේශපාලනය හා සම්බන්ධ ප්‍රශ්නයක් බව මෙයින් පැහැදිලි වේ. නොඑසේව, ජාතික ප්‍රශ්නය යනු ජවිපෙ වැනි බලවේග කියන අන්දමේ හුදු භාෂාමය ප්‍රශ්නයක් නොවේ. ජවිපෙ කියන අන්දමින් පැමිණිලි ලියා ගන්නට පොලිසියට දෙමළ නිලධාරීන් පත් කිරීම වැනි ක්‍රියා ඔස්සේ ජාතික ප්‍රශ්නය විසඳිය නොහැක්කේ එබැවිනි.


අපගේ ප්‍රස්තුතය වන ජාතිවාදය හා ජාතිකවාදය අතර වෙනස පැහැදිලි කර ගැනීම සඳහා මෙතැනින් ප්‍රවේශ විය හැකිය. සිංහල දෙමළ අනන්‍යතාවන් ඇත්තෙන් ම ජාතික හෙවත් ඉංග්‍රීසියෙන් nationalist අනන්‍යතාවන් බව අපි තර්ක කරන්නෙමු. ඒවා ඉංග්‍රීසියෙන් race හෝ ethnicity ලෙස දක්වන අනන්‍යතාවන් පසු කර ගිය දේශපාලනිකව රාජ්‍ය අයිතිය පිළිබඳ තර්කයක් මත පදනම් වූ ජාතීහු වෙති. සිංහල මූලික ශ්‍රී ලාංකික රාජ්‍යය රැක ගැනීමේ සිංහල අභිලාෂය හා දෙමළ ජාතියට සිංහලයන් හා සම තැන
ලැබෙන රාජ්‍ය ප්‍රතිසංස්කරණයක් සඳහා වූ දෙමළ අභිලාෂය යන දෙක ම ජාතිකවාදී අභිලාෂයෝ වෙති. ඒ අරුතින් ගත් කල එක් තැනකදී චම්පික රණවකත්, වේලුපිල්ලෛ ප්‍රභාකරනුත් ජාතිකවාදීහු වෙති.


ජාතිවාදය ලෙස සාමාන්‍ය ව්‍යවහාරයේ යෙදෙන්නේ තමන්ගේ ජාතිය වඩා උසස් යයි සිතාගෙන තවත් ජාතියක් අවමානයට හා පීඩනයට ලක් කිරීමයි. මේ සඳහා වඩා උචිත ඉංග්‍රීසි යෙදුම වන්නේ nationalist chauvinism හෙවත් ජාතික ස්වෝත්තමවාදය යන්නයි. ලංකාවේ රාජ්‍යය යථාර්ථවාදී සම්මුතියක් ඔස්සේ සියලු ජාතීන්ට සම තැන් ලැබෙන අන්දමින් වෙනස් කර ගැනීමට අකැමැති වන්නෝ ජාතිවාදීහු වෙති. මෙතැනදී චම්පික රණවකත්, වේලුපිල්ලෛ ප්‍රභාකරනුත් ජාතිවාදීහු ද වෙති. අප මෙහිදී නම් භාවිතා කරන්නේ නිදසුනක් ලෙස මිස එම චරිතවලට අපහාසයක් කිරීමට නොවන බව කරුණාවෙන් සලකන්න.


අපේ දේශපාලනික ස්ථාවරය පැහැදිලි එකකි. අපි ජාතිකවාදයට විරුද්ධ නැත. අප කියන්නේ සිංහලයන්ට තම ජාතිකවාදය ප්‍රවර්ධනය කරන්නට තිබෙන අයිතිය දෙමළ අයට ද තිබිය යුතු බවයි. දෙමළ ජනයාට එම හිමිකම නැති යයි යමකු තර්ක කරන්නේ නම් ඔහු හෝ අය පැහැදිලිව ම සිංහල ජාතිවාදියෙකි.


දෙමළ ජනයා අතර ද ජාතිවාදීහු සිටිති. සිංහලයා සමග කුමන තත්වයක් යටතේ හෝ කිසිදු සම්මුතියක් අනවශ්‍ය බව හා ‍දෙමළ ජනයාට අවශ්‍ය ඊලම ම පමණකැයි කියන්නෝ දෙමළ ජාතිවාදීහු වෙති.


සිංහල ජාතිවාදීන් ප්‍රමාණාත්මකව සුළුතර දෙමළ ජාතිකයන් බලයෙන් මර්දනය කරන අන්දමින් ම දෙමළ ජාතිවාදියෝ ද ප්‍රමාණාත්මකව සුළුතර මුස්ලිම් ජාතිකයන් මර්දනය කරති. මුස්ලිම් ජාතිවාදියෝ මෙය ම මැලේ ජනයාට කරති.


ජාතිකවාදය තුළ ද ජාතිවාදී ප්‍රවණතා තිබේ. ඒවා දුටු තැනදී අපි ජාතිවාදය ලෙස එය හඳුනා ගනිමු. ජාතිවාදියා සිංහල වුණත් දෙමළ වුණත්, ඌට ජාතිවාදියා යයි කියන්නට අපි බය විය යුතු නැත.

2010-03-24

විදේශ ශ්‍රමිකයිනි, ඔබේ වටිනා ඡන්දය මේ ආණ්ඩුවට දී ඔබ දුක සේ උපයා එවූ මුදලින් මේ දේශපාලන හා රජයේ සේවක පරපෝෂිතයන් නඩත්තු කරනවාද? | Expatriate workers, will you maintain these parasites further with your hard earned remittances?

(2010 මාර්තු 24-W3Lankaවිදේශ රැකියා ප්‍රවර්ධන හා සුබසාධන අමාත්‍යාංශයේ ලේකම් සුනිල් එස්.සිරිසේන පවසන පරිදි විදේශ රැකියාවල යෙදෙන ලාංකිකයන් ඇමරිකන් ඩොලර් බිලියන 3.3ක හෙවත් රුපියල් කෝටි 33000ක විදේශ විනිමය 2009දී ලංකාවට එවා තිබේ. ඒ අනුව, 2009දී ලංකාවේ ප්‍රධාන වදේශ විනිමය උත්පාදන මාර්ගය වී ඇත්තේ විදේශ රැකියායි.


