2015-03-04

මං ඉන්න එක ඔබට ප්‍රශ්නයක් ද?

මෑතක සිට කමෙන්ට් මගින් අපට ප්‍රහාර එල්ල කරන පිරිස් විසින් චෝදනා ස්වරූපයෙන් මතු කරන කාරණා කීපයක් තිබේ. 

මේ පසුගිය දිනෙක එක් වාමාංශිකයෙකු විසින් යොදා ගන්නා ලද වචන කට්ටලයකි.

ප්‍රජාතන්ත්‍රවාදය සහ යහපාලනය ගැන උදේ හවා ''පන්ඩිතමානී'' මත පළ කරන............

මේ උදේ හවා කතාව මීට පෙර ජාතිවාදීන් විසි්න් ද යොදාගෙන තිබිණි.

මේ අතර තවෙකෙක් කියන්නේ මෙසේ ය. 

/හැබැයි, මම නම් බය නැතිව කියනවා, රෝගීන් සූරා කන මේ ඖෂධ ජාව‍ාරමට මූලිකව ම වග කියන්න ඕනැ මේ දොස්තර මාෆියාවයි./

එකඟයි. නමුත් මේ මාෆියාවට විරුද්ධ වෙන මිනිස්සුන්ට වෙන්නේ සේනක බිබිලේ මහත්තයාට වෙච්ච් දේම තමයි. පැරා බය නැතුව කියනවා කියල ලොකු ටෝක් දුන්නට ඔයාව කවුරුවත් ගණන් ගන්නේ නෑනේ.දොස්තර කෙනෙක් ඕකට විරුද්ධ වුනොත් බඩුම තමයි. මතකද රන්වැල්ල කියල දොස්තර මහත්තයෙක් බොල්ගොඩදී ගිලිලා මැරුණා. පැරා, ඔයාලා වික්‍රමබාහුලා වගේ අය අභීතව සටන් කරනවා, නිර්භීතව අදහස් දකවනවා වගේ හිතාගෙන හීනියට ස්වයං ආතල් එකක් ගත්තට කමක් නෑ. මුරුංගා ගස්වල නගින්න එපා. ඇත්තටම කවුරුවත් ඕගොල්ලන්ව පඩේකට ගණන් ගන්නේ නෑ. නැතුව ඉස්සර මහින්දවත් දැන් රනිල්වත් ඕගොල්ලන්ට බයේ ඉන්නේ නෑ.


ලංකාවේ ජීවත් වන පුරවැසියකු වන මා බ්ලොග්, ෆේස්බුක් හා ට්විටර් ඇසුරු කරගෙන කරන මේ පුරවැසි මාධ්‍යකරණය හෙළා දකින්නට තවත් මිනිසුන්ට අවශ්‍ය වන්නේ ඇයි?

මහින්ද රාජපක්ෂ බලයේ සිටින කාලයේ ඇතැමෙක් අප ඔහුගේ රජයේ වෛරයට භාජනය කරන්නට උත්සාහ කළේ අප එන්ජීඕ බව කියමිනුයි. 

මා උදේ හවස පමණක් නොව දවස පුරා ම වුව මගේ කාලය වැය කරන එක මගේ වැඩකි. ජනතාව දේශපාලනිකව සක්‍රිය වන එක ගැන ජාතිවාදීනුත්, වාමාංශිකයනුත් එක පෙළට සිටිමින් විරෝධය පළ කරන්නේ ඇයි? 

එසේම, පාලකයන්වත් නො කියන අන්දමින් 'ලොකු ටෝක් දුන්නට ඔයාව කවුරුවත් ගණන් ගන්නේ නෑනේ' කියන්නත් අපගේ අදහස් දැක්වීම් ස්වයං ආතල් ලෙස හඳුන්වන්නටත් තවත් පුරවැසියන් පෙළඹෙන්නේ ඇයි? 

අන්තර්ජාලය පරිහරණය කළාට, සමාජ මාධ්‍ය භාවිතා කළාට, මෙවැනි අය තවමත් පුරවැසි මාධ්‍යකරණය දරා ගන්නට හැඩගැසී නැති බව නේ ද මේ පෙන්නන්නේ?

