2012-06-14

ඩැඩී, පප්පා, තාත්ති, අප්පච්චි හා අපුච්චා

"මගේ සහෝදරයන් සිවු දෙනා විජයරත්න බණ්ඩා, සෙනෙවිරත්න බණ්ඩා, කරුණාරත්න බණ්ඩා සහ අභයරත්න බණ්ඩා ලෙසින් නම් ලැබුවා. මගේ අම්මගෙ මවුපියො හිටියෙත් අපේ ගමේමයි. මං අපේ අම්මගෙ තාත්තට කිව්වේ කිරි අත්තා කියලා. අම්මගෙ අම්මා කිරි අම්මා වුණා. අපේ ගෙදර පරණ ගෙදර වුණා වගේ මේ ගේ ‘අලුත් ගෙදර’ වුණා. මං පුංචි කාලෙදි මේ ගෙවල් දෙකේ ම ජීවත් වුණා. ඒ කාලෙ අපේ අම්මා එයාගෙ පියාට කිව්වේ ‘අපුච්චා’ කියලා. ඒත් මං මගෙ පියා ආමන්ත්‍රණය කළේ ‘අප්පච්චි’ කියලයි. මට තේරෙන අවදිය වෙනකොට මං මේ දෙකේ වෙනස මොකක්ද කියලා සොයා බැලුවා. අපේ ගම අයිති වුණේ හතර කෝරළයට. ඒත් අපේ අප්පච්චි උඩුනුවරට අයිති කෙනෙක්. මේ නිසා පියාට කරන ආමන්ත්‍රණවල වෙනසක් ඇති බව මං වටහා ගත්තා. මේ හැම සියලු දෙයක් ම භාෂාව ගැන හොයන්න මට ඉඟියක් ලබා දුන්නා.” 


දිනමිණ පුවත්පතට මෙසේ කියන්නේ මහාචාර්ය ජේ. බී. දිසානායකයි. 


අප මෙය උපුටා දැක්වූයේ මෑතක සිට ලංකාවේ විලාසිතාව වී ඇති තාත්තාට අප්පච්චි යයි ඇමතීම පිළිබඳ සාකච්ඡා කරන්නටයි. කාලෙන කාලෙට තාත්තලා ඩැඩීලා, පප්පලා, තාත්තිලා වී දැන් ස්ටයිල් එක අප්පච්චි ය. 


මේ අප්පච්චි ස්ටයිල් එක දැන් නැගලා යන පුහු සිංහල ජාතිවාදී ප්‍රවණතාවත් එක්ක මාරෙට ෆිට් ය. 


දැන් අප්පච්චිලා වැඩිපුර ඉන්නේ නුවර කලාවියේ හෝ වෙනත් ගැමි කෝරළාදියෙහි නොව කොළඹ ය. කොළඹ පැල්පත් නිවාස පොකුරු පිහිටි වතුවල ද අප්පච්චිලා සිටිති. අද තාත්තාට අප්පච්චි කියන බොහෝ දරුවන්ගේ කිරිකිත්තලා පවා තාත්තාට අප්පච්චි යයි කියූ අය නොවේ. 


දැනට ටික කලකට ඉහතදී අපේ රටේ බිරියෝ බරුවන්ට හෙවත් සිය ස්වාමි පුරුෂයන්ට දරුවන් කියන ආකාරයට ම තාත්ති කියා ආමන්ත්‍රණය කරන මෝස්තරයක් ආරම්භ කළ හ. සාමාන්‍යයෙන් මේවා ආරම්භ වන්නේ ඉහළ පෙළැන්තියේ ප්‍රභූන්ගෙන් වන අතර වසර දහයක් පමණ ඇතුළත ගමේ හා නගරයේ කබ්බන් කරා මේ මෝස්තර සංක්‍රමණය වී ඒවා බලු වී යයි. එහෙත්, ගමට ආ අලුත ගමේ ප්‍රභූහු මේ මෝස්තරවලින් ගමේ කබු ම කබ්බන්ට පඩේ දමති. 