ආණ්ඩුවේ දේශපාලකයන් විදේශ රැකියාවකට යාමට බලාපොරොත්තුවෙන් සිටින ලාංකිකයන්ගෙන් ආරම්භයේදී ම සැලකිය යුතු මුදලක් ගසා කති. මෙම විදේශ ශ්‍රමිකයන් වෙනුවෙන් ආණ්ඩුව කරන එකම වැදගත් සේවය වන්නේ යම් පුද්ගලයකු එතෙරදී මිය ගියහොත් මාස ගණනක් පමා වී හෝ මිනිය මෙරටට ගෙන්වා දීමයි. ‍සේවයේ යෙදී සිටින හෝ ආපසු මෙරටට පැමිණි විදේශ ශ්‍රමිකයන් වෙනුවෙන් ආණ්ඩුව කිසිදු ඵලදායී සුබසාධන සේවයක් සපයන්නේ නැත.


මේ මිනිසුන් එතෙරදී දහ දුක් විඳ උපයාගෙන එන මුදලින් ආණ්ඩුව කරන්නේ තමන් ඇතුළු පරපෝෂිතයන් රොත්තක් නඩත්තු කිරීමයි. දේශපාලකයන් සහ රජයේ සේවකයන් නම් වන මෙම පරපෝෂිතයන්ට නිකම් සිට වැටුප් ගැනීමට හා මැරෙන තෙක් විශ්‍රාම ලැබීමට ද පහසුකම් රජය විසින් සපයා තිබේ. රටට විදේශ විනිමය ගෙන එන විදේශගත ශ්‍රමිකයන්ට මේ කිසිවක් නැත. එපමණක් නොව, මේ පරපෝෂිතයන් විදේශ ශ්‍රමිකයන් අතරින් බහුතරය වූ මැදපෙරදිග ගෘහ සේවිකාවන් පිළිබඳ කතා කරන්නේ පවා අවමානයෙනි.


මහින්ද රාජපක්‍ෂ ජනාධිපතිතුමන් පාලන කාලය තුළ උපාධිධාරීන් හැටදහසකට රැකියා ලබාදුන් බවත්, ඉදිරියේදී ජන සභා ලේකම්වරුන් හා සෞන්දර්ය ගුරුවරුන් වශයෙන් තවත් 17,000 කට රැකියා ලබාදීමට නියමිත බවත් අපනයන සංවර්ධන සහ ජාත්‍යන්තර වෙළෙඳ ඇමැති මහාචාර්ය ජී. එල්. පීරිස්‌ පැවසීය.


එම තත්ත්වය යටතේ අද රැකියාවන්හි නිරතවන වයස්‌ පරතරයේ පසුවන සෑම 17 දෙනකුගෙන්ම එක්‌ අයෙකු රජයේ සේවකයෙකු බවත් ඇමැතිවරයා වැඩිදුරටත් පැවසීය.


එළැඹෙන මහ මැතිවරණයේ හම්බන්තොට දිස්‌ත්‍රික්‌ උපාධිධාරීන්ගේ සහාය රජයට ලබාදීමේ අරමුණින් හම්බන්තොට දිස්‌ත්‍රික්‌ ශ්‍රී ලංකා නිදහස්‌ උපාධිධාරී සම්මේලනය මඟින් සංවිධානය කළ රැස්‌වීමක්‌ අමතමින් ඇමැතිවරයා එම අදහස්‌ පළ කළේය.


උපාධිධාරීන් ඇතුළු රජයේ සේවකයන් මේ රජයට සහාය නොදී සිටින්නේ කුමටද? රජයේ ආයතන බොහොමයක රජයේ සේවකයන්ට කරන්නට වැඩක් ඇත්තේ ම නැත. නිදසුනක් ලෙස පාසල්වල මේ වන විට නිසි කාලසටහනක් නැති උපාධිධාරී ගුරුවරුන් කීදෙනෙක් සිටිනවාද? එහෙත්, ඉංග්‍රීසි වැනි විශේෂ විෂයන් සඳහා රට තුළ උග්‍ර ගුරු හිඟයක් ඇත.


මේ වන විට දේශපාලකයන් විසින් කොයි තරම් ඵලදායී නොවන පත්වීම් දී තිබේද යත් අද වන විට පාසල්වල අනධ්‍යයන කාර්ය මණ්ඩල වැහි වැහැලා ය. පොත් දෙතුන් සියයක් තිබෙන පොත් කබඩ් වෙනුවෙන් පවා පුස්තකාලයාධිපතිවරුන් පමණක් නොව පුස්තකාල කාර්ය සහායකයන් ආදීන් පවා පත් කර තිබේ. මෙම පුස්තකාලවල තිබෙන පොත් පත්වල වටිනාකමට වඩා මුදලක් කාර්ය මණ්ඩලවලට වැටුප් ගෙවීමට වැය වේ. එහෙත්, තවමත් බොහොමයක් පාසල් පුස්තකාල ළමයින්ට කියවීම සඳහා පොත් නිකුත් කරන්නේ නැත.


ළමයින් දෙතුන් සියයක් අධ්‍යාපනය ලබන හද්දා පිටිසර පාසල්වල පවා දැන් කාර්යාල කාර්ය සහායකයන්, කම්කරුවන් ආදීහු සිටිති. එහෙත්, පාසල්වල වැසිකිලි පවා සෝදන්නේ ශිෂ්‍යයෝ ය. අපි අධ්‍යාපන අමාත්‍යංශයේ කෙරුවාව ගැන විශේෂයෙන් සඳහන් කළේ තවත් තෙරුමතුගේ කයිවාරු හේතුවෙනි.


එක්සත් ජනතා නිදහස් සන්ධානයේ මහලේකම්, අධ්‍යාපන ඇමැති සුසිල් පේ‍්‍රමජයන්ත එක්සත් ජනතා නිදහස් සන්ධානය මහවැලි කේන්ද්‍රයේ මාර්තු 22දා පැවැත්වූ මාධ්‍ය හමුවේදී මෙසේ පැවසීය.


"2010 දී මේ රජය විසුරුවීමට පෙර ගුරුවරුන් 35,700 ක් අලුතින් බඳවා ගැනීමට රජය කටයුතු කැර තිබුණා. උපාධිධාරි ගුරුවරුන් 18,000 ක් බඳවා ගත්තා. අවස්ථා 3 කදී විද්‍යා පීඨ ගුරුවරුන් බඳවා ගත්තා. ඒ වරකට තුන් දහස බැගින් වන පරිදියි. වතුකරයේ පාසල්වලට දමිළ ගුරුවරුන් 3115 ක් හා මුස්ලිම් ගුරුවරුන් 600 ක්ද පත්කළා.


"ස්වේච්ඡා ගුරුවරුන් 4700 කට ගුරු සහයක පත්වීම් ලබාදී දැන් ගුරු අභ්‍යාස විද්‍යාලවල පුහුණුව ලබනවා. දැනට ගුරු සේවයේ සිටින ගුරුවරුන්ගෙන් 1/4 කට පත්වීම් ලබා දුන්නේ අපියි. අවුරුදු 8 ක් තිස්සේ ප්‍රමාද වී තිබූ සමෘද්ධි පත්වීම් ලබා දුන්නා. ඉන් කොටසක් වතුකරයේ දමිළ ගුරුවරුන් ලෙස නුවරඑළියට පත් කළා. ගුරු සිසු අනුපාතය දැන් 18:1 බවට පත්වෙලා.


