2012-06-04

පොසොන් භක්ති ගී රියේ නිවේදකයන් හා සිල්වායන්

ජාතික වස්තු හැඳින්වීමේදී නම අගට 'යන්' කියා කියනු ලැබේ.


අමරදේවයන්, කේමදාසයන්, සුනිල් ආරියරත්නයන්, සෝමරත්න දිසානායකයන් ආදී වශයෙනි.


නන්දා මාලිනී වැනි අය සම්බන්ධයෙන් 'යන්' එතරම් ගැලපෙන්නේ නැත. එබැවින් කියන්නට සිදු වන්නේ මාලිනිය කියා ය.


රේනුකා බාලසූරියන් යයි කියනවා නම් අසා නැත. එහෙත්, තිස්ස නාගොඩවිතානයන් යයි කියනු අසා ඇත්තෙමි.


ඇතැම් ස්ත්‍රී ජාතික වස්තුවලට 'යන්' වෙනුවට 'වන්' සුදුසු ය. ඒ අනුව, රේනුකාවන් කියන්නට පුළුවන.


එහෙත් ජැක්සන් ඇන්තනියන් යයි කීවිට එය ටිකක් ඇන්තනියා, අන්තෝනියා වැනි අපහාසාත්මක වදනකට සමාන වන නිසා ප්‍රශ්නයක් පැන නඟියි.


මේ සිද්ධිය සිදු වුණේ යා පදවිය පැත්තේ පාසලක ය. විද්‍යාලයේ සෞන්දර්ය අංශය විසින් පොසොන් බැති ගී රථයකින් ජනපදයේ වීදි පුරා බැති ගී විසුරුවන වැඩසටහනක් සංවිධානය කර තිබිණි. වැඩසටහනේ සංගීතමය නිර්මානශීලිත්වය පාසලේ සංගීත ආචාර්ය පුෂ්පකුමාරයන්ගේ ය. ප්‍රශ්නයක් නැත. උපදේශකත්වය නියෝජ්‍ය විදුහල්පති ප්‍රේමරත්නයන්ගේ ය. එතැනත් ප්‍රශ්නයක් නැත. විදුහල්පතිනිය පෙරේරා මැඩම් ය. නිවේදක සුදත් ගුනරත්නයන්ට ප්‍රශ්නයකි. ඒ නිසා ඔහු කීවේ පෙරේරා මැතිනිය කියා ය.


ලොකු ම ප්‍රශ්නය ආවේ බැති ගී රථය මනස්කාන්ත ලෙස නිර්මානය කළ තාක්ෂණ ගුරුවරයා ගැන ය. ඔහු‍ගේ නම සිල්වා ය. නිවේදකයා කීවේ සිල්වායන් කියා ය.

මේ ලිපියට ඔබ කැමති නම් වෙන අයත් එක්කත් බෙදා ගන්න

7 comments:

  1. you can say... "silwaanan"
    I have seen Prof Gamlath uses it that way.

    - Dimithri

    ReplyDelete
  2. මේ ලෙඩේ නූතන සිංහල භාෂාවට බෝ කලේ සුචරිත ගම්ලතායන්ය. ( එතකොට නිකන් ගම්ලතා වෙනවා ) සොරි ගම්ලතුන්ය. ගාමිණී සුමනසේකරයන්ය ( සුමනසේකරය) දැන් ඉතින් ලෙඩේ ඔඩු දුවලය.

    ReplyDelete
  3. @ June 4, 2012 5:15 PM Anonymous said...

    සුමන කෙසේ වෙතත් ඌ නම් දැන් "සුනකසේකරයන්" වෙලා ගොඩක් කල්

    ReplyDelete
  4. උසස් පෙල පන්තියේ යාළුවෙකුට අපි කිව්වේ සිලුවාණෝ කියලයි.

    එදා පදවිය පාසලේ සිටි ජයසිංහයෝ කුමක් නම් කළෝද?

    ReplyDelete
  5. ගෑණු කස්ටියට 'වෝ' දානවානේ...සිරිමා...සිරිමාවෝ ...සුජාතාවෝ....

    ReplyDelete
  6. මගේ යාලුවෙක් හිරියා බූරුව කියල. අපි ඉතින් ඌටත් බොහොම ගරු බුහුමන් ඇතිව කට පුරාම "බූරුවෝ" කියල තමයි ආමන්ත්‍රනය කලේ

    ~Rx

    ReplyDelete
  7. sugath gena mama dannawa miniha oya wage gon katha issara indalama karanawa iskole kanawa buruwa mahaththaya

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.