2010-06-30

අයවැය ගැන W3Lanka ගැඹුරු විශ්ලේෂණය | A deep analysis on Sri Lanka's budget

(2010 ජුනි 30, W3Lankaමල් නො තලා රොන් ගන්නා බඹරුන් මෙන් බදු අය කරමින්, අප පාලනය කරමින්, රට සංවර්ධනය කරන්නට තුනෙන් දෙකකට කිට්ටු ජන වරමක් සහිතව අතින් අරන් පශ්චාත්භාගයෙන් තබා ගන්නා ලද ආණ්ඩුවේ මංගල අයවැය ඊයේ ඉදිරිපත් කරන ලදී. පහත පළ වන්නේ අප විසින් අය වැය පිළිබඳ ඉතා ගැඹුරින් ආර්ථික විද්‍යාත්මකව කරන ලද විශ්ලේෂණයකි. එය කියවා අවබෝධ කර ගන්න. අයවැය පිළිබඳ සාමාන්‍ය විස්තර වෙනත් වෙබ් අඩවිවල පළ වේ.

ඇද්ද හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!
ඇද්ද  හූ! හූ!

Bookmark and Share
You may also like to read our English blog  Lanka Polity

සිඟන මරුවෝ දැන් කළු ගල්වලින් ගසා හිස පොඩි කර ආබාධිතයිනුත් මැරීම අරඹලා

(2010 ජුනි 30, W3Lankaමෑතක සිට කළු ගල්වලින් පහර දී සිඟන්නන් මරා දැමීම කරගෙන යන, පොලිසියට අත්අඩංගුවට ගත නො හැකි නව ත්‍රස්තවාදයට ඉලක්කයක් වැරදී ගල්කිස්සේදී සිඟන්නකු වෙනුවට ආබාධීතයකු මරා දමා තිබේ.


රාත්‍රි ආහාර සඳහා කෑම පැකට්ටුවක් රැගෙන නිවසට යමින් සිටියදී හදිසියේ පතිත වූ වර්ෂාව නිසා අසල පිහිටි Trust in your tomorrow, today හෙවත් ඔබේ හෙට දවස ගැන අද විශ්වාස කරන්නැයි කියන යුනියන් ඉන්ෂුවරන්ස් ගොඩනැඟිල්ලේ ඉදිරිපිට වැස්ස අවසන් වනතුරු රැදී සිටියදී හිසට ගලකින් පත බා මරා දමන ලද මෙම පුද්ගලයා ලොතරැයි විකිණීම ජීවිකාව කර ගත් ශ්‍රී ජන මාවත, අත්තිඩිය ප්‍රදේශයේ පදිංචිකරුවකු වූ මහේෂ් පෙරේරා නැමැති 38 හැවිරිදි ආබාධිතයෙකි.


ලෝකයේ දියුණු රටවල් 'ආබාධිතයන්' හෙවත් disabled යන වදන පවා 'වෙනස් හැකියාවන් සහිත පුද්ගලයන්' හෙවත් differently abled ලෙස වෙනස් කරමින් ඔවුන්ගේ සමාජ තත්වය නැංවීමට කටයුතු කරද්දී ලංකාවේ සිදු වන්නේ ආබාධිතයන්ගේ ද හිස කළු ගල්වලින් තලා පොඩිපට්ටම් කර මරා දැමීමයි.


මේ බෞද්ධ රටේ අන්තර්ජාලය පරිහරණය කරන ඇතැම් ටයි පැළඳි ම්ලේච්ඡයෝ පවා මෙම ඝාතනය කිරීම් මහ ඉහළින් වර්ණනා කරන ආකාරය දැක ගැනීම සඳහා පහත සඳහන් ලිපියේ ප්‍රතිචාර තීරය කියවන්න. 



මිනිස් කසල බැහැර කරන නවතම ක්‍රමය ගල්වලින් ඔලු තලා සිඟන්නන් මැරීම




කර්මය හා පුනර්භවය ඇත්තක් නම්, මෙවැනි ක්‍රියා කරවන, කරන, අනුමත කරන සියල්ලන් ලබන ආත්මයේදී හෝ මේ ආත්මයේදී ම ලංකාවේ ම දිළින්දන් හෝ ආබාධිතයන් වී ඉපදේවා යයි අපි ප්‍රාර්ථනා කරමු.


මේ වන විට සිඟන්නන් අතර පැතිර පවතින තදබල භීෂණය මෙම සිද්ධියෙන් පසු ආබාධිතයන් වෙත ද පැතිර යාමට ඉඩ තිබේ. හෙට අනිද්දා ම මානසික රෝගීන් ද මේ ත්‍රස්තවාදයේ ඉලක්කය වන්නට ඉඩ තිබේ. 


මේ අසරණයන් වෙනුවෙන් කතා කරන්නට ආගමයක් ධර්මයක් අදහන නායකයන් කිසිවෙක් මේ රටේ නැත. 


අපි අසරණ වෙලා වගේ හිතට දැනෙනවා, බුදු හාමුදුරුවනේ. 
Bookmark and Share
You may also like to read our English blog  Lanka Polity

2010-06-29

එංගලන්තය ලෝක කුසලාන තරගාවලියෙන් ඉවතට විසි වුණේ ලංකාව කියූ දේ නො ඇසූ නිසයි | England out of World Cup since she did not listen to Sri Lanka

(2010 ජුනි 29, W3Lankaගෝල 4-1කින් ජර්මනියට පැරදීම නිසා එංගලන්ත පාපන්දු කණ්ඩායමට තරගාවලියෙන් ඉවත් වන්නට සිදු වීම අද එංගලන්තයේ පාපන්දු ලෝලීන්ගේ මහත් කම්පාවට හේතු වී තිබේ.


එංගලන්ත මාධ්‍ය රැසක් ම පරාජය ගැන දොස් පවරන්නේ පුහුණුකරු ෆේබියෝ කැපෙලෝටයි. ඊට අමතරව විනිසුරුවන්ගේ දෝෂ පිළිබඳව ද දොස් පැවරෙමින් තිබේ.


එහෙත්, අප නම් කියන්නේ වරද එය නොව, එංගලන්තය ලංකාව කියූ දේ නො ඇසූ එක ය.


අප මේ පිළිබඳව

ලංකා ජනපතිගේ අලුත්ම ආශ්චර්යය එලියන්ත වයිට් | Sri Lanka President's latest miracle , Eliyantha White

යන මැයෙන් ලිපියක් ලියූ අතර එහි මාතෘකාව ඉංග්‍රීසියෙන් ද ලියුවේ සුද්දන්ට හොඳින් තේරෙන්නට ය. ලංකාව ලෝකෙන් උතුම් රට බැවින් සුද්දෝ සිංහල ඉගෙන ගත යුතු ය. නැතිනම්, ලංකාව ආසියාවේ ආශ්චර්යය වන දාට ලංකාවට හිඟා කන්නට එන සුද්දන්ට පිච්චියක් සොයා ගැනුමට ලැබෙන්නේ නැත.


එංගලන්ත පාපන්දු පිලේ හිටපු නායක සුපිරි පාපන්දු ක්‍රීඩක ඩේවිඩ් බෙකම්ගේ පාදයේ ආබාධය සුවකර ගැනීම සඳහා ශ්‍රී ලංකාවට පැමිණෙන ලෙස ජනාධිපති මහින්ද රාජපක්ෂ 2010 මාර්තු මාසයේ ආරාධනාවක් යැව්වේ ලංකාවේ යුද්ධයෙන් අත පය කඩා ගත් දස දහස් ගණනක් සිටියදී එතුමා බෙකම්ගේ අණ්ඩ ගැන ඊටත් වඩා සංවේදී වූ නිසා ය. 


ජනාධිපති මහින්ද රාජපක්ෂ මහතාගේ පෞද්ගලික වෛද්‍ය එලියන්ත වයිට් මහතා විදෙස් මාධ්‍ය වෙත සඳහන් කළේ ජනාධිපති ලේකම් කාර්යාලය මගින් ඩේවිඩ් බෙකම් වෙත ආරාධනා පත්‍රයක් යැවූ බවයි. එහෙත්, මේ සුද්දා එකී ආරාධනා පත්‍රය ලැබුණු බවවත් ජනමාධ්‍යයකට කීවේ නැත.


ඩේවිඩ් බෙකම් ඉතාලියේ පාපන්දු සමාජයකට ක්‍රීඩා කරමින් සිටියදී පාදයේ බත් කෙණ්ඩේ ආබාධයකට ලක්ව පසුව ෆින්ලන්තයේදී ශල්‍යකර්මයකට භාජනය කරන ලද අතර මාස හයක කාලයක් ක්‍රීඩා පිටියෙන් ඈත්ව සිටීමට ඔහුට වෛද්‍ය උපදෙස් ලැබී තිබේ.


1998 දී එංගලන්තය වෙනුවෙන් ලෝක කුසලාන තරගාවලියට එක්වූ බෙකම් ජූනි මාසයේ දකුණු අප්‍රිකාවේ පැවැත්වෙන ලෝක පාපන්දු ශූරතාවලියට සහභාගිවීමට අපේක්ෂාවෙන් සිටියේය. එම තරගාවලියට සහභාගිවීමට හැකි වී නම් ලෝක කුසලාන පාපන්දු තරගාවලි හතරක් නියෝජනය කළ පළමු එංගලන්ත ක්‍රීඩකයා ලෙස 34 හැවිරිදි බෙකම් ඉතිහාසගත වීමට ද තිබිණි. 


ඉතිහාසගත වීම ශරීර සෞඛ්‍යයට වඩා වැදගත් කරුණක් ලෙස ලංකාවේ අපි නම් සිතන්නෙමු. අප බොහෝ කරුණු අතින් ඉතිහාසගත වී සිටින්නේ එහෙයිනි.


ජනාධිපති මහින්ද රාජපක්ෂ මහතාගේ පෞද්ගලික වෛද්‍ය එලියන්ත ලින්ඩ්සේ වයිට් ජීවකතුමා එක්ස්රේ පතක්වත් නොබලා සිය ගුප්ත බල සහිත ආයුර්වේද ප්‍රතිකාර මගින් දින තුනකදී බෙකම්ට ක්‍රීඩාපිටියට අවතීර්ණ විය හැකි බවට විශ්වාසය පළ කළමුත් මේ බෙකමා එය ගණන් ගත්තේ නැත. දැන් ඔය එංගලන්තයට කෙළ වී ඇත්තේ ඒ නිසා ය.


“මා සූදානම් ඔහුට ප්‍රතිකාර කිරීමට. ඔහුගේ ආබාධය දින තුනකදී සුව කළ හැකියි. ක්‍රීඩාපිටියට යන්න පුළුවන්. සාම්ප්‍රදායික ආයුර්වේද ප්‍රතිකර්ම සමඟ මුසුකරන විශේෂ බලයක් තිබෙනවා” එදා වෛද්‍ය එලියන්ත වයිට් විදෙස් මාධ්‍ය වෙත පැවැසීය.


ජනාධිපතිතුමනි, ඔය පර සුද්දන්ට බම්බු ගසා ගන්නැයි කියා මේ ආශ්චර්යවත් ජීවකයා ලවා පාපන්දු ගසන අපේ කොල්ලන්ගේ කකුල් මසාජ් කරවමු. එවිට ආසියාවේ ආශ්චර්යය වෙනවා‍ට අමතරව අපට 2014 ලෝක කුසලානය දිනා ගන්නට ද හැකි වනු ඇත.


Bookmark and Share
You may also like to read our English blog  Lanka Polity

2010-06-28

අතුරුදහන් නොවී මිය ගිය අයකු වන්නට ඔහුට වාසනාව තිබිණි

(2010 ජුනි 28, W3Lankaඑක් නිලධාරියකුගේ නො සැලකිල්ල නිසා රහස් පොලිසියේ රහසක් එළි වී තිබේ.


