2014-10-31

කොස්ලන්දට අවශ්‍ය රේඩියෝ හා රූපවාහිනීකාරයන්ගේ සම්මාදම් ද?

සිරස ඡායාරූපයකි
ඇතැම් ගුවන් විදුලි හා රූපවාහිනී නාලිකාවන් නැවතත් තරගෙට මෙන් ආධාර එකතු කරන්නට පටන් ගෙන තිබේ. 

හරියට සුනාමියෙන් පසුව වගේ ය. එක්තරා රූපවාහිනී නාලිකාවක් නාය යාමට පසුදා සිය ප්‍රවෘත්ති විකාශයේ සෑහෙන කාලයක් ගනිමින් මහත් අභිමානයෙන් උදම් ඇනුවේ සියල්ලට පළමුවෙන් මේ ගැන වාර්තා කළේ තමන් ය කියා ය. ඔවුන්ට ඒ ගැන මාර ජොලි ය.

විපතට පත් වූවන්ට ආධාර උපකාර කිරීම හොඳ දෙයකි. එහෙත්, මේ තරම් සද්දෙ දමාගෙන දඟලන්නේ ඇයි ද යන්න ප්‍රශ්නයකි. ඔය මීඩියා සම්මාදම් යනු ජනතාවගෙන් මුදල් හා වෙනත් දේ එකතු කරන, එහෙත් ජනතාව ඉදිරියේ විගණනය නො වන සේවාවකි.

නාය යාම් හේතුවෙන් දැනට අවතැන් වී සිටින ජන සංඛ්‍යාව දහසකට අඩු ය. මිය ගිය සංඛ්‍යාව 200ක් පමණ වේ යයි විශ්වාස කෙරේ. 

මේ දහසට කන්නට දෙන්නට රේඩියෝ රූපවාහිනී පතුරු ගහමින් මුළු රටෙන් ම සම්මාදම් කරන්නට අවශ්‍ය ද? මේ පිරිස බලා කියා ගන්නට රජයට බැරි ද? බෑ කියන්නට බැරි ය. රජය එය කළ යුතු ය. එය අවිධිමත් සම්මාදම්කාරයන්ට භාර නො දිය යුතු ය.

අවතැන් වී සිටින මිනිස්සු තවමත් ඉන්නේ දරුණු කම්පනයක ය. ඔවුන්ට මේ මොහොතේ කන්නට, අඳින්නට වඩා අවශ්‍ය සිය ප්‍රියයන්ගේ ඉරණම පිළිබඳ දැන ගන්නට ය. මේ මහා වියෝගය දරා ගන්නට ය. සිය ආවේග පිට කර ගන්නට ය. හඬා වැළපෙන්නට ය. 

ඕපාදූප අසා දැන ගැනීමේ රුචියෙන් එහි ඇදෙන මිනිසුන් හමුවේ ප්‍රදර්ශන භාණ්ඩ වී, ඔවුන්ගේ අනේ අපොයි කතා අසා ගත්තා කියා මේ මිනිසුන්ට කිසිවක් ලැබෙන්නේ නැත. 

අනෙක් පැත්තෙන් මේ දුක්ඛිත, අසරණ මිනිසුන් වෙත වතුර බෝතල්, බත් පැකට්, පරණ ඇඳුම් ආදිය රැගෙන ගොස්, ඔවුන් තුළ තණ්හාව අවුළුවා, ඔවුන් සිඟන්නන් බවට පත් කර අවමානයට පත් කිරීමට රජය ඉඩ නො දිය යුතු ය. 

ජනමාධ්‍ය විසින් කළ යුතුව තිබෙන්නේ සම්මාදම නොව මේ මිනිසුන්ගේ හා සමාන අනතුරුවලට මුහුණ දී සිටින සෙසු මිනිසුන්ගේ අයිතිවාසිකම් නියෝජනය කරමින් විසඳුම් ලබා දීමට බලධාරීන් යොමු කිරීමයි. 

රජය නාය යාම් අනතුර ගැන කලින් දැන සිටියා නම්, මේ ජනයා එතැනින් ඉවත් නො කළේ ඇයි? ඔවුන්ට පිළි ගත හැකි විකල්ප ඉඩම් සැපයුවේ නැත්තේ ඇයි? ඔවුන් බහුතරය දෙමළ වතු කම්කරුවන් නිසා ඔවුන්ට වෙනස් ලෙස සැලකුවා ද? මෙම ජනයා මුහුණ දී සිටින කෙටි කාලීන හා දිගු කාලීන ප්‍රශ්නවලට විසඳුම් සැපයීමේ සැලසුම් මොනවා ද? 

මෙම කාර්යයන්හි නියැලී සිටින සහන සේවකයන්ට උදව් කිරීම සඳහා කළ යුතු හොඳම දෙය වන්නේ විස්තර හා ඕපාදූප හොයන්නට මෙහි නො ගොස් සිටීමයි.

අවතැන් වූ ජනයාට සහන සැලසීම නියාමනයකින් යුතුව කළ යුතු ය. ඔවුන්ට කෙටි කාලීනව තිබෙන ප්‍රශ්නවලට ප්‍රමුඛතාව දිය යුතු ය. මිය ගියවුන් නම් වශයෙන් හෝ හඳුනා ගත යුතු ය. ඔවුන් වෙනුවෙන් ජීවත් වන්නන්ට කිරීමට අවශ්‍යව තිබෙන ආගමික ආදී කාර්යයන් වෙනුවෙන් ඔවුන්ට පහසුකම් සැලසිය යුතු ය. 

මේ සම්මාදම්කාරයන් ඒ දිළිඳු ජනයා අතරට ගොස් ඇති කරනු ලබන කලබැගෑනිය මහත් කරදරයකි. අවතැන් කඳවුරුවලට යා යුතුව තිබෙන්නේ රේඩියෝ, රූපවාහිනීකාරයන් නොව මනෝ වෛද්‍යවරු හා උපදේශනයෙහි සුදුසුකම් ඇති අයයි.

විශේෂයෙන් ම මව්පියන් අහිමි දරුවන් සම්බන්ධයෙන් කළ යුතු දේ ගැනත්, සෙසු ජනයා ගැනත් සොයා බලා අවශ්‍ය පියවර ගත යුතු ය.

මෙම දරුණු ව්‍යසනයෙන් පීඩාවට පත් ජනයා පුනරුත්ථාපනය කිරීම ඊළඟ වැදගත් කාර්යයි. 

ඔවුන්ට ආරක්ෂිත වාසස්ථාන සැපයිය යුතු ය. එසේම, මෙවැනි තවත් පිරිසක් අනතුරට ලක් වන එක වළක්වා ගන්නට අවශ්‍ය පියවර ගත යුතු ය. 

මේවා කළ යුත්තේ හා කළ හැක්කේ රජයටයි. ඒ සඳහා රජය යොමු කළ යුතු ය. ආධාර උපකාර වුව යම්කිසි නියාමනයක් යටතේ සිදු විය යුතු ය. ඒ සඳහා විපතට පත් වූවන්ගේ සංවිධානයක් ගොඩනගා ගන්නට පුළුවන. 

ඕපාදූප සොයන්නන්, ප්‍රචාරය සොයන්නන් හා ක්ෂණික සම්මාදම්කාරයන් විසින් විපතට පත් වූ ජනතාවට කරන්නේ තවත් විපතකි. 

ඔවුන් මේ කරන්නේ ජනතාවගේ හෘදය සාක්ෂිය මෝචනය කර රජයට වගකීම් පැහැර හැරීම සඳහා අවස්ථාව ලබා දීමයි. 

ජනමාධ්‍ය විසින් කළ යුත්තේ එය නොව, මේ ජනයාගේ හා අනෙකුත් ජනයාගේ ප්‍රශ්න සම්බන්ධයෙන් රජය කටයුතු කළ යුතු බවට අවශ්‍ය පීඩනය පවත්වාගෙන යාමයි.   

ඇඟ නො රිදෙන පරිදි කිසියම් පරිත්‍යාගයක් කර මේ ප්‍රශ්නය අමතක කර දැමීම සමාජයක් ලෙස නො කළ යුතු දෙයකි. මීට කලින් සියලු ප්‍රශ්න සම්බන්ධයෙන් අපි කළේ එය නො වේ ද?

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

සුන්දර ඉංගිරිසි: සිංහල අකුරු ඉංග්‍රීසියෙන් ලියන්නට අලුත් යෝජනාවක්

සිංහල අකුරින් ලියැවුණ වචන ඉංග්‍රීසි අකුරෙන් ලිවීම සුලබව සිදු වෙන දෙයක්. වර්තමානයේදී නම් විශේෂයෙන් ම කෙටි පණිවුඩ ලිවීම සඳහා මේ ක්‍රමය බහුලව භාවිතා වෙනවා. 

ඒ නැතත් අපට නම්, ගම් ආදිය ඉංග්‍රීසියෙන් ලියන්න සිදු වෙනවා. 

ඒ විතරක් නොවෙයි, ඇතැම් සිංහල වදන්වලට ඉංග්‍රීසි පරිවර්තන නැහැ. උදාහරණයක් ලෙස රජය පිරිනමන කලාශූරී වැනි නම්බු නාම අපට ඉංග්‍රීසියට පරිවර්තනය කරන්න බැහැ. ඒවා ඉංග්‍රීසියෙන් ම ලියන්න වෙනවා.

මේ ආදී හේතු නිසා අපට සිංහල වචන ඉංග්‍රීසියෙන් ලියන්න සිදු වෙනවා. මේ සඳහා පිළිගත් ක්‍රමයක් නැති නිසා අපට මුහුණ දෙන්නට සිදු වන ගැටලු පිළිබඳ අපි පසුගිය ලිපි කීපයකින් සාකච්ඡා කළා. 

මේ ගැටලුවට විසඳුම් ලෙස අලුත් ලතින් අකුරු හඳුන්වා දීම සුදුසුයි කියා මා පිළි ගන්නේ නැහැ. හේතුව දැනට තිබෙන අක්ෂරවලින් ම මේ ගැටලුව විසඳා ගන්නට පුළුවන් නිසායි. 

අද අපි උත්සාහ කරන්නේ මේ සඳහා විධිමත් ක්‍රමයක් යෝජනා කරන්නටයි. 

අද අපි භාවිතා කරන නූතන සිංහල හෝඩියේ අක්ෂර 64ක් තිබෙනවා. ඒවා වෙන වෙනම ශබ්දයි. ඒවා ඉංග්‍රීසියෙන් ලිවිය යුත්තේ කෙසේ ද යන්න විමසා බලමු. 

අපි මුලින් ම අවධානය යොමු කරන්නේ සිංහල ස්වරවලටයි. 

සිංහල වර්ණ මාලාවේ යෙදෙන වර්තමාන භාවිතයේ තිබෙන ස්වර මෙසේ ය: අ ආ ඇ ඈ ඉ ඊ උ ඌ ඍ ඎ එ ඒ ඓ ඔ ඕ ඖ (අං අඃ)

මේවා ඉංග්‍රීසියෙන් ලිවීම සඳහා අපට යොදා ගත හැකි ඉංග්‍රීසි අකුරු මෙසේ ය: උදාහරණයක් අක්ෂරයට ඉදිරියෙන් දැක්වෙනවා.
අ - a උදා: අමර - Amara
ආ - aa උදා: ආනන්ද- Aananda
ඇ - ae උදා: ඇල්පිටිය- Aelpitiya
ඈ - aea උදා: ඈතගම - Aeathagama
ඉ - i උදා: ඉංගිරිය - Ingiriya
ඊ - ee උදා: මීගොඩ - Meegoda
උ - u උදා: උපුල්- Upul
ඌ - uu උදා:ඌරාපොළ - Uurapola
ඍ - ru උදා:කර්තෘ - Karthru
ඎ - ruu උදා: කෘෘර - Kruura
එ - e උදා: එගොඩඋයන - Egodauyana
ඒ - ea උදා: අවිස්සාවේල්ල - Awissawealla
ඓ - ai උදා: ඓරාවණ - Airawana
ඔ - o උදා: ඔරුවල - Oruwala
ඕ - oo උදා: ඕපාත - Oopatha
ඖ - au උදා: ගෞතම - Gauthama
අං - ng  උදා: සිංහ - Singha
අඃ - uh උදා:පොල්ම:කාර - Polmuhkara

මෙහිදී මතභේදාත්මක අක්ෂර වන්නේ ඇ, ඈ, ඌ, ඒ, ඕ යන ස්වර වෙනුවෙන් යෙදූ ඉංග්‍රීසි අක්ෂරයි. 

දැනට භාවිතාවේ පවතින ක්‍රමයට අනුව ඇ, ඈ, එ, ඒ යන ස්වර හතර ම ලියන්නේ e අකුර භාවිතා කරලායි. Elpitiya (ඇල්පිටිය), Ethagama (ඈතගම), Eluwila (එලුවිල), Weweldeniya (වේවැල්දෙනිය) යන ග්‍රාම නාම ලියන ආකාර මේ කරුණ පැහැදිලි කර ගැනීමට උදාහරණ ලෙස සැලකිය හැකියි. 

ඒ වචන ටික ම මම යෝජනා කරන ආකාරයට ලිවිය යුත්තේ මෙහෙමයි: Aelpitiya, Aeathagama, Eluwila, Weaweldeniya

ඌ ස්වරය ඉංග්‍රීසියෙන් ලිවීම සඳහා දැනට භාවිතා කරන oo වෙනුවට මම යෝජනා කරන්නේ uu යන අකුරු දෙකයි. ඒ අනුව Rookantha ලිවිය යුත්තේ Ruukantha ලෙසයි.

දීර්ඝ ඕ ස්වරය ලිවීම සඳහා ඇතැමෙක් දැනටත් oo භාවිතා කරනවා. උදාහරණයක් ලෙස තෙන්නකෝන් ලියන්නේ Thennakoon ලෙසයි.

සිංහල ව්‍යංජනාක්ෂර හෙවත් ගතකුරු ඉංග්‍රීසියෙන් ලියන්නේ කොහොමද කියන එක අපි ඊළඟට බලමු. 

මෙහිදී මූලිකව ම දැනට භාවිතා වන අක්ෂර ම භාවිතා කිරීමත්, එක් අක්ෂරයකට වඩා භාවිතා වේ නම්, ඒ අතුරින් එක් අක්ෂරයක් අත්හැර දැමීමටත් මම යෝජනා කරනවා. 

මෙහිදී ලොකු ම ප්‍රශ්නය මතු වන්නේ ව අක්ෂරය වෙනුවෙන් අපි භාවිතා කළ යුත්තේ w ද v ද යන්න සම්බන්ධයෙනුයි. 

ඉංග්‍රීසි w අකුරේවත්, v අකුරේවත් ශබ්දය පූර්ණව සිංහල වයන්නේ ශබ්දයට සමාන වන්නේ නැහැ. ඒත්, ඉංග්‍රීසි v අකුරේ ශබ්දය තරමක් ෆ ශබ්දයට බර 'fව' ශබ්දයක් නිසා එය සිංහල ව ශබ්දයට කිසි සේත් ම නො ගැලපෙන බවයි මගේ අදහස. ඒ නිසා මම යෝජනා කරන්නේ w අක්ෂරය පමණක් භාවිතා කරන්නටයි. 

තවත් ප්‍රශ්නයක් මතු වන තැනක් තමයි ද ශබ්දය. මෙහිදී අපි භාවිතා කළ යුත්තේ d ද th ද යන්න ප්‍රශ්නයක්. 

මා යෝජනා කරන්නේ ද ශබ්දය වෙනුවෙන් d භාවිතා කළ යුතු බවයි. එවිට ඇති වන ප්‍රශ්නය වන්නේ ඩ වෙනුවෙන් භාවිතා කරන අක්ෂරය කුමක් ද යන්නයි. මෙයට විසඳුමක් අපි කල්පනා කළ යුතුයි. එතෙක් ද හා ඩ යන ශබ්ද දෙක ම වෙනුවෙන් d භාවිතා කරන්නට සිදු වෙනවා. 