අපි සමාජ මාධ්‍ය භාවිතා කරමින් කරන්නේ දේශපාලන අරගලයක්. අපි එය සමාජ මාධ්‍යවලට පමණක් සීමා කර නැහැ. අපි ප්‍රධාන ධාරාවේ ජනමාධ්‍යවලත් ලියනවා. බොහෝ සමාජ ප්‍රශ්න ගැන අපි හඬ අවදි කර තිබෙනවා. දැන් වසර හයකට අධික කාලයක් තිස්සේ අපි මෙය කරනවා. 

එය වෙහෙසකර කාර්යයක්. සමාජ විශ්ලේෂණ කියවන්න පාඨකයන් ආකර්ශනය කර ගැනීම අතිශය දුෂ්කරයි. අතේ රෝලක් හෝ කොහෙන් හරි කොපි පේස්ට් කරපු ලියවිල්ලක් ගොසිප් එකක් විධියට ප්‍රචාරය කරනවාට වඩා මෙය දුෂ්කරයි. 

මං කලිනුත් කියලා තිබෙන කාරණයක් තමයි, මම ඔබ බස්සා ගන්නට සාක්කු මසා නැතිවා වගේ ම, මම කාගේ සාක්කුවකවත් ඇත්තේත් නැහැ. මට ඉදිරියෙන් නායකයෙකු හෝ මට පසුපසින් අනුගාමිකයෝ හෝ නැහැ. ඉන්නේ සහෝදර ජනතාවක් පමණයි. 

ඒ නිසා දිරි ගන්වන්නට, ආරක්ෂා කරන්නට සිටින පිරිසට වඩා අප නැති භංග කරන්නට කැමති පිරිස වැඩියි. පසුගිය කාලය පුරාවට ම අපගේ ලිවීම අධෛර්ය කරන්නට දරන ලද උත්සාහය මැද්දේ තමයි, අදත් උදේ පාන්දර මේ ලිපිය ලියන්නේ. 

සමාජවාදී ජීවිතයක් වෙනුවෙන් පොරබැදීමක් ගැන මං කියනවානේ. මේ මගේ ජීවිතයේ ඒ කොටසයි. 


මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

38 comments:

  1. ඕවට සැලෙන්න තරම් පැරා පොඩි එකෙක් නොවෙයි නේ.

    ReplyDelete
    Replies
    1. මේ ලිපියට දාලා තියෙන පැරාගේ ෆොටෝ එක නං ලොල්ලෙක් වගේ. කකාට නං ආසාවේ බැරුව ඇති.


      'අපගේ ලිවීම අධෛර්ය කරන්නට දරන ලද උත්සාහය මැද්දේ තමයි, අදත් උදේ පාන්දර මේ ලිපිය ලියන්නේ. '

      ඔය කියන්නේ පැරාගේ නෝනා ගැන නේද? මොකද පැරා උදේ පාන්දර කොම්පුටරේ බදාගෙන ඉන්නවා. පැරාගේ නෝනා පැරාට බැන බැන උදේට තනියම උයලා, ලමයිවත් ලෑස්ති කරනවනේ.

      Delete
  2. අනේ ඔය කාලකණ්ණි අපතයන් කියන ඒවා ගණන් ගන්න එපා, පැරා.

    ReplyDelete
  3. They cannot stop us. But they must be stopped.

    ReplyDelete
    Replies
    1. රට වට කර වැට බැන්දත් මුන්ගේ කටවල් වට කර වැට බඳින්න බැහැ නෙ , පැරා.

      Delete
    2. //But they MUST be stopped.//

      MUST ??? Why ? how ?
      Who the crap are you to stop people ?