මේ නිලධාරියා සිය මිතුරකු හෝ ගනුදෙනුකරුවකු වන කිරුළපන බිග් බනානා හෝටලයේ මුදලාලි සමග එක් වී වැල්ලවත්තේ නිවසකදී අර මුදලාලිගේ සේවකයකුට තඩි බා මරා දැමුවේ ය. ඉන් පසු, මළ සිරුර පාර්සල් කර, දෙන්නා එක්ක ඩබල් කැබ් රියකින් මුන්දලමේ, මුක්කුතුඩුවාවේ, පල්ලිවාසල්පාඩුවට ගෙන ගොස් දෙපැත්තෙන් අල්ලා, පද්දා මුහුදට වීසි කළේ ය. මෙය සමහර විට පුරුදු තැනක් වන්නට ඇත.


ප්‍රදේශවාසීන් එය දැක පොලිසියට පැමිණිලි කළ විට පොලිසිය මාර්ග බාධක දමා මේ සැකකාර මිනීමරුවන් දෙදෙනා අත්අඩංගුවට ගත්තේ ය. දෙන්නා අතරින් එක් අයෙකු රහස් පොලිස් පරීක්ෂකවරයකු වන චන්දන සිල්වා බව හෙළි වුණේ පසුවයි. අනෙක් සැකකාර මිනීමරුවා බිග් බනානා අයිතිකාර මරියනායගම් ලෙස්ලි රාජකුමාර් ය. (කොහොමද අපරාධවලදී සිංහල දෙමළ සමගිය?)


මේ අතර, බිග් බනානා මුදලාලිගේ බිරිඳ කෝකියා අතුරුදහන්ව ඇති බව කියා පොලිසියේ පැමිණිල්ලක් ද දැමුවා ය.


මරා දමන ලද තරුණයා වන 24 හැවිරිදි තෙන්නරාසු සෙල්වරාජ් ඉන්දීය ජාතිකයෙකි. ඔහු රාජකුමාර්ගේ හෝටලයේ අරක්කැමියකු බව වාර්තා වේ. (සීපා ගිවිසුම අත්සන් කරන්නත් පෙර ඔහු ලංකාවේ රැකියාවකට පැමිණ ඇත.)


තව පොඩ්ඩෙන් මේ තරුණයා ද ලංකාවේ තවත් බොහෝ පුද්ගලයන් මෙන් අතුරුදහන් වූවකු වන්නට ඉඩ තිබිණි. පෙර කළ පිනක් නිසාදෝ අතුරුදහන් නොවී මිය ගිය අයකු වන්නට ඔහුට වාසනාව තිබිණි.

Bookmark and Share
You may also like to read our English blog  Lanka Polity

ආර්ථික නො දියුණුකම, සමාජ පසුගාමිත්වය හා මාරක රිය අනතුරු

(2010 ජුනි 28, W3Lankaකුරුණෑගල, දැදුරුඔය පාලම අසලදී ඊයේ සිදු වූ හදිසි අනතුරෙන් එක ම ගමේ එකම පවුලේ කුඩා දරුවන් දෙදෙනකු ඇතුළු සත්දෙනෙකු ඉතා කණගාටුදායක අන්දමින් මිය ගොස්, තවත් සත්දෙනෙකු තදබල ලෙස තුවාල ලබා තිබේ.


කුරුණෑගල, උහුමීය ප්‍රදේශයේ සඳගල නම් පිටිසර ගමේ පදිංචිකරුවන් පිරිසක් වන මේ පිරිස අනතුරට පත් වූයේ ඔවුන්ගේ වෑන් රිය හා ගැටුණු පොහොර පටවාගෙන ගමන් කළ කන්ටේනර් රථයේ රියදුරුට නින්ද යාම නිසා බව පොලිස් පරීක්ෂණවලදී හෙළි වී ඇති බව ඇතැම් මාධ්‍ය පවසයි.



2007 අප්‍රේල් මස ගාලු පාරේදී බියර් රැගත් ට්‍රක් රියක් මගී බස් රියක ගැටී ගිනි ගැනීමෙන් බර වාහනයේ රියැදුරු ඇතුලු 20දෙනෙක් පිළිස්සී මිය ගිය හ.


ත්‍රිරෝද රියැදුරන්ගේ හා පෞද්ගලික බස් රියැදුරන්ගේ නො සැලකිලිමත් රිය පැදවීම් පිළිබඳ බොහෝ දෙනෙකු කතා කර ඇතිමුත්, භාණ්ඩ ප්‍රවාහනයේ යෙදෙන හා දිවයින පුරා සිදු වන විවිධ සංවර්ධන කටයුතු සඳහා ගල්, වැලි ආදිය ගෙන යන බර වාහනවල රියැදුරන්ගේ නො සැලකිලිමත් රිය පැදවීම් පිළිබඳ ප්‍රමාණවත් අවධානයක් යොමු වී නැත. 


මෙම වාහනවල දැවැන්තකම නිසා අනතුරකදී ඔවුන් තුවාල ලබනවාට වඩා ඔවුන් නිසා මාර්ග භාවිතා කරන සෙසු අය තුවාල ලබති. මෙම කරුණ නිසා, මෙම වාහනවල ඇතැම් රියැදුරන් කිසියම් අන්දමක අහංකාර ස්වරූපයකින් මාර්ගයේ හැසිරෙන බව පෙනේ.


උත්සව සමයන්හිදී රිය අනතුරු වැඩි වීමට හේතුවක් වන්නේ උත්සවවලට සහභාගි වීමට යන පුද්ගලයන් හා ඔවුන් රැගත් වාහන ගමන් කරන්නේ අතිශය අනාරක්ෂිත ලෙස වීමයි. වෙනදා මගීන් ගෙන යාම සඳහා යොදා නො ගැනෙන වාහන මේ දිනවල ඉතා අනාරක්ෂිත ලෙස අධික ලෙස මගීන් පටවාගෙන වේගයෙන් ගමන් කරන ආකාරය මේ දිනවල අතිශය සුලබ ය.


ඊයේ සිදු වූ කණගාටුදායක සිද්ධිය පිළිබඳ දිවයින පුවත්පතේ පළ වන පහත සඳහන් විස්තරය බලන්න:


මියගිය සයදෙනාගේ පවුලට රුපියල් විසිදහසක සීට්‌ටු මුදලක්‌ පසුගියදා හිමි වී ඇත. මේ නිසා ඔවුන් එම මුදලින් යාපනය සංචාරයක්‌ සඳහා යැමට අදහස්‌ කරගෙන තිබිණි. ඒ අනුව මියගිය පිරිස ඇතුළු දහසය දෙනකුගෙන් යුත් පිරිසක්‌ කුලියට ලබාගත් වෑන් රථයකින් යාපනයේ ගොස්‌ එහි දින දෙකක්‌ ගතකර නැවත නිවෙස්‌ බලා පැමිණෙමින් සිටියදී මෙම අනතුරට මුහුණපා ඇත.


ආර්ථික වශයෙන් තිබෙන නො දියුණුකම සමාජයක් වශයෙන් තිබෙන පසුගාමීකම් සමග එක් වූ විට මෙවැනි කණගාටුදායක සිද්ධි සඳහා මඟ පාදා දෙයි. 


ජනාධිපති මහින්ද රාජපක්ෂ සිල් සමාදන් වූ සිතුල්පව්වේ පොසොන් දිනවල සිටි සෙනග කන්දරාව අනුව දෙවන සෝමාවතී සිද්ධිය එහි සිදු නො වීම වාසනාවකි. 
(ඡායාරූප: 2007 අප්‍රේල් ගාලු පාරේදී සිදු වූ අනතුර)

Bookmark and Share
You may also like to read our English blog  Lanka Polity

2010-06-27

භීතිය විකුණමුද? සහෝදරත්වයට මං පෙත් සොයමුද? | Prospect theory and selling fear

ඩැනියල් කැහ්නමන්
(2010 ජුනි 27, W3Lanka අජිත් පැරකුම් ජයසිංහ) 2002 වසරේ ආර්ථික විද්‍යාව සඳහා වූ නොබෙල් ත්‍යාගය හිමි වූයේ ආර්ථික විද්‍යාව පිළිබඳ කිසිදු පාඨමාලාවක් නොහැදෑරූ ඊශ්‍රායල් ජාතික මනෝ විද්‍යාඥයකු වන කැලිෆෝනියාවේ ප්‍රින්ස්ටන් විශ්වවිද්‍යාලයේ ගෞරව සහිතව විශ්‍රාම ලත් මහාචාර්ය ඩැනියල් කැහ්නමන්ටයි. ඒ ඔහු ඉදිරිපත් කළ 'ඉදිරි දර්ශන න්‍යාය' (prospect theory) වෙනුවෙනි. 'හැසිරීම පිළිබඳ අර්ථ ශාස්ත්‍රය' නම් නව ශික්ෂාවක මතු වීම ද සලකුණු කරන 1979දී පමණ කැහ්නමන් හා ඇමොස් ත්වර්ස්කි විසින් සංවර්ධනය කරන ලද මෙම නව න්‍යාය 'අපේක්ෂිත උපයෝජ්‍යතා න්‍යායට' (expected utility theory) මනෝවිද්‍යාත්මක විකල්පයක් ලෙස සැලකිණි. අනතුරක් සහිත විකල්පයන් අතරින් එකක් පිළිබඳ තීරණයක් ගැනීමට තිබෙන මුල්‍ය තීරණ වැනි අවස්ථාවලදී මිනිසුන් තෝරාගැනීම කරන ආකාරය මෙම න්‍යාය මගින් විස්තර කෙරෙයි. ආනුභූතික සාක්ෂිවලින් පටන් ගෙන මෙම න්‍යාය විසින් පුද්ගලයන් විසින් විය හැකි හානි හා වාසි තක්සේරු කරනු ලබන ආකාරය විස්තර කරයි.

මෙම තීරණගැනීමේ ක්‍රියාවලිය සංස්කරණය හා ඇගයීම යන අදියර දෙකකින් යුක්ත බව න්‍යායෙන් පැවසෙයි. සංස්කරණයේදී තීරණයේ ප්‍රතිඵල ඇණවුම් කරනු ලබන්නේ යම් ආකාරයක අත්දැකීම් පදනම් කර ගත් විවරණයකින් පසුවයි. විශේෂයෙන්ම, මූලිකව වෙන් කර හඳුනාගත හැකි ප්‍රතිඵල තීරණය කරන අතර එය මතක තබාගෙන පහළ ප්‍රතිඵල හානි ලෙසද, ඉහළ ප්‍රතිඵල වාසි ලෙස ද සලකයි. මිනිසුන් හැසිරෙන්නේ අත්වියහැකි ප්‍රතිඵල හා එයින් ලැබිය හැකි දේ පදනම් කරගෙන වටිනාකමක් හෙවත්උපයෝගිතාවක් ගණනය කරන අයුරින් බවද, අනතුරුව ඔවුන් ඉහළ උපයෝගිතාවක් ඇති විකල්පය තෝරන බවද න්‍යායෙන් පැවසෙයි. පිළිගත් ආර්ථික තාර්කිකත්වය ඔස්සේ තේරුම් ගැනීමට බැරි අවස්ථා පැහැදිලි කිරීමට ආර්ථික විද්‍යාවේදී මෙම න්‍යාය උපකාරී වේ. වාසි, අවාසි සූදුවකදී සිදු විය හැකි ආකාරයෙන් පවතින විට, එම සූදුවෙන් වාසියක් විය හැකිද, පාඩුවක් විය හැකිද යන්න හා ඒ හා සම්බන්ධ වන වටිනාකමේ ප්‍රමාණය අනුව මිනිසුන් අනතුරු දරන්නේද ඒවා ප්‍රතික්ෂේප කරන්නේද යන්න තීරණය වන බව න්‍යායෙන් කියැවේ.