එතකොට ත වෙනුවෙන් th භාවිතා කරන්නට පුළුවන්. 

මහාප්‍රාණ අක්ෂර වෙනුවෙන් අපට මූලික අක්ෂරයට h අකුර එකතු කරන්නට පුළුවන්. kh, gh, dh යනුවෙන්. ඒත්, මහාප්‍රාණ ථ වෙනුවෙන් මොනවද කරන්නේ. මම යෝජනා කරන්නේ තයන්න වෙනුවෙන් යෙදෙන thට තවත් hඅකුරක් එකතු කරන්න කියායි. ඒ අනුව මහාප්‍රාණ ථයන්න thh ලෙස ලිවිය යුතුයි.

මේ ප්‍රශ්නය ම ඡ අක්ෂරය සම්බන්ධයෙනුත් මතු වෙනවා. මේ ක්‍රමවේදය අනුව ඡ අක්ෂරයත් chh ලෙස ලිවිය යුතුයි. 

ඒත්, තවත් ප්‍රශ්නයක් ඉතිරි වෙනවා. ඒ තමයි මහාප්‍රාණ ඨයන්න ඉංග්‍රීසියෙන් ලියන්නේ කොහොමද කිය කාරණයයි. th ලෙස ලිව්වොත් තයන්න වෙනවානේ. එතකොට ඨ ලියන්න විධියක් නැහැ. මම යෝජනා කරන්නේ ඒ සඳහාත් t අක්ෂරය පමණක් භාවිතා කරමු කියායි. මන්ද, ඨ අක්ෂරය පුද්ගල හා ග්‍රාම නාමවල යෙදෙන අවස්ථා ඉතා විරල නිසා. සිංහල අකුරු ඉංග්‍රීසියෙන් ලියන්න අවශ්‍ය වෙන ප්‍රධාන හේතුව සිංහල පුද්ගල හා ග්‍රාම නාම ලියන්න සිදු වීමනේ. 

මේ ප්‍රශ්නය ම මහාප්‍රාණ ඪ සම්බන්ධයෙනුත් එනවා. දැනට අපි ද හා ඩ යන අක්ෂර දෙක ම වෙනුවෙන් යෝජනා කර තිබෙන්නේ d අකුරයි. මහාප්‍රාණ ඪයන්නත් ග්‍රාම හා පුද්ගල නාමවල යෙදෙන්නේ අඩුවෙන් නිසා අප ඪ වෙනුවෙනුත් d භාවිතා කරමු. දැන් එතකොට අපි d අකුර ශබ්ද තුනක් වෙනුවෙන් භාවිතා කරනවා. ඒ ද, ඩ හා ඪ යන ශබ්ද තුනයි. මෙය ගැටලුවක්. එය විසඳා ගත යුතු ආකාරය සාකච්ඡා කරමු.

මහාප්‍රාණ ඵයන්නත් පුද්ගල හා ග්‍රාම නාමවල යෙදෙන්නේ ඉතා කලාතුරකින්. ඒ නිසා ඒ සඳහාත් p අක්ෂරය ම යොදා ගන්න පුළුවන්. මන්ද, ph විසින් ඉංග්‍රීසියේදී f අක්ෂරයේ ශබ්දය ලබා දෙන නිසා අපි මහාප්‍රාණ ඵ වෙනුවෙන් ph භාවිතා කළොත් පටලැවිල්ලක් ඇති වෙන්න පුළුවන්.  

න ශබ්දයත්, ං හෙවත් ඞ ශබ්දයත් අතර වෙනසක් තිබෙනවා. න ශබ්දය සඳහා n අකුරත්, ං හෙවත් ඞ ශබ්දය සඳහා ng අකුරු දෙකත් යෝජනා කරන්නේ ඒ නිසායි.

ක - මේ සඳහා k පමණක් භාවිතා කරමු. c භාවිතය අත්හරිමු.
ඛ - kh (උදා: සංඛ - Sankha)
ග - g
ඝ - gh (උදා: සංඝදාස - Sanghadasa)
ච - ch
ඡ - chh (උදා: ඡායා - Chhaya)
ජ - j
ඥ - gn (උදා: ඥානපාල - Gnanapala) 
ට - t
ඨ - t (උදා: අරිට්ඨ - Aritta)
ඩ - d
ඪ - d 
ත - th
ථ - thh (උදා: අත්ථදස්සි - Aththhadassi)
ද - d
ධ - dh (උදා: සිරිවර්ධන - Siriwardhana)
න / ණ - n
ප - p
ඵ - p (උදා: ඵුස්සදේව - Pussadewa)
බ - b
භ - bh (උදා: භාෂණ - Bhashana)
ම - m
ය - y
ර - r
ල / ළ - l
ව - w (උදා: විමල් වීරවංශ - Wimal Weerawansha)
ස - 
ශ / ෂ - sh (උදා: ශර්මිලා - Sharmila)
හ - h
ං / ඞ - ng (උදා: සිංහ - Singha)
ෆ - ෆ

මෙතැනදී සිංහල අක්ෂර කීපයක් නො තකා හැර තිබෙනවා. න, ණ, ල, ශ, ෂ, ඤ, ඥ, ජ, ඣ අක්ෂර අතර වෙනස සිංහල අකුරු ඉංග්‍රීසියෙන් ලියද්දී අදාළ වෙන්නේ නැහැ. මන්ද, මේ අක්ෂර උච්චාරණයෙන් වෙනස් නො වන නිසා. 


මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-30

අපි අයින් වෙන්න කිව්වා, ඒගොල්ලෝ බෑ කිව්වා, අපට කරන්න දෙයක් නැහැ යි කියන එක ද රජයේ වගකීම?

නාය ගිය තැන
කොස්‌ලන්ද, හල්දුම්මුල්ල, මීරියබැද්ද වතුයායේ ඊයේ උදෑසන සිදු වූ නාය යාම අතිශය කණගාටුදායක ඛෙදවාචකයකි. එහිදී ජීවිත අහිමි වූ 300කට අධික පිරිස වෙනුවෙන් අපි සාතිශය සංවේගය පළ කරමු.

මෙම ජනතාවට එම ස්ථානයෙන් ඉවත් වීමට උපදෙස් ලැබී තිබුණු බවත්, ඔවුන් එයට කැමැත්තක් නො දැක්වූ බවත් ජාතික ගොඩනැගිලි හා පර්යේෂණ සංවිධානය පවසයි. 

මිනිස්සු ලෙහෙසියෙන් තමන් ජීවත් වූ තැනින් ඉවත් වන්නේ නැත. ඉඩමක් යනු නිකම් ම බිමක් පමණක් නො ව මිනිසුන්ගේ ජීවිතය බැඳී පවතින තැනකි. තැනකින් තැනකට චලනය වීම අපහසු කරන මූලික සාධකයක් වන්නේ ජීවනෝපාය පිළිබඳ ගැටලුවයි. 

නාය යාමේ අනතුරු නිසා ඉවත් වන්නට සිදු වන මිනිසුන්ට රජය ඇත්තෙන් ම උපකාර කරනවා ද? රජය විකල්ප ඉඩම් දෙන බව ඇත්ත ය. මේ ඉඩම් බොහෝ විට නිසි ප්‍රවේශ මාර්ග නැති, ජලය, විදුලිය ආදී යටිතල පහසුකම් නැති, නිසරු, මුඩු ඉඩම් ය. එසේම, යළි පදිංචි කරන ලද ජනයාට නිවාස ඉදි කර ගැනීම සඳහා රජය කරන ආධාර උපකාර කිසි සේත් ම ප්‍රමාණවත් නැත.

1985දී මතුගම, අගලවත්ත ප්‍රදේශවල ඇති වූ නාය යාම හේතුවෙන් පදිංචි ඉඩම්වලින් ඉවත් කරන ලද මිනිසුන් ජීවත් වන ගමක් අපේ ගම ආසන්නයේ තිබේ. වසර 30කට පමණ පසුවත්, ඒ ගමේ වැසියන්ගේ මූලික ප්‍රශ්න තවමත් විසඳී නැත. 

ලංකාවේ ග්‍රාමීය ප්‍රදේශවල සංවර්ධනය බොහෝ දුරට අවිධිමත් අන්දමින් සිදු වන පාරවල් කොංක්‍රීට් කිරීමට හා විදුලිය ලබා දීමට සීමා වී තිබේ. ග්‍රාමීය ජනයාගේ පානීය ජල ගැටලු බොහෝ දුරට විසඳා ගනු ලබන්නේ ග්‍රාමීය ජනයා විසින් ම අවිධිමත් ආකාරයටයි. ග්‍රාමීයව සිදු වන ඉදිකිරීම්, පස් කැපීම්, වැලි කැණීම්, ඉඩම් ගොඩ කිරීම් හා වැවිලි ආදිය සිදු වන්නේ විධිමත් සැලසුම් අනුව නො වේ. 

නාය යාම් අනතුරු වැඩි වීමට මෙය ප්‍රධාන හේතුවයි. නාය යාම්වලින් අනතුරට පත් වන ජනයා බොහෝ විට දිළින්දෝ ය. වැඩි ම අනතුරුදායක තත්වයක් තිබෙන්නේ දිළින්දන් ජීවත් වීම සඳහා තෝරා ගන්නා ඉඩම්වල බව පෙනේ. ඔවුන් එවැනි ඉඩම්වල පදිංචි වන්නේ වෙනත් විකල්ප නැති නිසා වන්නට පුළුවන. 

මේ රට සංවර්ධනය වෙමින් පවතින්නේ ප්‍රධාන වශයෙන් ම මිනිසුන් දරන අප්‍රතිහත ධෛර්යය නිසා මිස දේශපාලකයින්ගේ සැලසුම් නිසා නො වේ. ඉඩමක් මිළ දී ගන්නට ගිය විට, එම ඉඩම සංවර්ධනය කර ගෙයක් හදන්නට ගිය විට, රජයේ ආයතන හා නිලධාරීන් කරන්නේ ඒ සඳහා අවශ්‍ය උපදෙස් හා මග පෙන්වීම් ලබා දී දිරි ගැන්වීම නො ව, මොනවා හෝ නීති රීති පාවිච්චි කර එයට අකුල් හෙළීමයි.

කොළඹ මිළ අධික ඉඩම්වල දැනට පදිංචිව සිටින මිනිසුන් ඉවත් කර ඒ ඉඩම් අත්පත් කරගෙන ව්‍යාපාර සඳහා විකුණා දැමීම සඳහා කරන දේ හැර නිවාස සංවර්ධනය සඳහා මේ රටේ ආණ්ඩුවට වෙනත් සැලසුමක් තිබේ ද යන්න සැක සහිත ය. 

ග්‍රාමීය සංවර්ධනය පැත්තෙන් බැලුවත් තත්වය එය ම ය.

මිනිස් වාසස්ථාන අනතුරුදායක තත්වයකට පත් නො වන අන්දමින් පවත්වාගෙන යාම ද රජයේ වගකීමකි.

අපි අයින් වෙන්න කිව්වා, ඒගොල්ලෝ බෑ කිව්වා, අපට කරන්න දෙයක් නැහැ යි කියන එක පමණ ද රජයේ වගකීම? 


මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-29

ලංකාවේ පාර්ලිමේන්තුවේ අපූරු ඵලදාව

ලංකාවේ පාර්ලිමේන්තුව කෙතරම් විහිළුවක් බවට පත් වී තිබේ ද යන්න ඊයේ සිදු වූ සිද්ධියකින් පෙන්නුම් කරන ලදී. 

අයවැය විවාදය ඇමතීමට සිටි ආණ්ඩු පක්ෂයේ ඇමතිවරයකු හා මන්ත්‍රීවරු තුන්දෙනෙකු ද, විපක්ෂයේ මන්ත්‍රීවරියක ද නො සිටි නිසා පාර්ලිමේන්තුව පැයකුත් විනාඩි 45කට පෙර කල් දමන ලදී. 

ප්‍රජාතන්ත්‍රවාදී ජාතික සන්ධානයේ අජිත් කුමාර මන්ත්‍රීවරයාගේ සභාව කල් තැබීමේ යෝජනාව ස්ථිර කිරීමට කිසිදු විපක්ෂ මන්ත්‍රීවරයෙක් සභාව තුළ නො සිටි නිසා කල් තැබීමේ යෝජනාව ද විවාදයට නො ගැනිණි. 

හිනා යන කාරණයක් වන්නේ පාර්ලිමේන්තුව ඇමතීමට නියමිතව සිටියත් නො පැමිණි එක් කථිකයකු වන ඇමති බසීර් සේගු දාවුද්ගේ ඇමති තනතුර ඵලදායිතාව සංවර්ධනය කිරීම වීමයි. 

අනෙක් කට්ටිය නම් ආණ්ඩු පක්ෂයේ නෙරන්ජන් වික්‍රමසිංහ, ජානක වක්කුඹුර, වී.කේ. ඉන්දික හා එක්සත් ජාතික පක්ෂයේ තලතා අතුකෝරළයි. 

මොවුන් මේ රටේ මහජන මුදලින් අති විශාල වැටුප් හා වෙනත් වරප්‍රසාද රැසක් භුක්ති විඳින්නෝ ය. 

මොවුන්ට පාර්ලිමේන්තු ඒම පහසු කිරීම සඳහා නිල නිවාස ද, තීරු බදු රහිත වාහන හා ඒවාට ඉන්ධන ද මහජන මුදලින් ලබා දී තිබේ. පාර්ලිමේන්තු ආවා ම ඕනෑ දෙයක් ඕනෑ විිදියට නොමිළේ වගේ කන්නට බොන්නට දෙන දන්සැලක් වැනි දෙන කැන්ටිමක් ද තිබේ.

තවද මොවුන් ඇතැමෙක් පාර්ලිමේන්තු එන්නේ ආරක්ෂාව දමාගෙන, සයිරන් ගසාගෙන හරියට අමාරු ලෙඩෙක් රෝහල් ගෙන යන්නා වගේ ය.

පාරලිමේන්තුවෙන් ඇති වැඩක් නැති බව සැබෑ ය. පසුගිය දිනවල ඉදිරිපත් කරන ලද අයවැයෙහි රජයේ වියදම්වලින් ජනාධිපති යටතේ ඇති 36%ක් ආරක්ෂක අමාත්‍යාංශයටයි. තව 16%ක් ජනාධිපතිටයි. 

ජනාධිපතිට අවශ්‍ය පාර්ලිමේන්තුවට තමන්ගේ ක්‍රියා අනුමත කරන සිග්නල් කණු ටිකක් පත් කර ගන්නට පමණි. පාර්ලිමේන්තුවේදී හර්ෂ ද සිල්වා මහතා මත්තල ගුවන් තොටුපළ ගැන ඇසූ ප්‍රශ්නයකට පිළිතුරු දුන් සිවිල් ගුවන් සේවා ඇමතිවරයාට ප්‍රශ්නය තේරුම් කර දෙන්නට කතානායක චමල් රාජපක්ෂට ද ලොකු වෙහෙසක් දැරීමට සිදු විය. ලියාගෙනැවිත් කියවූ පිළිතුර කෙතරම් අවුල් සහගත ද යත් අමාත්‍යාංශයේ ලේකම්වරයාට කියා හරි පිළිතුරක් ලියවාගෙන කියවා පැමිණෙන්නැයි උපදෙස් දෙන්නට ද කතානායකට සිදු විය. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-28

නෝනිසමේනියාවේ සිට හම්ප්ටි ඩම්ප්ටි දක්වා

මේ කවිය අපි ටික කලකට කලින් ලියූ එකක්. ඒත්, මේ වෙලාවට එය අදාළ නිසා නැවත පළ කරනවා. 

කවියේ මාතෘකාව නෝනිසමේනියාව

ඩොක්ටර් ක්‍රිස් නෝනිස් ඉස් ට්වින්කල් ට්වින්කල් ලිට්ල් ශ්‍රී ලංකන් එක්ස්පැට්‍රියේට් ස්ටාර් 
හී කැන් ස්පීක් ඉංග්ලිෂ් සෝ එලක්වන්ට්ලි ලයික් අ ඩයමන්ඩ් ඉන් ද ස්කයි.  