"විදුහල්පති උසස්වීම් අවුරුදු ගණනක් ප්‍රමාද වී තිබුණා. එම උසස්වීම් ලබාදීමට අපි කටයුතු කළා. අධ්‍යාපන පරිපාලන සේවයේ පුරප්පාඩු 196 ක් තිබුණා. ඒ සියල්ල පිරවීමට කටයුතු කළා."


මෙසේ දුන් පත්වීම් අතරින් විද්‍යාපීඨ ගුරුවරුන්, දෙමළ හා මුස්ලිම් ගුරුවරුන් හැර අන් වර්ගවල ගුරුවරුන්ගෙන් අධ්‍යාපනයට සිදු වන්නේ අවම සේවයකි. මේ පිළිබඳ විස්තර අපි පසුව ලියන්නෙමු. ගුරු සිසු අනුපාතය දැන් 18:1 බවට පත්වෙලායි ඇමති කයිය ගැසුව ද ප්‍රධාන පෙළේ පාසල්වල මෙය 50:1 හෝ 60:1 බව නොදන්නේ කවුරුද?


විදේශ ශ්‍රමිකයිනි, ඔබේ වටිනා ඡන්දය මේ ආණ්ඩුවට දී ඔබ දුක සේ උපයා එවූ මුදලින් කා ඔබේ ඔලුවට ම අත සෝදන මේ දේශපාලන හා රජයේ සේවක පරපෝෂිතයන් නඩත්තු කරන්න.

2010-03-23

සිරසට බෞද්ධ ගල් කැන්දූ ඒකොන්ගේ සෙක්සි චික් | Akon's Sexy Chick that made Buddhist extremists attack Sirasa

(2010 මාර්තු 23-W3Lanka)  දේශපාලන අනුග්‍රහය ලත් මදාවි පිරිසක් සිරස ආයතනයේ කොළඹ කාර්යාලයකට පහර දුන්නේ එම ආයතනය විසින් සංවිධානය කරන ලද සංදර්ශනයකට සහභාගි වීමට නියමිත ඒකොන් නම් සෙනෙගාල්-ඇමරිකන් සම්භවයක් සහිත R&B හෙවත් rhythm and blue ගායකයාගේ 'සෙක්සි චික්' නම් ගීතයේ වීඩියෝවෙන් කුපිත වී බව කියනු ලැබේ.


ජනප්‍රිය, ධනවත් ගායකයකු වන ඒකොන්ගේ 'සෙක්සි චික්' වීඩියෝවේ සරාගී සුරූපී ලලනාවන්ගේ අනඟ හා කෙළිලොල් රංගන මැවෙන කුඩා පිහිනුම් තටාකය පසුබිමේ බුදු රුවක් දක්නට ලැබෙන අතර, අඩ නිරුවත් කාන්තාවන් දෙදෙනෙක් එය දෙපස සිට නැටුමක යෙදෙන දර්ශනයක් ද තිබේ. එහෙත්, මේ වනාහි මේ මුළු වීඩියෝව පුරා දිවෙන්නක් නොවන බව කිව යුත්තේ බොහෝ අය එසේ වරදවා වටහාගෙන ඇති බැවිනි. 'සෙක්සි චික්' යනු ගැහැනිය ලිංගික භාණ්ඩයක් ලෙස හුවා දක්වන රාගය හා උන්මාදය අවුළුවන බොල් ප්‍රාසාංගික වෙළඳ භාණ්ඩයකි.


මෙම වීඩියෝව පැහැදිලිවම බෞද්ධයන්ගේ ආගමික භක්තියට හෙළා දැකිය යුතු අවමානයක් කරන එකක් බවට විවාදයක් නැත.


එමෙන්ම, සිරසට පහර දුන් රාජ්‍ය අනුග්‍රහය ලත් ඔල්කට් බෞද්ධ මදාවි පිරිස ද බුදුන්ගේ බුදු දහමට කරන්නේ බරපතල අවමානයකි. මෛත්‍රිය මත පදනම් වූ අවිහිංසාවාදී දහමක් දෙසූ බුදුන්ගේ බුදු දහම අදහන සැබෑ බෞද්ධයන් මේ අන්දමේ මැර ක්‍රියාවල යෙදෙන්නේ නැත. මේ බෞද්ධයන් වනාහි බුදුන්ගේ නොව අගනාගරික කාමසුඛල්ලිකානුයෝගී අසපුවල වෙසෙන දේශපාලන ගනින්නාන්සේලාගේ ආගමේ නරුමයෝ වෙති.


මේ ඊනියා බෞද්ධයන් ද කරන්නේ දෙමළ හා මුස්ලිම් ජනයාටත්, ක්‍රිස්තියානි, හින්දු හා ඉස්ලාම් ආගම්වලටත් ඇටෑක් එකට තැන නොතැන නොබලා අතන, මෙතන, හැම තැන ම බුද්ධ රූප ලෙස මොවුන් හඳුනා ගන්නා කිසිදු කලාවකට අඩංගු නොවන මැටි හා සිමෙන්ති ගොඩවල් ඇටවීමයි. ඔවුහු ඒකොන්ගේ වීඩියෝව වැනි ඒවා හදමින් හැම තැන ම රෙති.


ඒකොන්ලා මෙන්ම මේකුන්ලා ද බුදු දහම නසති. බුදු හිමියන් ගැන සපුරා වෙනස් චිත්‍රයක් ජාත්‍යන්තරව නිර්මානය වන්නට මේ බොරු බෞද්ධයන්ගේ පඩ ෂෝ සෑහෙන්න ඉවහල් වේ. 


පහත ඇත්තේ ඒකොන්ගේ සෙක්සි චික් ගීයේ පද මාලාවයි. වීඩියෝව මෙතැනින් නරඹන්න.