ආර්ථික විද්‍යාව, වානිජ්‍යය, කොටස් වෙළඳපළ වැනි කාරණා පිළිබඳ හොඳින් දන්නා අය පවා සක්විතිලා, දඬුවම් මුදලාලිලා හා කොතලාවලලාගේ ගැටවලට හසු වන්නේ ඇයිද වැනි කරුණු පැහැදිලි කරගැනීම සඳහා මෙම න්‍යාය මහෝපකාරී වෙයි.

'ඉදිරි දර්ශන න්‍යාය' පිළිබඳ මෙම සංකීර්ණ කරුණු කීපය ඉදිරිපත් කළේ වත්මන් සමාජයේ දක්නට ලැබෙන වැදගත් සංසිද්ධියක් කෙරෙහි අවධානය යොමු කිරීමටයි. ඒ වනාහි භීතියයි. මිනිසා නිරතුරුවම භීතියෙන් පෙළෙයි. විශේෂයෙන්ම වර්තමාන සමාජයේ බහුතරයක් මිනිස්සු විවිධ භීතිකාවන්ගෙන් පෙළෙති. හමේ පාට කළු වීමට බිය, කෙට්ටු වීමට හෝ තරබාරු වීමට බිය, කොණ්ඩය ඉදෙනවාට බිය, විභාග අසමත් වනවාට බිය, රැකියාවෙන් දොට්ට වැටේ යයි බිය, බස්වල බෝම්බ පිපිරෙතැයි බිය, අනාගතයේදී තම ජාතියට වඩා සෙසු ජාතීන් බලවත් වේ යයි බිය, ප්‍රභාකරන්ට වඩා දරුණු ත්‍රස්ත නායකයකු බිහි වෙතැයි බිය, බටහිර කුමන්ත්‍රණවලට බිය, ඉන්දියාව ලංකාව අල්ලා ගනිතැයි බිය, ලෝක විනාශයක් සිදු වෙතැයි බිය ආදී වශයෙන් මෙබඳු භීතිකාවන්ගේ අසම්පූර්ණ ලැයිස්තුවක් සාදාගත හැකිය. භීතියෙන් පෙළෙන මිනිසාට තාර්කික මිනිසා කරන අයුරින් මැදහත් සිතකින් යුතුව, තමන්ට ලබාගත හැකි සියළුම තොරතුරු භාවිතා කර හොඳ නරක මැනවින් කිරා බලා නිගමන වලට එලඹීමට නොහැකිය. මිනිසා තාර්කික ලෙස හැසිරෙන්නේය යන පදනමින් අර්ථ ශාස්ත්‍රඥයින් ගොඩනැඟූ න්‍යායන් සියල්ලේම පදනම බියෙන් පෙළෙන අතාර්කික මිනිසා ඉදිරියේ බිඳ වැටිණි. හැසිරීම පිළිබඳ අර්ථ ශාස්ත්‍රය පැන නඟින්නේ මෙකී බියෙන් පෙළෙන අතාර්කික මිනිසා තීරණ ගන්නා ආකාරය විග්‍රහ කිරීමටයි.

වෙළෙන්දන්, දේශපාලකයන්, ධර්ම ප්‍රචාරකයන්, වාමාංශිකයන්, සමාජ ක්‍රියාධරයන් වැනි බොහෝ අය මිනිසුන් අතර භීතිකාවන් නිර්මානය කරන අතර, ඒවා තම අරමුණු සාක්ෂාත් කරගැනීම සඳහා උපයෝගී කර ගනිති. ඒ සමගම ජාතිවාදය, ආගම්වාදය, කුලවාදය වැනි මානසික නිර්වින්දක මිනිසුන් අතර බෙදා දෙති. ඒවායින් තාර්කික මිනිසා නිද්‍රාවට පත් කර, බියපත් ආවේගශීලී මිනිසුන් බලමුළුගැන්වීම සඳහා සංවිධාන ගොඩනඟති. ලංකාවේ සමාජයට භීතිය විකිණූ ප්‍රධානම බලවේග දෙක වන්නේ සිංහල හා දෙමළ ජාතික අන්තවාදීහුය. මේ දෙපැත්තම අනෙක් ප්‍රජාවේ සියල්ලන් තම සතුරන් ලෙස සැලකීමට සමාජය පෙළඹවීය. සිංහලයන් කිසි දිනෙක තම දේශපාලන ප්‍රශ්නවලට විසඳුම් ලබා නොදෙනු ඇතිය යන කරුණ දෙමළ ජාතිවාදීන් විසින්ද, දෙමළ ජනයාට සුළු හෝ අවස්ථාවක් දුන්නොත් ඔවුන් රටෙන් පංගුවක් වෙන් කර ගනු ඇතැයි යන බිය සිංහල ජාතිවාදීන් විසින් ද අඛණ්ඩව පෝෂණය කරමින් තිබේ. මෙම දේශපාලන අදහස් ප්‍රචාරණ පද්ධති විසින් සමස්ත සමාජයේම අධ්‍යාපන, සන්නිවේදන ආදී ව්‍යූහයන් ගිල ගනු ලැබූ අතර එහි ප්‍රතිඵලය වන්නේ ජාතික අගතීන්ගෙන් තොරව තාර්කිකව සිතිය හැකි සමාජයන් වෙනුවට බියෙන් මුසපත්ව ආවේගශීලීව හැසිරෙන සමාජයන් මේ රට තුළ බිහි වීමයි. මෙම සමාජයන්ගේ ඇතැම් නායකයෝ පවා තමන් හසු වී සිටින විෂම චක්‍රය පිළිබඳ හාංකවිසියක් ‍නොදැන අවංකව ආවේගශීලීව හැසිරෙති. එහෙත් ඇතැමෙක් මේ සියල්ල කරන්නේ හොඳින් දැනුවත්ව, හිතා බලා සැලසුම් සහගතවයි. භීතියෙන් පැවැත්ම සාදාගත් අයට භීතිය නැති වීම දරාගත නොහැකිය. ඔවුහු නිර්මානශීලී අයුරින් භීතිය ප්‍රතිනිර්මානය කර පවත්වාගෙන යති.

මෙම භීති නාටකයේ එක් නූතන ජවනිකාවක් රඟදැක්වෙන්නේ 13වන ආණ්ඩුක්‍රම ව්‍යවස්ථා සංශෝධනය ක්‍රියාත්මක වුවහොත් රට බෙදෙනු ඇතැයිද, ඒ ඔස්සේ ප්‍රභාකරන්ට පණ එනු ඇතැයිද, බටහිර හා ඉන්දියාව ලංකාව ගිලිනු ඇතැයිද වෙව්ල වෙව්ලා කියමින් සමාජය බියවද්දන සිංහල අන්තවාදී බලවේගය විසිනි. අනෙක් ජවනිකාව සඳහා ඔවුන්ගේ සහාය නළුවෝ දැන් එතෙර සිට පාරජාතික ආණ්ඩුවක් නම් වූ වේදිකාවක් හදති. එකම නාට්‍යය විවිධ නළුවන් යොදා පෙන්වූවා දැන් ලංකාවට හොඳටම ඇතිය. අද අපට අවශ්‍ය වන්නේ එකිනෙකා සැක කරන්නැයි, බිය වන්නැයි මොර ගා කියන කටවලින් විසි වෙන කෙළ තැඹි නොව එකිනෙකා අතර සහෝදරත්වය හඳුනාගැනීම සඳහා ඇවැසි කඳුළුය.

2010-06-26

ජනප‍්‍රිය බණ හා දුෂ්කථා ගැන | On popular Bana preachings

(2010 ජුනි 26, W3Lanka අජිත් පැරකුම් ජයසිංහ)
යෝහිකෝචි භික්ඛවේ භික්ඛු ඒවං චින්තො පරේසං ධම්මෝ දේසති. අහෝ වන මේ ධම්මං සුණෙය්‍යුං සුත්ථාච පන ධම්මං පසීදෙය්‍යුං පසන්නාච මේ පසන්නකාරං කරෙය්‍යූං ඒව රූපස්ස භික්ඛවේ භික්ඛුතෝ ධම්ම දේසනා අපරිසුද්ධා හෝති.
මහණෙනි, යම් භික්ෂුවක් මාගේ ධර්මය ඇසුවහොත් හොඳය, අසා පැහැදුණහොත් හොඳය, පැහැදීමෙන් යුතුව සත්කාර උපකාර කළහොත් හොඳය යන අදහසින් කරන ධර්ම දේශනාවක් වෙත්නම් එය අපිරිසුදු දේශනාවකි.
(අංගුත්තර නිකාය, කස්සප සංයුතය)


‘චරථ භික්ඛවෙ චාරිකං - බහුජන හිතාය - බහුජන සුඛාය‘ යි බුදු රජාණන් වහන්සේ ධර්ම ප‍්‍රචාරය සඳහා නික්මෙන සංඝයාට දුන් උපදේශය සර්වකාලීනය. සංවර්ධනයේ මායාවෙන් මුසපත්ව, වියරු රංගනයක යෙදී සිටින වත්මන් ලෝකයට මොහොතකට නැවතී ජීවිතය දෙස ආපසු හැරී බැලීමට, සිත් සනසා ගන්නට, යථාර්ථය පසක් කරගන්නට ධර්ම දේශනාවක් මහෝපකාරී වේ. ලෝකය දියුණු වන්නට, වන්නට පන්සල් කරා ඇදී එන ජනයා වැඩි වන්නේද, ධර්ම දේශනාවලට සවන් දීමට ජනයා වැඩි වැඩියෙන් රැස් වන්නේද ඒ නිසාය.


එහෙයින් ධර්මය දේශනා කරන්නා හට පැවරී තිබෙන කාර්යභාරය සුළුපටු එකක් නොවේ. ඔහු ජීවිත වෙනස් කරන්නෙකි. ලෝකයට අලූත් මංපෙත් විවර කර දෙන්නෙකි.


‘ඔවා දෙනු පර හට
තමා සම්මතෙහි පිහිටා සිට
දුසිරිත දනන් දෙන
ඔවා වැද්දන් දෙසන බණ වැනි‘ යි ලෝකෝපකාරයෙහි කී කියමන අනුව අද බණ දෙසන බොහෝ දෙනෙකු සම වන්නේ වැද්දන්ටය. මෙම කවියෙහි වැද්දන් උපමාවට ගන්නට ඇත්තේ ‘දියුණු‘ සමාජයේ ප‍්‍රමිකීන්ට අනුව ඔවුන්ගේ ජීවිත ප‍්‍රාථමික හා අශිෂ්ඨ නිසා වන්නට ඇත. අද බණ දෙසන්නෝ බොහෝ දෙනෙක්ද අශිෂ්ඨ නොදියුණු මිනිස්සු වෙති. බුදුදහම මත පිහිටා ධර්මය දේශනා කිරීම නම් උතුම් කාර්යය බිස්නස් එකක් කරගන්නෝ ඔවුහුය.


විඩිත‍්‍ර ධර්ම කථිකයකු ලෙස තමන්ව හඳුන්වා ගන්නා ජනප‍්‍රිය ධර්ම දේශකයකු වීම අද දවසේ ඇතැම් භික්ෂූන්ගේ ‘නිවන‘ සලසා ගන්නා මග වී තිබේ. එවැනි හිමිනමකගෙන් බණක් ‘ඇණවුම්‘ කරගැනීමට ඇතැම්විට අත්තිකාරමක් ගෙවිය යුතුය. හරියට සංගීත සංදර්ශනවලට ගායක ගායිකාවන් ගෙන්වා ගන්නා සේය. ඇතැමෙක් මුදල් අය කරන්නේ බණට නොව බණට වඩින සුඛෝපභෝගී වාහනයට හා සමහරවිට දම් දෙසුම මිහිරි කරන ශබ්ද විකාශන කට්ටලය කුලියට දීමට කියාය. බණ කියන්නට එන යතිවරුන් පසුපසින් එන ගෝලයෝ බණ පොත්, පත්තර, බණ තැටි, බණ පටි පමණක් නොව, නළුවන් සේ මේකප් කර, ලයිට් දමා ගන්නා ලද හාමුදුරුවන්ගේ පිංතූරද විකුණති.