ලේඛකයා කලක් දුෂ්කර ප්‍රදේශයක රැකියාවක් කරන අතර ඔහු සිටි නිල චමරියේ සිටි තවත් සගයකුගේ මිතුරකු පොල් එකතු කරන ව්‍යාපාරයේ යෙදෙන අතරේ ඇතැම් දිනෙක රැය පහන් කිරීමට මෙම චමරියට එන පුරුද්දක් තිබිණි. අසල පොදු ළඳ අසල තවත් නිල නිවසක් වූ අතර එහි සිටියේ ඒ ගමේ ම යුවලකි.  ඒ ගෙදර ගෘහනිය සිය සැමියාට තාත්ති කියා කතා කරනවා ඇසූ අපේ අර පොල් මිතුරා ලේඛකයාගෙන්ඇසුවේ 'අර මිස්ගෙ තාත්තා කොහොමද අච්චර තරුණ වුණේ?' කියා ය. එහෙත් ඇත්ත කරුණ වූයේ මේ සැමියා බිරිඳට වඩා වයසින් අඩු වීමයි. 


මේ මෝස්තරය අනුව සැමියෝ ද බිරිඳට අම්මි කියති. එපමණක් නොව දරුවන්ට අක්කි, නංගි, අයියා (අයියි කියන්නට බැරි ය), මල්ලි කියා ද කියති. 


අර අප්පච්චි විලාසිතාව ද දැන් මේ අන්දමින් පීචං වී හමාර ය. ඒ නිසා කොහොමද අපුච්චා ස්ටයිල් එක කර ගත්තා නම්? 


මේ ස්ටයිල් එකට අනුව අම්මා අම්මන්ඩි විය යුතු ය. වැඩේ තියෙන්නේ අම්මන්ඩි කීවා ම වෙන තේරුම් තිබෙන එක ය. 

 මේ ලිපියට ඔබ කැමති නම් වෙන අයත් එක්කත් බෙදා ගන්න

11 comments:

  1. Mr. Parakum,
    Anna highway eke hamuduru kenek policiyata benala kokkak daagena. Narakada Buddhagamari, Sangha samajayayi patta gehuwanam. Eka makunek kewama okkoma marana eka oyage style ekane. Kata eriyoth Sinhala jathiwadaya pathuru gahanawa. Ethakota Demala, muslim jaathiwadaya? Aa...ekata mula thamayi Sinhala Jathiwadaya.

    ReplyDelete
  2. ඔබේ සාර ගර්භ ලිපි නිරතුරු කියවමි.
    එත් මෙවනම් මහ වැඩකට නැති පල් හෑලි.

    ගෑනි මිහිහට අමතන විදියෙන් තත්වය මැනිම හෝ එය ඉහල පන්තියෙ සොබනයක් ලෙස දකිම විහිලුවක් සහ හින මානයක්.
    මෙය සමජ බාවිතයක විකාශනයක් පමනි.
    ඔබේ තර්කයට අනුව, පරන මිනිසුන් ගෑනිට 'මැනිකෙ' කියා ඇමතිමත් සොබනයක් වෙන්නට ඉඩ තිබුනා.
    එසෙත් නැත්නම්.. ඔබට අනුව.. අපිට Pet names තිබිය නොහක.
    මෙව ලිපියක් ලියා කත කරන්ඩ තරන් දෙයක් නොවේ.. එක එක මනුස්සය ජීවිතෙට සන්වේදි වෙන විදියය්.

    අපේ අක්කා, සැමියට අමතන්නෙ 'අය්යා' කියල..
    මුලු වැඩහිටි පරම්පරවම බැන්නත් .. ඇය ඉස්කොලෙ 10 වසරෙ සිට ගෙනාව කුලුදුල් පෙම් රසය රැක ගන්නෙ තාමත් අය්යා කියල ඇමතිමෙන්.
    අද uni ඉන්න ඉල්ලන්දරියෙක්ගෙ මවක් උනත් ඇය ඇගෙ ජීවිතේ සුන්දර මතකයක් ලස්සන්ට රැක ගන්නව.