      ආ තේරුනා ... මේක පැරාලගේ සුපුරුදු ක්‍රමය නේ

      ඉස්සෙල්ල රතු අකුරෙන් ලියපු චිට් එකක් එවනවා
      නැවැත්තුවේ නැත්නං , හවස දරුවෝ එක්ක ඉන්න අහිංසක මනුස්සයය පොඩ්ඩක් කතා කරන්න එලියට අරං
      ඇවිල්ල ඔළුවට ඩෝං ගාල මොළ කෑලි විසිවෙන්න තියෙනවා. ඊට පස්සේ "ද්‍රෝහීන්ට දඬුවම මෙයයි. මිණිය දන හිසෙන් උඩට උස්සං ගියොත් උන්ටත් මරණය " කියල කොලයක් ගෑනිට දීල විටක් හප හප යනවා..... අපිට මතකයි ... අපිට තාම මතකයි පැරා

      Delete
    3. / 'ලොකු ටෝක් දුන්නට ඔයාව කවුරුවත් ගණන් ගන්නේ නෑනේ' කියන්නත් අපගේ අදහස් දැක්වීම් ස්වයං ආතල් ලෙස හඳුන්වන්නටත් තවත් පුරවැසියන් පෙළඹෙන්නේ ඇයි?/

      ගෝටා ඉන්න කාලෙත් අපි බය නැතුව කතාකරා. මහින්ද දින්නනම් මළකඳ පාරේ හම්බවෙන්න ඉඩ තිබ්බා වගේ දේවල් ඔයා හිතාගෙන හිටියට ඇත්ත ඒක නෙවෙයි කියන එක විතරයි පෙන්වන්න හැදුවේ. ඔයා වගේම බය නැතුව කතාකරනවා බෝක්කු උඩ කඩපිල්වල රස්තියාදු ගහන මිනිස්සු. ඔයාව සුදු වෑන් එකකින් උස්සන් යනවනම් උන්වත් උස්සන් යන්න ඕන. හිතං ඉන්න තරමට ඔයා මේ ආණ්ඩු පෙරලිය පිටුපස හිටපු මහා යුග පුරුෂයෙක් නම් ඔයා ජෝන් අමරතුංගව ඇමති ධුරයෙන් පහ කරනු! කිව්වම අඩුම ගානේ රනිල් ජෝන්ට කියන්න ඕනනේ සමාව ඉල්ලන්න කියලා. ඒත් ඇත්තටම උනේ මොකක්ද කියල දන්නවනේ. ඔයාව පඩේකටවත් ගණන් ගන්නේ නෑ කියන්නේ ඒකනේ. හරි හරි දැන් ඔයාගේ හිත හැදෙන්න අපි මීටපස්සේ මෙහෙම කියන්නම්කෝ.

      විශිෂ්ටයි පැරා! ඔබ වැනි මාධ්‍යකරුවන් තව දෙදෙනෙක් හිටියානම් අපේ රට දිව්‍යලෝකය පරදවනු ඇත. ඔබගේ පොස්ට් කියවා ගෝටාභයට චූ යන නිසා පැම්පර් ඇඳගෙන හිටියලු. සුදුවෑන් මතුගම යන්න ඕන කිව්වම ස්ටාට් වෙන්නෙත් නෑලු. රනිල් දැන් ඔබට බයේ බ්ලොග් කියවන්නෙත් නෑලු.

      Delete
    4. "මහසොහොන් පිල්ලියMarch 4, 2015 at 1:45 PM
      //But they MUST be stopped.//

      MUST ??? Why ? how ?
      Who the crap are you to stop people ? "

      Well he can block anonymous comments as he had doe several times in the past. However, each time he reverted that because, in my opinion hit count to his blog got severely reduced.

      He claims to be a citizen journalist but, tries to STOP critics!! What a moron!

      Delete
    5. විවේචනය හා කඩාක්ප්පල්කාරිත්වය එකක් නො වේ. අපි හැම විට ම විවේචනයට ඉඩ දී තිබේ. කඩාකප්පල්කාරීන් කරන්නේ විවේචනයට එහා ගිය දෙයකි.

      Delete
  4. බල්ලෝ බුරති. තවලම ඉරියට ඇදේ.

    ReplyDelete
    Replies
    1. බල්ලෝ බුරති. ආණ්ඩුව/මහින්ද/රනිල්/මිත්‍රී ඉරියට ඇදේ.

      Delete
  5. රන්වැල්ල කියල දොස්තර මහත්තයෙක් බොල්ගොඩදී ගිලිලා මැරුණා. ඒක කවුරුවත් කරපු දෙයක් නෙවේ.