Yes I can see her
Cause every girl in here wanna be her
Oh shes a diva
I feel the same and I wanna meet her

They say she low down
Its just a rumor and I don't believe em
They say she needs to slow down
The baddest thing around town

She's nothing like a girl you've ever seen before
Nothing you can compare to your neighborhood girl
I'm tryna find the words to describe this girl without being disrespectful
The way that booty movin' I can't take no more
Have to stop what i'm doin so I can pull her close
I'm tryna find the words to describe this girl without being disrespectful

Damn girl
Damn you'se a sexy chick
A sexy chick
Damn you'se a sexy chick
Damn girl

Damn you'se a sexy chick

A sexy chick
Damn you'se a sexy chick
Damn girl

Yes I can see her
Cause every girl in here wanna be her
Oh shes a diva
I feel the same and I wanna meet her

ග්‍රාමසේවක සමෘද්ධිය කැපුවාම අන්තර්ජාලයෙන් පැමිණිලි කරන්න පුළුවන් | Now Sri Lankans can complain via internet when the village officer cut your poverty concession

(2010 මාර්තු 23-W3Lanka2008දී 1,672,159ක් හෙවත් ලක්ෂ දාසය හමාරකට වැඩි සමෘද්ධිලාභීන් පිරිසක් ලංකාවේ සිටි බව රාජ්‍ය ආදායම් හා මුදල් අමාත්‍ය රංජිත් සියඹලාපිටිය මහතා 2009 මැයි 05දා පාර්ලිමේන්තුවේදී පැවසීය. 2006/2007 වර්ෂවල ආදායම රු.6283/-ට වඩා අඩු පවුල් සංඛ්‍යාව 452,000ක් වූ බව ද සියඹලාපිටිය මහතා පැවසීය.


මේ දුප්පත් සමෘද්ධිලාභීන්ගේ ජීවන තත්වය උසස් කරලීම සදහා තොරතුරු හා සන්නිවේදන තාක්ෂණය යොදා ගැනීමට ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) ඉ - සමෘද්ධි ව්‍යාපෘතිය යටතේ පියවර ගෙන ඇති බව එම ආයතනය පවසයි.


ඒ අනුව ශ්‍රී ලංකා සමෘද්ධි අධිකාරිය කේන්ද්‍ර කර ගනිමින් තොරතුරු සන්නිවේදන තාක්ෂණ පහසුකම් සහිත මධ්‍යස්ථානයක් ස්ථාපිත කෙරේ.එමගින් සමෘද්ධිලාභියෙකුට තමන් ජීවත් වන ප්‍රදේශයේ සිටම සමෘද්ධි අධිකාරිය සමග සබඳතා ගොඩනගා ගැනීමට හැකියාව ලැබෙනු ඇත.


සමෘද්ධිලාභීන්ට මුහුණ පෑමට සිදු වන විවිධ දුෂ්කරතා ගැටළු මෙන්ම සමෘද්ධිලාභියෙකු වශයෙන් තමන් බුක්ති විඳින වරප්‍රසාද ‍සහ පහසුකම් පිළිබද කරුණු කාරණා ගැනද සමෘද්ධි අධිකාරිය දැනුවත් කිරීමට හැකියාව ලැබේ.


නැණසල මධ්‍යස්ථාන හරහා සමෘද්ධිලාභීන්ට අධිකාරිය සමග මෙම සබඳතා ඇති කර ගැනීමට හැකි බවත්, මෙම තොරතුරු සන්නිවේදන ජාලය ක්‍රියාවට නැංවීම සදහා සමෘද්ධි ප්‍රතිලාභීන් ලක්ෂයකගේ පමණ සහාය ලබා ගැනීමට නියමිත බවත් ඒ සදහා වන පුහුණුවක්. ඔවුනට ලබා දෙන බවත් ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය සදහන් කරයි.

මෙම තොරතුරු අනුව පෙනී යන්නේ ග්‍රාමසේවක සමෘද්ධිය කැපූ විට පවා දැන් අන්තර්ජාලය හරහා ඒ පිළිබඳව පැමිණිලි කළ හැකි බවයි. කොහොමද ලංකාවේ වැඩ? බඩට කන්න නැතත් සමෘද්ධිලාභීන්ට ඉන්ටනෙට් ඇත.



ලෝක බැංකු වාර්තා අනුව, ලංකාවේ අන්තර්ජාලය පරිහරණය කරන්නේ සෑම පුද්ගලයන් 100කගෙන් ම එක් අයෙකු බව අලුත් ම ලෝක බැංකු වාර්තාවක් පෙන්වා දෙයි. මෙය වසර 2000දී පැවතියේ 0.2%ක් තරම් පහත් මට්ටමකයි.

රෝහිත රාජපක්ෂ හා අමිල සඳරුවන් | Rohitha Rajapaksa and Amila Sandaruwan

හම්බන්තොට දී ඉකුත් සතිඅන්තයේ පැවැති “කාල්ටන් සුපර් ක්‍රොස්” තරගාවලියේදී මෝටර් රථ අංශයේ ප්‍රථම ස්ථානය දිනාගත් ජනපති පුත් රෝහිත රාජපක්‍ෂට උණුසුම් සුබපැතුම්!

දස මසක් කුසේ හොවා වැදූ අම්මා විසින් කළු ගඟට විසි කර මරා දමන ලද සෙල්ලම් කාරයක්වත් නොදුටු අමිල සඳරුවන් පුතාට නිවන් සැප ලැබේවා!

අප්‍රේල් 01 මෙරට ජාතික දිනය කරනු! | Declare April 01 our national day

(2010 මාර්තු 23-W3Lanka)  අප්‍රේල් 01දාට ඇත්තේ තව සතියකටත් අඩු කාලයක් බැවින් විශේෂයෙන් ම සිංහල ජනතාව මෙම යෝජනාව හදිසි කාරණයක් ලෙස සලකා කටයුතු කළ යුතුව තිබේ.


ලෝකය පුරා ම අප්‍රේල් 01දා මෝඩයන්ගේ දිනය ලෙස සැලකුන ද ලංකාවේ මිනිසුන්ට නම් මෙම දිනය ඊට වඩා ජාතික වැදගත්කමකින් යුක්ත ය.


අප්‍රේල් 08දා ලංකාවේ මහ මැතිවරණයක් පැවැත්වේ. මේ මැතිවරණයේදී ලංකාවේ මිනිසුන් ඡන්දය දෙන්නේ ළමයා ඉස්කෝලෙකට දමා ගැනීම සඳහා ලියුමක් ගැනීම, රැකියාවක් සොයා ගැනීම, පාර කොංක්‍රීට් කර ගැනීම වැනි කාරණා සඳහා ය.


දැන් හැට දෙවසරක් තිස්සේ ලාංකිකයෝ මන්ත්‍රීවරු පත් කරති. ව්‍යවස්ථාදායකය හෙවත් පාර්ලිමේන්තුව තිබෙන්නේ නීති සම්පාදනයට මිස බෝක්කු, පාලම් හැදීමට නොවන බව ලාංකිකයෝ නොදනිති. ඔවුන් විසින් පාර්ලිමේන්තුවට යවනු ලබන බෝක්කු පොරවල් ද ඒ බව දන්නේ නැත. උන්ගෙන් ඇතැමෙක් සිතන්නේ රටේ නීතිය විය යුත්තේ තමන් ය කියායි. 