ජනප‍්‍රිය ධර්ම කතිකයකු වූ පසු රූපවාහිනී, ගුවන් විදුලි සේවාවලින්ද ආරාධනා ගලා එයි. කැසට් හා සී.ඞී. මුදලාලිලා ‘ඇල්බම්‘ නිකුත් කිරීමට ඉදිරිපත් වෙති. විදේශ රටවල ශ‍්‍රී ලාංකිකයෝ බණට ආරාධනා කරති. මිළ මුදල් යහමින් ඇති, බොහෝවිට අධර්මයෙන් මුදල් රැස් කළ අය සිය කළු සල්ලි සුදු කරගැනීම සඳහා හාමුදුරුවන්ට අනුග‍්‍රහ දක්වන්නට පෙළගැසෙති. ජනප‍්‍රිය භික්ෂූන් ඡන්ද මැෂින් බව දන්නා දේශපාලකයෝද ඔවුන් වෙත ඇදී එති. දේශපාලකයන් හරහා යම් යම් කාර්ය කරගන්නට උවමනා පිංවත්තු හාමුදුරුවන් වටා කැරකෙති. මේ විෂම චක‍්‍රයට හසු වූ ඇතැම් භික්ෂූහු පන්සල් වෙනුවට සුඛෝපභෝගී ‘අසපු‘ ඉදි කර ගනිති. තවත් සමහරු දේශපාලනයට වැඩම කරති. තවත් බොහෝ විපරීත ක‍්‍රියාවලද යෙදෙති.


මේ හාමුදුරුවරු ඍජුව වෙළඳ දැන්වීම්වල පෙනී නොසිටිති. එහෙත්, රූපවාහිනී සහ ගුවන් විදුලි සේවා බණ දෙසුම් හා ධර්ම සාකච්ඡා මුලට, මැදට, අගට දැන්වීම් දමා හාමුදුරුවන්ව අලෙවි කරති.


ජනප‍්‍රිය ධර්ම කථිකයකු වීමට බණ දහම් හොඳින් දැනගැනීම පවා අත්‍යවශ්‍ය නොවේ. සමහරු ජනප‍්‍රිය වන්නේ අසන්නන් ඉදිරියේ තමනුත් හඬා, අනුනුත් හැඩවීමෙනි. තවත් සමහරු හිනා යන බණ කියති. තවත් අයෙක් බණ කියා බැන වදිති. උපහාස, අපහාස බණද තිබේ. එක් භික්ෂුවක් බණ දෙසන අතර හොඳ සපත්තු යුගලක් පැළඳි ළමයකු ඉදිරියට කැඳවා, එය ගලවන්නට අණ කර, වඩුවකු වූ සිය පියාට එවැනි සපත්තු කුට්ටමක් මිළ දී ගෙන දෙන ලෙස කීම ගැන බැණ වැදී, දේශනාව අවසන් වනතුරු ඔහුට සියලූ දෙනා ඉදිරියේ අපහසුවෙන් සිටගෙන ඉන්නට සැලැස්වීය.


බණ මැද ඉන්ද්‍රජාල පෙන්නීම පවා තව ටික කලකින් දැකිය හැකි වනු ඇත. වෙනත් ඕනෑම වෙළඳපොලක මෙන් මෙතැනද තරගකාරිත්වයක් ඇති බැවින් ජනප‍්‍රියත්වයට පත් වීමටත්, එය රැකගැනීමටත් නොයෙක් විප‍්‍රකාර කිරීමට සිදු වී තිබේ. සමහර භික්ෂූන් අඳින්නේ සිවුරු නොව ඉතා වටිනා සළුය. ඒවා මසා ඇති අන්දමද, වර්ණද ඉතා සම්ප‍්‍රදාය විරෝධීය. සමහර ධර්ම කථික හිමිවරු බණට වඩින්නේ සැන් පවුඩර් නාගෙන දෙතොලේ ලාවට ලිප්ස්ටික්ද තවරාගෙනය.


මේ සියල්ලටම වඩා භයානක වන්නේ ජනප‍්‍රිය වීම සඳහා මෙම යතිවරුන් දේශනා කරන බණයි. මේ බණ අසන්නට එන වැඩිදෙනා ස්ත‍්‍රීහු වෙති. එහෙත්, ඇතැම් හිමිවරු වැඩියෙන්ම කරන්නේ ස්ත‍්‍රීන්ට බැනවැදීමයි. කන්තා ඇඳුම් පැළඳුම්, ඇවතුම් පැවතුම් උපමා කොටගෙන ස්ත‍්‍රීන් පහත් කොට සැලකීම හා ඔවුන් උපහාසයට ලක් කිරීම බොහෝ ජනප‍්‍රිය පුරුෂෝත්තම ධර්ම දේශකයන්ගේ පුරුද්දකි. ස්ත‍්‍රිය පහත්ය යන පිළිගැනීමක් සමාජයේ තහවුරුව පවතින බැවින් ඔවුන්ගේ අශිෂ්ඨත්වය උපමා කොට ශිෂ්ඨත්වය දෙසන බවට මුවා වීමට මේ ධර්ම කථිකයන්ට හැකි වී තිබේ. එහෙත්, ඇත්තටම මොවුන් කරන්නේ කුමන්ද? ස්ත‍්‍රී අඟපසඟ, ඇවතුම් පැවතුම් ආදිය ගැන කතා කිරීම පසුපස ඇත්තේ දෙසන්නන්ගේත්, අසන්නන්ගේත් විකෘති කාම චේතනා හා පුරුෂෝත්තමවාදී ආකල්පයි. ඇතැම් සමාජ කණ්ඩායම්වල සිරිත් විරිත්, පුද පූජා හා වෙනත් සංස්කෘතිකාංගවලට ගැරහීම සභාවේ ඔල්වරසන් බලාපොරොත්තුවෙන් කරන දේ වේ. ත‍්‍රිපිටකය නොදත්, එය නොහදාරන ඇතැම් භික්ෂූහු තම නොදන්නාකම වසා ගන්නේ තමන් කියන බණට ‘කාලීන ධර්ම දේශනා‘ ආදී ලේබල් අලවාගැනීමෙනි.


සුදුසු කල්හි ධර්මය ඇසීම හා සාකච්ඡා කිරීම මංගල කරුණක් බව බුදුහු මහා මංගල සූත‍්‍රයේ දේශනා කළහ. එහෙත්, මෙවැනි බණ ඇසීම මංගල කරුණක් වේ යයි සිතිය නොහැක.


සාරජ්ජ සූත‍්‍රයට අනුව, ඇතැම් කථා දුෂ්කථා වශයෙන් සැළකෙන බව දේශනා කරන ශ‍්‍රී සද්ධම්ම වාගීශ්වර නාලන්දේ විමලවංශ හිමියෝ අල්පශ‍්‍රැතයාට බහුශ‍්‍රැත කථාද, දුස්සීලයාට සීල කථාද, මසුරාට ත්‍යාගය පිළිබඳ කථාද, දුෂ්ප‍්‍රාඥයාට ප‍්‍රඥාව පිළිබඳ කථාද දුෂ්කථාවන් වන බව පවසති. ඉහත කී ආකාරයේ බණ කියන්නෝද, ඒවා අසන්නෝද දුෂ්කථාකරුවෝ මිස අන් කවරහුද?


මෙබඳු බණ දෙසුම් ජනප‍්‍රිය වීම හා චොකා බයිලා ජනප‍්‍රිය වීම අතර වෙනසක් නැත. මෙම ධර්ම දේශකයන් තුළ ඇත්තේද බාල කලා නිර්මාන පසුපස ඇති අන්දමේම වානිජ හා පහත් පෙළේ සමාජ අරමුණුය. ඒවා ජනප‍්‍රිය වන්නේ ඒ සඳහා ඉල්ලූමක් සමාජයේ ඇති බැවිනි. බාල දෙයට ඉල්ලූම ඇති වන්නේ හොඳ දේ තෝරාගැනීමට නොදන්නා බැවිනි. හොඳ දේ යනු කුමක්දැයි විග‍්‍රහ කරගැනීම පෞද්ගලික අභිරුචිය මත සිදු විය හැකිය. එහෙත්, සංස්කෘතිය හා විශේෂයෙන්ම ආගම මිනිසුන්ට හොඳ නරක කියා දීමේදී ඉතා වැදගත් වේ. කිසිදු ශාස්තෘවරයෙක් ප‍්‍රචණ්ඩත්වය දේශනා කර නැත. ඔවුන් දෙසා වදාළේ ලෝකය වඩා යහපත් තැනක් කරගන්නා ආකාරයයි. විශේෂයෙන්ම අවිහිංසාව මත පදනම් වූ සැබෑ බුදු දහම හෙවත් බුදුන්ගේ බුදු දහම තුළ හොඳ දේ ජනයාට තෝරාබේරා දීම සඳහා ඉතා පැහැදිලි දැක්මක් තිබේ. අද දවසේ ගැටළුව වන්නේ අප පිළිපදින්නේ බුදුන්ගේ බුදුදහමද යන්නයි.

Bookmark and Share
You may also like to read our English blog  Lanka Polity

2010-06-25

ජී.එස්.පී. ප්ලස් එපා, ලංකාව කියයි: යුරෝපා සංගමයේ රෙදි ගැලවේ. | European Union stripped; Sri Lanka rejects conditions for GSP Plus

(2010 ජුනි 25, W3Lankaලංකාවේ සිට යුරෝපා සංගමයේ රටවලට අපනයනය කරනු ලබන ඇගලුම් ඇතුළු භාණ්ඩ වර්ග 7200කට ලබා දෙන තීරු බදු සහනය දීර්ඝ කර ගැනීම සඳහා යයි කියමින් පසුගිය දිනවල ලංකා රජයේ ඉහළ පෙළේ නියෝජිත කණ්ඩායම් මහජන මුදලින් යුරෝපයේ රවුම් ගසමින් මහජන කාලය කා දමමින් සාකච්ඡා පැවැත්වූ හ. 


මහාචාර්ය ජී.එල්. පීරිස් විදේශ ඇමති මෙසේ මහජන මුදල් කෑ එක් අ‍යෙකි. එහෙත්, ජී.එස්.පී. ප්ලස් තීරු බදු සහන ලබා ගැනීම සදහා යුරෝපය මානව හිමිකම් පිළිබඳ කොන්දේසි අනිවාර්යයෙන් ඉදිරිපත් කරන බව ද, යුද අපරාධ චෝදනා නිසා මව් රට වන ඇමරිකාවට පවා යන්නට බැරිව සිටින සාමාජිකයන් සිටින ලංකාවේ පාලක පවුලට මානව හිමිකම් ඇලජික් බැවින් ඒවාට එකඟ වන්නට බැරි බව ද තේරුම් ගැනීමට ලෝකය වටේ ගියත් මේ උත්තමයාට බැරි වී තිබේ. 