    ReplyDelete
    Replies
    1. සේනක බිබිලේ මහත්තයාත් පපුවේ අමාරුවකින් මැරුනේ. කවුරුවත් කරපු දෙයක් නෙවි.

      Delete
  6. දේශපාලන කරුණු පදනම් කරගනිමින්, කුමන මාධ්‍යයක් ඔස්සේ වුවද අදහස් ප්‍රකාශ කිරීමේදී, සාධාරණව ඊට ප්‍රතිවිරුද්ධ අදහස් දක්වන අය සිටිති. එහෙත්, එයට නිසි ප්‍රතිචාර දැක්වීමට දැනුමෙන් හෝ හැකියාවෙන් සන්නද්ධ නොවූ අමනයෝ, හුදෙක් අපහාසය තම එකම අවිය කරගනිති. තම සෙළුව එක අතකින් වසාගෙන, අනික් අයට ඇඟිල්ල දික්කරති.

    ඉඳහිට මෙවැනි කලකිරීම් ඇතිවීම, ඔබ මේ ලේඛන කලාවෙන් ඉවත්වීමට තරම් හේතුවක් යයි, මම නොසිතමි.

    ReplyDelete
  7. ඔවුන් මට පහර දෙන විට මම සතු‍ටු වෙමි. මක් නිසා ද යත් ඔවුන් එසේ කරන්නේ මට බය නිසාය.

    ReplyDelete
  8. පැරකුම් මහතා ,
    මා දිනපතාම පාහේ ඔබේ ලිපි බලනවා. ඔබ ඒක ලියන්නේ ඔබේ නමින්මයි.ඔබේ සමහර ලිපි වලට මාද මගේ නමින්ම පිළිතුරු ලියනවා.මාඔබේ සමහර අදහස් වලට කැමති නැති උනත් එසේ අදහස් පල කිරීමට ඇති ඔබට ඇති නිදහස අගය කරනවා.එමෙන්ම එම අදහස් අඛණ්ඩව දෛනිකව ඉදිරිපත් කිරීමට ඔබ ගන්නා උත්සාහයත් අගය කරනවා.(ඒක නම් අලසයෙකු වන මට කරන්න නම් බැහැ}
    එමෙන්ම ඔබ වාරණයක් නොකර ඔබ කැමති හෝ අකමැති අපේ අදහස් ඔබේ පිටුවට එක් කරනවා. එය ඔබ සතු ඉතා හොඳ මානව ගුණාංගයක් . එබැවින් දිගටම ඔබේ කටයුත්ත ඉදිරියටම කරන්න.


    සමරසේකර

    ReplyDelete
    Replies
    1. //ඔබේ සමහර ලිපි වලට මාද මගේ නමින්ම පිළිතුරු ලියනවා\\
      ඒ කියන්නෙ නොනමිනුත් පිලිතුරු දෙනවා? (විහිළුවක් ඈ!)

      සාමාන්‍යයෙන් හුඟක්ම ලිපියට විරෝධී අදහස් දක්වන සමරසේකර මහත්තයගෙ අගය කිරීම මාත් අගය කරනව.

      Delete
    2. @ රාජ්,
      එහෙම වෙන්නේ මගේ රැකියාවෙන් ලද ශික්ෂණය නිසා වෙන්න ඇති. මගේ රැකියාව වුනේ අන් අයගේ දොස් හොයා ගන්නේ කෙසේද යන්න අදාළ රාජ්‍ය නිලධාරීන්ට ඉගැන්වීමයි. සිංහලෙන් කිව්වොත් මම විශ්‍රාම ලත් auditing lecturer කෙනෙක් .
      සමරසේකර

      Delete
  9. This comment has been removed by the author.

    ReplyDelete
  10. ඉවත් වෙන්න එපා ! විරෝධතා පැමිණිම සාමාන්‍ය ස්වභාවයක්. ඔබේ ලිවීම් අගය කරම්න් අති විශාල පාඨක පිරිසක් සිටිනවා.