මන්ත්‍රීන් ඇතුළු රජය නඩත්තු කිරීම සඳහා මේ රටේ ජනතාව ගැලේ බැන්ද ගොනුන් ලෙස වැඩ කර දහ දුක් විඳ බදු ගෙවති. එහෙත් බදු ගෙවන බව නොදනිති. ඔවුන් සිතන්නේ ලාම්පු තෙල් බෝතලය අරාබියෙන් එනකොටත් මේ ගාන ම යයි කියා ය. පිටි කිලෝ එක ඇමරිකාවෙන් එනකෙටත් මේ ගානම ය කියා ය. මීට වඩා ගාන වැඩි නොකර සිටීම ගැන ආණ්ඩුවට පිං දෙමින් ඔවුන් පාං ගිලින්නේ ආණ්ඩුවට බදු ගෙවමිනි.


ලාංකිකයෝ මෝඩයන් වුව ද භාණ්ඩ පරිහරණය කරන හැටි දනිති. ඔවුන් පරිහරණය කිරීමට වැඩියෙන් ම කැමති භාණ්ඩය ජංගම දුරකථනයයි. මුලින් ජංගම දුරකථනයක් මිළ දී ගෙන පසුව කතා කරන්නට යාළුවන් හදා ගනිති. කෙටි පණිවිඩ හෙවත් එස් එම් එස් යවති. රුපියලේ එස් එම් එස් එකක් යැවූ විට අමතර ශත 32ක් බිලෙන් කැපෙන්නේ ඇයිදැයි නොදනිති.


තමන් ගෙවන බදුවලින් තමන්‍ට රජයෙන් සේවාවන් ලැබිය යුතු බව ලාංකිකයෝ නොදනිති. එහෙයින් ඔවුන් තමන්ට රැකියාවක්, ළමයාට පාසලක් වැනි තමන්ගේ අයිතිවාසිකම් දකින්නේ දේශපාලකයන් තමන්ට හිතවත්කමට දෙන වරප්‍රසාද කියා ය.


සමහර මැති ඇමතීන් සෑහෙන්න වැඩ කර ඇති බව කියා ඔවුහු පුදුම වෙති. ඇත්තෙන් ම මේ මැති ඇමතීන් පත් කර උන්ට උපරිම සැප දුන්නේ වැඩ කිරීමට මිස උන්ට ඕනෑ ඕනෑ ගෑනුන් සමග ලැගීමට නොවේ. ඔවුන් මේ විස්කම් කරන්නේ අද උපන් බිළිඳා‍ගේ සිට මරණ මංචකයේ සිටින මහල්ලා දක්වා මුළු රටේම ජනයා රු. ලක්ෂ ගණනින් ණය කර අනාගතය උගසට තබා ගන්නා මුදලින් තමන්ගේ පොකට්ටුවට දමා ගන්නා ගානට අමතරව ඉතිරියෙන් බව ලාංකිකයන් දන්නෙ නැත.


ජීවත් වෙන්නට සරිලන වැටුපක් නැති මුත් නිකම් ඉන්නට පුළුවන් නිසා ලංකාවේ මිනිස්සු රජයේ සේවයට ලොබ බඳිති. පඩි මදි නිසා නිවාඩු දමා කුඹුරු, හේන් හා තේ, රබර් ආදිය දුක සේ වගා කරති. සැබෑ ගොවීන් ඇතුළු වෙනත් නිර්ධනයන් මොවුන් ළඟ කඹුරති. තමන්ගෙන් ම ගෙන තමන්ට ම දෙන පොහොර සහනාධාර ආදිය ගැන තුටුව කූට දේශපාලකයන් ඉදිරියේ නිවට නියාලු වෙති. 


නාගරික ලුම්පන් නිර්ධන මෝඩයන්ට මේ කිසිත් නැත. එහෙයින් උන් ඡන්ද කාලයට බත් පතක්, අරක්කු වඩියක් ලබා ගැනීමට, කුඩු ටිකක්, අරක්කු ටිකක් විකුණා ගැනීමේ නිදහස හා කුලියට මිනී මැරීමේ කොන්ත්‍රාත් ආදිය වෙනුවෙන් දේශපාලකයන් පසුපස යති. 


රටේ ව්‍යාපාරික ප්‍රජාව හෙවත් ධනේශ්වර පංතිය කියන එකෙන් වැඩි දෙනෙක්  කරන්නේ කොහෙන් හෝ මොනවා හෝ මළදානයක් ‍ආනයනය කර විකුණා ගැනීමයි. උන් දන්නා නිෂ්පාදනයක් නැත. විකුණන්න පුළුවන් නම් අම්මා වුණත් විකුණන මුන්ට මෙලෝ සංස්කෘතියක් නැත. 


රටේ බුද්ධිමතුන් කියන එවුන් තරම් කපටින් පිරිසක් තවත් නැත. මුන් පාලකයින්ගේ ඕනෑ වසුරු පිඬක් පෝෂ්‍යදායක ආහාරයකැයි වරණනා කරමින් කා දත් ද හාරා කති. කලාකාරයන් ගැන කියන්නට ගියොත් බල්ලනුත් වසුරු කන එක පවා නවත්තනු ඇති බැවින් මෙතනින් නවත්තමි. 


එකී මෙකී නොකී සියලු කාරණා මත පදනම්ව වහා අප්‍රේල් 01 දින මේ රටේ ජාතික දිනය කරනු!


-අප්‍රේල් 01 ජාතික ව්‍යාපාර‍යේ නිවේදනයකි

2010-03-22

මේ ක්‍රමය සම්පූර්ණ කිරීමට රාජපක්ෂවරුන්ට ඉඩ දෙන්න | Let Rajapaksas finish off what they initiated

(2010 මාර්තු 22-W3Lankaසිදු වන ඇතැම් විනාශයන් වැළැක්වීම නොකළ හැක්කක් වූ විට අපට කළ හැකි එක් දෙයක් වන්නේ ඒවාට අදාළ විනාශය ඉක්මණින් ම සම්පූර්ණ කිරීමට උදව් කිරීමයි.


ලංකාව සම්බන්ධයෙන් විශේෂයෙන් මෙම මහ මැතිවරණයට අදාළව ජනතාවට ඉහත කී ස්ථාවරයට එළඹිය හැකිය. මේ ආණ්ඩුව තුනෙන් දෙකක් ඉල්ලන විට තුනෙන් තුනම දී සියල්ල සම්පූර්ණ කර දෙන්නට හැකි නම් හොඳ ය. 