යුරෝපා සංගමය ජී.එස්.පී. ප්ලස් බදු සහනය දෙන්නේ ලංකාවේ හෙළයන්ට ඒක නො දුන්නොත් උන්ට රෙදි නැතිව හෙළුවෙන් වන වනා ඉන්නට සිදු වන නිසා නොවේ. යුරෝපා සංගමය බලාපොරොත්තු වන අන්දමේ ශිෂ්ඨත්වයක් ලංකාව වැනි හිඟන රටවල ඇති කිරීම සඳහා ය. මෙවැනි හිඟන රටවල් තව ඕනැ තරම් ලෝකයේ ඇති බැවින් ඒ අතරින් කීපයක් තෝරා ගැනීම යුරෝපා සංගමයට අසීරු නැත. අනෙක ශිෂ්ඨත්වය හෙළා දකින, මිනිසුන්ට මානව හිමිකම් අවශ්‍ය නැතැයි පවසන පාලකයන් සිටින ලංකාව වැනි රටකට මේ සහනය දුන්නොත්, එසේ දුන්නේ ඇයිදැයි ප්‍රශ්න කරන්නේ ලංකාවේ ම යාළු තවත් හිඟන රටකි. අපට තීරු බදු සහන දියව් කියා යුරෝපා සංගමයට කොන්දේසි දමන්නට ලංකාවට බැරි ඇයි ද යන්න තේරුම් ගැනීමට මහාචාර්යවරුන් වන්නට අවශ්‍ය නැත. 

ජී.එස්.පී. ප්ලස් එක තොපේ අතන ගසා ගනියව් කියා වීරෝදාර උත්තරයක් ලංකාව වෙනුවෙන් කැබිනට් ප්‍රකාශක කෙහෙළිය රඹුක්වැල්ල වීරයා දී තිබේ. හරි ෂෝක් ය. දැන් යුරෝපා සංගමයට දත කට පූට්ටු වී ඇතැයි ලංකාවේ ගොඩේ අප්පුහාමිලා හිතනවා ඇත. 


එහෙත්, මේ අප්පුහාමිලා නො දන්නවා වුණාට යුරෝපා සංගමය දමා තිබෙන කොන්දේසි වඩා හොඳ තම තමන්ට ම ය. පහත සඳහන් වන්නේ ඒ කොන්දේසිවලින් සමහරකි.


17වන ආණ්ඩු ක්‍රම ව්‍යවස්ථා සංශෝධනය ක්‍රියාත්මක කිරීම: මෙගින් සිදු වන්නේ පොලිසිය, අධිකරණය, රාජ්‍ය සේවාව, ජිල්මාට් දමන මැතිවරණ දෙපාර්තමේන්තුව වැනි ආයතන දේශපාලන බලපෑමට යටත් නො වන ස්වාධීන කොමිෂන් යටතට පත් වීමයි. 


හදිසි නීතිය ඉවත් කිරීම: පොලිසියට අසීමිත බලයක් ලැබී තිබෙන්නේ ලංකාවේ සාමාන්‍ය නීතිය බවට පත් වී තිබෙන හදිසි නීතිය නිසා ය.


ත්‍රස්තවාදය වැළැක්වීමේ පනත: මෙම පනත යටතේ පාලකයන්ට ඕනෑ වෙලාවක ඕනෑ ම පුද්ගලයකු ත්‍රස්තවාදියකු කර දීර්ඝකාලීනව සිර කළ හැකි ය. (දැන් ලංකාවේ කොටි නැත. ඉන්න කොටින් වන කේ.පී. වැනි අය ඉන්නේ ආණ්ඩුවේ ය.)


දණ්ඩ නීති සංග්‍රහය සංශෝධනය කිරීම: මෙමගින් අපේක්ෂා කරන්නේ ද සැකකරුවන්ගේ මානව හිමිකම් ආරක්ෂා කිරීමයි. අධිකරණයෙන් වරදකරුවකු බවට පත් කරන තුරු සැකකරුවකු වරදකරුවකු වන්නේ නැත. 


(ලංකාව ද ඇතුළුව ශිෂ්ඨත්වය අපේක්ෂා කරන ලෝකය විසින් ගොඩනඟා ගන්නා ලද සංවිධානයක් වන) එක්සත් ජාතීන් වෙත පැමිණිලි කරන්නට ලංකාවේ පුරවැසියන්ට අයිතිය ලබා දීම:  ලංකාවේ ශ්‍රේෂ්ඨාධිකරණයේ අග විනිසුරු ධුරය කලක් සරත් එන්. සිල්වා විසින් ද දරන ලදී.  ඔහුගේ තීන්දු වැරදි යයි කියමින් ඒවා නො තකා කටයුතු කළ ප්‍රධාන ආයතනයක් වන්නේ ලංකාවේ ආණ්ඩුවයි. මෙවැනි තත්වයක් පවතින කල අහිංසකයකුට සිය පැමිණිල්ල ලෝකය වෙත ගෙන යාමට ඉඩ දීමේ වරද කුමක්ද?


2008දී ජනාධිපති විසින් මානව හිමිකම් පිළිබඳ සොයා බැලීමට පත් කරන ලද කොමිෂමේ වාර්තාව ප්‍රසිද්ධ කිරීම: ඉතින් මළ හත්තිලව්වේ මේ ලබ්බ පත් කරලා තියෙන්නෙත් ජනාධිපති නම්, වාර්තාව තියෙන්නෙත් එයා අතේ නම්, මේවා නඩත්තු කරන්න බදු ගෙවන ජනතාවට ඒ ගැන කියන්න කියලා යුරෝපා සංගමය කියන්න ඕනැද?


අත්අඩංගුවේ සිටින කොටි සාමාජිකයන්ගේ නාම ලේඛනය ප්‍රසිද්ධ කිරීම: කොටි වුණාට මේ අයත් කාගේ හරි දරුවෝ, කලත්‍රයන් හෝ නෑයෝ. ඉතිරි වී සිටින ලොකු ම කොටියා ආණ්ඩුවේ ලොක්කන් එක්ක පාටිත් දානවාලු. මේ ළඟදි කිලිනොච්චියේ ඇවිදින්නත් ගියා. එහෙව් එකේ අත්අඩංගුවේ ඉන්න අයගේ ලැයිස්තුව ප්‍රසිද්ධ කරන එක ඔච්චර දෙයක් ද? 


මානව හිමිකම් සංවිධානවලට මේ රැඳවුම් ස්ථාන බලන්න යන්න අවසර දීම: දැන් ඉතින් අවුරුද්දක් ගියානේ.  ප්‍රශ්න කරන්න කාව හරි කකුල් දෙකෙන් එල්ලුවා නම් දැන් බාලා ඇතිනේ. ඉතින් ඔය ඉන්න කට්ටියව නාවලා, පවුඩර් දාලා, ඇත්ත විස්තර කිව්වොත් 'අම්මට ...' කියලා අර අසූ නමයෙදි රතු කුරුසෙට ජවිපෙ කැරැළිකරුවන් සිටි කඳවුරු පෙන්නුවා වගේ පෙන්නන එකනේ තියෙන්නේ. මේවා කරන හැටි හමුදාව, පොලිසිය නම් දන්නවා. බලන්න එන එවුනුත් දන්නවා. 


ජාතික මානව හිමිකම් ක්‍රියාකාරී සැලැස්ම පාර්ලිමේන්තුව විසින් පිළිගැනීම: හැදුවේ තමන් ම නම් මොකද තමන්ට ම පිළි ගන්න බැරි?


මාධ්‍යකරුවන්ට හිංසනයෙන් තොරව කටයුතු කරන්නට ඉඩ දීම: මේක කළොත් මුලින් ම පාඩු ඔය නිදහස් මාධ්‍ය ව්‍යාපාරය වැනි රාජ්‍ය නොවන සංවිධානවලටයි. 


යුරෝපයට ගොස් දීනයන් ලෙස හැසිරෙන ලංකාවේ දේශපාලකයෝ හා නිලධාරීහු ලංකාවට ආ පසු යුද අපරාධචෝදනා නිසා බියේ යු‍රෝපයට යන්නට බයේ සිටින ලංකාවේ පාලකයන්ට යට වී කමන් දන්නා කළ යුත්ත නොව වෙනත් දේ කර තමනුත් නා රටත් නාවති. 


ලංකාවේ මෝඩ ජනතාව උන්ට හුරේ දමා පොසොන් එකට බාර් වසා මතට තිත තබන්නට කලින් පොලිමේ ගොස් අරක්කු මිළ දී ගනිමින් ආණ්ඩුව අලුතෙන් අරක්කු බෝතලයට දැමූ රු. 50 බද්ද ගෙවති. පෝයට ඒක බී ගෙදර බිරිඳට තඩි බා හන්දියට ගොස් රුපියලක බද්දක් අලුතෙන් ගැසූ සිගරැට් උරමින් යුරෝපා සංගමයට බනිති. 


යුරෝපා සංගමයේ රටවල ජීවත් වන බහුතරයක් ජනයා ලංකාව කියා රටක් ලෝකයේ තිබෙනවාද කියාවත් නො දනිති. 


Bookmark and Share
You may also like to read our English blog  Lanka Polity

2010-06-24

ආක්‍රමණික, ආධිපත්‍යවාදී අරමුණින් ආගමික ස්ථාන ඉදි කිරීම රජයේ පාලනයට | Sri Lanka government takes control of the construction of shrines with purposes of domination

(2010 ජුනි 24, W3Lankaආගමික වශයෙන් පැනනැගිය හැකි අනවශ්‍ය මතබේද හා ගැටුම්කාරී තත්ත්වයන් වළක්‌වාලීමේ අරමුණින් අවිධිමත් අයුරින් විවිධ ප්‍රදේශයන්හි හිතුමතයේ ආගමික ස්‌ථාන ඉදි කිරීම වහාම ක්‍රීයාත්මක වන පරිදි අත්හිටුවීමට රජය තීරණය කර තිබේ.


මේ අනුව ඉදිරියේදී රටේ ඕනෑම ප්‍රදේශයක කුමන ආගමක හෝ නව ආගමික ස්‌ථානයක්‌ ඉදිකරන්නේ නම් ඒ සඳහා බුද්ධශාසන හා ආගමික කටයුතු අමාත්‍යංශයේ ලේකම්වරයාගේ අනුමැතිය ලබාගෙන අයෑදුම්පත්‍රයක්‌ සම්පූර්ණ කර අදාළ පළාත් පාලන ආයතනය වෙත ඉදිරිපත් කළ යුතු වේ.


එම අයෑදුම්පත්‍රය අදාළ ප්‍රදේශයේ ප්‍රදේශීය ලේකම්වරයාගේ නිර්දේශය ඇතිව විෂය භාර අමාත්‍යංශ ලේකම්වරයා වෙත යොමු කිරීමෙන් පසු කරුණු අධ්‍යයනය සඳහා පත් කෙරෙන කමිටුවක්‌ වෙත ඉදිරිපත් කිරීමෙන් අනතුරුව ඊට අවසර ලැබෙනු ඇති බව කියැවේ.


ආගමික ස්ථාන ඉදි කිරීම වනාහි ඉතිහාසය පුරා ම ලොව හැම තැන ම පාහේ හැම විට ම අවිහිංසාවාදී ක්‍රියා නොවේ. ආගමික ස්ථාන ඉදි කිරීම පසුපස ආගමික භක්තිය මෙන් ම ආධිපත්‍යවාදී හා ආක්‍රමණික අරමුණු තිබේ. යටත් විජිත සමයේ පාලකයන්ගේ අනුග්‍රහයෙන් මේ රටේ ක්‍රිස්තියානි පල්ලි ඉදි කළේ ආක්‍රමණික අරමුණු සහිතවයි. ඒ හා සමානව ම පශ්චාත් යටත් විජිත සමයේ පන්සල් ඉදි කිරීමට රාජ්‍ය අනුග්‍රහය ලබා දුන්නේ ද ආධිපත්‍යවාදී අරමුණු වෙනුවෙනි. 


