2013-11-19

ඔන්න ඒ පාර චීනෙත් ..........

ඔන්න ඒ පාර චීනය ද ලංකාව මානව හිමිකම් ආරක්ෂා කිරීම හා ප්‍රවර්ධනය කිරීම කළ යුතු බව කියා තිබේ. කීවේ චීන විදේශ අමාත්‍යාංශයේ ප්‍රකාශක ක්විං ගැං ය.

මේ අදහස දැක්වෙන්නේ, ශ්‍රී ලංකාව මානව හිමිකම් ප්‍රශ්න ආමන්ත්‍රණය නො කළහොත් ලබන මාර්තු මස වන විට එක්සත් ජාතීන්ගේ මානව හිමිකම් කොමිෂම හමුවේ ජාත්‍යන්තර පරීක්ෂණයක් පිළිබඳ බලපෑම් කරන බවට බ්‍රිතාන්‍ය අගමැති ඩේවිඩ් කැමරන් විසින් කරන ලද ප්‍රකාශයට අදාළවයි.

ජාත්‍යන්තර බලපෑම හමුවේ චීනය ද දිගින් දිගට ම, කොන්දේසි විරහිතව ශ්‍රී ලංකා ආණ්ඩුව ආරක්ෂා කරමින් සිටිනු ඇතැයි බලාපොරොත්තු විය නො හැකි ය. මන්ද, චීනයට ලංකාවට වඩා හෝ ලංකාව තරමට ම ඉන්දියාව, බටහිර රටවල්, ඇමරිකාව හා එක්සත් ජාතීන් වැදගත් නිසා ය.

චීනය පසුගිය කාලයේ ලංකාවට ණය සැපයූ ප්‍රධාන පාර්ශ්වයයි. එහෙයින්, ශ්‍රී ලංකා ආණ්ඩුවට පහසුවෙන් චීනය නො තකා හැරිය නො හැකි ය. පසුගිය වසරවලදී එක්සත් ජාතීන්ගේ මානව හිමිකම් කොමිෂම ඉදිරියේ ලංකාවට එරෙහි යෝජනා සම්මත වෙද්දී චීනය ඒවාට විරුද්ධව ඡන්දය දුන්නා ය. චීනය මේ වසරේ එක්සත් ජාතීන්ගේ මානව හිමිකම් කොමිසමට තේරී පත් වුණා ය.

මුළු ලෝකය ම ප්‍රජාතන්ත්‍රවාදී ලෝක සම්මතයන්ට අවනත වෙමින් සිටිති.  චීනය වැනි විප්ලවකාරී රාජ්‍යයන් පවා එ‍සේ කරද්දී ලංකාව වැනි පුංචි රටකට ලෝකයට එරෙහිව කැරැලි ගැසීමේ ශක්තියක් නැත.

දිනෙන් දින ශ්‍රී ලංකා ආණ්ඩුව වටා දැල එළෙද්දී මහින්ද රාජපක්ෂ ආණ්ඩුව කියන එක දෙයක් වන්නේ ජාත්‍යන්තර ප්‍රජාව කොටි සංවිධානයේ මානව හිමිකම් උල්ලංඝනය කිරීම් ද පරීක්ෂා කළ යුතු බවයි. ඇත්තෙන්ම, ජාත්‍යන්තර ප්‍රජාව ඉල්ලා සිටින්නේ ලංකාවේ සිදු වූ මානව හිමිකම් උල්ලංඝනය වීම් පිළිබඳ සොයන්නට මිස ආණ්ඩුව විසින් පමණක් කරන ලද මානව හිමිකම් උල්ලංඝනයන් සොයන්නට නො ‍වේ.

මෙම තර්කය හේතුවෙන් මතු වන ගැටලුව වන්නේ යුදමය වශයෙන් විනාශ කර තිබෙන කොටි සංවිධානයේ යුද අපරාධ සම්බන්ධයෙන් වග කියන්නට කෙනෙකු නැති වීමයි. එහෙත්, ආණ්ඩුවේ නායකයන්ට තම පාර්ශ්වයෙන් සිදු වූ මානව හිමිකම් උල්ලංඝනයන් පිළිබඳ වගකීම භාර ගන්නට සිදු වේ.

ජාත්‍යන්තර පරීක්ෂණයක් දක්වා වැඩේ දිග්ගැහෙන්නට පෙර ලංකාවට කළ හැකිව තිබුණු දේ බොහෝ ය. ආණ්ඩුවට යම් වගවීමේ යාන්ත්‍රණයක් සකස් කිරීමේ හැකියාව තිබිණි. දකුණු අප්‍රිකාවේ සත්‍ය කොමිසම වැනි ක්‍රමවේදයක් මේ සඳහා අනුගමනය කිරීමට ඉඩ තිබිණි.