අයි ඩෝන්ට් නෝ මේ ලෝකෙ දෙයක් එයාගේ වෙදකම් ගැන  
බට් හී කැන් ස්පීක් ඉංග්ලිෂ් ලයික් එනි බෙගර් ඉන් ඉංග්ලන්ඩ්

වෙන් හී ස්පීක්ස් ඉංග්ලිෂ් ලයික් ක්වීන්ස් එලකියුෂන් මාස්ටර් 
අපේ ඇඟේ මයිල් කෙළින් වෙනවා ය.  

ආෆ්ටර් දැට් වී ස්පීක් අබවුට් හව් හී ස්පීක්ස්  
අන්ටිල් වී ඉජකයුලේට්  හව් සොමි ඉට් ඉස්
නෝ ප්‍රොබ්ලම් දෝ වී ඩොන්ට් අන්ඩස්ටෑන්ඩ් මේ ලෝකෙ දෙයක්  

ඇක්චුවලි හිස් වර්ඩ්ස් ආ පට්ට හිස්  
ඒත්, හී ස්පීක්ස් ලයික් එනි බෙගර් ඉන් ඉංග්ලන්ඩ් යූ නෝ 
හී කැන් ඊවන් බ්ලේම් ඉන් ඉංග්ලිෂ්

ඉංග්ලන්ඩ් ඉස් ප්‍රෝ එල්ටීටී බට් යූ ‍නෝ ඉංග්ලිෂ් ඉස් වෙරි පොෂ්  
දැට් කන්ට්‍රි ඉස් අයිඩියල් ටු මයිග්‍රේට් සම්හව්   
සේ යූ ආ ටෝචර්ඩ් බයි ශ්‍රී ලංකන් පොලිස්  
ලැබෙනවා නම් වීසා කොහොම වුණත් මක්කෙයි

ඉංග්ලන්ඩ් ඉස් ද හෙවන් වන් ඩේ වී පුනරුත්පත්ති ආෆ්ටර් දිස් ආත්මෙ  
ඉංග්ලිෂ් ඉස් ද ලැංවිජ් ද සුරංගනාවො ස්පීක්  
දැට්ස් වයි වී ලව් ඉංග්ලිෂ් සෝ මච් ඇන් හේට් ඉට් ටූ 
බිකස් වී කාන්ට් ස්පීක් දිස් ෆකිං ලැංවිජ් ලයික් සුද්දාස්

ඩොක්ටර් නෝනිස්ගේ ඉංගිරිසියෙන් කොර වී සිටි ඇතැම් ලාංකිකයෝ හිතුවේ නෝනිස්ට සිය කඩ්ඩෙන් ලෝකෙම කරකවලා අතාරින්න පුළුවන් වෙයි කියලායි. 

ඒත්, එහෙව් නෝනිස් පාටියකදී බීල වැඩි වෙලා හම්ප්ටි ඩම්ප්ටි වගේ පුටුවෙන් පෙරලිලා කුඩු සංසාර වෙලා ගිහින් සජින් වාසා මට ගැව්වා කියා අඬන්න පටන ගත්තා. 

දැන් ඕල් ද කිංස් මෙන් ඇන් ඕල් ද කිංස් හෝසස් කියනවා ඔයා බය නැතිව ලංකාවට එන්න මෙයා වාසා ගැව්වොත් අපි අතගාන්නං කියලා.

සජින් වාසට බයේ ලංකාවට එන්න බැරි බුවාලානේ අපි මහ කොමසාරිස්කං කොරන්න පත් කළේ. 

පහත හඬ පටයේ තිබෙන්නේ මේ නෝනිස් සිය රැජිනගේ කඩ්ඩෙන් ලංකාවේ ගමේ ගොඩෙන් විදේශ සේවයට ගිය ගැහැනියකට ඇදල අරින හැටියි. සිද්ධිය වෙන කවුරුද ගැහැනියකගේ පාස්පෝට් හුටපටයක් වගෙයි පේන්නේ. මහ කොමසාරිස්ලා ඉන්නේ පාස්පෝට් ගැන හොයන්න ද අප්පා?

සෝක් කඩු පොඩ්ඩ!



මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-27

කොහොමද බයි‍යොන්ගෙ අය වැය

මහින්ද රාජපක්ෂ ජනාධිපතිවරයාගේ 2015 අයවැය යෝජනා තනිකර ම ඡන්ද අල්ලසකි.

එම අල්ලසේ දැවැන්තකමේ තරමින් පෙනෙන්නේ මහින්ද රාජපක්ෂ ජනාධිපතිවරයාට ජනාධිපතිවරණය ජය ගැනීම පිළිබඳ කිසිදු විශ්වාසයක් නැති බවයි.1977දී සිරිමා බංඩාරනායක ආණ්ඩුව ද, 1994දී විජේතුංග ආණ්ඩුව ද මෙවැනි ඡන්ද අල්ලස් ජනතාවට දුන් නමුත් ඔවුහු ඡන්ද පැරදුණ හ. පසුගිය පළාත් සභා ඡන්දයේදී ද ආණ්ඩුව ඉන්ධන මිළ අඩු කරමින්, බඩු බෙදමින්, අල ගනිමින් ඡන්දය දිනන්නට උත්සාහ කළත්, අවසානයේදී බලන විට ලැබූ ජයක් නැත.

මේ අයවැය යෝජනා ක්‍රියාත්මක කිරීම ඉතා ම අවිශ්වසනීය ය. ඔහු ජය ගතහොත් මුලින්ම බලාපොරොත්තු විය හැකි දෙය මෙම අයවැය යෝජනා ක්‍රියාත්මක නො කිරීමයි. රජයේ සේවකයන්ගේ වැටුප් ගණනය කිරීමට කල් ගත වන නිසා වැටුප් වැඩි වීම ලබා දෙන්නේ 2015 සැප්තැම්බරයෙන් පසු බව දැන් ආණ්ඩුව පවසයි. දැනට පවතින වැටුප නිශ්චිත ගණනකින් වැඩි කිරීමට හා ඒ හා අදාළ සෙසු ගණනයන් කිරීමට ආණ්ඩුව ඔච්චර කල් ගත යුතු නැත. ඒ ගණනය කිරීම් අදාළ වැටුප් අංශවලින් පහසුවෙන් ලබා ගන්නට පුළුවන. දැන් වැඩ කරන්නේ කොම්පියුටර්වලින් නොවැ.

අනෙක් පැත්තෙන් ආණ්ඩුව මෙම වැටුප් වැඩි කිරීම යෝජනා කළේ ඒ සඳහා යන වියදම ගණනය කරන්නේ නැතිව ද?

මේ අයවැය අන්න එවැනි අටමගලයකි. එය වචනයේ පරිසමාප්තයෙන් ම බයියොන්ගේ අයවැයකි. 

බයියා යනු මෝඩ පහේ ගැමියා ය. මෝඩ ගැමියකුට ලොතරැයියක් ඇදුණොත් කුමක් කරනු ඇද්ද? මේ අයවැයත් එවැනි වැඩකි. 

මෙය පසුපස තිබෙන දැක්ම මෙයයි. භාණ්ඩාගාරය හිස් වුණත් කම් නැත. මම කෙසේ හෝ ජනාධිපතිවරණය දිනමි. දෙන දේ දෙන්නේ දිනුවාට පසුවයි. 

රජයේ සේවකයිනි, ඔබට ලැබෙනු ඇත්තේ රුපියල් 5200ක හෝ 3000ක දීමනා පමණක් වන්නට බොහෝ දුරට ඉඩ තිබේ. 

මෙම අයවැය තනිකර ම ණය මත රඳා පවතින අයවැයකි. රජයේ සේවකයන්ට වැටුප් වැඩි කරන්නේ ණයට ගන්නා මුදලිනි. ඒ ණය ගෙවිය යුත්තේ ද මෙ රටේ ජනතාවයි. 

මෙතෙක් ණයට ගත් මුදලින් ජොලි කළේ දේශපාලකයෝ ය. දැන් රාජපක්ෂ ආණ්ඩුව ඒ අය අතරට රජයේ සේවක පිරිස ද එක් කරගෙන තිබේ. ඡන්දය දිනන්නට යන්නේ දූෂිත හමුදාව වැඩි කර ගැනීමෙනි.

මේ රටේ සැබැවින් වැඩ කරන විදේශගත ශ්‍රමිකයන්, වතු කම්කරුවන්, අපනයන සැකසුම් කර්මාන්තවල ශ්‍රමිකයන්, සුළු හා මධ්‍ය පරිමාණ කර්මාන්තවල ශ්‍රමිකයන් ඇතුළු පෞද්ගලික අංශයේ සේවකයන්, ස්වයං රැකියා කරන්නන්, ගොවීන් වැනි ජනයා වෙනුවෙන් ලැබේ යයි විශ්වාස කළ හැකි ප්‍රායෝගික සහනයක් මෙම අයවැයෙන් පිරිනැමෙන්නේ නැත. 

සරළ ප්‍රශ්න කීපයක් මතු කළ හැකි ය. දේශීය කිරි ගොවියාට ගෙවන මිළ වැඩි කර කිරි නිෂ්පාදනවල මිළ අඩු කළ හැකි ද?

වීවලට, රබර්වලට සහතික මිළ දුන්නාට ඒ මිළට ඒවා මිළ දී ගන්නේ කවුරු ද? අල ගත් හැටි මතකයි නේ ද? 

ආණ්ඩුව අලුත් වියදම් හොයන හැටි පැහැදිලි කර නැත. එහෙත් අලුතෙන් බදු පණවන්නට යන හැටි ගැන ඉඟියක් තිබේ. ඒ සීනිවල සෙස් බද්ද ශත 25 සිට රු. 5 දක්වා සීයට දෙදාහකින් වැඩි කිරීමෙනි. මේ වනාහි ඔබේ ම සාක්කුවෙන් ගෙන ඔබට ම ආපසු දීමකි.

ඔබ මේ රටට ආදරයක් තිබේ නම් මේ අල්ලස් දීමට යට නො වන්න. මේ අල්ලස නිසා රටේ ආර්ථිකය විනාශ වී ඔබ කබලෙන් ලිපට වැටෙනු ඇත. මෙවැනි ආර්ථික කළමනාකරණයකට තවත් වසර හයකට රට භාර දුන්නොත් කුමක් වේදැයි සිතන්න. 

දැනටමත් රටට සිදු වී ඇති හානිය ගැන සිතන්න. අද ඔබේ උදරය ගැන නොව හෙට ඔබේ දරුවාගේ අනාගතය ගැන සිතන්න.



මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-26

දස දහස් ගණන් අතුරුදහන් වූ රටේ අතුරුදහන් වූවන් සමරන්න බැරි ද?

අතුරුදහන්වූවන්ගේ පවුල් එකතුව
පුවත්පත් නිවේදනයයි.

ඔක්තෝබර් 27 අතුරුදහන්වූවන් සිහිපත් කිරීමේ පවුල් එකතුවට විරුද්ධව
සාහසික පෝස්ටර් ව්‍යාපාරයක්

සෑම වසරකම ඔක්තෝබර් 27 වන දින බලයෙන් අතුරුදහන්කරවූවන් සිහිපත් කරවීමේ සමරු දිනයක් සීදුව රද්දොඑව හන්දියේ අතුරුදහන්වූවන්ගේ ස්මාරකය ඉදිරියේ පැවැත්වේ. මෙම දිනය අතුරුදහන් වූ පවුල්වල දෙමාපියන් හා සහෝදර සහෝදරියන් හා හිතවතුන් එකතුවී තමන්ගේ පවුල්වලින් අතරුදහන්වූවන් ලෙස විපතට පත්වූවන් සිහිපත් කොට ආගමික වතාවත් හා වෙනත් ආකාරයේ සිහිපත් කිරීම් කරණු ලබයි. මෙම උත්සවයට බෞද්ධ, කි‍්‍රස්තියානි, මුස්ලිම් ආදී විවිධ ආගම් වල පූජකවරුන් ද පැමිණේ.

අතුරුදහන්වූවන්ගේ ස්මාරකය ඉදිකරණ ලද්දේ 2000 වර්ෂයේදීය. එහි අරමුණ වූයේ මෙවැනි විශාල අපරාධයක් නැවත ඇති නොවීම ස`දහා මහජන දැනුවත් කිරීමක් හා අධිෂ්ඨානයක් ගොඩනැගීම සදහා පසුගිය අවුරුදු 24 ඇතුළත නොකඩවාම මෙම සිහිකිරීම පවත්වා ඇත.

මෙම සිහිකිරීමට අතීතයේ දී පැමිණි අමුත්තන් හා කථිකයන් අතර දැනට ජනාධිපතිධූරයේ සිටින මහින්ද රාජපක්‍ෂ මහතා ද පැමිණ ඇත. එතුමා අතුරුදහන්කරවීම පිළිබදව අපරාධය පිළිබදවත්, එය අනාගතයේ දී නැති කිරීමට පමණක් නොව ඊට අතීතයේ දී සම්බන්ධවූවන්ට දඩුවම් දීම පිළිබදව ද මෙම සිහිකිරීමේ දී ප‍්‍රසිද්ධ කථා පවත්වා ඇත. වාර්ෂිකව පවත්වන මෙම සිහිපත් කිරීම එතුමාත්, රජයත් ඉතා හො`දින් දන්නා අතර අතීතයේ දී එයට අනුග‍්‍රහය දක්වා ඇත.

මෙම සිහිකිරීමේ උත්සවය ඔක්තෝබර් 27 වන දා (එනම් හෙට) දින පැවැත්වීමට නියමිතය. එසේ තිබියදී එම සිහිපත් කිරීමට බාධා කිරීම සදහා සහ එම සිහිපත් කිරීම පිළිබදව වැරදි මහජන මතයක් ඇති කිරීම සදහා ප‍්‍රසිද්ධ පෝස්ටරයක් මීගමු පලාතේ, කොළඹ හා වෙනත් පලාත් වල විශාල වශයෙන් අලවා ඇත. එම පෝස්ටරයේ මේ වසරේ උත්සවයේ ආරාධිත කතිකයෙකු වන රාවය පුවත්පතේ උපදේශක කර්තෘ වික්ටර් අයිවන්, අතුරුදහන්වීම් පිළිබදව පසුගිය කාලය තුළ ක‍්‍රියාකර ඇති ප‍්‍රවීන ගායන ශීල්පී ජයතිලක බණ්ඩාර, ප‍්‍රවීන මානව හිමිකම් කි‍්‍රයාකාරනියක් වන ආචාර්ය නිමල්කා ප‍්‍රනාන්දු, ජාතික ධිවර සහයෝගීතාවයේ කැදවුම්කරු හර්මන් කුමාර, වෙබ් මාධ්‍යවේදීන්ගේ සංගමයේ සභාපති මීපුර පුවත්පතේ කර්තෘ ප්‍රෙඞී ගමගේ හා ආසියානු පුවත් සේවයේ ශී‍්‍ර ලංකා වාර්තාකාරිණී මෙලනි මානෙල් පෙරේරා අතුරුදහන්වුන්ගේ පවුල් එකතුවේ සභාපති බි‍්‍රටෝ ප‍්‍රනාන්දු හා ශී‍්‍රනිකා නිලාශණී රයිට් ටු ලයිෆ් මානව හිමිකම් සංවිධානයේ පිලිප් දිසානායක හා ප‍්‍රසංග ප‍්‍රනාන්දු යන මහත්ම මහත්මීන් ගේ ඡයාරූප ඇතුලත් කර මොවුන් ඩොලර් කාක්කන් ලෙස නම් කොට ඇත.