    ReplyDelete
  11. මේ වගෙ පෝස්ටුවක් බලාපොරොත්තු නොවුන බව මුලින්ම කියන්න ඕන. මම ඔබෙන් බොහෝ දේවල් ඉගෙන ගත් කෙනෙක්. කොමෙන්ට් වලට උත්තර දෙන විදිය පවා ඔබෙන් ඉගෙන ගත්තේ. මටනම් ඔබ ගැන තක්සේරුවක් තිබෙනවා. අප අතර මතවාදී වෙනස්කම් ඇති. නමුත් මට හිතෙනවා වෙනස්කම්වලට වඩා සමානකම් වැඩි බව. මට විතරක් නොවෙයි බහුතරයකටම. ඒකයි මෙම අඩවිය සමග විශාල පිරිසක් රැදී සිටින්නෙ. ඇත්තටම බ්ලොග් කියවන පිරිස අඩුනිසා මිස නැත්නම් මෙයින් විශාල සේවයක් සැළසෙනවා.

    මේ වගෙ කොමෙන්ට් වලට උත්තර ලියන්න පෝස්ට් එකක්ම කැප කරපු ඔබ ගැන මට පුදුමයි. කොමෙන්ට් කරන අයත් එසේ කරන්නේ ඔබව අධෛර්ය කරන්න නොවෙයි. ඒක ඒ අයට ආතල් එකක් වෙන්න ඇති. එක එක විදියෙ අය ඉන්නවානේ. මා නිරීක්ෂණය කරල තිබෙනවා ඒ වගෙ කොමෙන්ට් ඔබ ගනන් ගන්නෙ නැතිවුනහම දාන අයම පච වෙනවා.

    ඒ විදියෙ ප්‍රතිපදාවක් ගෙන යමින් පර්වතයක් සේ සිටි ඔබ ටිකක් සෙලවී ඇති බවක් පේනවා. ඒකත් මිනිස් සොබාවයක් තමයි.

    ReplyDelete
  12. ලපයි සිපයිMarch 4, 2015 at 9:45 AM

    ඔන්න ඉතින් පැරත් බබා වෙන්න හදනවා.

    ReplyDelete
  13. No, I am not frustrated. I wrote this to remind them what we do. It is also part of the campaign .

    ReplyDelete
  14. ඕවා ගණන් ගන්න එපා දිගටම ලියන්න.ඔබෙන් මා නම් බොහෝදේවල් උගත් බව කිවයුතුය.

    ReplyDelete
  15. ඔහොම තමයි මචෝ.. මම උඹේ ලිපියක කෑල්ලක් ෆේස්බුකියෙ දැම්මා (උපුටාගැනීමක් කියලා)... මහින්ද වාදියො ටික මට දුන්නා දීමක්...දේශපාලනය එපා වෙන්න...අර කියන්නේ හඳ පෙන්නන කොට ඇගිල්ල දිහා බලලා තප්පුලනව කියලා.. ඒ වගේ..

    ReplyDelete
  16. පැරා උඹ අක්මැති නම් මේක මකලා දාපන්
    හැබයි මැකුවොත් හිරේ..

    උඹ තමයි නම්බර් වන් සයිබර් මෑන් ඉන් සිරි ලංකා

    ඵල ඇති රුක් වලට පක්කු ගල් ගහනවා

    පක්කු කොක්කු තරම් වත් ගනන් නොගෙන වැඩේ ගෙනියපන්..

    ජයවේවා...!!!

    ReplyDelete
  17. සූකිරී ලමා පත්තරය.March 4, 2015 at 1:22 PM

    "පාර්ලිමේන්තුව තුල කාන්තා නියෝජනය 25% දක්වා වැඩි කිරීමට පියවර"
    -පුවතක් 03.04.2015


    උත්තරීතර පාර්ලිමේන්තුවට ගෑනියි මීනිහයි දූවයි.

    දූලා පුතාලා , පුළුවන්නම් කියන්න මෙතන කීදෙනෙක් ඉන්නවද කියලා.....
    ඔට්ටුද ඔයාලට බෑ.......බෑමයී
    ඉඟියකුත් දෙන්නම්කෝ ,
    මෙතන හතර දෙනෙක් නෑ ඕං.

