2015-07-31

චානක වෙලගෙදරගේ කලකිරීම

ශ්‍රී ලංකා ක්‍රිකට් කණ්ඩායම නියෝජනය කළ වේගපන්දු යවන්නෙකු වන චානක වෙලගෙදර ප්‍රාන්ත කණ්ඩායමක් නියෝජනය කිරීමේ අරමුණින් ඕස්ට්‍රේලියාව බලා පිටත් වන බව කියයි. එසේම, යළි ශ්‍රී ලංකාව වෙනුවෙන් ක්‍රිකට් ක්‍රීඩාවේ නිරත නොවීමට තීරණය කර ඇති බව ද වෙලගෙදර පවසයි. ඔහු කලකිරී ඇති බව ඔහු කියයි. 

ඔහුගේ කලකිරීම සාධාරණ ද නැද්ද යන්න ගැන මම නො දනිමි. පසුගිය කාලයේ ලංකාවේ ක්‍රීඩා ක්ෂේත්‍රයට ද දේශපාලනය හා නිලධාරිවාදය රිංගා එය දූෂණය විය. 

විදේශගත වන බොහෝ දෙනෙක් කියන්නේ ඔවුන් කලකිරී ඇති බවයි. අපේ රටේ තත්වය ගැන කලකිරෙන එක ඉතා පහසු ය. එහෙත්, තමන් උපන් රටේ කලකිරෙන්නේ නැතිව ජීවත් වන්නට පුළුවන් සමාජ, ආර්ථික, දේශපාලනික මෙන් ම පාරිසරික ද වන පසුබිමක් සකසා ගැනීමේ වගකීම පුරවැසියන් ලෙස අපට පැවරී තිබේ.

ලොව සංවර්ධිත ප්‍රජාතන්ත්‍රවාදී රටවල පවතින මානව ගරුත්වය, සමානාත්මතා තත්වය, නීතිගරුකත්වය, සුරක්ෂිතභාවය, මහජන සේවාවන්ගේ ගුණාත්මකභාවය හා පවිත්‍රතාව වැනි තත්වයන් ලංකාවේ ද ඇති කිරීම දැන් ලාංකිකයන් හමුවේ තිබෙන අභියෝගයයි. ඒ මට්ටමට සංවර්ධනය වන්නට උවමනා නැත. ලංකාවේ ජනතාවට සුන්දර ජීවිතයක් අත්පත් කර ගැනීමේ හැකියාව තිබේ.

වසර දහයක පමණ කාලයක් නීතිය වෙනුවට බලය රජ කළ සමාජයක පරිවර්තනය පසුගිය ජනවාරි 08දා ඇරැඹිණි. එය ආපසු හරවන්නට මහින්ද රාජපක්ෂ ඇතුළු ප්‍රතිගාමීන්ට ඉඩ නො තැබිය යුතු ය.

දක්ෂ මිනිසුන් වඩා යහපත් ජීවිත සොයා රටින් පළා නො යන වාතාවරණයක් මේ රටේ නිර්මානය කිරීමේ අභියෝගය දැන් අප භාර ගත යුතු ය. අගෝස්තු 17දායින් පසුව සංවාදය ඒ දිශාවට යොමු කළ යුතු ය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-30

ජනතාවනි, අවදියෙන්! මැතිවරණ ප්‍රචාරක ව්‍යාපාරයේ අන්ත ජාතිවාදී අවධිය එළඹෙයි

පැවැත්වෙමින් තිබෙන මැතිවරණ ව්‍යාපාරය මෑත ඉතිහාසයේ පැවැත්වුණු සාමකාමී ම මැතිවරණ ව්‍යාපාරය ලෙස දැනට හඳුන්වන්නට පුළුවන. රාජ්‍ය අනුග්‍රහයෙන් මැතිවරණ දූෂණ හා මැරවරකම් සිදු නො වන නිසා ඉදිරි දෙසතියක පමණ කාලය තුළදී ද සාමය අපේක්ෂා කළ හැකි ය.

බොහෝ දෙනා මේ වන විටත් තමන් ඡන්දය දෙන පක්ෂ තීරණය කර හමාර ය. ගැටලුවකට තිබෙන්නේ මනාප අංක පිළිබඳ දැනුවත් කිරීම පමණි. ඒ වෙනුවෙන් දිගු කාලයක් මැතිවරණ ප්‍රචාරණ ව්‍යාපාරය ඇදගෙන යාම තේරුමක් නැති වැඩක් වී තිබේ. එය ආර්ථිකයට බරකි. ජනතාවට කරදරයකි. ඉදිරි මැතිවරණවලදී මේ ගැන සිතිය යුතු ය. ජනමාධ්‍ය අද තරම් දියුණු නැති යුගයකදී මැතිවරණ ප්‍රචාරණය වෙනුවෙන් ලබා දුන් තරම් දිගු කාලයක් දැනුත් අවශ්‍ය ද? 