ආණ්ඩුවට දැන් කතා කරන්නට ඉතිරි වී තිබෙන්නේ එපා වාහෙට ‍හොදි බෙදන්නා සේ කළ උගත් පාඩම් හා සංහිඳියා කොමි‍සම හෙවත් ආණ්ඩුවේ වචනවලින් කියනවා නම් 'අර තිස්සගේ කමිටුව' ගැන පමණි. මේ වනාහි ආණ්ඩුව විසින් දේශීයව කිසිදු ප්‍රවර්ධනය කිරීමක් කළ ‍ක්‍රියාවලියක් නො වේ. එහි අබල දුබල නිර්දේශ හෝ ක්‍රියාත්මක කිරීමේ උවමනාවක් ආණ්ඩුවට තිබුණේ නැත.

තමන් වටා ඇති දැල හිර වෙන විට ආණ්ඩුවේ ගැලවිජ්ජාව වුණේ ජාතිවාදයේ පිළිසරණ සෙවීමයි. ආණ්ඩුව විසින් මුදා හරින ලද සීමාන්තික ජාතිවාදය දැන් ආණ්ඩුවට ම කොඩිවිනයක් වී හමාර ය. ලක්සෙට කොඩි දමා පැවැත්වූ චොගම් සමුළුව ද මොවුහු චොර කළ හ.

අප ජීවත් වන්නේ යුද අපරාධ සම්බන්ධයෙන් මහින්ද රාජපක්ෂ ආණ්ඩුව පමණක් දඬුක‍ඳේ ගැසීම සාධාරණීකරණය කළ හැකි ලෝකයක නො වන බව ඇත්තකි. සරළව කියනවා නම්, මහින්ද රාජපක්ෂ ආණ්ඩුව වැරදිකරු කරන්නට ගන්නා ජාත්‍යන්තර ක්‍රියාමාර්ගවලින් ලංකාවේ අර්බුදය තවත් උත්සන්න වනවා මිස රටට යහපතක් වන්නේ නැත.

එහෙත්, රාජපක්ෂවරුන්ගේ පාලනයේ අගතිගාමිත්වය නියාමනය කරන්නට වෙනත් ක්‍රමයක් ද නැත.

මේ අර්බුදයෙන් තමනුත් ගැලවී රටත් ගලවා ගන්නට නම් රාජපක්ෂ පාලනය දිගුකාලීනව බරපතල දේශපාලන තීරණ කීපයකට එළඹිය යුතු ය. 

ඒ අන් කිසිවක් සඳහා නො ව ප්‍රජාතන්ත්‍රවාදය ගැඹුරින් ම තහවුරු කිරීම සඳහා ය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න
Read in English blog.parakum.com

18 comments:

  1. අයිසෙ පැරා, මට පෙනෙන්නෙ චීන විදේශ අමාත්‍යන්සෙටත් කොටි රිංගලා වගෙ

    ReplyDelete
    Replies
    1. කොහොමත් දැන් චීන උගුලට රට අහුකරල දීල ඉවරයි. දැන් ඉදිරියට එන්නෙ උන්ගෙ ගෙම්බර් බලන කාලෙ

      Delete
  2. චීන්නුත් එහෙනම් කෙළවගන්න යන්නේ ... පැරා ඔයාට හිතෙන්නේ නැද්ද මේක අපිට ලැබෙන අවස්ථාවක් කියලා චීන්නුන්ටත් අපේ හයිය පෙන්නන්න ...?

    ReplyDelete
    Replies
    1. ලින්ක් එකක් දාන්න....

      Delete
    2. පොඩ්ඩක් ඉන්නකෝ එහෙනම් ...

      Delete
  3. කවුද්... ද .. ඩ්ඩ්ඩ්ඩ්.. ඩෝ.. චීචිචී...න්නට්ට බය්ය....

    ReplyDelete
  4. පැරා ගෙ අදහස් ශ්‍රේෂ්ටයි.ඇත්තටම විදෙස් විත්ති විචාරයට ලක් කරන හැටි නම් අපූරුයි.චීනය කවදාවත් මිතුරෙකුට හොද මිතුරෙක් නොවෙයි.ලිබියාවෙදි දැක්ක නේද? සිරියාවෙ අසාද් බේරුනේ රුසියාව හින්ද? චීන ආයෝජන වලිනුත් චීනෙට ඇර කාටවත් යහපතක් නෑ.බටහිර රටවල තිබෙන මානුෂික සහනශීලී බව වත් චීනෙට නෑ.වෙන රටවලට නොවෙයි චීන ජනතාවටවත් මානුෂිකව සළකන්නෙ නැති චීන විශ්වාස කරගෙන වැඩකළොත් නම් විනාසයි.

    මේකෙ අන්තිමට වෙන්නෙ ලංකාව තනි වෙන එක විතරයි.රුසියාවටත් ලංකාවට උදවු කරන්න විශේෂ හේතුවක් නෑ.ඉස්සරහට වෙන්නෙ ඕකයි.