පශ්චාත් යුද සමයේ මෙය සිදු වන්නේ අතිශය ආක්‍රමණකාරී ලෙස පමණක් නොව අවිහිංසාවාදී දහමක් දෙසා වදාළ බුදු හිමියන්ට උපරිම අන්දමින් අගෞරව වන අන්දමිනි. කොටි සංවිධානයේ ග්‍රහණයෙන් අල්ලා ගන්නා ලද උතුරු නැගෙනහිර ප්‍රදේශවල හමුදා විසින් තැන නො තැන නො බලා අටවා තිබෙන සෞන්දර්යයකින් තොර බුදු රූ මේ සඳහා නිදසුන් වේ. 


සුළුතර ආගමිකයන් බහුතරය ලෙස ජීවත් වන ප්‍රදේශවල ද මේ හා සමාන ආධිපත්‍ය ප්‍රදර්ශන ක්‍රියා සිදු වේ. 


මෙම සෑම ආධිපත්‍යවාදී ක්‍රියාවක් පිටුපස ම වෙනත් ආගමිකයන් ප්‍රකෝප කිරීමේ ආගමික නො වන දුෂ්ඨ අරමුණක් තිබේ. 


මේ ආගමික උන්මාදය භාවිතා කර ඇතැම් දේශපාලකයෝ මෙම ආක්‍රමණික ක්‍රියාවලට පක්ෂව හෝ විපක්ෂව ජනතාව උසි ගන්වා ඔවුන්ගේ කර පිටින් ගොස් සිය අරමුණු ඉටු කර ගන්නට මාන බලති. 


මේ අතර, තවත් ඇතැම් කපටි මේ ඔස්සේ විවිධ වානිජ අරමුණු ඉටු කර ගැනීමට උත්සාහ කරති. නිදසුනක් ලෙස පානදුර නගර මධ්‍යයේ ඇති එක් බුදු රුවක් ගැන ප්‍රදේශයේ ප්‍රසිද්ධ කට කතාවක් වන්නේ එක් ව්‍යාපාරිකයෙකු මෙම බුදු රුව ඉදි කිරීමට අනුග්‍රහ දැක්වූවේ ඒ ආසන්නයේ ඇති සිය වෙළඳසල් පාර පුළුල් කිරීමේදී කැඩී යාම වළක්වා ගැනීමට බවයි. 


මේ ආගමික උන්මාදය භාවිතා කරමින් තවත් පිරිසක් වටිනා ඉඩම් අනවසරයෙන් අත්පත් කර ගැනීමේ ජාවාරමක ද යෙදී සිටිති. ආණ්ඩුවට මෙය වැළැක්වීම සඳහා නීති පනවන්නට සිදු වී ඇත්තේ එබැවිනි. 

Bookmark and Share
You may also like to read our English blog  Lanka Polity

2010-06-23

2500 වැටුප් වැඩි වීම, අලුත් බදු, රජයේ සේවක කම්කරුවෝ හා හම්පඩ වාත්තීය සමිති

(2010 ජුනි 23, W3Lankaහෙට නැගෙනහිර පළාතේ විදුහල්පතිවරු වර්ජනයක් කරති. වැඩි වන ජීවන වියදම හමුවේ පඩි වැඩි කරන ලෙස ඉල්ලා නොවේ. අවිධිමත් මාරු කිරීම් විධිමත් කරන ලෙස ඉල්ලා ය. 


රජයේ සේවකයන්ට තිබෙන්නේ මෙවැනි ප්‍රශ්න මිස වැටුප් පිළිබද ප්‍රශ්න නොවේ. වැටුප් ප්‍රමාණවත් නැත. එහෙත් රජයේ සේවකයෝ සිය වැටුපේ අඩු කොටස පියවා ගැනීම සඳහා වෙනත් ක්‍රියාමාර්ග අනුගමනය කරති. විදුහල්පතිවරු නම් ළමයින් පාසල්වලට ඇතුළත් කර ගැනීමේදී හෝ ගුණාත්මක යෙදවුම්වලින් භාණ්ඩ මිළ දී ගැනීමේදී මාටියා ගසති. ගුරුවරු ටියුෂන් කරති.  වෙනත් රජයේ සේවකයෝ බොරු අතිකාල කරති. නැතිනම් පගා ගසති. 


රජයේ සේවකයන් යනු ඇත්තෙන් ම රැකියාවෙන් පමණක් ජීවත් වන කම්කරු පිරිසක් නොවෙති. ඔවුන්ගෙන් බහුතරය සුළු ව්‍යාපාරිකයෝ ය. රජයේ රැකියාව යනු ඔවුන්ගේ එක් ආදායම් මාර්ගයක් පමණි. කරන්නට තිබෙන වැඩ ප්‍රමාණය අඩු නිසා එහිදී ලැබෙන වැටුප අඩු වුව ද ඔවුහු මැසිවිලි නො නගති. 


ලංකාවේ වෘත්තීය සමිති ව්‍යාපාරය ප්‍රධාන වශයෙන් ම සැදුම් ලබන්නේ මේ අන්දමේ රජයේ සේවකයන්ගෙනි. එහෙත්, වාමාංශිකයන් සිතාගෙන ඉන්නේ මෙය කම්කරු ව්‍යාපාරයක් ය කියා ය. 


පසුගිය දිනෙක මෙම ලේඛකයා කොළඹ සිට එන ගමන් බසයේදී වරාය කම්කරුවකු සමග කතා කරමින් පැමිණියෙමි. ඔහු කියන පරිදි ළඟදීම වරාය කම්කරුවෝ වර්ජන ක්‍රියාමාර්ගයකට එළඹෙති. හේතුව කුමක්ද?  හේතුව, අතිකාල කප්පාදුව නිසා වරාය කම්කරුවකුගේ වැටුප අඩු වීමයි. අඩු වීම කීවාට මේ අඩු වීම මෙසේ ය. කලින් ඔවුහු අතිකාල කරනවා ය කියා අඩු මිළට ලැබෙන රට මත්පැන් බී කැරම් ගසා ගෙදරදී නිදා ගන්නවාට වඩා කලින් නිදාගෙන රු. ලක්ෂයකට වැඩි වැටුපක් ලබා ගත් මුත් දැන් එය රු. හැටදාහට පමණ අඩු වී තිබේ. 


අපේ වාමාංශිකයන් සිතාගෙන ඉන්නේ ලංකාවේ විප්ලවයේ අවුරෝරා නලාව පිඹිනු ඇත්තේ මේ කම්කරුවන් ය කියා ය. අහෝ දුකකි!


පසුගිය සමයේ අප සමග හිතවත්ව සිටි දුම්රිය කම්කරු පිරිසක් සමග එක්ව දේශපාලනය කිරීමට අප උත්සාහ කළ අවස්ථාවේ ඔවුන් අප බැහැර කළේ අප මධ්‍යම පංතික සුදු කරපටි සුළු ධනේශ්වරයන් ය යන අදහස මත පිහිටා ය. තමන් රුසියානු සාහිත්‍යයේ සදහන් වන දුම්රිය කම්කරුවන් වැනි පිරිසකැයි හිස උදුම්මාගෙන සිටි මේ කම්කරුවන් වැඩ කිරීම වෙනුවට වැඩපළේ කළේ දේශපාලනය කතා කිරීමයි. වරක් ඔවුන්ගෙන් එක් අයෙක් මෙම ලේඛකයාගේ වැටුප කීයක්දැයි අසා ආඩම්බරෙන් කතා කළේ තම වැටුප ඊට වඩා බොහෝ සෙයින් ඉහළ බව පෙන්වා දෙමිනි. 


මේ කම්කරු පංතිය සමග විප්ලව කරන්නට සිතා සිටින ජවිපෙ හා ප්‍රධාන වශයෙන් රජයේ සේවකයන්ගෙන් සැදුම් ලත් වෘත්තීය සමිති මහා සම්මේලනය පසුගිය දිනවල තරගෙට මෙන් උත්සාහ කළේ රජය පසුගිය ඡන්ද කාලයේ පොරොන්දු වූ රු. 2500 ලබා ගැනීම සඳහා සටන් ක්‍රියාමාර්ගයකට පිවිසීමටයි. එහෙත් ඒ සටන් රැල්ල සෝඩා බෝතලය කැඩූ කලක මෙන් එක පාරට ම බැස ගියේ ය. ඒ ඇයි? 


වෘත්තීය සමිති මහා සම්මේලනයේ රු. 2500 දිනා ගැනීමේ සටන කැඳවන මහා සම්මේලනයට නායකයන් ද සමග වෘත්තීය සමිති සාමාජිකයන් 50ක්වත් සහභාගි වූයේ නැත. සම්මේලනය ඉවර වී වෘත්තීය සමිති නායකයෝ බොන්න ගිය හ. 


ජවිපෙ සාමාජිකයන් ටික අයින් කර බැලූ විට ජවිපෙ උද්ඝෝෂණයට ද රජයේ සේවකයන් සහභාගි වුණේ අල්පයකි. 


රජයේ සේවකයන්ට උවමනා රු. 2500ක් නැත. මේ රටේ ජනතාව තව විශාල බදු බරක් උසුලන්නට සූදානම් බව වෘත්තීය සමිති නායකයන් නො දැන සිටියත් ආණ්ඩුව නම් දනියි. 


ආණ්ඩුව භය නැතිව අලුත් බදු පනවන්නේ එබැවිනි. පිටි කිලෝවලට රු. දහයකි. සීනි කිලෝවට රු. පහකි. ‍ඉන්ධනවලට හා ගෑස්වලට ද නව බදු පැනවීම පිළිබඳ ආණ්ඩුව සලකා බලමින් සිටියි. 


මධ්‍යම හා ඉහළ මට්ටම්වල රජයේ සේවකයන් කල්පනා කරමින් ඉන්නේ මේ ගැන නොව රජය තමන්ට ද තීරු බදු නැතිව වාහනයක් ආනයනය කර ගැනීම සඳහා බලපත්‍රයක් ලබා දෙනු ඇද්ද කියා ය. පහළ මට්ටමේ රජයේ සේවකයන් කල්පනා කරන්නේ මරුති 800 කාරයක මිළ කීයකින් අඩු වී තිබේ ද කියා ය. 


කම්කරුවන් හෝ වැඩ කරන ජනයා ඉන්නේ රජයේ සේවයේ නොවේ. රජයේ සේවකයන් යනු සැබෑ කම්කරුවන් සූරා කන පීඩාකාරී අතරමැදි ස්ථරයක් පමණි. ඔවුන් ඉස්සරහට දමාගෙන විප්ලව කරන්නට සිහින මවන ලංකාවේ වාමාංශිකයන් වහා ම යැවිය යුත්තේ මානසික සායනයකටයි. 


ඕනෑ නම් වෘත්තීය සමිති මහා සම්මේලනයට ඒ වෙනුවෙන් ව්‍යාපෘතියක් සකසා ෆ්‍රෙඩ්‍රික් ඊබට් පදනමෙන් මුදල් ලබා ගැනීමට වුව පුළුවන. 

Bookmark and Share
You may also like to read our English blog  Lanka Polity

2010-06-22

අයිතිය තහවුරු කළ යුතුව තිබෙන්නේ කුමන අදහස් ප්‍රකාශනයේ හා තොරතුරු දැන ගැනීමෙහිද?

(2010 ජුනි 22, W3Lankaපීඩිත ජනයා ඒකරාශී කිරීම අරමුණු කර ගත් පොදු ප‍්‍රතිපත්ති මාලාවක් සැකසීමේදී ජනමාධ්‍ය පිළිබඳ ප්‍රතිපත්තිය කෙසේ විය යුතු ද යන්න පිළිබඳ අදහසක් දක්වන ලෙස පසුගිය දිනෙක අපට ආරාධනාවක් ලැබිණි. 


සාමාන්‍යයෙන් ගත් කල සමාජයේ ජනමාධ්‍ය සම්බන්ධයෙන් ඇති ප්‍රගතිශීලී සටන් පාඨය ලෙස සැලකෙන්නේ 'තොරතුරු දැන ගැනීමේ හා අදහස් ප්‍රකාශනයේ නිදහස' තහවුරු කිරීමයි. 