නිර්ණාමික වූ මෙම පෝස්ටරය ඉතා පැහැදිලිවම කිසියම් ගුප්ත දේශපාලන බලවේගයක් විසින් කර ඇති බවට සැකයක් නැත. එසේ කර ඇත්තේ අතුරුදහන් කරවූවන් පිළිබද ප‍්‍රශ්නය ඉස්මතු වීම වළක්වාලීම සදහා බව ද ඉතා පැහැදිලිය. මේ නිසා කෙළින්ම හෝ වක‍්‍රව අතුරදහන්වීම් වලට සම්බන්ධ වූ හෝ ඒවා මෙහෙය වූ අය හෝ ඔවුන්ගේ හිතවතුන් මෙම පෝස්ටර් ව්‍යාපාරය කර ඇති බව අනුමාන කළ හැකිය. එවැනි කණ්ඩායම් වලට හිතවත් වූ දේශපාලන ව්‍යාපාරයක් මේ පිටුපස ඇති බව සිතාගත හැක.

මෙම නිර්ණාමික හා ඒ නිසා නීතිවිරෝධී පෝස්ටරය පිටිපස කිසියම් සාහසික අරමුණක් පවතින බව පෙනී යයි. එම සාහසික අරමුණ මෙම සිහිපත් කිරීම කඩාකප්පල්කර දැමීම මෙන්ම එහි සංවිධායකයන්ට විරුද්ධව ප‍්‍රචන්ඩ ක‍්‍රියාමාර්ගයක් ගැනීමේ අරමුණින් ඒ සදහා මහජන මතය සකස් කිරීම සදහා මෙම පෝස්ටරය නිකුත්කර ඇතැයි අපි සිතමු.

අපි ලංකාවේ සියඑම දෙනාගෙන් ඉල්ලා සිටින්නේ අතුරුදහන්වූවන් සිහිපත් කිරීමේ ප‍්‍රජාතන්ත‍්‍රවාදී අරමුණු ඇතිව කෙරෙන මෙම සිහිපත් කිරීම ආරක්‍ෂා කිරීමට මැදිහත් වන ලෙසය. තමන්ට වූ කරදර පිළිබදව සිහිපත් කිරීමටත්, ඒ පිළිබදව මහජන සහයෝගය ඉල්ලා සිටීමටත්, ඒ පිළිබදව උද්ඝෝෂණය කිරීමටත් ඇති අයිතිය සියඑම ශීලාචාර සමාජයන් හී පවතින අයිතියකි. එවැනි සිහිපත් කීරීමකට බාධා කිරීම ම්ලේච්ඡු කි‍්‍රියාවකි. මෙවැනි අවස්ථාවක එවැනි සිහිපත් කිරීම් හා ප‍්‍රචාරක කටයුතු ආරක්‍ෂාකර දීම ප‍්‍රජාතන්ත‍්‍රවාදයට හිතවත් සියඑ දෙනාගේම යුතුකමකි. මම සිහිපත් කිරීමට සහභාගී වීමෙන් හා එය කඩාකප්පල් කිරීමේ ප‍්‍රයත්නයට විරුද්ධ වීමෙන් අතුරුදහන්වූවන් පිළිබදව ඔබගේ අමනාපය හා යුක්තිය ඉටුකිරීම සම්බන්ධයෙන් ඔබගේ උනන්දුව ප‍්‍රකාශයට පත්කරන ලෙස අප ඉල්ලා සිටිමු.

අපි රජයෙන් ඉල්ලා සිටින්නේ මෙම නීතිවිරෝධී පෝස්ටරය පිළිබදව වහා පරීක්‍ෂණයක් පවත්වා එසේ කළ අයට නීතිය ඉදිරියේ දඩුවම් පමුණුවන ලෙසයි. මේ අතර මෙම රැස්වීමට ආරක්‍ෂාව සපයන ලෙසත් මෙම සාහසික ප‍්‍රචාරය මගින් තම ආරක්‍ෂාවට අනතුරක් ඇතිවී ඇති ඉහත නම් සදහන් සියඑ දෙනාගේම ආරක්‍ෂාව සළසන ලෙසත් අපි ඉල්ලා සිටිමු.

අපි මෙම සිහිපත් කිරීමට පැමිණෙන ලෙස සියඑම මාධ්‍යවලින් ඉල්ලා සිටිමු. කිසියම් කඩාකප්පල්කාරී කණ්ඩායමක් දමා බාධා කිරීමටත්, එහි පැමිණෙන අයට හිරිහැර කිරීමටත්, මෙම පෝස්ටරය පිටිපස සිටින සාහසිකයන් ක‍්‍රියා කිරීමටත් ඉඩ ඇතැයි අපි සිතමු. සියඑම මාධ්‍යකරුවන්ගේ පැමිණීම මගින් මෙම සිද්ධිය වාර්තා කොට ජනතාව ඉදිරියට පමුණුවන ලෙසද අපි ඉල්ලා සිටිමු.


බි‍්‍රටෝ ප‍්‍රනාන්දු
අතුරුදහන්වූවන්ගේ පවුල් එකතුව
2014 වූ ඔක්තෝබර් මස 26 වන දිනදීය


මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-25

මඩකලපුවේ ප්‍රචණ්ඩ මහණා වහා අත්අඩංගුවට ගනු!

පෙර ලිපිය කියවන්න: චම්පිකගේ අමුඩෙ රුන්නේ කවුරුද? 

පන්සලක හාමුදුරුනමක් වූ පළියට හෝ ඒ පන්සල පිහිටා තිබෙන්නේ දෙමළ බහුතරයක් ජීවත් වන ප්‍රදේශයක ය කියා ඒ පන්සලට හොරෙන් විදුලිය ලබා ගන්නට කිසිදු අයිතියක් නැත.


විදුලිය විසන්ධි කරන්නට පැමිණි නිලධාරීන්ට පහර දෙන්නට හා තර්ජනය කරන්නට හාමුදුරුවන්ට අයිතියක් නැත. 

මේ නිලධාරියා එඩිතර පුද්ගලයෙකි. මෙම ප්‍රචණ්ඩ භික්ෂුවගේ හා පොලිසියේ තර්ජනය හමුවේ පවා ඔහු එකී භික්ෂුවට අවශ්‍ය දේ කියන්නේ නැත. ඔහු ඇත්තෙන් ම එවැන්නක් නො කීවා වෙන්නට ද පුළුවන. කීවා නම් මේ හාමුදුරුවන් කළ යුතුව තිබුණේ ඒ ගැන පැමිණිලි කිරීම මිස ඔහුට පහර දීම හා පොලු අරගෙන ප්‍රචණ්ඩව හැසිරීම නො වේ. පොලිසිය එතැනට ඇවිත් කළ යුතුව තිබුණේ තර්ජනයට ලක් වූ රාජ්‍ය නිලධාරියාව ආරක්ෂා කිරීමයි. ප්‍රචණ්ඩ මහණා අත් අඩංගුවට ගත යුතුව තිබිණි.

අනෙක් පැත්තෙන් මෙම භික්ෂුව පවිත්‍රා වන්නිආරච්චි ඇමතිනියට අපහාස කරන ආකාරය සමස්ත ස්ත්‍රී වර්ගයාට ම නිගාවකි. 

රජයේ සේවය ඔහුට අනුව මහින්ද රාජපක්ෂගේ ඇට මිරිකීමයි. රාජ්‍ය නිලධාරීන් පකයෝ ය.

මෙවැනි පාදඩ මහණුන් හැදූ වැඩූ අය ද මේ කතා අසා ගන්නා එක දෛවයේ සරදමකි. 

එහෙත් විචාරශීලී පාඨකයන් හා ප්‍රජාතන්ත්‍රවාදයට ගරු කරන පුරවැසියන් ලෙස අප මෙවැනි සිද්ධි දෙස නිවැරදි දෘෂ්ටි කෝණයකින් බැලිය යුතු ය.

වහා මෙම භික්ෂුවට අදාළව නීතිය ක්‍රියාත්මක කළ යුතු ය. රාජ්‍ය නිලධාරීන්ට සිය රාජකාරිය කරන්නට ඉඩ නො දීම, පහර දීම හා ශාරීරික හා මානසික වශයෙන් අඩන්තේට්ටම් කිරීම, රාජ්‍ය සේවය අවමානයට ලක් කිරීම, විදුලි බල ඇමතිනියට වාචිකව ලිංගික අඩන්තේට්ටමක් කිරීම යන කරුණු මත ඔහු අත්අඩංගුවට ගෙන අධිකරණයට ඉදිරිපත් කළ යුතු ය.

මෙවැනි මහණුන් බුදු දහමට කරන නිගාව ගැන සංඝාධිකරණයක් වග බලා ගත යුතු ය. 

සමාජයක් ලෙස අපි මෙවැනි මහණුන් හෙළා දැකිය යුතු ය. ඔවුන් වීරයන් ලෙස නො සැලකිය යුතු ය. මෙවැනි දර්ශනවලින් මෝඩ චූන් නො ගත යුතු ය.







මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

චම්පිකගේ අමුඩෙ රුන්නේ කවුරුද?

(මෙම බ්ලොගයේ පිටු වෙත පිවිසුණු සංඛ්‍යාව අද දින විසිපන් ලක්ෂය ඉක්මවා ගොස් ඇති බව සතුටින් දැනුම් දෙමු! ස්තුතියි ඔබට! දිගට ම අප හා රැඳෙන්න. ඔබ අපට දිරියකි.)

‘‘2012 නොවැම්බර් මස ආනයනය කළ ගල් අඟුරු මෙ.ටො. 143,932 සම්බන්ධයෙන් අපරාධ පරීක්ෂණ දෙපාර්තමේන්තුව විසින් පරීක්ෂණයක් අරඹා ඇත. ලංකා ගල් අඟුරු සමාගම සහ ශ්‍රී ලංකා නැව් සංස්ථාව අතර 2012 ජූලි 23 එළැඹුණු ගිවිසුම අනුව හදිසි ගල් අඟුරු සැපයුම ප්‍රදානය කර ඇත්තේ සීමාසහිත තෝරියන් අයන් ඇන්ඩ් ස්ටීල් පෞද්ගලික සමාගමටය. ආනයනකරු තෝරා ගත්තේ සීමාසහිත නැව් සංස්ථාව විසිනි. ලංකා විදුලිබල මණ්ඩලය විසින් 2013 ජුලි 29 වන දින වාර්තා කළ පරිදි මෙම ගල් අඟුරු දහනය කර විදුලිය උත්පාදනය කිරීම නිසා 85,27,68,000 ක (අසූපන් කෝටි විසි හත් ලක්ෂ හැට අට දහසක) අලාභයක් සිදුව ඇත. ඊට අමතරව මෙ.ටො. 29,896 ක ප්‍රමාණයක් අඩුවෙන් සැපයීම නිසා සිදුවූ අලාභය 65,42,76,116/25 කි. (හැටපන් කෝටි හතලිස් දෙලක්ෂ හැත්තෑ හය දහස් එකසිය දහසයයි ශත විසිපහකි) ඒ අනුව මුළු අලාභය රුපියල් 150,70,44,116/25 කි. (එකසිය පණස් කෝටි හැත්තෑ ලක්ෂ හතලිස් හතර දහස් එකසිය දහසයයි ශත විසිපහකි) අපි නීතිපති උපදෙස් අනුව සීඅයිඩී එකට පරීක්ෂණ බාර දුන්නා.” 

මෙසේ පැවසුවේ විදුලි බල හා බලශක්ති ඇමති පවිත්‍රා වන්නිආරච්චි ය. හදිසියේ ම ඇය මේ ප්‍රකාශය කළේ මීස මාස අටකට පෙර එජාප පාර්ලිමේන්තු මන්ත්‍රී හර්ෂ ද සිල්වා විසින් අසන ලද ප්‍රශ්නයකට පිළිතුරු ලෙසයි. 

ආණ්ඩුවට මේ ප්‍රශ්නයට පිළිතුරු දෙන්නට උවමනාව ඇති වුණේ ජාතික හෙළ උරුම මන්ත්‍රී අතුරලියේ රතන හිමි ලොකු කැරැල්ලක් ගසමින් සිටින අතරතුර, ඔක්තෝබර් 21දා ජනාධිපතිවරයා හෙළ උරුමය සමග පවත්වන ලද සාකච්ඡාව කඩාකප්පල් වුණාට පසුව ය. හෙළ උරුමය ඉල්ලා සිටින පරිදි ආණ්ඩු ක්‍රම ව්‍යවස්ථාව සංශෝධනය කළ නො හැකි බව ද ජනාධිපතිවරණය පවත්වනු ඇති බව ද ජනාධිපති මහින්ද රාජපක්ෂ සාකච්ඡාවෙන් නැගිට යාමට පෙර කෝපයෙන් පැවසූ බව වාර්තා වේ. 

මේ එන්නේ රිටර්න් එක ය. මෙම වංචාව සිදු වී තිබෙන්නේ චම්පික රණවක විදුලි බල හා බලශක්ති ඇමති කාලේ ය. මෙන්න ඔහුගේ ප්‍රතිචාරය:

2012 වර්ෂයේදී ලංකා විදුලිබල මණ්ඩලයේ හෝ විදුලිබල හා බලශක්ති අමාත්‍යාංශයේ අනුදැනුමකින් තොරව ශ්‍රී ලංකාවට ගල් අඟුරු ආනයනය කර ඇති බවත් ඒ වනවිටත් ඒවා ගොඩ බා අවසන් බවත් සති අන්ත පුවත්පතකින් අනාවරණය කළේය. ඒ පිළිබඳව විමසීමේදී වරාය අධිකාරියේ සහ නැව් සංස්ථාවේ මෙහෙයවීම මත ඉන්දුනීසියාවේ තෝරියන් සමාගමේ ගල් අඟුරු සහිත නැව් දෙකක් දිවයිනට ආසන්න මුහුදු තීරයට ගෙන්වා ඇති බවත් ඒවා මිලට ගැනීමට ගල් අඟුරු සමාගම සූදානම් බවටත් හඳුනාගෙන තිබේ. මේ පිළිබඳව 2012.12.03 වන දින අමාත්‍යවරයාගේ උපදෙස් මත විශේෂ රැස්වීමක් කැඳවීය.

ඒ සඳහා ලංවිම, ලංකා කෝල් සමාගම සහ අමාත්‍යාංශ ඉහළ නිලධාරීන් සහභාගී විය. එහිදී ගත් තීරණය වූයේ නිවැරදි පිරිවිතරයන්ට අදාළ නොවන සියළුම ගල්අඟුරු තොග ප්‍රතික්ෂේප කළ යුතු බවත් ගොඩබා හෝ මුහුදු තීරයට ආසන්න ප්‍රදේශයේ ඊට අදාළ නැව් පවතින්නේ නම් ඒවා හරවා යැවිය යුතු බවත්ය. එමෙන්ම අවශ්‍ය ගල් අඟුරු ලංවිම පවතින රෙගුලාසි මත දැනට ගල් අඟුරු සපයන නොඛෙල් සමාගමෙන් මිලදී ගන්නා ලෙසට ද තීරණය විය. කෙසේ වෙතත් නීතිපතිතුමාගේ උපදෙස් ලබාගැනීමට විවිධ පිරිස් කටයුතු කිරීමෙන් අනතුරුව තෝරියන් සමාගමට අයත් නිසි ප්‍රමිතියෙන් තොර ගල් අඟුරු තොග බලාගාර භූමියට ගොඩබෑමට ලංකා ගල් අඟුරු සමාගම කටයුතු කළේය.

එහිදී ඇමතිවරයෙකුට හිමි බලතල භාවිත කරමින් විදුලිබල අමාත්‍යාංශය ලබාදුන් උපදෙස් පිළිනොගත් ලංකා ගල් අඟුරුසමාගමේ එවක සභාපති තිස්ස හේරත් මැතිතුමාව 2013.01.21 වන දින ධුරයෙන් ඉවත් කිරීමට කටයුතු කළේය. එමෙන්ම 2013.01.24 වන දින නව අධ්‍යක්ෂක මණ්ඩලයක් පිහිටුවා සිදුවූ අක්‍රමිකතාව සම්බන්ධයෙන් ස්වාධීන පරීක්ෂණයක් සිදුකරන ලෙස ද තමන් නියෝග කළ බව අමාත්‍යවරයා සඳහන් කළේය. පරීක්ෂණය ආරම්භ කර දින හයකින් තමන්ට එම ධුරයෙන් ඉවත්වීමට සිදුවූ බවද අමාත්‍යවරයා සඳහන් කළේය.

