2011-01-28

පළාත් පාලන ඡන්දයෙන් දිනන්නේ කවුරු ද?

(2011 ජනවාරි 28, W3Lankaපළාත් පාලන ඡන්දයේදී මේ දේශපාලන ක්‍රමයේ පළමු පරාජය සලකුණු වූයේ තැපැල් ඡන්ද ඉල්ලුම් කිරීමේදී ය. සාමාන්‍යයෙන් රජයේ සේවකයෝ  විශාල පිරිසක් තැපැල් ඡන්ද ඉල්ලුම් කරති. ඒ මැතිවරණ රාජකාරි ගිය විට ඔවුන්ට ඡන්දය දැමීමට නො ලැබෙන බැවිනි. මෙවර ඔවුන් බහුතරයක් තැපැල් ඡන්ද අයදුම් ‍කළේවත් නැත. 


තත්වයේ බරපතලකම කොතෙක් ද යත්, රජයේ සේවකයන් මැතිවරණ රාජකාරිවලට නො එනු ඇතැයි දැන් මැතිවරණ දෙපාර්තමේන්තුව බිය වී තිබේ. ඡන්දය දැමීමේ හිමිකම ඉදිරිපත් කරමින් මැතිවරණ රාජකාරි මගහැරිය නො හැකි බව දැන් මැතිවරණ දෙපාර්තමේන්තුව තර්ජනාත්මක ස්වරයෙන් පවසයි. 


එහෙත්, 'තැපැල් ඡන්ද ඉල්ලුවේ නැතිනම් නිකම් හිටපියව්' කියා මැතිවරණ රාජකාරිවලට යොදවා ඇති අයකු තමන්ගේ ඡන්දය ප්‍රකාශ කිරීම වළක්වන අන්දමේ පියවර ගැනීමට සදාචාරමය හිමිකමක් රජයට නැත. 


මේ වනාහි රජයේ සේවකයන් විසින් රටේ පවතින දේශපාලන ක්‍රමයට එල්ල කරන ලද අතුල් පහරකි. කෙටියෙන් කිව්වොත් මේ වනාහි 'තොපේ ඡන්දය තොපි ම කර ගනිව්' යන පණිවුඩයයි.


දැන් ටොමී, ජිමී, පපී, සොපී වැනි අකුරු දෙකේ බජාර්කාර නම් ඇති මූණේ ලේ කළඳක් නැති වචනයේ පරිසමාප්ත අරුතින් ම හාල්පාණුවන්, අපතයන් යයි කිව හැකි පිරිසක් මුඩුම මූණත්තහඩුවල කෘත්‍රිම සිනා ඇඳගෙන අත් වන වනා පාරේ යනු පෙනේ. මේ වනාහි එක්කෝ පාර්ලිමේන්තු හෝ පළාත් සභා දේශපාලකයන්ගේ පවුල්වල සාමාජිකයෝ ය. නැතිනම් ඔවුන්ගේ ආරක්ෂකයෝ හා වෙනත් අන්තේවාසිකයෝ ය. මුන් වැඩිදෙනෙක් පසුගිය කාලයේ කරමින් සිටියේ මහජන මුදල් කොල්ල කන කොන්ත්‍රාත්, ඇමති සම්බන්ධීකාරක වැනි බොරු රස්සා, සල්ලි පොලියට දීම වැනි කූට ජාවාරම්, කුලියට මිනී මැරීම වැනි අපරාධ, මංකොල්ල කෑම් වැනි පාදඩ ක්‍රියා හා ස්ත්‍රී දූෂණ වැනි සමාජ විරෝධී ක්‍රියා ආදියයි. දැන් මුන් අහවලා ඇවිත් ආදී පාඨ ලියන්නේ මුන් පසුගිය කාලයේ සිටි තැන් ජනතාව නො දන්නවා ය කියා සිතාගෙන ය.


සමාජයට එරෙහි අපරාධ කළවුන් පිළිබඳ සොබා දහම බලා ගන්නවා ඇතැයි ජනතාව සිතති.  


