2015-09-27

පනස් වසරක් පුංචි දරුවෙක්

අදට මට පනහයි - නැගිට්ටා විතරයි

රූකාන්තගෙ ගී පදේකින් ඊයෙ රෑ
පනස් හැවිරිදි
පුංචි ළමයෙක් ඉපදිලා
චූ දමාගෙන
නිදි ඇඳේ
නැගිටපං

වහලෙ උළු කැටයක් ගලෝගෙන
ඉර බලන්නට යයි එයා
“හායි! කම්මැලි මාළුවෝ
මොකද හයිබ්‍රිඩ් කාරෙකක්
පිටේ බැඳගෙන ගස් බෙනේ?

“අම්මපා මේ පිස්සු ලෝකය
මොකද මේ හැටි දිය වෙලා
වහින කැත හඳ හතක් පායන ගිනියමේ"
කඳු උඩින් ඔහු පාවෙලා
අවවාදයක් ගන්න මිනිහෙක් හොයනවා

හෙට ඉඳන්වත් පිළිවෙලක්
වෙන්න බලනා පඹ වැලක්
එති එතී මළ පාළුවේ 
මෙහෙම කවියක් ලියනවා

“පුංචි කවියක වලිගයේ
ජීවිතේ රහ දැවටිලා
කාගෙදෝ හුරු කටහඬක්
පනස් වසරින් ඇහෙනවා
දෙනෝ දාහක පාළුවේ
ෆ්ලෑෂ් එළි ගත් අත් මැදින්
කළුවරේ මං හොයනවා
මං කවුද මං දන්නෙ නැහැ
අසරණව හිත අඬනවා"

තවම නො ලියූ
කවිය සිහිනෙන්
සුවඳ සේ ගෑවී මැකී
පනස් වසරක පුරාණේ
ඒ කවිය ඔහු සොයනවා
සියක් වසරක් සෙවූ අතැඟිලි වෙවුලමින්
කවිය ලිස්සා වැටෙනවා 

- අජිත් පැරකුම් ජයසිංහ
2015-09-27

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

29 comments:

  1. මේකෙ තේරුම මගෙන් අහන්න එපා. මාත් දන්නෙ නැහැ.

    ReplyDelete
    Replies
    1. හි හි .. ඔයාට සුබම සුබ උපන්දිනයක් වේවා

      Delete
  2. සුබ උපන්දිනයක් වේවා.එක ප්‍රශ්නයක් තියනවා.‍රැවුල අඩුම ගානෙ කොන්ඩෙට වඩා අවුරුදු 14ක්වත් බාල එකේ කොහොමද ඔය කොන්ඩෙ කලුයි ‍රැවුල සුදුයි වුනේ?

    ReplyDelete
  3. ඔබට සුබ උපන්දිනයක් වේවා.
    අවුරුදු පනහක් කියන්නෙ ජීවිතයෙ සංධිස්ථානයක්.වාමාංශික පන්නරය ලබා දැන් නිදහස් ලේඛකයෙක් හා වෘත්තිකයෙක් ලෙස දවස අරින ඔබ ගේ මතකයන් හා ඔබේ හරවත් අදහස් තවත් අවුරුදු 50 ක් වත් රටට තිලින කරන්නට අවස්ථාව ලැබේවා කියා ප්‍රාර්ථනා කරනවා.

    ReplyDelete
  4. සුභ උපන්දිනයක් සහ රටට වැඩ කිරීමට වීර්‍ය ලැබේවා

    ReplyDelete
  5. හැපි බෝත් ඩේ පැරා.....!!!

    හාෆ් එ සෙන්චරියක් ගසා ඇති මුත් ජීවිතේ..
    ගහපු සැන්චරි බොහොමයක් වෙයි ළොකු පුතේ...
    ඩබල් සැන්චරි ට්‍රිබල් සෙන්චරි
    ගහන්නට ඇත ළොකු පුතේ..
    ඉදිරියටම් ගමන පලයන්..
    උබැහේ කැමතිම මාවතේ...

    ජයම වේවා....!!!

    ReplyDelete
  6. මම හිතුවට වඩා තරුණ පෙනුමක්, තරුණ හදවතක් තියන ඔබට, උපන්දින සුබපැතුම්!

    ReplyDelete
  7. ඔබට සුබ උපන්දිනයක් වේවා....!!!

    ReplyDelete
  8. ඔබට සුබ උපන්දිනයක් වේවා....!!!

    ReplyDelete
  9. මගේ සුබ පැතුම රසිකොලොජියේ පළකළෙමි.

