2011-10-12

හාවා ගැන අක්‍රමවත් වාක්‍ය රචනාවක්

හාවා යනු දුබල සතෙකි. ඌ වගාවලට හානි කරන නිසා ගොවීන්ගේ වෛරයට ලක් වේ. බල්ලන්, බළලුන් සේ බෝ වන නිසා වෙනත් මාංශ භක්ෂක සතුන්ගේ ආහාරයට නිර්මානය වී තිබේ. 


හාවා අහිංසකකමේ සංකේතයක් නම් කොටියා නපුරුකමේ සංකේතයකි. දෙමළ කැරළිකරුවන් සිය සංකේතය ලෙස තෝරාගෙන සිටියේ කොටියා ය. ඔවුන් සිංහලයන්ගෙන් ඇසූ කාරණයක් වන්නේ 'ඔබ රෞද්‍ර සිංහයා ජාතියේ සංකේතය ලෙස තෝරාගෙන අපට කියන්නේ හාවා තෝරා ගන්නටද' කියා ය. සිංහයාගේ රුදුරුකමට සමාන හා ප්‍රතිවිරුද්ධ ලෙස දෙමළ කැරැළිකරුවෝ කොටියා නම් සංකේතය ගොඩනැඟූ හ. 


එහෙත්, සිංහයාත්, කොටියාත් යන දෙදෙනා ම ලංකාවේ නැත. හාවා ඇත. 


ජනතා විමුක්ති පෙරමුණ සිංහලයන්ගේ සංකේතය වූ සිංහයා කෙතරම් වැළඳ ගත්තේ ද යත් ඔවුන් කලෙක සිය සමාජවාදී ලංකාවේ ජාතික කොඩිය ලෙස දැක්වූයේ රතු පසුබිමේ සිංහයා සිටින කොඩියකි. 


දැන් ජනතා විමුක්ති පෙරමුණේ පාර්ශ්ව දෙකකි. එකක් ඔප්පු, තිරප්පු ජවිපෙයි. අනෙක හෘදය සාක්ෂි ජවිපෙ ය. 


ජවිපෙ බෙදීම මතුපිට තලයේ ප්‍රභූන් හා අභ්‍යන්තර සංවිධායක ප්‍රභූන් අතර ගැටුමක් ලෙස අර්ථ දක්වන්නට පුළුවන. 


ගැටුමේ හොඳ හරියට එන විට ජවිපෙ සාමාජිකයන් යනු කෙතරම් හෘදය සාක්ෂිය නැති මිනිසුන් කොටසක් ද යන්න කැරැළිකරුවන්ට වැටහෙනු ඇත. 


ඒ සමගම තමන් ද කන්නාඩියක් ඉදිරියට ගොස් පපුවට තට්ටු කර බලනවා නම් හොඳ ය. තමන්ගේ අතීතයේ තමන් කටයුතු කළේ කෙසේ ද? 


තමන් හිටියේ රජය විසින් ප්‍රකාශිත යුද මුක්ත කලාපයේ සිර වී සිටි  වන්නියේ දෙමළ ජනයාට බර අවිවලින් පහර නො දෙන්නේ මන්දැයි ඇසූ පක්ෂයක බව සිහිපත් කර ගැනීම වටී. 


තමන් සමග එක අරමුණක් වෙනුවෙන් කලක් තිස්සේ එකට සටන් කළ සගයන් වෙනුවෙන්හෝ ස්ඵන්දනය නො වන හදවත් ඇති මිනිසුන්ගෙන් සමන්විත පෙරටුගාමී යයි නම් ලද පසුගාමී පක්ෂවලට මිනිසුන් වෙනුවෙන් කළ හැකි කිසිවක් නැත. 


හෘදය සාක්ෂිය ගැන ඉගෙන ගන්නට ජවිපෙ සාමාජිකයෝ චේ සමරන්නට තරග කිරීම පසෙක තබා චේ ගුවේරා ගැන නැවත කියවිය යුතු ය. මෝටර් සයිකල් දිනපොත චිත්‍රපටයේ මැදියම් රැයේ ඇදුම රෝගයෙන් පීඩා විඳිමින්, සීතල දියේ පීනා ලාදුරු කොලනියට යන චේ ගුවේරා විසින් සංකේතවත් කරන්නේ මිනිස්කම පිළිබඳ හෘදය සාක්ෂියයි. එය මෝඩකම නො වන බව තේරුම් ගන්නට සංවේදීකම වාමාංශිකයන් ය කියන අයට තිබිය යුතු ය. 


ජවිපෙ ඔප්පු තිරප්පු පාර්ශ්වය කැරළිකරුවන් යයි කියන බහුතර පිරිස ‍ප්‍රතිසංවිධානය වීම සඳහා යොදා ගන්නට යන  හාවා සංකේත කර ගත් එක්සත් ප්‍රජාතන්ත්‍රවාදී පක්ෂය ද තමන්ගේ යයි කියති. අහෝ දුකකි!

මේ ලිපියට ඔබ කැමති නම් වෙන අයත් එක්කත් බෙදා ගන්න

2 comments:

  1. අනේ අපොයි අහිංසක හාවාට ගිය කලක්. කටුස්සා තමයි හොඳම සන්කේතය....
    -Kumar-

    ReplyDelete
  2. Blog eka liyana sahodaraya, oba eththatama me JVP eke balaya allaganna maana balapu punchi kandayamata set una eka gena dukai..Oba ekak therum ganna, JVP eka 2005di mahindata support eka dunne netnam ada Elaam bihi wela.. JVP rata wenuwen awashya de kala, samaharawita pakshe genath nohitha ganipu theeranayak eka..
    Anika oya kandaayame inna eka mahaloku kerali karayek gena mama paudgalikawa danna de kiyannam.E M.P.Ajith Kumara gena..Miniha thamai halo Galle wala JVP nethi kale..Sirawatama kiwwoth sirawatama JVP karayek unata pothe JvP karayek..minihath ekka galle wala kalin weda karapu okkoma pakshikayo tharahai..oya aluth 2,3 denek watakaragena miniha mehe pissu natanawa..
    Blog eka liyana oya danne aduranne oya pubudu jayagoda,waruna wage aya wenna ethi, ekai obath e kattiya samaga ghin thiyenne..Netnam Tilwinla,Wijithala,Lal Kanthala,Anura Kumarala, Bimalla, Samanthala, Wasannthala wage aya nethuwa mona JVPda halo..Aluth un tika kujeetha wela yanawa..Wimal wage wenakam na..Parana 100% kaal marks pakshayak widiyata chanda 100k withara aragena hamadama idee..
    Obata desa pedewa kiyala pathanawa, Me drohee relen galawenna.

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.