මේ වංචා සහගත ගණුදෙනුව පිළිබඳව අනිවාර්යෙන්ම පරීක්ෂණයක් සිදුකළ යුතු අතර මෙයට සම්බන්ධ පිරිස්වලට වහා දඬුවම් ලබාදිය යුතු බවද අමාත්‍යවරයා අවධාරණය කළේය. මෙවැනි තාක්ෂණික වංචාවන් අති විශාල වශයෙන් රටපුරා සිදුවන අතර දැනට ගල් අඟුරු ටෙන්ඩරය ලබාදීම සම්බන්ධයෙන්ද ඉතාම ගැටළුකාරී තත්ත්වයක් තිබේ. මෙම දූෂණ සහ වංචා සොයාබැලීම සඳහා ව්‍යවස්ථාපිත ආයතනයක් රටේ පිහිටුවීම අනිවාර්ය බවද අමාත්‍යවරයා අවධාරණය කර සිටියේය.

මෙවැනි ප්‍රශ්න නැවත මතුවීම මහජනතාවගේ අනාගතයට සුභදායී අතර වංචා දූෂණ සිදුකරනු ලබන පුද්ගලයන් සොයා බලා දඬුවම් දීමට ද ඉන් හැකිවේ. මෙම වංචාව පිළිබඳව නැවත මතුකිරීම පිළබඳව තමන් විදුලිබල හා බලශක්ති අමාත්‍ය පවිත්‍රා වන්නිආරච්චි ට සහ ප්‍රශ්නය නැගූ එක්සත් ජාතික පක්ෂ පාර්ලිමේන්තු මන්ත්‍රී හර්ෂද සිල්වාට ස්තුතිවන්ත වන බවද අමාත්‍යවරයා සඳහන් කළේය.

ආණ්ඩුවේ හොරු දැන් හෙළුවෙන් ය. හොරකම් අසු වෙනවාට බියේ මෙතෙක් රාජපක්ෂගේ පය දැවටෙමින් සිටි සොරු දැන් රාජපක්ෂට අභියෝග කරන්නට ඉදිරිපත් වී තිබේ. ඔහු වියරු වැටී තිබෙන්නේ මෙම සංදර්භය තුළයි. 

චම්පික රණවක පිළිතුරු දීම සඳහා පැවැත්වූ පුවත්පත් සාකච්ඡාවේදීත් කරන්නේ හොර වැඩකි. ඇමතිවරයා ලෙස තමන් එම වංචාව නො කළා නම් කළේ කවුරු ද යන්න ඔහු කියන්නේ නැත. වංචාකරුවන් පිටුපස තමන් නො සිටියා නම්, සිටියේ කවුරුද යන්න ගැන සොයා බැලීමට ඉඟියක්වත් ඔහු දෙන්නේ නැත. පරීක්ෂණයට අදාළව ඔහු සතු තොරතුරු ඉදිරිපත් කරන බව ද ඔහු කීවේ නැත. 

කවුරු කවුරු ළඟ වුණත් තිබෙන ලිපි ගොනු එළියට එන එක හොඳ ය. රෙද්ද උස්සාගෙන දඟලන කල ජනතාවට ඇත්ත දැන ගත හැකි වනු ඇත. 


මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-24

සරත් නන්ද සිල්වා ප්‍රජාතන්ත්‍රවාදය සඳහා මහජන ව්‍යාපාරවල හතර මායිමකට වැද්ද නො ගත යුතු ය

මොහුට සමාව නො දෙනු!
ජනාධිපතිවරයාට තුන්වරක් තරග කළ නො හැකි ය යන නීති තර්කය ගෙන ආවේ හිටපු අග විනිසුරු සරත් නන්ද සිල්වා ය. 

ලංකාවේ අධිකරණ ක්‍රියාවලි පිරිහීමට ලක් වන පරිදි ක්‍රියා කළ මූලිකයකු ලෙස සැලකෙන සරත් නන්ද සිල්වාගේ නීති තර්කය පිටුපස මේ රටේ විපක්ෂය වැටී ඇත්තේ බැල්ලිගේ බුරුල්ලේ එල්ලෙන බලු කුක්කන් සේ ය. 

මෙම නීති තර්කය සරත් නන්ද සිල්වාගේ කුශාග්‍ර බුද්ධි මහිමය පළ කරන්නකැයි ඔහු හා අලියාගේ නැට්ටේ එල්ලී හෝ මහින්ද රාජපක්ෂ පරදා දෙව්ලොව යන්නට සිටින විපක්ෂය කල්පනා කරති. 

සරත් නන්ද සිල්වාගේ බුද්ධි මහිමය පසුගිය දිනෙක ඔහු ම ප්‍රකාශ කළේ ය. මහින්ද රාජපක්ෂ අගමැති ධුරය හොබවන සමයේ ලැබුණු සුනාමි සහනාධාර පෞද්ගලික ගිනුමකට බැර කර ගැනීමට එරෙහිව ඔහුට විරුද්ධව නැඟුණු චෝදනා සම්බන්ධයෙන් මහින්ද රාජපක්ෂ ශ්‍රේෂ්ඨාධිකරණයට ගිය අවස්ථාවේ ඔහු එවැනි දැවැන්ත සොරකමක් නො කරනු ඇතැයි යන පූර්ව විනිශ්චය මත පිහිටා තමන් කටයුතු කළ බව එවකට අග විනිසුරු සරත් නන්ද සිල්වා පැවසී ය. 

ඔහුගේ නීතිමය පරිඥානයේ තරම ප්‍රකාශ කරන්නට මේ පූර්ව විනිශ්චය කතාවට වඩා තවෙකක් කුමට ද?

ඔහුට පිළිතුරු දෙමින් ජනාධිපති නීතිඥ අලි සබ්රි කොළඹ පැවති සම්මන්ත්‍රණයකදී පසුගියදා කළ ප්‍රකාශය ඉතා වැදගත් ය. ඔහු කරුණු හතරක් පෙන්වා දුන්නේ ය.

1. දහඅටවන ආණ්ඩු ක්‍රම ව්‍යවස්ථා සංශෝධනය ගෙන ආවේ වත්මන් ජනාධිපතිවරයා ඇතුළු සියලු ජනාධිපතිවරුන්ට දෙවතාවකට වඩා තරග කිරීමට තිබුණු බාධාව ඉවත් කිරීමට බව ඔහු පෙන්වා දුන්නේ ය. ව්‍යවස්ථාදායකය විවාද කළේ ඒ පිළිබඳව බව ඔහු පවසයි.

2. ජනාධිපතිවරයා දෙවරක් දිවුරුම් දෙන විට මෙම නීති සංශෝධනය කර තිබුණු නිසා එය ඔහුට අදාළ බව ඔහු පෙන්වා දුන්නේ ය. 

3. අර්ථ නිරූපණ ආඥා පනතේ 6 (3) වගන්තිය අදාළ වන්නේ ලිඛිත නීතිවලට බවත්, ආණ්ඩු ක්‍රම ව්‍යවස්ථාව ප්‍රඥප්තියක් බැවින් එය අදාළ නො වන බවත් ඔහු පැවසී ය. 

4. ආණ්ඩු ක්‍රම ව්‍යවස්ථා සංශෝධනයේ අරමුණු පිළිබඳ ප්‍රශ්නයක් මතු වන්නේ නම් කළ යුතුව තිබෙන්නේ අදාළ යෝජනාව සම්බන්ධයෙන් හැන්සාඩ් වාර්තා අධ්‍යයනය කිරීම බවත් ඔහු පෙන්වා දුන්නේ ය.

සරත් නන්ද සිල්වාගේ තර්කයට වඩා මෙම තර්කය ප්‍රබල බව අපගේ අදහසයි. සරත් නන්ද සිල්වාගේ තර්කය සමාන වන්නේ කොල්වින් ආර්. ද සිල්වා පිළිබඳ තිබෙන ගොයම් කොළයට මුවා වී වෙඩි තැබුවා ය කියන සාක්කිය කැඩූ ආකාරය පිළිබඳ කතාවටයි. ගොයම් ගසක කොළයක් පෙන්වා එයට මුවා වී වෙඩි තබන්නේ කෙසේදැයි කොල්වින් ආර්. ද සිල්වා තර්ක කළ බව කියැවේ. 

මෙවැනි ගොන් තර්ක වනාහි නීතිමය පරිඥානයේ ලක්ෂණ නො වේ. ඒවා සටකපටකමේ හා නඩුකාරයන්ගේ හා ප්‍රතිවාදී නීතිඥයන්ගේ මුග්ධකමේ සංකේත පමණි. 

සරත් නන්ද සිල්වා වර්තමානයේ සිය චක් ගෝලයන් සමග එක්ව පවත්වන මාධ්‍ය සංදර්ශනය අධිකරණයේදී සබ්රි වැනි නීතිඥයන් අතින් අභියෝගයට ලක් වනු ඇත. 

මහින්ද රාජපක්ෂ ජනාධිපතිවරයා පැරදවීම ගැන අපට කිසිදු ගැටලුවක් නැත. එහෙත්, කවරකුගේ හෝ දිනුමක්, පැරදුමක් ප්‍රජාතන්ත්‍රවාදය ශක්තිමත් කිරීමට ඉවහල් නො වන්නේ නම් එයින් පලක් නැත. 

ප්‍රජාතන්ත්‍රවාදය වෙනුවෙන් දැන්ම ම කළ යුතුව තිබෙන එක් දෙයක් වන්නේ ලංකාවේ ප්‍රජාතන්ත්‍රවාදය ආදාහනය කරන්නට මිනී වලවල් කැපූ සරත් නන්ද සිල්වා ප්‍රජාතන්ත්‍රවාදය සඳහා මහජන ව්‍යාපාරවල හතර මායිමකට වැද්ද නො ගැනීමයි. අප ඉතිහාසයෙන් වර්තමානයට කැඳවිය යුත්තේ හොල්මන් හා පෙරේතයන් නොව වීරයන් ය. 

චන්ද්‍රිකා බංඩාරනායක කුමාරතුංග හිටපු ජනාධිපතිතුමිය ගැන ද අපට කීමට තිබෙන්නේ එය ම ය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-23

ඉස්ලාමීය රාජ්‍යය ත්‍රස්තයන් ඉදිරිපිට කුර්දි ජාතික විමුක්ති අරගලය

කුර්දිස්තානය (මනෝරාජික)
ISIS හෙවත් ඉස්ලාමීය රාජ්‍ය ත්‍රස්ත ව්‍යාපාරයට එරෙහිව ඇමරිකා එක්සත් ජනපදයේ නායකත්වයෙන් නේටෝ යුද හවුල විසින් දියත් කර තිබෙන සටනේ මූලික ගැටලුවක් වී තිබෙන්නේ එය අධි තාක්ෂණික ගුවන් ප්‍රහාරවලට සීමා වී තිබීමයි.

ISIS ත්‍රස්තවාදීන් සක්‍රිය වී සිටින සිරියාවේ හා ඉරාකයේ ප්‍රදේශ වෙත ගොඩබිම් බල ඇණි යැවිය යුතුව තිබුණත් ඇමරිකා එක්සත් ජනපදය හෝ යුරෝපා සංගමයේ රටවල් ඒ සඳහා ඉදිරිපත් වන්නේ නැත.

තුර්කිය මෙම සටන සඳහා ඉදිරිපත් වීමට කැමැත්ත පළ කර තිබේ. ISIS  හා වෙනත් ත්‍රස්තවාදී ව්‍යාපාර සමග සටන් කිරීම සඳහා හමුදා යෙදවීම හා ඒ වෙනුවෙන් විදේශ හමුදා සමග එක් වීම තුර්කි පාර්ලිමේන්තුව විසින් ඔක්තෝබර් 02දා අනුමත කරන ලදී. ඒ අනුව එක්සත් ජනපදය හා යුරෝපය බලාපොරොත්තු වන්නේ තුර්කිය ගොඩබිම් යුද්ධයට අවතීර්ණ වනු ඇති බවයි.

මේ අතර සිදු වී තිබෙන සුවිශේෂ දෙය වන්නේ ISIS ත්‍රස්තවාදීන්ට එරෙහිව යුද්ධ කිරීම වෙනුවෙන් තුර්කියේ පදනම් වූ මාක්ස් ලෙනින්වාදී කුර්දිස්තාන කම්කරු පක්ෂය හෙවත් PKK හා එම සංවිධානයේ සිරියානු ශාඛාව ලෙස සැලකෙන කුර්දි ප්‍රජාතාන්ත්‍රික සංගම් පක්ෂය හෙවත් PYD ඉදිරිපත් වීමයි.

එම සංවිධානවලට ආධාර කරන ලෙස ඇමරිකාව තුර්කියෙන් ඉල්ලා තිබේ. සිරියාවේ PYD සංවිධානයට යුද ආධාර සැපයීමට හා PKK සංවිධානයේ හමුදාවලට සිරියාවට ඇතුළුවීමට ඉඩ දීම යන යෝජනා දෙක දැන් ඇමරිකාව ප්‍රමුඛ නේටෝ යුද හවුල පැත්තෙන් ඉදිරිපත් වී තිබේ. එහෙත්, තුර්කිය මේ සම්බන්ධයෙන් දෙගිඩියාවක පසු වෙයි. එයට හේතුව වන්නේ කුර්දි විමුක්ති අරගලයට එයින් ලැබිය හැකි උත්තේජනය පිළිබඳ බියයි.


කුර්දි ජනතාව යනු වර්තමානයේ  ජීවත් වන වෙනම රටක් නැති, එහෙත් සංස්කෘතික අනන්‍යතාවක් ඇති ජාතියකි. කුර්දිවරු මැදපෙරදිග සිව්වන විශාලතම වාර්ගික කණ්ඩායමයි. මිලියන 20 - 30 අතර කුර්දි ජනගහණයක් තුර්කිය, සිරියාව, ඉරාකය, ඉරානය හා ආර්මේනියාව යන රටවල විසිරී ජීවත් වෙති. ඔවුන් ඉතිහාසයේ කිසිදු කලෙක වෙන ම රාජ්‍යයක් යටතේ ජීවත් වී නැති නමුත්, කුර්දිස්තානය නම් වෙනම රාජ්‍යයක් පිළිබඳ ජාතිකවාදී බලාපොරොත්තුවක් ඔවුන් තුළ තිබේ. ඒ ඒ රටවල ජීවත් වෙන කුර්දි ජනයා තම රජයෙන් ස්වයං පාලනය ඉල්ලා අරගල කරති. විසිවන සියවසේ මුල පළමු ලෝක යුද්ධයෙන් පසු ඔටෝමාන් අධිරාජ්‍යය බිඳවැටීමත් සමග කුර්දිස්තානයක් බිහි කිරීම පිළිබඳ බටහිර බලවත්තු කැමැත්තක් දැක්වූ හ. එහෙත්, නූතන තුර්කි දේශ සීමා නිර්ණය කිරීමත් සමග මෙම සම්මුතිය බිඳ දමන ලදී. කුර්දිවරු තමන් ජීවත් වූ රටවල සුළුතර ප්‍රජාවක් බවට පත් වූ හ. 