    ReplyDelete
    Replies
    1. අජිත් පැරකුම් ජයසිංහ සහෘද බ්ලොග්කරුවාට සුබ උපන් දිනයක් වේවා, (මා ද මා සම්බන්ධයෙන් ප්‍රාර්ථනා කරන ආකාරයට), ජීවිතයේ ඉදිරි වසර පනහක කාලය නීරෝගීව ගත කර වේදනාවකින් තොරව චුත වීමට ලැබේවා යි ඉත සිතින් ප්‍රාර්ථනය කරමි!
      http://rasikalogy.blogspot.com/2015/09/w3lanka-hbd2u-apj.html

      Delete
  10. ඔබට සුභ උපන්දිනයක් වේවා''''''''''''''!................

    ReplyDelete
  11. සුභ උපන්දිනයක් වේවා!

    ReplyDelete
  12. සුබම සුබ උපන්දිනක් වේවා!!!

    ReplyDelete
  13. සුබ උපන් දින දෙකක් වේවා.! ඔබ 25 වරක් දෙකක් සපුරලා !! දෙවරක් තරුණ වෙලා !!!

    ReplyDelete
  14. ඔයාට සුභ උපන් දිනයක් පැරා … !!
    දීර්ඝායු වේවා… !!

    ReplyDelete
  15. ඔබට සුභ උපන්දිනයක් වේවා! ඔබගේ වැඩ කටයුතු තව තවත් සාර්ථකව කරගෙන යාමට ශක්තිය හා ධෛර්‍යය ලැබේවා!

    ReplyDelete
  16. ඩබ්ලිව් ත්‍රී පැරා කියා හදුනා ගන්නා
    විප්ලවවාදියෙක් වෙලා හිටි බව දන්නා
    පොතක් පතක් ලියා ඇතේ
    හරි අඩුවෙන් කතා ඇතේ
    සැමදා උදයෙම ලිපියක් නෑ වරදින්නේ
    දේශපාලනේ උණයි වැළඳී ඇත්තේ
    ඩොලර් කුටිට් ගණන් පැරා
    හම්බ කරල ඇතියි කියා
    කණින් කොණින් කමෙන්ට්ස් වලින්
    ඇසිලා ඇත්තේ
    ඩොලර් වලට කරපු දෙයක්
    නැහැ මම දැක්කේ
    විසි තිස් විය පහු කරලා
    නොටි හතලිහත් දාලා
    පනස්වියට එළඹි බවක්
    අද නොවැ දැක්කේ
    රැවුලට පනහක් තියලා
    කොණ්ඩෙට තිස් විය කියලා
    උපන් දිනේ ආසිරි මල්
    මිටක් ගෙනෙන්නේ
    පැරාට තව තව ලියන්න
    නිරෝගී සුව බල විඳින්න
    දීර්ඝායු සැප බල
    මුළු හදින් පතන්නේ ............

    ReplyDelete
    Replies
    1. ඩොලර් කුට්ටි කුට්ටි කුට්ටි
      මා ළඟ ඇත්තේ
      කුට්ටි කඩා ගන්නට කුළු
      ගෙඩියක් නැත්තේ

      Delete
  17. ඉතුරු පනහත් ඔය පාරෙම යමු!

    ReplyDelete
  18. තව 10 යන්න මත්තෙන් දකුනු පලාත් සභාවේ බැරිනම් මතුගම ප්‍රාදේශීය සභාවේවත් වාඩිවෙන්න ලැබේවා කියා අවංකවම ප්‍රාර්තනා කරනවා...
    සුභ උපන් දිනයක්

    ReplyDelete
  19. අදින් එළැඹෙන ඊළඟ 50 වසර තුළ සෑම උදෑසනක ම ඔබේ ලිපියක් කියැවීමට මා හට වාසනාව ලැබේවා යයි මා ඔබේ උපන් දිනය වෙනුවෙන් ප්‍රාර්ථනා කරනවා.

    ReplyDelete
  20. අතුල අධිකාරිගෙ වයසෙනෙ. තව කසාදයක් කරගන්න කාලෙ හරි.

    ReplyDelete
  21. සුබ උපන්දිනයක් පැරා

    ReplyDelete


  22. මරු කතරක ඈතින් දිලුනු
    දීප්තිමත් තරු එළිය
    කෙම් බිම ඈතයි තව බොහෝ දුරයි
    තව තව දීප්තිමත්ව
    දැල්වෙනු මැන.

    ReplyDelete
  23. සා දුකීන් පෙලෙන උන් දැන් ඉතීං නැගිටියවු - අන්තිම සටනට සැරසියවූ! ඕකද බර්ත් ඩේ එකට කිව්ව සිංදුව...
    ඔන්න මාත් සුභ පැතුවා ඈ!

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.