පහත පළ වන්නේ අද දිවයින හා දිනමිණ පුවත්පත්වලින් උපුටා ගත් පුවත් දෙකකි.

දේශපාලන රැස්‌වීම් ඇමතීමට මට කාගෙන්වත් තහනමක්‌ නෑ
ගෝඨාභය රාජපක්‌ෂ

නෝමන් පලිහවඩන

තමාට දේශපාලන රැස්‌වීම්වල කතා කිරීමට කාගෙන්වත් තහනමක්‌ නැතැයි රාජ්‍ය ආරක්‌ෂක ලේකම් ගෝඨාභය රාජපක්‌ෂ මහතා "දිවයින"ට ඊයේ උදේ ප්‍රකාශ කළේය.

රාජපක්‌ෂ මහතා මෙසේද පැවැසීය. මම දේශපාලන රැස්‌වීම් අමතන එක සමහර උදවියට ප්‍රශ්නයක්‌.

උතුරේ ත්‍රස්‌තවාදය විනාශ කළ අයුරු හා රටේ තත්ත්වය ගැන ජනතාවට පැහැදිලි කළ යුතුයි. ඒකේ වරදක්‌ දකින්නේ නැහැ. ඕනෑ ඕනෑ අයට ඕනෑ ඕනෑ දේවල් කිව හැකියි.

මම රැස්‌වීම් අමතන එක සමහරුන්ට විඳින්න බරිව ඇති. රැස්‌වීම් අමතන්න මට තහනම් නැහැ.


සියනෑ පුරයටම ආලෝකයක් වූ බැසිල් අගමැති ධුරය දක්වාම ගෙන යා යුතුයි


- ඇමැති මර්වින් සිල්වා

කැලණිය පින් බිමට පමණක් නොව සමස්ත සියනෑ පුරයටම ආලෝකයක් වන බැසිල් රාජපක්ෂ මහතා අගමැති ධූරය දක්වා ගෙන යාමට ගම්පහ ජනතාව පියවර ගත යුතු යැයි කම්කරු ඇමැති මර්වින් සිල්වා මහතා පැවැසීය.

ඇමැතිවරයා මෙම අදහස් පළ කෙළේ කැලණිය රජ මහා විහාරයේ පසුගියදා පැවැති උත්සවයකදීය.
මෙදින කැලණිය රජ මහා විහාරාධිපති කොල්ලුපිටියේ මහින්ද සංඝරක්ඛිත නාහිමියන්ගේ උපදේශකත්වයෙන් සම්බුද්ධ ශාසනයේ පැවැත්ම උදෙසා පැවිදි බිමට පිවිසෙන සඟරුවන සඳහා අරමුදලක් පිහිට වීය. කම්කරු ඇමැති මර්වින් සිල්වා මහතා රුපියල් ලක්ෂ විස්සක මූලික මුදලකින් මෙම අරමුදල ආරම්භ කෙළේ ය.

මෙහි දී අදහස් දැක් වූ මර්වින් සිල්වා ඇමැතිවරයා, උතුරු වසන්තය, නැෙඟනහිර නවෝදය ආදී වික්‍රමයන් ජනාධිපති ජ්‍යෙෂ්ඨ උපදේශක බැසිල් රාජපක්ෂ මහතා ආරම්භ කළා. එතුමා සමස්ත ජනතාවට සේවය කිරීම සඳහා මේ රටේ අගමැති කළ යුතු වෙනවා.

තුනෙන් දෙකක බහුතරයක් බිහි වන මෙවන් මොහොතක පාර්ලිමේන්තු කණ්ඩායම් මෙහෙයවිය හැකි නියම නායකත්වයට බැසිල් රාජපක්ෂ මහතා පත්කළ යුතුයි. පක්ෂ පාට භේදයෙන් තොරව ගම්පහ දිස්ත්‍රික්කයට සිදු කරන දේශපාලන ව්‍යාපාරය මුළු රටටම ආදර්ශයක්.

එහි ගෞරවය හිමිවිය යුත්තේ බැසිල් රාජපක්ෂ මහතාට යැයි කම්කරු ඇමැති මර්වින් සිල්වා මහතා පැවැසීය.

වීසි කරන්නට දරුවන් තනනා ලංකාවේ තවත් සිද්ධියක්

(2010 මාර්තු 22-W3Lankaමෙන්න ස්වර්ණවාහිනිය ඇතුළු ලංකාවේ ජනමාධ්‍යවලට විකුණාගෙන කෑම සඳහා තවත් සිද්ධියක්.


ලංකාවේ පිරිමි වීරයන්ට වෛර කිරීමට තවත් ගැහැනියක්. 

මේවා සමාජ ප්‍රශ්න නොව ගැහැනුන්ගේ දුර්ගුණ යයි තර්ක කරන්නන්ට බණට නිමිත්තක්. උපුටා ගැනීම දිවයින පුවත්පතෙනි.


උපන් ගමන් බිළිඳා පොලිතින් උරයක බහා ගඟට විසි කරලා
අම්බලන්ගොඩ පස්‌ දරු මව අත්අඩංගුවට

අම්බලන්ගොඩ - චන්ද්‍රසිරි ජසෙන්තුලියන,ගාල්ල - එස්‌. කේ. කළුආරච්චි - ලලිත් චාමින්ද

බංගලිදේශ ජාතිකයකුට දාව බිහි කළ පිරිමි දරුවකු ඉපදී පැය තුනක්‌ යන්නට මත්තෙන් පොලිතීන් උරයක බහා ගඟට විසිකළ බව කියන පස්‌දරු මවක්‌ ඊයේ (21වැනිදා) අලුයම අම්බලන්ගොඩ පොලිසිය මගින් අත්අඩංගුවට ගෙන තිබේ.

පොලිස්‌ හදිසි ඇමතුම් අංශයෙන් ලද තොරතුරක්‌ මත ගඟට විසිකොට තිබූ බිළිඳු සිරුර පෙරේදා (20 දා) සවස අම්බලන්ගොඩ පොලිසිය මගින් අම්බලන්ගොඩ තල්ගස්‌ගොඩ හල්වතුර ගඟේ පා වෙමින් තිබියදී සොයාගත් අතර පසුව බිළිඳු සිරුර බළපිටිය මූලික රෝහලට භාර දී තිබේ.

සොයාගන්නා විට බිළිඳු සිරුරේ මුඛය හා නාසය වැසෙන සේ රෙදි පටි ඔතා පොලිතීන් උරයක බහා තිබූ බව පොලිසිය කියයි.