විසිවන සියවසේ අගභාගයේදී මාක්ස්වාදීන් ජාතික විමුක්ති අරගල නායකත්වය සියතට ගැනීමට පෙළඹීමත් සමග 1970 දශකයේ බිහි වූ කුර්දි කම්කරු පක්ෂය හෙවත් PKK විසින් තුර්කියේ ජීවත් වන එක්කෝටි පනස්ලක්ෂයක් කුර්දි ජනතාව වෙනුවෙන් කුර්දිස්තානයක් පිහිටුවීම සඳහා 1984 සිට කැරැල්ලක් දියත් කරන ලදී. අතිශය ප්‍රචණ්ඩ වූ මෙම කැරැල්ල හා එයට එරෙහිව දියත් කරන ලද මර්දනය හමුවේ 40,000කට වඩා ජනයා මිය ගිය හ. තුර්කිය කුර්දි ජාතියක් සිටින බව පිළි ගැනීමට කැමැත්තක් දක්වන්නේ නැත. ඔවුන් කියන්නේ කුර්දිවරු කියන්නේ කඳුකර තුර්කිවරුන් බවයි.

1990 දශකයේ සිට PKK පක්ෂය වෙනම රාජ්‍යයක් සඳහා වූ ඉල්ලීම ලිහිල් කරමින් වැඩිපුර ස්වයං පාලන බලතල ඉල්ලා සිටින ලදී. 199දී PKK නායක අබ්දුල්ලා ඔකලාන් රාජ්‍ය ද්‍රෝහී චෝදනා මත සිරගත කිරීම පක්ෂයට දරුණු බලපෑමක් විය. එහෙත්, කුර්දි ජනයා අතර එහි ජනප්‍රියත්වය තවමත් අඩු වී නැත. 2013 මාර්තු සිට අබ්දුල්ලා ඔකලාන්ගේ මැදිහත්වීමෙන් සටන් විරාමයක් දියත් වේ. එහෙත් PKK පක්ෂයට එරෙහි නඩු රැසක් විභාග වෙමින් තිබේ. බටහිර රටවල් PKK සංවිධානය ත්‍රස්ත සංවිධානයක් ලෙස සලකයි. 

ඉරාකයේ සදාම් හුසේන් පාලන සමයේ එරට කුර්දිවරු දරුණු මර්දනයකට මුහුණ දුන් හ. සදාම් හුසේන්ට එරෙහි යුද්ධයේදී කුර්දිවරු ඇමරිකන් හමුදාවට පක්ෂව කටයුතු කළ හ. එසේම ඔසාමා බින් ලාඩන් ගැන තොරතුරු හෙළිදරව් කර ගැනීමට ඉවහල් වූ ඔහුගේ පණිවුඩකරුවකු වූ හසන් ඝූල් අත්අඩංගුවට ගනු ලැබුවේ ද ඉරාකයේ කුර්දි සටන්කරුවන් විසිනි. පශ්චාත් සදාම් හුසේන් සමයේ ඉරාකයේ උතුරෙහි පෙෂ්මෙර්ගා කුර්දිවරු ස්වයං පාලනයක් පවත්වාගේන යති.


පෙෂ්මර්ගා සටන්කරුවෝ
පෙෂ්මර්ගා ස්වයං පාලන ප්‍රදේශයේ කුර්දි සටන්කරුවන්ට සිරියාවට පිවිස කොබානිහිදී ඉස්ලාමීය රාජ්‍යය සංවිධානයේ ත්‍රස්තයන් සමග සටන් කිරීම සඳහා යුද ආධාර සැපයීමට නේටෝ යුද හවුල කැමැත්ත පළ කර තිබේ.

මේ වන විට ISIS ත්‍රස්තවාදීන් හා සිරියානු කුර්දි සටන්කාමීන් අතර සිරියාවේ කොබානි ප්‍රදේශයෙහි දරුණු සටන් පවතී. නේටෝ ගුවන් ප්‍රහාරවලට අමතරව කුර්දි සටන්කරුවන් අතින් ISIS ත්‍රස්තවාදීන් වෙත ගොඩබිම් ප්‍රහාර එල්ල කර පරාජය කිරීම බටහිර උපායමාර්ගය වී තිබේ. 

 ISIS ත්‍රස්තවාදීන් හා කුර්දි සටන්කරුවන් අතර ගැටුම් ඇති වූයේ කුර්දිවරුන්ගේ බලය සහිත පෙදෙස් සියතට ගැනීමට ISIS ත්‍රස්තවාදීන් ගත් උත්සාහයත් සමගයි.

මේ අතර සිරියාවේ කුර්දි ප්‍රජාතාන්ත්‍රික සංගම් පක්ෂය හෙවත් PYD ගැන කියවෙන කතාව තරමක් වෙනස් ය. මේ වන විට ඔවුන් සිරියාවේ ආඥාදායක ජනාධිපති බෂාර් අල් අසාද් සමග එක් වී සිටින බව වාර්තා වේ. ඇමරිකාව පසුගියදා කොබානිහිදී PYD  සංවිධානයට ගුවනින් අවි ලබා දුන්නේ ය.

එහෙත් සිරියාවේ බෂාර්ගේ ඒකාධිපති පාලනයට එරෙහිව ප්‍රජාතන්ත්‍රවාදය වෙනුවෙන් හා ISIS ත්‍රස්තවාදීන්ට එරෙහිව ද එකවර සටන් කරමින් සිටින සිරියානු කැරලිකරුවන්ට ඇමරිකාව උපකාර කර නැත. 2011 මාර්තු සිට ආරම්භ වූ බෂාර්ට එරෙහි සාමකාමී උද්ඝෝෂණ මර්දනය කිරීමත් සමග සිරියාවේ බෂාර් පාලනයට එරෙහිව ප්‍රජාතන්ත්‍රවාදය සඳහා කැරැලි දියත් විය. පසුගිය වසර තුනහමාරක කාලය තුළ බෂාර් පාලනය විසින් මරා දමන ලද මිනිසුන් සංඛ්‍යාව ලක්ෂ දෙකක් පමණ වේ. බෂාර්ගේ මර්දනය නිසා පළා ගිය ලක්ෂ 16ක් සිරියානුවන් ජීවත් වන්නේ තුර්කියේ ය. 

කුර්දි ජාතික විමුක්ති අරගලය මුහුණ දෙමින් තිබෙන සංකීර්ණ තත්වය පිළිබඳ කෙටි විවරණයක් කිරීමට අපි මෙම ලිපියෙන් උත්සාහ දැරුවෙමු. නූතන යුගයේ ජාතික විමුක්ති අරගල හා ඒවාට නායකත්වය දෙන  වාම බලවේග මුහුණ දෙන සංකීර්ණත්වය හා එය තුළ එම සංවිධාන විසින් අනුගමනය කරනු ලබන උපාමාර්ග අධ්‍යයනය කළ යුතු ය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-21

බොදු බල සේනාවේ අනාගත රජු කවුරු ද?

බොදු බල සේනාව ඉදිරි මහ මැතිවරණයට තරග කරන බව නිවේදනය කළේ ය. එය කිසි සේත් ම පුදුමයට කාරණයක් නො වේ. හැංගි හැංගි වෙස් බඳින්නේ නොබෝ දිනකින් එළියට එන්නට බව නො දැන සිටියේ කවුරු ද? 

හාමුදුරුවරුන් පාර්ලිමේන්තුව ආදී මහජන නියෝජිත සභාවලට පත් වීමට මැතිවරණවලට තරග නො කරන බව ද ගලගොඩඅත්තේ ඥානසාර භික්ෂුව පැවසී ය. මෙය ඔය කියන තරම් හොඳ දෙයක් නො වේ. ප්‍රජාතන්ත්‍රවාදී මහජන නියෝජිතායතන ඉක්මවා ගිය ආගමික සුපිරි සභාවක් ගැන මොවුන් සිහින දකිනවා විය හැකි ය. 

අනෙක් වැදගත් කාරණය ඥානසාර භික්ෂුව සිය නායකයා ගැන කියූ කතන්දරයයි. අප නම් අනුමාන කරන්නේ මේ කියන්නේ ගෝඨාභය රාජපක්ෂ ගැන ය කියා ය. 

ඔහු හෝ වෙනත් කවුරු හෝ බොදු බල සේනා නායකයා රජ කරන්නට බොදු බල සේනාව ගන්නා ක්‍රියාමාර්ග ප්‍රජාතන්ත්‍රවාදී රාමුව තුළ සිදු වන්නේ ද යන්න ගැන ජනතාව පමණක් නොව පාලකයින් පවා අවදියෙන් සිටිය යුතු බව අපි පෙන්වා දෙන්නෙමු.



මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

2014-10-20

ආණ්ඩුවට නායකත්ව වෙනසක් අවශ්‍ය නැද්ද?

රජයට සම්බන්ධ චම්පික රණවක, උදය ගම්මන්පිල හා තවත් බොහෝ පිරිස් පවසන පරිදි එක්සත් ජාතික පක්ෂයට නායකත්ව වෙනසක් අවශ්‍ය ය. ඔවුන්ට අනුව රනිල් දේශප්‍රේමී මදි ය. ධනේශ්වර වැඩි ය. බටහිර ගැති ය. පිරිමිකම මදි ය. අරක ය. මේක ය.

ඒ ගැන කතා කරන්නට අපට අවශ්‍යතාවක් නැත. මන්ද, අපට රනිල් ගැන ගැරන්ට් කරන්නට බැරි ය. කාටවත් කාවවත් ගැරන්ට් කරන්නට බැරි ය. 

එක්සත් ජාතික පක්ෂයට තිබෙන ගැටලුව වන්නේ රනිල් වෙනුවට පත් කර ගන්නට නායකයකු නැතිකමයි. ඔහුගේ ආසන්න ම තරගකරුවා වන සජිත් ප්‍රේමදාස ආණ්ඩුවේ කෙනෙකු යයි බරපතල සැකයක් තිබේ. අනෙක් පැත්තෙන් ඔහු ජාතික නායකයකු නො වේ. හම්බන්තොට පැත්තේ ප්‍රාදේශීය නායකයකු ද යන්න අපි නො දනිමු.

කරු ජයසූරිය වැනි නායකයන් පාංකඩවලින් ද හදා ගන්නට පුළුවන. 

ඒ නිසා කවුරු කැමති වුණත් අකැමැති වුණත් එජාපයට මේ මොහොතේ රනිල් හැර නායකයකු නැත. රනිල්ට අභියෝග කරන්නට හැකියාව තිබුණු එජාප නායකයෝ දැන් මහින්දගේ සෙවණේ පූස් පැටව් ය. 

අනෙක් පැත්තෙන් පොදු අපේක්ෂක කතා ද නො කෙරෙන වෙදකම් ය. පොදු අපේක්ෂක ලැයිස්තුවේ ඉදිරියෙන් ම සිටින චරිතය වන මාදුළුවාවේ සෝභිත හිමි ද ඉන්නේ පොදු අපේක්ෂකත්වයට ගව් ගණනක් දුරිනි. 

මේ සංදර්භය තුළ කවුරු කැමති වුණත් නැති වුණත්, දිනුවත් පැරදුණත්, රනිල් ඉදිරියට එන එක වළක්වන්නට බැරි ය. 

අපි දැන් අනෙක් පැත්ත බලමු. මේ වන විට මහින්ද රාජපක්ෂ ජනාධිපතිවරයාගේ ජනප්‍රියත්වය ශීඝ්‍රෙයන් පිරිහී තිබේ. මූලික හේතුව යුද්ධයෙන් පසුව ජනතාවට සාමයේ ප්‍රතිලාභ ලැබෙන පාලනයක් කරන්නට ඔහු අසමත් වීමයි. ඔහුගේ පවුල හා හෙංචයියන් විසින් ලංකාවේ සාරය උරා බී ඇති බවට මතයක් රටෙහි තිබේ. 

රට පුරා ම දූෂණය, අල්ලස ඉහවහා ගොස් ඇත. ප්‍රජාතන්ත්‍රවාදය වල පල්ලේ ය. නිතියේ පාලනයක් නැත. මැතිවරණ වනාහි බලය ඇති අය මහජන මුදලින් කරන ක්‍රීඩාවකි. ප්‍රජාතන්ත්‍රවාදී මැතිවරණ පාවිච්චි කෙරෙන්නේ ඒකාධිපති පාලනයක් යුක්ති යුක්ත කර ගන්නට ය. 

මේ සියල්ල සිදු වී තිබෙන්නේ මහින්ද රාජපක්ෂ ජනාධිපතිගේ පාලනය යටතේ ය. ඔහුට ජනාධිපතිවරණය දිනන්නට බැරි බව ආණ්ඩුවේ ජාතික හෙළ උරුමය හා ශ්‍රී ලංකා කොමියුනිස්ට් පක්ෂය වැනි බලවේග විසින් සාධක සහිතව පෙන්වා දී තිබේ. 

මෙවැනි සංදර්භයක් තුළ ශ්‍රී ලංකා නිදහස් පක්ෂය හා එක්සත් ජනතා නිදහස් සන්ධානය නායකත්ව වෙනසක් ගැන සලකා බැලිය යුතු නො වේ ද? 2005දී සිදු වූ වෙනස ශ්‍රීලනිප නායකත්වයෙන් යුත් ආණ්ඩුවක් 2014 දක්වා ම පවත්වාගෙන යන්නට ඉවහල් වුණා නේ ද?

ජනාධිපතිවරණ අපේක්ෂකයා තෝරා ගන්නට අභ්‍යන්තර ඡන්දයක් පවත්වන්නට ශ්‍රී ලංකා නිදහස් පක්ෂයට හෝ එක්සත් ජනතා නිදහස් සන්ධානයට හැකි ද? 

මහින්ද රාජපක්ෂ නැතුවාට වෙන නායකයෝ නැද්ද? 

මෛත්‍රීපාල සිරිසේන 
නිමල් සිරිපාල ද සිල්වා
බැසිල් රාජපක්ෂ
ගෝඨාභය රාජපක්ෂ
චම්පික රණවක
විමල් වීරවංශ
දි.මු. ජයරත්න
රත්නසිරි වික්‍රමනායක
සරත් අමුණුගම
ජී.එල්. පීරිස්

ඔය ඉන්නෙ බඩු 

තියමුද ඡන්දයක්. බලන්නකෝ දකුණු පැත්තේ කොලම. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2014-10-19

ඇනොනිමස් ආතල්

නූතන සමාජය අනන්‍යතාව ගැන දැඩි අවධානයක් යොමු කරන එකක්. හැමෝටම තමන් එක්තරා පොරක් ය කියා පවසන්නට අවශ්‍ය වී තිබෙනවා. මේක හරියට “ඒයි, මාත් ඉන්නවා, හරිද?" කියා කෑගහනවා වැනි තත්වයක්. 

මේ අතරතුර අන්තර්ජාලයේ හා විශේෂයෙන් ම සමාජ ජාලවල නිර්නාමිකව හා ව්‍යාජ නම්වලින් පෙනී සිටිමින් යම් යම් ක්‍රියාකාරකම් කිරීමත් සිදු වෙනවා. මෙහෙම කරන අයත් වෙනත් අවකාශයන්හිදී තමන්ගේ අනන්‍යතාව වෙනුවෙන් පෙනී සිටිනවා. 

මගේ පැරණි මිත්‍ර මාධ්‍යකරුවෙක් හිටියා. ඔහු තමන්ගේ නම යොදන්නේ කාල් මාක්ස් මට්ටමේ යයි තමන් හිතන ලිපිවල විතරයි. අනෙක් ලිපි හා නිර්මාන ආදියෙහි ඔහු ව්‍යාජ නම් රැසක් භාවිතා කළා. හැබැයි, ඔහු නිතරම ඒවා තමන්ගේ බව සිය සමීප කවයට පැවසුවා. ටොප් සීක්‍රට් පවා තමන්ගේ වාසියට හෙළිදරව් කළා. 

පසුගිය කාලයේ බ්ලොග්කරණයේ යෙදුණු එක් මාධ්‍යකරුවෙක් හිටි හැටියේ සිය සැබෑ අනන්‍යතාවට මාරු වෙලා මගෙන් ඇහුවා, ඒ බ්ලොගය කළේ තමන් බව මා දැන සිටියා ද කියා. මම නැහැ කිව්වාම ඔහුට ලොකු සතුටක් ඇති වුණා. 