ගිය අවුරුද්දට සාපේක්ෂව ජනමාධ්‍ය බෙහෙවින් මධ්‍යස්ථ ය. රූපවාහිනී සංවාද දේශපාලන සංවාදයේ ප්‍රධාන මෙවලම බවට පත් වී තිබෙන අතර ප්‍රධාන පක්ෂවලට ඒවායේ සාධාරණ අවස්ථා ලැබී තිබේ. රැස්වීම් යනු හුදෙක් බලය පෙන්වන සංදර්ශන බවට පත් වී තිබේ. මහින්ද රාජපක්ෂගේ ඡන්ද ව්‍යාපාරයේ මූලික අරමුණ වී තිබෙන්නේ සෙනග ප්‍රදර්ශනයයි. ඒ වෙනුවෙන් රැස්වීමෙන් රැස්වීමට යන පසුපස එන පිරිවරක් හෙවත් බෑන්ඩ්වැගන් එකක් නිර්මානය වී තිබේ. එහෙත් මේ රැළිවල දක්නට ලැබෙන්නේ ජයග්‍රහණයේ ප්‍රීතියෙන් ප්‍රමෝදයට පත් පිරිසකට වඩා සිය නායකයාට අත් වී තිබෙන ඉරණම ගැන දුකින් හඬා වැළපෙන පිරිසකි.

අද වන විට උණුසුම් මාතෘකාවක් බවට පත් වී තිබෙන්නේ ජාතික රගර් කණ්ඩායමේ ක්‍රීඩක හා හැව්ලොක් පිලේ නායක ලෙස කටයුතු කළ වසීම් තජුඩීන්ගේ මරණයයි. 2012දී සිදු වූ මෙම මරණය පිළිබඳ යට ගසා තිබුණු පරීක්ෂණය දැන් නැවත මතුපිටට පැමිණ තිබේ.  මහින්ද රාජපක්ෂගේ දෙවන පුතා වන යෝෂිත රාජපක්ෂ සමග සම්බන්ධයක් තිබුණු බව කියන හසාරා අබේනායක හා සම්බන්ධ සිද්ධියක් මත වසීම් තජුඩීන් ඝාතනය කරන ලදැයි යෝෂිත රාජපක්ෂ සැකයට භාජනය වී තිබේ. මරණය රිය අනතුරකින් සිදු වූවක් නොව ඝාතනයක් බවට අපරාධ පරීක්ෂණ දෙපාර්තමේන්තුව විසින් අධිකරණයට කරුණු ඉදිරිපත් කරන ලදී. කොළඹ මහේස්ත්‍රාත් අධිකරණය විසින් දැන් පූර්ණ පශ්චාත් මරණ පරීක්ෂණ වාර්තාවක් කැඳවා තිබේ.

මෙම සිද්ධිය මතු වීම මහින්ද රාජපක්ෂ යුගය ගැන යළි සිහිපත් කිරීමට ඉවහල් වේ. මහින්ද රාජපක්ෂ බලයේ සිටියා නම් මෙවැනි සාමකාමී ඡන්ද ප්‍රචාරණයක් තිබේදැයි සිතා ගැනීමෙන් පවා ජනතාව තමන් භුක්ති විඳින නිදහස ගැන අවබෝධ කර ගත හැකි ය.

මැතිවරණයේදී තමන්ට අවාසි බව දැනෙන විට මහින්දවාදීන්ට සිහිපත් වන්නේ සුපුරුදු ජාතිවාදයයි. 2015 ජනවාරි 08දා දක්වා එය ඔවුන්ට අත්දුටු ප්‍රත්‍යක්ෂ ඖෂධයක් විය. මෙවර ඒ ජාතිවාදී බෝම්බය පත්තු කර තිබෙන්නේ විමල් වීරවංශවත් නො වේ. ඩලස් අලහප්පෙරුම ය. විමල් වීරවංශ යනු මේ වන විට උවමනාවට වඩා පාවිච්චි කිරීමෙන් ම වැඩකට නැති තත්වයට පත් වී තිබෙන වැසිකිළි මදින බුරුසුවක් බව එයින් පෙනේ. ඩලස් යනු හදිසියකට පිස් පෝච්චියක් මැද ගැනීමට මහින්ද විසින් ඉතිරි කර තබා ගන්නා ලද බුරුසුවක් විය යුතු ය.

දෙමළ සන්ධානය සිය දේශපාලන හා මැතිවරණ ක්‍රියාවලියේදී එක්‌සත් ජාතික පක්‍ෂයත් සමග අභ්‍යන්තර කතිකාවක්‌ මගින් එකඟතාවකින් කටයුතු කරන බවත් එම එකඟතාව වහාම රටට හෙළිදරව් කළ යුතු බවත් ඩලස් අලහප්පෙරුම පසුගිය සතියේ විපක්‍ෂ නායක කාර්යාලයේ පැවැති ප්‍රවෘත්ති සාකච්ඡාවකදී පැවසුවේ ය. 