බිළිඳා ගඟට විසිකළ බව කියන කාන්තාව තල්ගස්‌ගොඩ ධම්මිකපුර සුනාමි නිවාස යෝජනා ක්‍රමයේ නිවසක සිටියදී ඊයේ (21 දා) අලුයම පොලිසිය මගින් අත්අඩංගුවට ගෙන ඇති අතර ඇය බිළි¹ ප්‍රසූත කර ඇත්තේ එම නිවසේදී බවට තොරතුරු හෙළි වී තිබේ.

මාස හයක පමණ කාලයක්‌ ඩුබායි රාජ්‍යයේ නිවසක සේවය කර ඇති මෙම කාන්තාව එම නිවසේ රියෑදුරු ලෙස කටයුතු කළ බංගලිදේශ ජාතිකයකු සමඟ සම්බන්ධයක්‌ පැවැත්වීම නිසා එම නිවසින් මෙරටට එවා තිබූ බවද පොලිස්‌ පරීක්‍ෂණවලදී හෙළිවී තිබේ.

අවුරුදු 41 ක්‌ පමණ වන මෙම කාන්තාව ගේ අනෙක්‌ දරුවන් පස්‌ දෙනාගෙන් වැඩිමහල් දියණියන් දෙදෙනා විවාහ වී වෙනත් ප්‍රදේශවල ජීවත්වන අතර ඇයගේ නීත්‍යානුකූල සැමියා වෙනත් විවාහයක්‌ කරගෙන වෙන්වී ගොස්‌ ඇති බවද හෙළි වී තිබේ.

"පෙරේදා (20 දා) උදේ 10.30 ට විතර බබා හම්බ වුණා. මම එයාගේ කට වැහෙන්න රෙදි පටියක්‌ ඔතලා පොලිතින් බෑගයක දමාගෙන දවල් 1.30 ට 2.00 ට විතර තල්ගස්‌ගොඩ පාළම ළඟට ඇවිත් දරුවා ගඟට වීසිකළා. දරුවා ගඟට වීසිකළේ හදාගන්න බැරි නිසා යෑයි සැකකාර කාන්තාව පොලිසියේදී පාපොච්චාරණය කර ඇත.

බිළිඳු මළ සිරුර පිළිබඳ පශ්චාත් මරණ පරීක්‍ෂණය ඊයේ (21 වැනිදා) දහවල් බලපිටිය මූලික රෝහලේ පැවැත්වීමට නියමිතව තිබූ අතර සැකකාර කාන්තාව ඊයේ (21 වැනිදා) සවස බළපිටිය මහෙස්‌ත්‍රාත් එන්. ටී. අබේගුණසේකර මහත්මිය හමුවට ඉදිරිපත් කෙරිණි.

අම්බලන්ගොඩ පොලිස්‌ අධිකාරි පාලිත ප්‍රනාන්දු හා මූලස්‌ථාන පොලිස්‌ පරීක්‍ෂක ඩී. ජී. එච්. ප්‍රශාන්ත මහතාගේ උපදෙස්‌ පරිදි අපරාධ විමර්ශන ස්‌ථානාධිපති හා පොලිස්‌ පරීක්‍ෂක රොහාන් බස්‌නායක, පො.සැ. 5844 පියදාස, පො. සැ. අමරානන්ද යන මහත්වරු වැඩිදුර පරීක්‍ෂණ පවත්වති.

රට බල්ලට ගියා - බල්ලො විදේශ සේවයට ගියා | Sri Lanka goes to dog as dogs go to foreign service

(2010 මාර්තු 22-W3Lanka)  තමන් නවාතැන් ගත් නිවසේ තිබූ වටිනා චිත්‍රයක් සහ කෞතුක වටිනාකමකින් යුත් චිත්‍රයක් සොරකම් කර ලංකාවට ගෙන ඒම සම්බන්ධයෙන් ජපානයේ සේවය කළ ලාංකික විදේශ සේවා නිලධාරියෙකුට එරෙහිව ජපන් ජාතික නිවෙස් හිමියකු පැමිණිලි කර තිබේ. 


මෙම තානාපති පියානෝවක්, ඇඳක් හා මේසයක් ද සොරකම් කර ඇතත් ඒ‍වා ඔහුට තෑගි වශයෙන් දීමට ජපන් ජාතිකයා කැමැත්ත පළ කර ඇති බව වාර්තා වේ. එහෙත්, ඉහත කී භාණ්ඩ දෙක දෙන තෙක් තානාතිට කුලියට දී තිබූ නිවසේ  තුලී අත්තිකාරම ආපසු ගෙවීම අත්හිටුවීමට නිවෙස් හිමියා තීරණය කර ඇත. 


මේ හොරා විදේශ සේවයට දේශපාලන පත්වීමක් ලද ශ්‍රී ලංකා නිදහස් පක්ෂ නීතිඥ සංවිධානයේ සාමාජිකයකු බව ද වාර්තා වේ. 


ගිය වසරේ ජපානයට ගිය ලංකා අගමැතිට ලංකාවේ ජපන් තානාපති කාර්යාලය විසින් නිකුත් කර තිබුණේ සාමාන්‍ය වීසා බැවින් ඔහුට නැරිටා ගුවන් තොටුපළේ පැය භාගයක් පමණ රැ‍ඳෙමින් ඇඟිලි සළකුණු පවා දෙන්නට සිදු විය. 


(මාතෘකාවෙන් සිත් රිදවීමක් සිදු වී තිබේ නම් බල්ලන්ගෙන් සමාව අයදිමු.) 

එන එන හැටියට ගහ උළුවස්සා රාජ්‍ය පාලන න්‍යාය | The ball by ball theory of governance

(2010 මාර්තු 22-W3Lanka)  අපේ ගරු ජනාධිපතිතුමා කලක් සැලසුම් ක්‍රියාත්මක කිරීමේ ඇමති ධුරය ද හෙබවූයේය. එහෙත් පසුව ඇමතිකමක රස විඳින්නට එජාපයෙන් ආණ්ඩුවට කරනමක් ගැසූ අම්පාරේ පී. දයාරත්නට සූප්පු කරන්නට මේ අමාත්‍යංශ ලෙල්ල දී දැම්මේය. දයාරත්න උන්නැහේ මොනවා සැලසුම් කරනවාදැයි දන්නේ දයාරත්න පමණි. 


සැලසුම් ක්‍රියාත්මක කරන්නට නම් සැලසුම් සැකසිය යුතුව තිබේ.


පාර්ලිමේන්තුවේ නිල කාලය 2010 අප්‍රේල් මාසයෙන් අවසන් වන බව ජනාධිපතිතුමා දැන සිටිය යුතු ය. ඒ අනුව, පාර්ලිමේන්තුව විසුරුවීමට හා මහ මැතිවරණ කැඳවීමට සැලැස්මක් තිබිය යුතු ය. පාර්ලිමේන්තුව විසුරුවනවා නම්, ඊළඟ පාර්ලිමේන්තුව කැඳවන තෙක් කටයුතු කලින් සැලසුම් කර තිබිය යුතු ය.