සැඟවී සිට යම් යම් දේවල් කර පසුව ඒවා කළේ තමන් බව කියා සතුටු වන සෙල්ලමත්, මේ ක්‍රියාවත් අතර සමානකමක් තිබෙනවා. මෙයින් වැඩි දෙනෙක් ලබන්නේ පෞද්ගලික වින්දනයක්.

නිර්නාමිකව කටයුුතු කරන වැඩි දෙනෙක් ආරක්ෂාවට තර්ජනය වෙන දේශපාලනික කටයුතු කරන්නේ නැහැ. දේශපාලනික රහස් නම් රහස් ම තමයි. ඒවා හෙළිදරව් කළ යුතු නැහැ. ජීවිතේ වුණත් රහස් නම් රහස් ම තමයි.

නිර්නාමිකව කටයුතු කරන වැඩි දෙනෙක් අන්තර්ජාලයේදී හා සමාජ වෙබ් අඩවිවලදී කරන්නේ දේශපාලනික දේවල් නෙමෙයි. ඔවුන් කරන්නේ සිය වනචාරිත්වය මුදා හැරීමයි. නිදසුනක් ලෙස, ශිෂ්ට සමාජය ළමයින් සමග ලිංගික ක්‍රියා හෙළා දකිනවා. ඒත්, ෆේස්බුක්හි ඇතැමෙක් ව්‍යාජ නම්වලින් එවැනි දේ සම්බන්ධ තොරතුරු හුවමාරු කරගන්නවා. 

බ්ලොග්වල අදහස් පළ කරනකොට විරුද්ධවාදීන්ගේ අම්මලා පවා ඇදගෙන පට්ට කුණුහරුප ඇද බානවා. අනුන්ට පහත් නින්දිත අන්දමින් අපහාස කරනවා.

පසුගිය දිනවල ඇතැමෙක් අදහස් පළ කරද්දී ප්‍රතිවාදියාගේ අම්මා සමග සංසර්ගය කරන්නට කැමති විධිය පවා කියා තිබුණා. මේ පුද්ගලයන්ට තමන්ටත් අම්මලා ඉන්නවා. එහෙත්, තමන්ගේ අම්මා සමග එවැනි ක්‍රියා කරන්නට ඇති සහජ වනචාරී ආශාව ඔවුන් මෙවැනි අවකාශයන් හරහා පිට කරනවා. 

මෙවැනි සයිබර් වීරයෝ වැඩි දෙනෙක් සාමාන්‍යයෙන් අධික බියසුළු පෞරුෂයන් ඇති අය බව මා නිරීක්ෂණය කර තිබෙනවා. දමිත් කේතක මතක ද? ෆේස්බුක්හි දැවැන්ත කැරැලිකරුවකු වූ ඔහු ගැන ලිපියක් දෙකක් පළ වූ සැණින් ඔහු ආගිය අතක් සොයා ගන්නට නැති වුණා. 

මේ ලියන මම ප්‍රවර්ධනය කරන සමාජවාදී ජීවින විලාසය තුළ මම මේ නිර්නාමිකත්වයට එරෙහිය අරගලයක් කරනවා. ජනතාව ලෙස අපි නො බියව සමාජයට මුහුණ දිය යුතු බවයි මගේ ස්ථාවරය. අපේ අතින් සිදු වූ හා සිදු වන වැරදි ගැනත් අපි විවෘතව කතා කළ යුතුයි. දේශපාලනය කියන්නේ රාත්‍රී භෝජන සංග්‍රහයක් වැනි සරළ දෙයක් නො වන නිසා අප පෙනී සිටි ස්ථාවරයන් හැම විට ම නිවැරදියි කියන්න බැහැ. එහෙත්, අප ඒ දේ වෙනුවෙන් කැප වුණු අවංකකමයි වැදගත්. 

මරුවන් අප පසුපස හඹා එද්දීත්, තර්ජන ගර්ජන මැද්දේත් පසුගිය කාලය පුරා අපි නමින් ම පෙනී සිටියා. නිවැරදි යයි සිතන දේ වෙනුවෙන් නමින් පෙනී සිටීම අවශ්‍යයි. 

අපි බිය නැති කර ගත යුතුයි. අනෙක් පැත්තෙන් අශිෂ්ටත්වය පාලනය කර ගත යුතුයි. ඇනොනිමස්කම හෙවත් නිර්නාමිකත්වය අශිෂ්ටත්වය මුදා හැරීමේ මාධ්‍යයක් නො කර ගත යුතුයි. 

ලේඛකයෝ ඉස්සර ඉඳලා ම පෑන් නාමයන් භාවිතා කළා. එය අහිංසක දෙයක්. ඒත්, වත්මන් ඇනොනිමස් හා ව්‍යාජ හැඳුනුම් කියන්නේ එ්වාට වඩා අශිෂ්ට දෙයක්.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.

සිංහල අකුරු හා වචන ඉංග්‍රීසියෙන් ලියන හැටි ගැන ජේ. සී. අහංගම

සිංහල අකුරු හා වචන ඉංග්‍රීසියෙන් ලිවීම සඳහා විධිමත් ක්‍රමයක් අවශ්‍ය බව අපි පෙන්වා දුන්නා. මෙම සංවාදයට එක් වූ ජේ.සී. අහංගම විසින් පෙන්වා දෙන ලද කාරණා ඉතා වැදගත් යයි අප සිතන නිසා ඒවා නැවත මෙහි පළ කරන්නට අදහස් කළා. ඔහු මෙහෙම කියනවා.

අපි මේ ප්‍රශ්නය දිහා බලන්නේ අපේ ඉංග්‍රීසි ආභාසය හරහායි. ඇත්තටම සොයා බැලුවොත් අපට පෙනී යයි ඉංග්‍රීසි හැර බටහිර ඉන්දු යුරෝපීය භාෂාවල් ඉංග්‍රීසි වගේ නොව බොහෝ දුරට ලියන්නේ කියන විදිහටයි කියලා. ඉන්දු යුරෝපීය, එනම් හින්දි වගේ උතුරු ඉන්දියාවේ භාෂාවල් ලියන්නෙත් කතාවත් ලිවීමත් ගලපන රීති අනුවයි. සිංහලත් එහෙම නේ? (සිංහල ඉන්දු යුරෝපීය භාෂාවල් හා Germanic භාෂාවල්වලට, සංස්කෘතටත්, වඩා පැරණි ඉන්දු යුරෝපීය භාෂාවක් කියා ඔප්පු කල හැකියි).

ප්‍රශ්නය තේරුම් ගන්න ඉංග්‍රීසි ලිවීමට වුන හානිය දැනගැනීම හොඳයි.

පුරාණ ඉංග්‍රීසිත් ලිව්වේ කතාකරන විදිහටමයි. 600 වර්‍ෂයේ පමණ මුළු එංගලන්තයම ක්‍රිස්තු භක්තියට ගියාට පස්සේ ෆුතාර්ක් කුරුටු අකුරු මන්තරකරයින්ගේ අකුරු කියලා අතහැරලා ඉංග්‍රීසි පොත් ලතින් අකුරෙන් ලියන්න පටන් ගත්තා. නමුත් අකුරු 22ක් ඉංග්‍රීසි ශබ්ද ලියන්න මදි නිසා තයන්න, දයන්න හා ඇයන්න අකුරු මාලාවට එකතු කරලා ඉංග්‍රීසි අකුරු මාලාවක් හදා ගත්තා. දයන්න d අකුර හරහට කපලා ð හැටියට ලිව්වා. තයන්න ලිව්වේ පරණ ෆුතාර්ක් අකුර ලෙසමයි. ඒ තෝර්න් (þ) කියන අකුර තමා අද ඉතුරුවෙලා තියෙන එකම ඉංග්‍රීසි අකුර. ඇයන්න හදා ගත්තේ සිංහලයා අයන්නට ඇද පිල්ල දාගත්තා වගේ අ අකුරට ඇදයක් දාගෙනයි! -> æ. ඒක a+e බැඳි අකුර කියලා සමහරු වරදවා කියනවා. ඉතින්, කාලයක් ඉංග්‍රීසි පොත් ශබ්දානුකරණයෙන් ලිව්වා

නමුත් 1500 වගේ කාලයේදී කැක්ස්ටන් යුරෝපයට ගිහිං අකුරු මුද්‍රා එංගලන්තයට ගෙනාවා. ඒ කාලේ අද ලංකාවේ ලොක්කන් ඉංග්‍රීසි වන්දනා කරනවා වෙගේ එංගලන්තයේ පාලකයන් ප්‍රංශ භාෂාව වන්දනා කළා. දුප්පත් ජනයාගේ ඉංග්‍රීසි ගැන කාගේවත් තැකීමක් තිබුනේ නෑ. (දුප්පත් හෙළයාගේ බස යුනිකෝඩ් මැරුවාට කව්ද අඬන්නේ?). පල්ලිය කැක්ස්ටන්ට කිව්වා indulgence සහතික ගහන්න කියලා. ඉන්ඩල්ජන්ස් කියන්නේ සල්ලිවලට පව් සමා කරන සහතික ජාතියටයි. හුඟක් සල්ලි දුන්නොත් ස්වර්‍ගයට ඇතුල් වෙන්නම සහතික කළා. මේ සල්ලි වලින් තමා ප්‍ර‌ැතුගීසි (ප්+රු=ප්‍ර‌ැ), ලංසි, ඩච් ආදීන් රටවල් අල්ලන්න යුද නැව් යැව්වේ. අද ISIS එක කරන වැඩේමයි එදා ක්‍රිස්තු භක්තිකයන් කළේ. 'ආගමට වරෙන්, නැත්නම් මරනවා!'

කැකස්ටන් සල්ලි හම්බ කළා; නමුත් ඇයන්න, දයන්න, තයන්න, අපෙ හෝඩියේ නැති ඔෂ්ඨජ වයන්න (w) අකුරුවලට මුද්‍රා හැදුවේ නෑ. මේ හේතුවෙන් තමා dictionary කියන එක ආවේ!

(ගැමුණු, ඉංග්‍රීසි oo හා i අකුරු ශබ්ද කරන්න අපි දන්නේ නැති වග තේරුම් ගන්න. ඒවා උගුරු ළඟින් එන ඝොෂ ශබ්ද දෙකකුයි. oo ශබ්දය උයන්න අයන්න කියනවා වගේ කියන්න ඕනේ. i අකුර ඉයන්න, එයන්න වගේ කට හදාගෙන කරන ශබ්දයක්.)

සිංහල භාෂාව ඉන්දු යුරෝපීය භාෂාවක් නිසා අපිටත් ඉංග්‍රීසි ලතින්ගත කළා වගේ ලතින්ගත කරන්න පුළුවන්. දැන් අපිට අවශ්‍ය දයන්න ඇයන්න තයන්න ලියන අකුරු පරිගණකයේ තියෙනවා.

ඉංග්‍රීසි මුද්‍රා පුවරුව දිහා බලන්න. ඒකේ q, w, f අකුරු තුන වෙනුවට පිළිවෙලින් ද්(ð), ඇ(þ), ත්(f) අකුරු දාමු. z->ශ්, x ->ෂ්. එතකොට මහප්‍රාණ වලට h අකුර kh, gh ආදී විදිහට ගමු. á -> අං, í -> ඉං ආදී විදිහට ගමු. මේ වගේ මුද්‍රා පුවරුවක් මම හැදුවා. මෙන්න ඒකෙන් ලියපු අර ගැමුණුගේ ප්‍රශ්න විසඳලා ලියපු ඒවා:

jayanþa, jayanþaa, pærakum, ðææla bádaara, guµaseekara, boolavaþþa, udagama, uðaagama, kottaava, nizzáka, vizexa, kudaa baµdaa, cuuda maaµikyaya, ðhanapaala, ðharmaðaasa, koþalaavala

යුනිකෝඩ් සිංහලෙන්:
ජයන්ත, ජයන්තා, පැරකුම්, දෑල බංඩාර, ගුණසේකර, බෝලවත්ත, උඩගම, උදාගම, කොට්ටාව, නිශ්ශංක, විශෙෂ, කුඩා බණ්ඩා, චූඩ මාණික්‍යය, ධනපාල, ධර්‍මදාස, කොතලාවල.

මොනවාද අර පිස්සු අකුරු කියලා ඉංග්‍රීසි අකුරු මාලාවෙන් පිට අකුරු දැකලා ලිඳේ ගෙම්බන් වෙන්නේ නැත්නම් අපිට පුළුවන් වෙනවා පලමුවෙනි වතාවට නම් හරියට ලියලා තියෙන ටෙලිෆෝන් නාමාවලියක් හදාගන්න.

මේ පිළිබඳ විස්තර මෙම ලේඛකයාගේ ahangama.com නම් වෙබ් අඩවියේ ඇතුළත් වෙනවා.

මම මේ මුළු එක ලිව්වේ මේ පහල දෙන පිටුව ඇතුලේ තියෙන ලතින්ගත සිංහල සිංහල අකුරෙන් පෙන්වන තැනේයි. ඒක කරන්නේ ෆොන්ට් එකකින් ලතින් අකුරුවල හැඩය වෙනුවට සිංහල අකුරු දාන ෆොන්ට් එකකිනුයි.
http://ahangama.com/liyamu/
Wordpress බ්ලොග් එකත් ඒ වගේ ලතින්ගත කළ සිංහල සිංහල අකුරෙන් පෙනෙන්න ලියන්න පුළුවන්. මේ මම ලියපු පරණ ගූගල් බ්ලොග් එකක්.
http://blog.ahangama.com/

මේ ක්‍රමය ගැන අදහසක් පළ කරන්නට කලියෙන් මේ ගැන ඔබත් හිතනවා නම් හොඳයි.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2014-10-17

ජොනීගේ ඇනීම හා සරත් නන්දගේ ඇන ගැනීම

දූෂිත පාලකයන් ගැන විමර්ශන කළ යුත්තේ පොලිසිය, අල්ලස් හෝ දූෂණ විමර්ශන කොමිසම වැනි මහජන ආයතනයි. ඊට අමතරව, ජනමාධ්‍යවලටද එහිදී සුවිශේෂ වගකීමක් තිබේ. එහෙත්, එවැනි ආයතන පාලකයන්ගේ පාලනයට නතු වී තිබෙන සංදර්භයකදී පාලකයින්ගේ දූෂණ ගැන විමර්ශන සිදු වන්නේ නැත.

විමර්ශන පසෙක තිබියදී චෝදනා එල්ල කරන මහජනයාට, මහජන නියෝජිතයන්ට හා ජනමාධ්‍යවලට ද යහතින් ඉන්නට ඉඩ සැලසෙන්නේ නැත.

දූෂිත පාලකයන් හැම විට ම තමන් වටා තවත් දූෂිතයන් රොත්තක් රැස් කර ගනියි. මහජන මුදලින් යැපෙන මේ සොරු මහ හොරාගේ ආරක්ෂක පලිහ වෙති. මහ හොරාගේ ආරක්ෂාව තමන්ගේ ද ආරක්ෂාව බව ඔවුහු දනිති.

පළමු වීඩියෝවෙහි සිටින ජොන්ස්ටන් ප්‍රනාන්දු රඟන්නේ එම භූමිකාවයි.

දෙවන වීඩියෝවේ සිටින සරත් නන්ද සිල්වා රඟන්නේ කුමන භූමිකාවක් ද යන්න පැහැදිලි නැත. ඔහු පුනරුත්ථාපනය වී තිබේ ද?

ඔහු කරන ප්‍රකාශය තුළ ද වැදගත් කාරණයක් තිබේ. මාධ්‍ය වාර්තා මත පදනම්ව නඩු පැවරිය නො හැකි බව කියා සරත් නන්ද සිල්වා සිය පැරණි මිතුරා වූ මහින්ද රාජපක්ෂ සුනාමි අරමුදල් වංචා නඩුවෙන් බේරා ගත්තේ ය. ඒ සුනාමි අවස්ථාවේ අග්‍රාමාත්‍ය අරමුදල නම් රාජ්‍ය අරමුදලට ලැබුනු රුපියල් මිලියන 82ක අරමුදල් නීති විරෝධී ලෙස තම ඥාතීන්ගේ නමින් පවත්වාගෙන ගිය හෙල්පින් හම්බන්තොට ගිනුමේ දමා ගනිමින් මූල්‍ය වංචාවක් සිදුකිරීම සම්බන්ධයෙන් කබීර් හෂීම් මහින්ද රාජපක්ෂට එරෙහිව පැවරූ නඩුව සම්බන්ධයෙනි.