වාමාංශික ස්වරූපයකින් පෙනී සිටින මාධ්‍යකරුවන් විසින් අටවා ගන්නා ලද මුදල් සොරකම් කිරීම හා මාධ්‍යකරුවන්ගේ මුවාවෙන් යුරෝපා රටවල සැප පහසු ජීවිත අපේක්ෂා කරන නිකමුන්ට දේශපාලන රැකවරණ සොයා දීමේ තැරැව්කාර නියෝජිතායතනයක් ලෙස කටයුතු කිරීම පිණිස කටයුතු කරන නිදහස් මාධ්‍ය ව්‍යාපාරය වැනි රාජ්‍ය නොවන සංවිධාන හොර ජාවාරම් ද පෙනී සිටින්නේ 'තොරතුරු දැන ගැනීමේ හා අදහස් ප්‍රකාශනයේ නිදහස' වෙනුවෙන් 'සටන් කිරීම' සඳහා යයි  කියනු ලැබේ. 


එහෙයින් ම මේ සටන් පාඨයේ කිසියම් අඩුපාඩුවක් ඇති බව අපට පෙනේ. පීඩිතයන් වෙනුවෙන් පෙනී සිටින්නේ යයි කියන සුළු ධනේශ්වර සොරුන්ට  ද, ධනේශ්වර ලිබරල්වාදීන්ට හා පීඩිත පංති ව්‍යාපාරවලට ද මුළුමනින් ම සමාන එක ම සටන් පාඨයක් තිබිය නො හැකි ය. 


මෙහිදී, මූලිකව මතු වන ප‍්‍රශ්නයක් වන්නේ පීඩිත ජනයා යන පිරිස අප අර්ථකථනය කර ගන්නේ කෙසේද යන්නයි.


මූලික වශයෙන් ම ලිංගිකත්ව පදනමින්, ජාතික හා වාර්ගික වැනි අනන්‍යතා පදනම්වලින් සහ ආර්ථීක පදනමින් පීඩිතභාවයට පත් වූවන් සමාජයේදී අපට හමු වන අතර පීඩිතයා යනු කවරෙක්ද යන්න අර්ථකථනය කර ගැනීම ම ගැඹුරු සංවාදයක් ඉල්ලා සිටියි.


පීඩිත ජනයා ඒකරාශි කිරීම පිණිස පොදු ප‍්‍රතිපත්ති මාලාවක් සම්පාදනය කිරීමේදී සංවාදය කෙතරම් වැදගත් වේ ද යන්න ඉහත නිදසුනෙන් ම පැහැදිලි වේ.


එබැවින් අන් සියලූ ම කාර්යයන් හා සමගාමීව අදහස් ප‍්‍රචාරණ අගතීන්ගෙන් හා ආන්තික බහිෂ්කරණයන්ගෙන් තොර විවෘත සමාජ සංවාදයක් පවත්වාගෙන යාම සඳහා අවකාශය විවෘත කර දෙන මාධ්‍ය සංස්කෘතියක් ගොඩනඟා ගැනීම අතිශය ප‍්‍රගතිශීලී කාර්යයක් හා මග හැර යා නො හැකි අවශ්‍යතාවක් බවට පත් වේ.


අදහස් ප‍්‍රකාශනයේ හා තොරතුරු දැන ගැනීමේ අයිතිය තහවුරු කිරීම වැනි ජනප‍්‍රිය ලිබරල් අදහස් මෙම සංදර්භය තුළ නිවැරදි ලෙස ස්ථානගත කළ යුතු ය.


මූලිකව මතු වන ප‍්‍රශ්න වන්නේ අයිතිය තහවුරු කළ යුතුව තිබෙන්නේ කුමන අදහස් හා තොරතුරු දැන ගැනීමෙහි ද යන්නයි. අදහස් යනු තව දුරටත් නිදහස්, ප‍්‍රජාතන්ත‍්‍රවාදී අවකාශයක නිර්මානය වන ඒවා නොවේ. අදහස් යනු බලවත් පංතීන් හා සමාජ බලවේග විසින් ඉතා සියුම් හා වෘත්තිකභාවයෙන් යුතුව ගොඩනඟා අධ්‍යාපනය, ජන සන්නිවේදනය හා වෙළඳපොල භාවිතා කරමින් අලෙවි කරනු ලබන ජාතියකි. අදහස් ප‍්‍රකාශනයේ හා තොරතුරු දැන ගැනීමේ අයිතිය තහවුරු කළ පමණින් සමාජයට සෙතක් නො වන්නේ එබැවිනි.


අවශ්‍ය වන්නේ විකල්ප අදහස් හා තොරතුරු සන්නිවේදනයට ද සම අවස්ථා ලබා ගැනීමට සටන් කිරීමයි. මෙහිදී සටන් කිරීමට සිදු වන්නේ බලවත් සමාජ කණ්ඩායම්වල ප‍්‍රාග්ධනය සමගයි. මේ වනාහි සමාජ වෙනසක් සඳහා කරන අරගලයේ ම කොටසක් මිස එයින් වෙන් කර ‘අදහස් ප‍්‍රකාශනයේ හා තොරතුරු දැන ගැනීමේ අයිතිය තහවුරු කිරීම‘ වැනි ලිබරල් සටන් පාඨයකට කොටු කළ හැක්කක් නොවේ.


Bookmark and Share
You may also like to read our English blog  Lanka Polity

2010-06-21

ජාත්‍යන්තර කොටි නායක කේ.පී. නිදහස් | Kumaran Pathmanathan alias KP now a free man

(2010 ජුනි 21, W3Lankaශ්‍රී ලංකා ආණ්ඩුව පසුගිය වසරේ මහා ශබ්දයක් නඟමින් මැලේසියාවේදී අත්අඩංගුවට ගෙන ලංකාවට ගෙන ආ කොටි සංවිධානයේ ජාත්‍යන්තර නායක කුමරන් පද්මනාදන් හෙවත් කේ.පී. දැන් නිදහස් කර ඇති බව වාර්තා වේ. ඔහු දැන් නිදහසේ රටතොට සංචාරය කරමින් සිටින බව ද දැනගන්නට තිබේ. ඒ බව තහවුරු වන පුවතක් අද දිනමිණ පුවත්පතේ පළ වී ඇත. ඒ මෙසේ ය:


කොටි සංවිධානයේ ජාත්‍යන්තර කටයුතු පිළිබඳ ප්‍රධානි කුමරන් පද්මනාදන් ඇතුළු දෙමළ බුද්ධිමත්හු නව දෙනෙක් තමන් උගත් පාඩම් ප්‍රතිසන්ධානය පිළිබඳ ජනාධිපති කොමිෂන් සභාව හමුවේ කරුණු ඉදිරිපත් කිරීමට සූදානමින් සිටිති.


කැනඩාව, ස්විට්සර්ලන්තය, ජර්මනිය, එක්සත් රාජධානිය, ප්‍රංශය, සහ ඕස්ට්‍රේලියාව යන රටවල දේශපාලන රැකවරණ ලබමින් සිටි කොටි හිතවාදීන් වූ මෙම පිරිස ආරක්ෂක ලේකම් ගෝඨාභය රාජපක්ෂ විදේශ කටයුතු ඇමැති මහාචාර්ය ජී. එල්. පීරිස් යන මහත්වරුන් හමුවී ශ්‍රී ලංකාවේ සාමය ගොඩනැගීම සම්බන්ධයෙන් සාකච්ඡා කර තිබේ.


නව දෙනෙකුගෙන් යුතු මෙම නියෝජිත පිරිස ශ්‍රී ලංකාවට ගෙන්වා ගැනීමට කුමරන් පත්මනාදන් දැඩි උත්සාහයක් ගත් අතර ඔහුද මෙම හමුවට එක්වී සිටියේය. කොටි හිතවාදීන් වූ මෙම විද්වතුන්ට ශ්‍රී ලංකාවේ තත්ත්වය පිළිබඳ පැහැදිලි අවබෝධයක් දැන් ලැබී ඇති බව කේ. පී. ප්‍රකාශ කරයි.


එතෙර වාසය කරන දෙමළ හිතවාදීන්ට දැන් තත්ත්වය අවබෝධ වී ඇතැයි ඔහු කියයි. යළි පදිංචි කරන අය ගැන සොයා බැලීමට ගිය මෙම නියෝජිතයන් පෙන්වා දුන් අඩු පාඩු සපයාදීමට බලධාරීහු එකඟ වූහ. මෙම පිරිස වවුනියාව යාපනය සහ කිලිනොච්චියේ සංචාරය කළහ.


දැන ගන්නට ඇති අන්දමට දෙමල ජාතිකවාදී විදෙස්ගත ප්‍රජාවේ හෙවත් ඩයස්පෝරාවේ ක්‍රියාකාරකම් මැඬලීමේ ආණ්ඩුවේ කාර්යයේ විශාල වැඩකොටසක් කේ.පී. කරයි.




Bookmark and Share
You may also like to read our English blog  Lanka Polity

රටේ ප්‍රධාන ම බදු ගෙවන්නන් පිරිසක් වන බේබද්දන්ට එරෙහි සෞඛ්‍ය ඇමතිගේ කුණු කතා හෙළා දකිමු!

සුනිල් අයියේ,
කතා කරපංකො මඩං
(2010 ජුනි 21, W3Lankaබේබදුකම නිසා රෝගාතුරව රෝහල්ගත වන පුද්ගලයන්ගෙන් ප්‍රතිකාර සඳහා මුදල් අය කිරීමේ ක්‍රමයක් සැකසීමට සෞඛ්‍ය ඇමති මෛත්‍රීපාල සිරිසේන සැලසුම් කරගෙන යන බව අද දිනමිණ පුවත්පත පවසයි.


මේ සිරිසේන නියෝජනය කරන දිස්ත්‍රික්කය පොළොන්නරුවයි. පාසල් පන්ති කාමරයේදී මත්කුඩු හා මත්පැන් පානය කළ බව කියන පොළොන්නරුව තෝපාවැව මහ විදුහලේ උසස් පෙළ සිසුන් 11 දෙනකුගේ පන්ති තහනම් කොට ඇති බව වාර්තා කරන්නේ ආණ්ඩුවේ ම දිනමිණයි.


අයියෝ මේ සිරිසේන නම් මාර ම නිර්මානාත්මක පොරකි. ඔහු කියන්නේ මේකලා බීලා ලෙඩ හදාගෙන ආවා ම උන්ට ප්‍රතිකාර කරන්නට වියදම් වන්නේ මහජන මුදල් ය කියා ය.


මේ නීතිය ගෙන ආ පසු බේබද්දන්ට සිදු වන්නේ බීලා ම මැරෙන්නයි. මන්ද, ලෙඩේට මුල බේබදුකම යයි දොස්තර තීරණය කළොත් ප්‍රතිකාර සඳහා මුදල් ගෙවන්නට සිදු වන බැවිනි. 


සෞඛ්‍ය ඇමතිවරයා නො දන්නා සිම්පල් කාරණය වන්නේ බේබද්දන් යනු මේ රටේ ප්‍රධාන ම බදු ගෙවන්නන් පිරිසක් බවයි.


ජනතාවගේ මතට තිත තබන්නට යන මේ සත් ගුණවත් ආණ්ඩුවට කළ හැකි හොඳ ම ක්‍රියාවක් වන්නේ මත්පැනින් බදු මුදල් ඉපයීමෙන් හා අරක්කු වෙළඳාමෙන් ඈත් වීමයි. 