එහෙත් දැන් සිදු වන්නේ එය නොවේ. ජනාධිපති පෙබරවාරි 06දා පාර්ලිමේන්තුව විසුරුවයි.  මාර්තු මුල වන විට තව දින කීපයකින් හදිසි නීතිය අහෝසි වී යන බව එතුමා දැන ගනියි. එවිට විධායක ජනාධිපති බලතල පාවිච්චි කර හදිසි නීතිය මසකින් දීර්ඝ කරනු ලැබේ. එහෙත්, එය පාර්ලිමේන්තුව විසින් අනුමත කළ යුතු ය. එවිට විධායක ජනාධීපති බලතල පාවිච්චි කර විසුරුවන ලද පාර්ලිමේන්තුව යළි කැඳවනු ලැබේ. එවිට පාර්ලිමේන්තු මන්ත්‍රීවරු වැටුප් හා දීමනා ඉල්ලති. එය දෙනු ලැබේ. ඉන් පසු, මන්ත්‍රීවරුන්ගේ නෝනලා, බේබිලා ඇතුළු මන්ත්‍රී කාර්ය මණ්ඩලයේ සිටින සෙසු අය ද වැටුප් ඉල්ලති. එයත් දෙනු ලැබේ.


ඉවත් කළ ආරක්ෂාව යළි ලබා දෙන්නැයි මන්ත්‍රීවරු ඉල්ලති. පවරා ගත් වාහන ආදිය යළි දෙන්නැයි කාර්ය මණ්ඩල ඉල්ලති.


ලංකාවේ කොයි කොයි දේත් සැලසුම් කෙරෙන්නේ මේ අන්දමටයි. මෙම කළමනාකරණ ක්‍රමයට කිව හැක්කේ 'එන එන හැටියට ගහ උළුවස්සා' කළමනාකරණය කියා ය.


ආර්ථිකයේදී මෙය කෙරෙන්නේ මෙසේ ය. උපාධිධාරීහු රැකියා ඉල්ලා උපවාස කරති. රජයේ පුරප්පාඩු නැත. තිබුණත් මෙකී උපාධිධාරීන් බහුතරයකට එම පුරප්පාඩුවල කටයුත කිරීම සඳහා කුසලතා නැත. එවිට අලුතෙන් තනතුරු හදා පත්වීම් දෙයි. අලුත් නිලධාරීන්ට කරන්නට වැඩක් නැත. එහෙත් වැටුප් ගෙවනු ලැබේ. එවිට රජයේ වියදම් ඉහළ යයි. ආදායම් ඉහළ නොයන නිසා අයවැය පියවා ගත නොහැක. එවිට විදේශයකින් ණයක් ගනු ලැබේ. ඒ ණයට පොලී ගෙවිය යුතු ය. පොලිය ගෙවීම සඳහා තවත් ණයක් ගනු ලැබේ. ඒ සඳහා විවිධ කොන්දේසිවලට එකඟ වේ. රාජ්‍ය වියදම් අවම කිරීම ඒ අතරින් ප්‍රධාන ම කොන්දේසියකි. එහෙත්, ඒ වන විට තවත් උපාධිධාරීහු පිරිසක් උද්ඝෝෂණ ආරම්භ කර තිබේ.


මේ ක්‍රමයට ගෙදරක පාලනය සිදු වන්නේ නම් එය මෙසේ විය යුතුය. උදේ නැගිට්ට විට කන්න දෙයක් ගෙදර නැති බව දැන ගනියි. එවිට වහා මල්ල ගෙන කඩේ යමු. කඩේ ණය පොත පිරී මුදලාලි ණයට දෙන්නට බෑ කී විට ආපසු ගෙදර එමු. පොඩි එකාගේ බෙල්ලේ එල්ලා තිබෙන මව්බිමේ පංචායුධය ගලවාගෙන පොලීකාරයා ළඟට දුවමු. එය උකස් කර පාන් ගෙන එමු. පාන් කන්න පරිප්පු නැති බව එවිට දැන ගනිමු. පරිප්පු ගෙන එන්නට නැවත කඩේ දුවමු. පරිප්පු හදන්නට ගිය විට ලුණු නැති බව දැනගෙන සැමියාත් බිරිඳත් රණ්ඩු වී පරිප්පු හට්ටිය පොළවේ ගසමු. 


මේ විදියට ගෙදරක් පාලනය කරනවා නම් එයට කියන්නේ මස්තබාල්දුකම කියායි. එහෙත් ඒ අන්දමින් රටක් පාලනය කරන විට අපි එයින් සුබ අනාගතයක් ලැබේ යයි සිතමු. 


මගේ රටට දළදා හිමි සරණයි! මගේ රටට දළදා හිමි සෙවණයි!

2010-03-21

මෙවැනි ඊමේල් පණිවුඩයක් ලැබී තිබේ නම් පරිස්සම් වන්න | Beware of this kind of email

(2010 මාර්තු 21-W3Lanka)  මේ අපට ලැබුණු ඊමේල් ලිපියකි. ඔබටත් මෙවැනි ඊමේල් ලිපියක් ලැබී තිබේ නම් කිසි සේත්ම එයට පිළිතුරු සපයන්න එපා. අඩු තරමේ හිස් පිළිතුරක්වත් යවන්න එපා. ‍


මේ වනාහි ඔබේ ඊමේල් ලිපිනය සොරකම් කරන්නට දරන කූට උත්සාහයකි. මෙවැනි ලිපියකට කුමන අන්දමේ හෝ පිළිතුරක් ලිවීමෙන් ඔබ කරදරකාරී ඊමේල් පණිවුඩ හෙවත් ස්පෑම්වල ගොදුරක් වනු ඇත. 


මෙම ඊමේල් පණිවුඩය එවන්නේ අඩු තරමේ ඉංග්‍රීසිවත් හරියට නොදන්නා එකෙකි. උගේ ඊමේල් ලිපිනය මෙසේය.supportsacounts@gmail.com


එකවුන්ට්ස් යන වචනය නිවැරදිව ලිවිය නොහැකි අය ගූගල් සමාගමේ සිටිත් ද? 




Due to the congestion in the Google database system we are currently working on fraud checks on all Gmail Accounts. Gmail would be shutting down all unused Accounts and accounts that is not registered with correct informations, you will have to confirm your E-mail by filling out your Login Information below after clicking the reply button or your account will be suspended within 24 hours for security reasons.






Account:
Password:
Birth date:
Country: 

Note: This email is only for Gmail users.
Thank you for using Gmail 
The Gmail Team
GMAIL