    ReplyDelete
  18. ඔය වගේ කමෙන්ට් දැකපුවහම මටනම් මතක් වෙන්නේම අර “බල්ලා“ කියන අසරණ සතා.

    ඌ හිතනව ඌට රජ සැප තමයි හාම්පුතාගෙන් ලැබෙන්නෙ කියල.
    ඌ හිතනව කැලේ ඉන්න සතෙකුට වැඩිය ඌට නිදහසක් තියනව කියල.
    කවුරුහරි හාම්පුතාට විරුද්ධ වුනොත් බල්ල කරන්නෙ බුරන එකයි. (බුරන කොට කියවෙන වචන වල කිසිම තේරුමක් නෑ. මහ සද්දයක් විතරයි.)
    හාම්පුතාට කවුරුහරි නිකරුනේ බැන්නත්, හේතුවක් ඇතිව බැන්නත්, බල්ලාගේ බිරීමේ කිසිම වෙනසක් නෑ.
    සමහර බල්ලො තමන්ගෙ හාම්පුතා කියල හිතාගෙන වෙන අයට සපෝට් එකටත් බුරනවා.

    ReplyDelete
    Replies
    1. /සමහර බල්ලො තමන්ගෙ හාම්පුතා කියල හිතාගෙන වෙන අයට සපෝට් එකටත් බුරනවා./

      යහපාලනේට කඩේ ගිහිං හෙන අයියට වෙච්ච දෙයක්.!!

      කොහොමද අයියා දුමින්දටයි සජින්ටයි දීපු වාහන දැක්කද? එක්කෙනාට දෙක ගානේ දෙන්නට හතරක්. පෙට්‍රල් වෙනම ෂෝක් නේද අයියා. පරණ අය තරහ කරගන්න එක නෙවෙයිලු යහපාලනේ. ඇත්තද අයියා? ගේ ගිනි ගන්නවා කියල නේද අයියල අපිට එලියට එන්න කිව්වේ. බලනකොට ඇතුලේ හිටපු උන්ට ඒ සී එහෙමත් හයිකරලා දීලානේ අයියලාගේ කට්ටිය.

      දුමින්ද කිව්වේ නාගරික සංවර්ධන අමාත්‍යංශයේ අධීක්ෂණ මන්ත්‍රී. සජින් කිව්වේ විදේශ අමාත්‍යංශයේ අධීක්ෂණ මන්ත්‍රී. නැත්නම් ඔයා එගොල්ලොන්ව දන්නේ නෑ කියනවනේ.

      Delete
    2. මේ ඇනෝ මල්ලි කලින් දවසකත් මේ වගේ මෝඩ ටෝක් එකක් දීල තිබුන මතකයි.
      යහපාලනය කියන එක කවදාක හරි ඇති කරගන්න ඕනැ දෙයක් මල්ලි තේරුනාද?
      මහින්දගෙන් යහපාලනේ හෙවනැල්ලක්වත් දැකගන්න බැරි වුන එකේ, හරියටම නැති වුනත් ටිකක් හරි සාධාරණ සමාජයක් ගැන බලාපොරොත්තුවක් ඇති කරගන්න පුළුවන් තත්වයක් අපි ඇති කර ගත්තා.
      වැදගත්ම දේ තමයි, යහපාලනයක් ඇති කරන්න පුළුවන් කියන විශ්වාසය කොන්දක් තියන අනිත් මල්ලිලාට තේරුම් ගියා. ඔය මල්ලි වගේ දෙන දෙයක් කාගෙන වෙන දෙයක් බලාගෙන බුරමින් විතරක් ඉන්න මල්ලිලාටත් එයාලගෙන් ආදර්ශයක් ගන්න පුළුවන් තත්වයක් ඇති වුනා.
      මන්ත්‍රීලට ඇමතිලට බර කරත්ත දෙන එක නෙවෙයි මල්ලි යහපාලනේ කියන්නෙ. මන්ත්‍රීලට වාහන දෙන එක පැට්රල් දෙන එක නොකළ යුතු දෙයක් කියලද ඔය මල්ලි හිතාගන ඉන්නෙ. එහෙම කරන්න බෑ මල්ලි. ඔයා ඉස්සෙල්ල යහපාලනේ මොකක්ද කියල පොඩ්ඩක් හරි ඉගෙන ගන්න. මේ නෙට් එකේ ඕනැ තරම් තියනව ඒකට ඉඩකඩ.
      විකිපීඩියා එකෙන් හරි නැත්නම් good governance කියල සර්ච් කරල බැලුවොත් හරි ඔයාට පුළුවනි ගොඩක් දේ දැනගන්න.