මෙවැනි චෝදනා හා නඩුවලදී පැමිණිලිකරුගෙන් සියලු සාක්ෂි ඉල්ලා සිටීම සාධාරණ ද?

අපි සරළ නිදසුනකින් මෙය විමසා බලමු. ගමේ සිදු වන සොරකමක් සම්බන්ධයෙන් අපි පොලිසියේ 119 අංකයට දැනුම් දුන් විට පොලිසිය එය විමර්ශනය කරන්නට එන්නේ නැද්ද? පැමිණිල්ල කළ පුද්ගලයාට එරෙහිව කටයුතු කරන්නේ විමර්ශනයෙන් පසුව එම පැමිණිල්ල සම්පූර්ණ අසත්‍යයක් බව ඔප්පු වුවහොත් පමණි.

එහෙත් ජාතික මට්ටමින් සිදු වන මහා පරිමාණ මහජන මුදල් මංකොල්ලකෑම්වලදී සිදු වන්නේ වෙනත් දෙයකි. පැමිණිලි විමර්ශනය කිරීමක් නැත. චෝදනා ඔප්පු කිරීම සඳහා අවශ්‍ය සියලු සාක්කි සපයන්නැයි පැමිණිලිකරුගෙන් ඉල්ලා සිටිනු ලැබේ. එසේ සපයන්නට බැරි නම් පැමිණිලිකරුට එරෙහිව අපහාස නීතිය යටතේ හා අවනීතියෙන් කටයුතු කරනු ලැබේ.

රන්ජන් රාමනායක මුහුණ දෙන තත්වය එයයි.





මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2014-10-16

කොලම්බස් දිනය වෙනුවට ඇමරිකානු ස්වදේශිකයන්ගේ දිනය

පසුගිය ඔක්තෝබර් 13දා ඇමරිකාවේ සියැටල් නගරයට වැදගත් දිනයක් වුණා. සියැටල් නගරයට ඒ නම ලැබුණේ ඇයි කියන එක ඔබ දන්නවා ඇති. සියැටල් කියන්නේ මට සියවස් දෙකකට පෙර ඇමරිකාවේ ජීවත් වූ ස්වදේශික නායකයෙක්. ඇතැම් අය කියන විධියට රතු ඉන්දියානු නායකයෙක්. මේ රතු ඉන්දියානු කතාව යුරෝපා යටත් විජිතවාදී නිර්මානයක්. මෙය සිදු වන්නේ ඉන්දියාවට මාර්ගයක් සොයාගෙන ගිය ඉතාලි ජාතික ක්‍රිස්ටෝපර් කොලම්බස් නම් නාවිකයා ඇමරිකාවට ගොඩබැස එය ඉන්දියාව ලෙසත්, එහි ජීවත් වන ජනයා ඉන්දියානුවන් ලෙසත් වරදවා වටහා ගැනීමෙනුයි.

සියැටල් කියන නමත් එවැනි ම යුරෝපා යටත් විජිත ප්‍රබන්ධයක්. ඉංග්‍රීසි ඌරුවට සියැටල් වුණේ ස්වදේශිකයන් විසින් සීත්ල් ලෙස උච්චාරණය කළ නමයි. සියැටල් උපත ලද්දේ 1788 වර්ෂයේ වත්මන් පූගට් සවුන්ඩ් ප‍්‍රදේශය අසල පිහිටි දූපතක් වන බේන්බ්‍රජ් දිවයිනේය. ගෝත්‍රික නායක පරපුරකින් පැවත ආ ඔහු පසු කලෙක ගෝත්‍ර හයක ම නායකයකු වුණා. ඔහු.වසර 78 ක් ජීවත් වී 1866 දී පූගට් සවුන්ඩ්හි දී අභාවප‍්‍රාප්ත වුණා.

ඇමරිකාව ආක්‍රමණය කළ යුරෝපා ජාතිකයන් ස්වදේශිකයන්ගේ ඉඩම් මිළ දී ගන්නට ඉල්ලා සිටි අවස්ථාවේ නායක සියැටල් විසින් කරන ලද ප්‍රකාශය පරිසරය, මිනිසා හා ජීවිතය ගැන ඉතා ගැඹුරු විවරණයක් ලෙස ප්‍රකටයි. පහත පළ වන්නේ එම ප්‍රකාශයේ ආරම්භයයි.

“වොෂිංටනයේ සිටින බලවත්ම නායකතුමා අපගේ භූමිය මිලදී ගැනීමට අදහස් කරගෙන සිටින බව දන්වා එවා ඇත. එමෙන්ම එතුමා අපේ මිත‍්‍රත්වය සහ හොඳ හිත ද ප‍්‍රාර්ථනා කරයි. අපගේ මිත‍්‍රත්වයෙන් එතුමාට කිසිඳු ප‍්‍රයෝජනයක් නැති නමුදු එතුමාගේ කාරුණික භාවය පිළිබඳව අපි එතුමන්ට කෘතඥ වෙමු. කෙසේ වතුදු අපි එතුමන්ගේ ඉල්ලීම පිළිබඳව ද සලකා බලන්නෙමු. මේ භූමිය ඔබට නොදුන්නොත් තුවක්කු රැගෙන විත් සුදු මිනිසුන් ඒවා අපගෙන් උදුරා ගන්නා බවද අපි හොඳාකාරවම දන්නෙමු.මේ මහපොළොවෙන් ඉහළට නගින්නා වූ උණුහුමත්, අහස් ගැබත් මිලදී ගන්නේ කෙසේද? මේ අදහස අපට නම් අරුමයකි. වාතයේ වූ නැවුම් බවත් ජලයේ වූ දිදුලන කාන්තියත් අපට අයත් නොවේ නම් ඔබ ඒවා මිල දී ගන්නේ කෙසේද?මේ මහපොළොවේ සෑම බිම් අඟලක්ම වාගේ මිනිස්සුන්ට පූජනීය වේ. දේවදාර ගසක දිළිසෙන සෑම කිනිත්තක්ම, වැලි තලාවලින් සපිරුණු සෑම වෙරළක්ම, අඳුරු වන ගැබ තුළ වූ සෑම මීදුම් වළාවක්ම, සෑම එළිමහනක්ම, ගුම් නද නගන සෑම කුඩා ප‍්‍රාණියෙක්ම ද මාගේ මිනිස්සුන්ගේ මතකයන් සහ අත්දැකීම් වෙති. තුරුලතා අතරින් දිව යන සෑම මං පෙතක්ම රතු මිනිසාගේ මතකයන් රැගෙන යයි.සුදු මිනිහා තම මරණයෙන් පසුව තමන් උපන් මේ මහපොළොව අමතක කර දමයි. මේ මහපොළොව රතු මිනිසාගේ මෑණියන්ය. ඒනිසා අපි මරණයෙන් පසුව වුවද මේ සුන්දර මහපොළොව අමතක කර නොදමමු. අප මේ මහපොළොවේම කොටසක්්වන අතර එය අපේ ජීවිතයේද කොටසක් වෙයි. සුගන්ධවත් වූ පුෂ්පයන් අපගේ සොහොයුරියන්ය. මුවන්, අශ්වයන්, රාජාලියන් අපගේ සොහොයුරෝ වෙති. කඳු ශිඛර, තෘණ බිම් වල වූ පිනි බිඳු, අශ්වයන්ගේ සහ මිනිසාගේ ගතින් නැගෙන්නා වූ උණු හුම, මේ සෑම දෙයක්ම අයත් වන්නේ එකම පවුලකටය." (උපුටා ගැනීම දැනුම වෙබ් අඩවියෙනි.)

පසුගිය දිනෙක සියැටල් නගර සභාව වැදගත් තීරණයක් ගත්තා. ඒ මෙතෙක් කොලම්බස් දිනය ලෙස සැලකුණු ඔක්තෝබර් මාසයේ දෙවන සඳුදා දිනය මින් ඉදිරියට ස්වදේශික ජනයාගේ දිනය ලෙස සමරන්නටයි.

1492දී කොලම්බස් යුරෝපය වෙනුවෙන් මෙම නව ලෝකය සොයා ගැනීම යුරෝපීයයන්ට වීරත්වයක් වුණත්, ඇමරිකාව නමින් අද හඳුන්වන භූමියේ ස්වදේශික ජනයාට නම් එය එසේ වුණේ නැහැ.  

ඇමරිකා යන නම ද හැදී තිබෙන්නේ ස්වදේශිකයන්ගේ වදනකින් නොව මුල් කාලයේ එම භූමිය ගවේශනය කළ ඉතාලි ජාතික දේශ ගවේෂක ඇමරිගෝ වෙස්පුචි (1454–1512) ගේ ලතින්කෘත පළමු නම වූ ඇමරිකස් යන්නෙහි, ස්ත්‍රී ලිංගික පදයෙනි. ඇමරිකා යන නම පළමුවරට එළිදැක්වුනේ, ජර්මානු සිතියම් විද්‍යාඥ මාටින් වල්ඩ්සීමුලර් විසින් 1507 සිතියමක, දැනට බ්‍රසීලය යනුවෙන් හැඳින්වෙන පෙදෙස සඳහාය. 

ක්‍රිස්ටෝපර් කොලම්බස් වැනි යුරෝපීය යාත්‍රිකයන් විසින් මෙම භූමිය නව ලෝකයට විවෘත කිරීම ස්වදේශිකයන්ට මහත් විපතක් බවට පත් වුණා. යටත් විජිතවාදයත්, ස්වදේශිකයන් සූරාකෑම හා වහල් වෙළඳාමත් ඇරඹුණේ ඒ සමගයි. 

සියැටල් නගර සභාව ගත් තීරණය වැදගත් වන්නේ මෙම සංදර්භය තුළයි. ස්වදේශික ජනයා විපතට පත් කළ ක්‍රිස්ටෝපර් කොලම්බස් වීරයකු ලෙස සැමරීම සියැටල් ජනයා විසින් ප්‍රතික්ෂේප කර තිබෙනවා. මෙවැනි යෝජනා වෙනත් නගර සභා විසින් ද සම්මත කරගෙන තිබෙනවා. 

සියැටල් නගර සභාවේ සාමාජිකාවක් වන ක්ෂමා සවන්ත් මෙම යෝජනාව ඉදිරිපත් කිරීමට මුල් වූ අයෙක්. ඇය සමාජ හා ආර්ථික සාධාරණත්වය වෙනුවෙන් පෙනී සිටින ක්‍රියාකාරිකයන්ගේ සංගමයක් වන සමාජවාදී විකල්පය නම් සංවිධානයේ සාමාජිකාවක්.  කොලම්බස් යනු මිලියන 150ක් පමණ වූ ඇමරිකාව පුරා විසිර සිටි ස්වදේශිකයන් දශක කීපයක් තුළ දහස් ගණනක් දක්වා අඩු කරන්නට හේතු වූ දැවැන්ත සංහාරයක හා මිනිසුන් වහලුන් බවට පත් කිරීමේ ව්‍යාපාරයක නායකයකු බව ඇය පෙන්වා දෙනවා. එහෙත් මෙය ඉතාලි ඇමරිකානු උරුමයට එරෙහි ව්‍යාපාරයක් ලෙස නො සැලකිය යුතු බවත් ඇය ඉල්ලා සිටිනවා. 

ස්වදේශික ඉතිහාසඥයකු හා සමාජ ක්‍රියාකාරිනියක වන රොක්සානා ඩන්බර්-ඕටිස් ජනාධිපති ඔබාමාට විවෘත ලිපියක් ලියමින් ඉල්ලා සිටියේ  ජාතික මට්ටමින් ම කොලම්බස් දිනය සැමරීම නවත්වා එම දිනය ස්වදේශිකයන් සමග සහයෝගිතාවේ දිනයක් ලෙස සමරන ලෙස ඉල්ලා සිටියා. 

“මෙම යෝජනාව සංවාදයක  ප්‍රාරම්භය බවට පත් කර ගන්නට අපට අවශ්‍යයි. අපගේ ස්වදේශික ප්‍රජාවන් අතර අද වන විටත් මෙතරම් දිළිඳුකමක්, විරැකියාවක් හා මෘගත්වයට පත් කිරීමක් පවතින්නේ ඇයි ද යන්න පිළිබඳ සත්‍ය සංවාදයක් අවශ්‍යයි,"  යි ක්ෂමා සවන්ත් Democracy Now වෙබ් අඩවියට පවසනවා. 

ක්ෂමා සවන්ත් 1973දී ඉන්දියාවේ උපන් කාන්තාවක්. ඇය මීට පෙර මෘදුකාංග ඉංජිනේරුවරියක්. සමාජවාදී ක්‍රියාකාරිනියක වන ඇය උපන් ඉන්දියාවේ සිදු වී තිබෙන දෙයත් ස්වදේශික ඇමරිකානුවන්ට වූ දෙය හා සමාන බව ඇය පවසනවා. 

“කොලම්බස් යමින් සිටියේ ඉන්දියාවට පාරක් සොයමිනුයි. ඔවුන් ඉන්දියාවට යමින් සිටියේත් ලාභ හෝ නොමිළේ ලබා ගත හැකි ස්වාභාවික සම්පත්, නොමිළේ ශ්‍රමය හා වෙළඳපොළ පුළුල් කර ගැනීම ඉලක්ක කරගෙනයි. ඇමරිකාව, අප්‍රිකාව හා ආසියාව යටත් කළ මේ ක්‍රියාවලිය කෘෘර මිනිසුන් ටිකක් නිසා සිදු වූ ඓතිහාසික අහම්බයක් නොවෙයි. එය සිදු වුණේ ධනවාදයේ මුල් කාලීන සංවර්ධනය සඳහා එම සම්පත් අවශ්‍ය වූ නිසායි. මුල් කාලීන ධනවාදයට වහල් සේවයත් අවශ්‍ය වුණා. ඔවුන්ට විවෘත වෙළඳපොළත් අවශ්‍ය වුණා. අත්පත් කර ගත් භූමීන්හි යුදමය පාලනය තුළ ඔවුන් එක් සංස්කෘතියක් ගොඩනගන්නට කටයුතු කළා. 

“ඒ අතින් බැලුවාම ඉන්දියාවේ ඉතිහාසයත් මේ හා සමානයි. යුරොපීයයන් විසින් යටත් විජිතකරණය කරනු ලැබූ අපි අවසානයේදී විධිමත් බ්‍රිතාන්‍ය අධිරාජ්‍යයක් යටතට පත් වුණා.නිදහස වෙනුවෙන් ප්‍රබල ව්‍යාපාර ගොඩනගන්නට ඉන්දියානුවන්ටත් සිදු වුණා. ඒවාට නායකත්වය දුන් අය අතර සමාජවාදී නායකයන් බොහෝ දෙනෙක් සිටියා. 

“එහෙත්, අද අප දකින දෙය කුමක් ද? මේ නව යටත් විජිත රටවල තවමත් ඒ සූරාකෑම් චක්‍රය ක්‍රියාත්මකයි. දිළිඳුකමේ, සූරාකෑමේ හා යුද්ධයේ චක්‍රයක් නිර්මානය කරන මෙම මෙම ක්‍රමය තව කෙතරම් කලක් පිළි ගන්නවා ද යන්න අප හමුවේ තිබෙන ප්‍රශ්නයයි. එහිදී සිදු වන්නේ කොණ් කරන ලද ප්‍රජාවන්ට සිය ජීවිතවලින් වැඩි මිළක් ගෙවන්නට සිදු වීමයි. අපි මේ සමාජ ක්‍රමයේ වෙනසක් ගැන කතා කළ යුුතු වන්නේ මෙම සංදර්භය තුළයි."


මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.