    ReplyDelete
  5. මෙහෙ ගැන හොයන්න කලින් හොයපන් 1989 උඹලගේ අගනුවර ශිෂ්‍ය උද්ගොෂකයෝ කොච්චර මැරුවද කියල, ටිබෙට් ප්‍රාන්තයේ වෙන දේවල පොඩ්ඩක් හොයල බලපල්ලා, එහෙ මිනිස්සු වෙන රටවලට පනිනවලු ජීවිතේ බේර ගන්න. අනේ ඒවා පොඩ්ඩක් හොයල බලපල්ලා මෙහෙ ඇඟිලි ගහන්න එන්නේ නැතුව.

    ReplyDelete
    Replies
    1. මම මාක්ස්වාදයට මේ තරම් විරුද්ධත් ඔය නිසාමයි.තියනන්මෙන් චතුරශ්‍රයෙ මරපු අය වෙනුවෙන් ශෝක වෙන්නවත් ඉඩ දුන්නෙ නැහැල්ලු.චීනයෙ රැකියා ගන්න කොමියුනිස්ට් පක්ෂයෙ සාමාජික වෙන්න ඕන.අධිකරණය,මාධ්‍ය හැම එකක්ම මෙහෙයවන්නෙ කොමියුනිස්ට් පක්ෂෙන්.චීනා කියන්නෙ පක්ෂෙ රූකඩයක්.ආඥාදායකත්වය කියන්නෙ මාක්ස්වාදයේ අත්වැරැද්දක් නොව එහි නෛසර්ගික ලක්ෂණයක් කියල කියන එක ට හොඳම උදාහරනෙ චීනය.
      තනි පක්ෂයක් තිබෙන කොයි රටෙත් තිබෙන්නෙ අන්තනෝමතික පාලනයක්.

      Delete
  6. කතාව හරි. නමුත් මට හිතාගන්න බැරි චීන්නු කතාකරන්නේ කටෙන්ද නැත්නම් පස්චාත් භාගයෙන්ද කියලයි. චීනයේ මොනතරම් මිනිස් අයිතිවාසිකම් කෙලෙසන රටක්ද කියලා ජාත්‍යන්තර පුවත් බැලුවහම දැනගන්න පුළුවනි. ඇත්තෙන්ම ලංකාවේ පාලකයෝ අනුගමනය කරන්නේ චීනයද කියලත් හිතෙනවා. චීනයේ web sites/blogs කීයක් block කරලා තියෙනවද? ගූගල් එකත් එක්කත් කචල්. උන්ගේ මානව අයිතිවාසිකම් කදකිරෙකදකිරීම් ගැන පොත් ගානක් ලියන්න පුළුවනි.

    ReplyDelete
    Replies
    1. ඉන්ටනෙටුත් බ්ලොක් කරල ප්‍රජාතන්ත්‍රවාදය කියන වචනෙවත් ටයිප් කරන්න බැරිලු.කතා කෙරුවොත් හිරේදානව.වැඩිම මරණ දඩුවම් සංඛ්‍යාවක් වාර්තාවෙන්නෙ චීනෙන්.ඒ අය ඇත්තටම අපරාධකාරයො නොවෙයි දේශපාලන හිරකාරයන්ටත් බොරු චෝදනා දාල ඊනියා අධිකරණ විහිළු වලින් පසු මරා දානවා.චීනය කියන්නෙ ම්ලේච්ඡම හිර ගෙයක්.ලංකාවට බලෙන් වැඩ ගන්න ගෙනත් තිබෙන්නෙත් හිරකාරයොලු.චීන කියන්නෙ වල් සතෙක්.ඒ අතින් සුද්ද ඩීසන්ට්.

      Delete
    2. The sad part is, when China is on our side, neither of you did not have guts (or care) to say this.

      Delete
    3. I do not try to condone the human rights violations in Sri Lanka. But when one gross abuser of human rights is preaching another about the same, then the questions I have raised above comes to our mind, ie whether they are talking through their mouth or through hat.

      Delete
  7. පැරා මොකෝ බං උඹ සද්ද නැතුව ඉන්නෙ.

    ReplyDelete
  8. පැරා, අර උඩ තියන ෆොටෝ එක දැම්මෙ හමුදාව මැරුවා කියල පෙන්නන්නද? ඇත්තටම උඹ මොකෙක්ද කියල හිතා ගන්න බෑ පැරා.

    (ඔය ෆොටෝ එකේ ඇත්ත සිද්දිය නොදන්න තරම් ඔයා අලුතෙන් ඉපද්ච්ච බබෙක් නෙවෙයිනෙ )

    -ප.ගෝ.

    ReplyDelete
  9. paraa kiyanne kawadath kotinta kahina bath balayekne.kisima dawasaka kotin karapu ghathana walata erehiwa eka post ekakwath danawa mamanam dakala ne. me wage blog block nokara thiyenawa kiyanneth koi taram nidahasak thiyenawada kiyana ekama thamai.

    ReplyDelete
  10. Why did you use this particular picture for this article? These innocent civilians, 16 peasants from Welikanda, were killed by the LTTE and the Army just went there for the investigation.

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.