      Delete
  19. කලාමැදිරිය කිව්ව වගේ මේ අපහාස කරන්නෙ එහෙම කරන අයට රිදෙන නිසා. ඒ නිසා ධෛර්යමත්ව වැඩේ කරගෙන යන්න. අන්තර්ජාලයට පැරා තරම් අදහස් එකතු කරන්නෙක් දැකල නෑ.

    ReplyDelete
    Replies
    1. අනිවා. පැරකුම් තරම් කිසිකෙනෙක් අදහස් එකතු කරලා නෑ. සිතුමිණ උනත් ටැබූ ලියන කාලේ පොන්නයෝ ගහන විදිය කිව්වා මිසක් වෙන අදහස් කිව්වේ නෑනේ. කතන්දර උනත් චූ පඩ කක්කා මිසක් වෙන මුකුත් ලියන්නේ නෑ. ඒකටත් එක්ක පැරා....ෂා ගාසා තීරයේ ප්‍රශ්නයද, එබෝලාද, මහින්දගේ ගැහිලිද, රනිල්ගේ ඇමති මණ්ඩලයද ඔය කොයි දේ ගැනත් ලියනවනේ. ඒ විතරක් යැ ඇයි දොස්තරලගේ, ටියුෂන් ගුරුවරුන්ගේ වැරදි, එතකොට ජපන් කර පදින උන්ගේ නිරුවත... පොහ්!

      විකිපීඩියා ෆවුන්ඩර්වත් මෙච්චර අදහස් එකතු කරලා නෑ මම හිතන්නේ.

      Delete
  20. w3lanka.com බ්ලොග් එක මම නිතරම යන එන තැනක්

    ReplyDelete
  21. සමහර වෙලාවට කොමෙන්ටුවක් නොදැම්මත් අනිවාර්යෙන් එබිලා බලන තැනක්...

    ReplyDelete
  22. Avanka journalist kenek parshawa dekinma wimasa thamai liyanne,namuth Para Mathugama-Aluthgama Bus Drivers lagenwath,Dharga town hospitle eke nurslagenwath(Adunana ayaethi)Ahala hoyala balannethuwa Muslimlata wasiyata liwwa.samanya koluwek kalanam kamak netha.kohoma unath Adairiya nowannai illamu.(PTHTHAGODA Gamwasin)

    ReplyDelete

  23. මිතුරාට "බොක්ක" කියන නිසා පසමිතුරා/සතුරාට "හක්ක" කියා කීමට යෝජනා කරමි. එසේම, මිතුරාට "ෆ්‍රෙන්තා" කියන නිසා පසමිතුරා/සතුරාට "එනිමියා" කියා කීමට ද යෝජනා කරමි.

    පැරාට බොක්කන් සහ ෆ්‍රෙන්තන් මෙන්ම හක්කන් සහ එනිමියන් ද නො අඩුව ඇත.

    ReplyDelete
  24. PASU GIYA RAJAYA KALAYEDI WEB MEDIEA MAGIN MAHINDATA VIRUDDAWA ATHI KARANA LADA MATHAYA VENI MATHAYAK MAHINDAWADEEN KRUTHIMAWA AETHI KIRIMATA UTHSAHA KARAMIN SITINA BAWA PENE. OUN THERUM GENA SITINNE GAMBADA ITN PAMANAK BALANA JANATHAWA MEN APADA REWATIYA HEKI BAWAI. OUNGE NUGATHKAMA SAHA MODAKAMA MEIN PENE. LAKSHA 62 N EK AYEK.

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.