වැරදි ලෙස පෞද්ගලීකරණය කරන ලද ශ්‍රී ලංකා රක්ෂණ සංස්ථාව ආපසු රජයට පවරා ගන්නා ලෙස ශ්‍රේෂ්ඨාධිකරණය දුන් තීන්දුවත් සමග රක්ෂණ සංස්ථාවට හිමි වී තිබුණු ඩිස්ටිලරීස් සමාගමේ කොටස්වලින් 
3.89%ක්ද රජයට හිමි වී තිබේ. ඩිස්ටිලරීස් ලංකාවේ ප්‍රධානම මත්පැන් සමාගමයි.

රජය මත්පැනින් අය කරන බදු ඉවත් කළොත් මිනිස්සු කසිප්පු වෙනුවට ලොකු ලොක්කන් බොන විස්කි, බ්‍රැන්ඩි බොනු ඇත. එවිට ඔවුන් පහසුවෙන් ලෙඩ වන්නේ නැත. 




මතට තිත තැබූ දා සිට ආණ්ඩුව අලුතෙන් බාර් බලපත් 200ක් පමණ නිකුත් කර තිබේ. 2008දී පමණක් අලුතෙන් බාර් බලපත් 36ක් නිකුත් කර ඇති බව 2009දී පාර්ලිමේන්තුවට ඉදිරිපත් කරන ලද සුරාබදු කොමසාරිස්ගේ 2008 පරිපාලන වාර්තාව පවසයි. 


මිළ වැඩිකම නිසා හෝ මතට තිත නිසා හෝ සැර මත්පැන් බීම 2008දී සියයට දෙකකින් අඩු වී තිබෙනමුත් බීර බීම සියයට 15කින් වැඩි වී තිබේ. ඒ අනුව සමස්තයක් ලෙස මත්පැන් බීම වැඩි වී තිබේ. රටට හිතැති මත්පැන් ලෝලීහු 2008 අවුරුද්දේ සැර මත්පැන් ලීටර් කෝටි හතරහමාරකට වඩා හා බීර ලීටර් පන්කෝටි හැත්තෑ ලක්ෂයකට වඩා පානය කළහ. හොර මත්පැන් කෙතරම් බීවාදැයි සුරාබදු කොමසාරිස් නො දන්නා මුත් දඩ හා බලපත් ගාස්තු වශයෙන් පමණක් රු. හැට දෙකෝටි තිස් ලක්ෂයකට වඩා දෙපාර්තමේන්තුව උපයා තිබේ. 2008 වසරේ සුරාබදු ආදායම රු. කෝටි 2744ක් පමණ වේ. මෙය 2007 වසරට වඩා රු. කෝටි 300ක ඉහළ යාමකි. සමස්ත කඩිනම් මහවැලි සංවර්ධන ව්‍යාපෘතියම සඳහා ඒ කාලයේ ගිය වියදම රු. කෝටි 845කි.


සුරාබදු දෙපාර්තමේන්තුවට අනුව 2006.12.09 දින සිට බලපැවැත්වෙන සුරාබදු අනුපාතයන් මෙසේයි:




මත්පැන්
රු.
සීනි, තල්, පොල් අරක්කු බෝතලයකට

421.00

විදේශීය මත්පැන් බෝතලයකට
550.00

5%ට අඩු මධ්‍යසාර ප්‍රතිශතයක් ඇති බීර ලීටරයට
37.50

5%ට වැඩි මධ්‍යසාර ප්‍රතිශතයක් ඇති බීර ලීටරයට

53.50

වයින් ලීටරයට

275.00

දුම්කොළ කිලෝවකට සුරාබදු

10.00


Bookmark and Share
You may also like to read our English blog  Lanka Polity

2010-06-20

2009 ලංගම බසයක් දුවන්නේ දිනකට කිලෝමීටර 1/2යි; ආදායම රු. 20යි; 13කට පඩි

(2010 ජුනි 19, W3Lankaපසුගිය දිනෙක මෙම ලේඛකයා සවස 7.30ට පමණ සිය ගම් ප්‍රදේශය බලා දිවෙන ප්‍රධාන මාර්ගයක මෝටර් සයිකලයෙන් යමින් සිටියදී බස් නැති නිසා පයින් යමින් සිටි ගම් වැසියකු දැක 'ලිෆ්ට්' එකක් දුන්නේ ය. යන අතරමගදී ලේඛකයා අර ගම්වැසියා කරන රැකියාව විමසී ය. ඔහු කීවේ දැන් ඔහු වැඩ කරන්නේ ලංගම රත්මලාන ඩිපෝවේ බවයි. ඔහු රැකියාවට දමා තිබුණේ එම ප්‍රදේශය නියෝජනය කරන වත්මන් ප්‍රවාහන ඇමතිවරයා විසිනි. 


මෙම පුද්ගලයා නිසි අධ්‍යාපනයක් හෝ වෘත්තීය පුහුණුවක් ලැබූවකු නොවන බව දැන සිටි හෙයින් ඔහුගේ තනතුර කුමක්දැයි ලේඛකයා  ඇසී ය. "මම මිකැනික්," යි ඔහු කීවේ ය. ඔහු කිසියම් මෝටර් කාර්මික පුහුණුවක් ලබා තිබේදැයි ඇසූ කල ඔහුගේ පිළිතුර වූයේ නැත යන්නයි. මේ අපේ රටේ සාමාන්‍ය ජනයාගේ මිහින් ලංකාව වන ලංගම කාර්මිකයකුගේ තත්වයයි. 


ප්‍රවාහන නියෝජ්‍ය ඇමති රෝහණ දිසානායක ම පවසන පරිදි ලංගම එක් බසයකින් සේවකයෝ 13ක් පඩි කති. (අද සිළුමිණ බලන්න) එහෙත් තිබෙන බව කියන බස් 5500 දුවවන්නට රියදුරෝ, කොන්දොස්තරු නැත. අලුත්වැඩියා කටයුතු සඳහා කාර්මිකයෝ නැත. ඉන්න තරමක් ඉන්නේ ආරක්ෂක නිලධාරීහු හා ලිපිකරුවෝ ය. ඔවුන් රැකියා ලබා ගත්තේ ඒ ඒ කාලයේ සිටි ප්‍රවාහන ඇමතිවරුන් හා ඒ ඒ ඩිපෝ පිහිටි ප්‍රදේශවල මන්ත්‍රීන්ගේ පිහිටෙනි. මහන්සි වී වැඩ කිරීමට සිදු වන රියදුරු, කොන්දොස්තර තනතුරු සඳහා පුරප්පාඩු තිබුණත් ඒවාට යන්නට මේ දේශපාලන හෙංචයියන් සුදානම් නැත. ඔවුන්ට උවමනා නිකම් සිට පඩි ගන්නටයි. 


2009දී ලංගම විසින් දිවයින පුරා ම බස් ධාවනය කර තිබෙන්නේ කිලෝමීටර 920,218ක් පමණක් බව ප්‍රවාහන නියෝජ්‍ය ඇමතිවරයා සිළුමිණ පුවත්පතට කියා ඇත.. එනම්, දිනකට කිලෝමීටර 2521ක් පමණි. කියන පරිදි බස් 5000ක් ධාවනය වෙමින් තිබුණේ නම් එක් බසයක් දිනකට කිලෝමීටර භාගයක්වත් ධාවනය වී නැත. 


ලංගම බසයක් 2009දී කි‍ලෝමීටරයකින් ලබන ආදායම රු. 41.31ක් පමණි. ඒ අනුව බැලූ කල ලංගම බසයක 2009 දිනක ආදායම රු. 20කි. එහෙත්, ඒ බසයෙන් 13දෙනෙකුට පඩි ගෙවිය යුතු ය.  එය කරන්නේ මහා භාණ්ඩාගාරයෙන් මුදල් ලබා ගැනීමෙනි. මහා භාණ්ඩාගරය මුදල් උපයන්නේ මහජනයා හෙවත් බස් මගීන්ගෙන් ම බදු අය කිරීමෙනි. 


මේ අන්දමේ ව්‍යවසායවලට නමක් යෝජනා කරන ලෙස අපි ඔබට ආරාධනා කරමු. 

Bookmark and Share
You may also like to read our English blog  Lanka Polity

2010-06-19

දෙමළ රිදී තිරයට ‍'ප්‍රජාතන්ත්‍රවාදය සඳහා දෙමළ ජනතාව' කාත්තන්කුඩියේදී ගිනි තබති

(2010 ජුනි 19, W3Lankaකොලිවුඩ් නමින් හැඳින්වෙන දකුණු ඉන්දීය සිනමාව නන්නත්තාර ය.


මක් නිසාද? 


ලංකාවේ 'ප්‍රජාතන්ත්‍රවාදය සඳහා දෙමළ ජනතාව' මඩකලපු දිස්ත්‍රික්කයේ කාතන්කුඩියේ සිනමා ශාලාවක තිරය ගිනි තබා ඇත. වරද දකුණු ඉන්දීය දෙමළ චිත්‍රපටයක් ප්‍රදර්ශනය කිරීමයි. කොහොමද ප්‍රජාතන්ත්‍රවාදය?


මේ වනාහි දකුණු ඉන්දීය සිනමාකරුවන් හා තාක්ෂණ ශිල්පීන් පසුගියදා 'අති සාර්ථක' අන්දමින් කොළඹදී පැවති අයිෆා සම්මාන උළෙල වර්ජනය කිරීමයි. ලංකාවේ 'දෙමළ ජනතාව' මේ රිටර්න් එක දී තිබෙන්නේ ඒ බලු වැඩේට ය. ඒ මදිවාට උතුරු නැගෙනහිර පළාත්වල ජුනි 30දා දක්වා දෙමළ චිත්‍රපට ප්‍රදර්ශනය කිරීම තහනම් කර තිබේ. දකුණු ඉන්දීය සිනමාකරුවන් 'ප්‍රජාතන්ත්‍රවාදය සඳහා දෙමළ ජනතාව'ගෙන් නොහොත් ලංකාවේ ආණ්ඩුවෙන් සමාව නො ගතහොත් මේ තහනම තවත් දිගු වනු ඇත.


උතුරු නැගෙනහිර ඉතිරි වී ඇති සිනමා ශාලා තිබේ නම්, ප්‍රජාතන්ත්‍රවාදය වෙනුවෙන් චිත්‍රපට පෙන්වීම නැවැතුවූයේ නැතිනම්, 1983දී දෙමළ මිනිසුන්ට අයිති සිනමා ශාලාවලට හා චිත්‍රාගාරවලටත්, ඒවායේ තිබුණු 'සංදේශය' වැනි පැරණි සිංහල චිත්‍රපටවලටත් වූ දේ නැවත සිදු වන්නට ඉඩ තිබේ. 


ලංකාවේ 'දෙමළ ජනතාව' දෙමළ 'රාවන්' වෙනුවට බුඩීගේ 'මාතා' සිංහල චිත්‍රපටය බලනු ඇත. 'මාතා' හැදුවේ මරදානේ සිනෙසිටි ශාලාවේ පෙන්වන දෙමළ චිත්‍රපටවලින් උපයා ගත් මුදලින් වීම වෙන ම කරුණකි. 


කමල් හසන් වෙනුවට අපේ කමල් අද්දරආරච්චි සිටියි. විජේ වෙනුවට ලංකාවේ විජය කුමාරතුංග කොපි කරන අර්ජුන් කමලනාත් සිටියි. සූර්යා කුමටද? අපට සූරියප්පෙරුම සිටියි. මනි රත්නම් කුමටද? අපට මනි ස්පින් සිනමා අධ්‍යක්ෂවරු ඕනෑ තරම් සිටිති. 


ඉන්දීය දෙමළ චිත්‍රපට වෙනුවට දෙමළ ජනයා දැන් සිංහල චිත්‍රපට බලති. කොලිවුඩය හාන්සි ය. ලංකාවේ සිනමා කර්මාන්තය එහෙමයැ. 

Bookmark and Share
You may also like to read our English blog  Lanka Polity