    ReplyDelete
  3. උබටත් ඉතින් ඕනේ නැති මගුලක් නෑ

    ReplyDelete
  4. good article..seasonable

    ReplyDelete
  5. අප්පා, අප්පච්චී කියන්නේ දෙමල වචන. උඩරට දකුණු ඉන්දීය රජවරුන් සිටි අවසාන කාලයේ දෙමල භාවිතය තමයි ඉස්ටැයිල් එක වෙන්න ඇත්තේ. එනිසා පසු කලෙක කොළඹ ඇත්තෝ පප්පා, ඩැඩී කිව්වා සේ උඩරට අය අප්පච්චී කියන්න ඇති.

    අපරාධය සහ දඩුවමේ නේද තියෙන්නේ ඒ දවස්වල මොස්කව් එලීට් කෂ්ටිය කතා කළේ ෆ්‍රෙන්ච් චලින් බව?

    අම්මාට දෙමල වචනය අම්මා නේ. අම්මණ්ඩී නෙමෙයි. අම්මම්මා කියන්නේ ආච්චීට නේද, දෙමලෙන්?

    ඇමති ප්‍රහසන ටෙලියේ විජය නන්දසිරිගේ චරිතය කිවුවේ නම් ඔය තාත්ති කියලා හබියාට කියන කතාව ආවේ වෙන පලාතකින් කියලයි.

    ReplyDelete
  6. අප්පච්චිගේ ගෑණි අම්මන්ඩි නේන්නම්....මේවා පුළුවන් තරම් චා කරන්න ඕන.

    ReplyDelete
  7. තමන්ගේ පියාට තමන් කැමති විධියට ආමන්ත්‍රණය කළාට කාටවත් ඇති අමාරුව මොකක්ද? අප්පච්චි හෝ හෝ තාත්තා හෝ අපුච්චා හෝ ඩැඩා හෝ ඩැඩී හෝ අප්පා හෝ පපා හෝ ඩෑඩ් හෝ වෙන ඕන දෙයක් පාවිච්චි කිරීම තහනම් කරලා නෑනේ...

    ReplyDelete
  8. අම්මා හබියට තාත්ති කියන්නේ යකෝ ලමය පොඩි කාලෙදි හබියට "අජිත්" කිව්වම ලමයා අවුල් වෙන නිසා.
    තෝ වගේ අමන හරකෙක්.

    ReplyDelete
  9. Sumith Niriella umbe appachchige gani ho hora gaani gana methana ahuwe naa ne

    ReplyDelete
  10. දුෂාන්June 15, 2012 at 11:25 AM

    පැරා ඔබ ලියන දේ වල ගැඹුර සහ යථාර්තවාදී බව තේරුම් ගැනීමට තරම් මනස දියුනු නොවූ මැට්ටන්ගේ මැටි කථා ගණන් නොගෙන දිගටම ලියන්න. ඔබ ලියන්නෙ නියම සමාජ යථාර්තයන්ය.

    ReplyDelete
  11. තමන්ගේ පියාට මොකක් කියලා කතා කලාම මොකද කියලා තිබුනා , එහෙනම් පියාට xxx කියලා කතා කලත් අපිට මොකද නේද ? අනික අප්පච්චි කියන එක දෙමල තමා අවසාන රජ පරම්පරාව දෙමල නිසා රජපව්ලට සමීප පිරිස රාජ උස්නේට එම වචන හා ඇඳුම් කොපිකර සිටියා , ඔය ඔසරිය කියන එකත් එහම එකක් , ඉන්දියාවේ දකුණු ඉන්දියා වේ තමා ඔය වගේ සාරියක් ඇන්දේ ඒ කාලේ , ඉන්දියාවේ ඉහල පෙලේ කාන්තාවන් ඇන්දේ ඉන්දියන් සාරිය

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.