මුන්ගෙන් කොයි එකා කොයි නිෂ්ඵල සභාවකට යනවා ද යන්න ජනතාවට වැදගත් නැත. ජනතාවට ඇත්තේ එදා වේල පිරිමසා ගන්නා ආකාරය පිළිබඳ බරපතල ප්‍රශ්නයකි. ඇත්තම කියනවා නම් ඔය පළාත් පාලන ආයතන බහුතරයක් ජනතාව සමග කිසිදු සම්බන්ධයක් නැත. මෙම ලේඛකයාට පළාත් පාලන ආයතනයක් මුළු ජීවිත කාලයට ම සම්බන්ධ වී ඇත්තේ ඔහුගේ නිවස සෑදීම සඳහා පළාත් පාලන ආයතනයේ සේවකයකු නො වන අයෙකු විසින් අඳින ලද සැලසුම අනුමත කර ගැනීමට බැරි වීමෙන් පසු එම ආයතනයේ සේවකයකු විසින් මුදලට අඳින ලද ඒ හා සමාන ම වූ සැලසුම අනුමත වීමෙන් පමණි.


මේ තත්වය තුළ තමන්ගේ කල්ල මරේ යයි එක්සත් ජාතික පක්ෂය සිතනවා නම් ඒ වනාහි මහා ම මුළාවකි. අද කුණු වී ඇති තුවාලය හැදුවේ එජාපය බව ජනතාව දනිති. එසේ ම එජාපය යනු වෙදා නොව ලෙඩාගේ අම්මාගේ සොර සැමියා බව ද ජනතාව දනිති. 


ජනතා විමුක්ති පෙරමුණ ගැන කියන්නට ඇත්තේ බිම් මට්ටමේ දේශපාලනය යනු කොළඹ උද්ඝෝෂණවලට ගමෙන් දෙතුන් දෙනා බැගින් එකතු කර ගැනීම නො වන බවයි. 


ජනතාව ද ඇතුළුව කවුරු කවුරුත් නෙළා ගනිමින් සිටින්නේ තම තමන් විසින් ම වපුරන ලද බීජවල අස්වැන්නයි. 


අපගේ ලිපියේ මාතෘකාවෙන් අසන 'පළාත් පාලන ඡන්දයෙන් දිනන්නේ කවුරු ද?' යන ප්‍රශ්නයට ජනතාවගෙන්බහුතරයකගේ නො වේ නම් අඩු තරමේ එක් විශාල පංගුවකගේ හෝ පිළිතුර වන්නේ මොන .............. දිනා ගත්තා  ම අපට මොක ද යන්නයි. 


Bookmark and Share
Bookmark, remember easily and come again  www.w3lanka.com

4 comments:

  1. තවම වපුරපු දේවල් වල අස්වැන්න හරියට ලැබිල නෑ. ලැබෙන්න ගත්තමවත් තේරෙයිද කියන්න බෑ මෙහෙව් එවුන්ට නම්.

    ReplyDelete
  2. ජ.වි.පෙ. ලබන අන්ත පරාජය වහ ගන්න දැන් ඉඳලම මැතිවරණය දෙකේ කොළේට දානව වගේ

    ReplyDelete
  3. chandaya gena chanda dayakayage visvasaya bidaveteema prajathantharavadaye malagamay , ayeth me yanne Suriyakande ahinsakayanta veda pennapu uththamayanta, sreemathilata, balayata enna park thanannata venna puluvana, manda lankave minissunta badata vadinakota,desapremaya amathaka vena bavini, me hema balayakma thananne janathavay,duushitha sithivili valin pireegiya, janathavagema desapremayen janathavama mirikee etha,meya samana kala hekke thamange bella thamanma mirika geneemakataya.jathi, agam,kula,samaja mattam, paksha anuva bedee, anekata virakarana samajayaka,nayakayanta,nokalaheky deyak netha-.elagata balayata ena ayata eththeda balayata ena uvamanava pamani.Apita jathiyak vasayen eka kodiyak yatata ekviya heki hodama avasthavath pyin gasa demu kalakanni jathiyak lesa api ithihasa gatha vey.durdantha palanayakata me janathava athara hema bedeemakma avasyay, ebevin,ena ena hema chandayakadeema yali yalith meruna koti panadee negittavanu etha..kavada ho janathava.......... thibunanam meeta vada hoday kiyanu etha.

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.