මේ වනාහි 2005දී මහින්දගේ ජයග්‍රහණයට ඉවහල් කර ගත් අසාධාරණ අලි කොටි ගිවිසුම් කතාව නැවත වතාවක් කරළියට ගෙන එන්නට දරන නින්දිත උත්සාහයකි. එහෙත්, අලි කොටි කතාවේ නිර්මාපකයන් වූ මහින්ද රාජපක්ෂලා ඡන්දය දිනා ගැනීම වෙනුවෙන් මැතිවරණ වර්ජන ව්‍යාපාරයක් හරහා දක්වන ලද සහයෝගයට හිලව් ලෙස රාඩා සංවිධානය හරහා කොටින්ට කප්පම් ගෙවූ හැටි දැන් හෙළිදරව් වී හමාර ය. සුනාමි ව්‍යසනයෙන් අවතැන් වූ උතුරු නැගෙනහිර ජනයා සඳහා නිවාස සපයා දීමට යැයි අඟවමින් රාඩා හෙවත් ප්‍රතිසංස්කරණ හා සංවර්ධන ඒජන්සිය හරහා රු. මිලියන 125ක් කොටි සංවිධානයට ලබා දීම සම්බන්ධයෙන් දැන් විමර්ශනයක් සිදු වේ.

උතුරු නැගෙනහිර යළි ඒකාබද්ධ කරවීම, එම ප්‍රදේශ ස්‌වයං පාලනයට යටත් කිරීම, ජිනීවා වාර්තාව ක්‍රියාත්මක කරවීමට ජාත්‍යන්තරව ක්‍රියාත්මක වීම, උතුරු නැගෙනහිර ප්‍රශ්නය විසඳීමට ජාත්‍යන්තරය මැදිහත් කර ගැනීම, ත්‍රස්‌තවාදීන් ලෙස සිරගත කර ඇති සියලු සිරකරුවන් නිදහස්‌ කිරීම එම එකඟතාවේ ඇතුළත් බව ඩලස් අලහප්පෙරුම පවසයි. 

දෙමළ ජාතික සන්ධානය එකම රටක් තුළ ෆෙඩරල් ස්වරූපී බලය බෙදීමක් ඉල්ලා සිටියි. එසේම, උතුරු නැගෙනහිර යළි ඒකාබද්ධ කරන ලෙස ද ඉල්ලා සිටියි. ඒවා දෙමළ ජාතික සන්ධානයේ මැතිවරණ සටන් පාඨ මෙන් ම දේශපාලන අරමුණු ද වේ. එසේම, ඒවා අලුත් ඉල්ලීම් ද නො වේ. දෙමළ ජනතාව අතර එක් කලෙක බලවත් වූයේ වෙන ම රාජ්‍ය ඉල්ලීම බව අපි අමතක නො කළ යුතු ය. මහින්ද රාජපක්ෂ බලයේ සිටියදී පවා දෙමළ දේශපාලන වැඩසටහන විසින් ඉලක්ක කර ගනු ලැබුවේ ජාත්‍යන්තර මැදිහත්වීමකින් පැවැත්වෙන ජනමතවිචාරණයක් ඔස්සේ වෙන ම රාජ්‍යයක් ප්‍රකාශයට පත් කර ගැනීමයි. දෙමළ ජාතික සන්ධානය ඉතා පැහැදිලිව එකම රටක් තුළ බලය බෙදා ගැනීමක් වෙනුවෙන් අරගල කරන පක්ෂයකි.

පශ්චාත් විමුක්ති කොටි අවධිය තුළ ජාතික පදනමින් බලය බෙදීම යන සංකල්පය තව දුරටත් යුක්තියුක්ත ද යන්න සාකච්ඡා කළ යුතු ය. මන්ද, අප සිටින්නේ යුද්ධයෙන් සය වසක් ඉක්ම ගිය, ප්‍රජාතාන්ත්‍රික විප්ලවයක් වෙනුවෙන් සිංහල, දෙමළ, මුස්ලිම් ජාතීන් එක්ව අරගල කර ජය ගත් ලංකාවක ය.

එහෙත්, සාකච්ඡා හා සංවාද මාර්ගයෙන් ගොඩනගා ගන්නා යම් භූගෝලීය ඒකක ක්‍රමයක් ඔස්සේ, රටට ගැලපෙන ආකාරයකට බලය බෙදා ගැනීමෙන් රාජ්‍ය පාලනය තව දුරටත් ප්‍රජාතාන්ත්‍රික වේ. එසේම, තමන්ගේ ප්‍රදේශ පාලනය හා සංවර්ධනය පිළිබඳ තීරණ ගැනීමේ ක්‍රියාවලියට සම්බන්ධ වීමේ අවස්ථාව ද ජනතාවට හිමි වේ.

රටට ගැලපෙන බලය බෙදා ගැනීමක් පිළිබඳ සාකච්ඡා නො කර, සිංහල සමාජය තුළ නිශේධනීය සංඥාර්ථ ඇති කිරීමට හේතු වී තිබෙන ෆෙඩරල් සංකල්පය යළි ඉදිරිපත් කිරීම දෙමළ ජාතික සන්ධානය පැත්තෙන් කරන අනුවණකමකි.

ඒ හා සමාන හා ප්‍රතිවිරුද්ධ අනුවණ පාර්ශ්වයන් සිංහල සමාජයේ ද සිටින බව දෙමළ ජාතික සන්ධානයේ ප්‍රතිපත්ති ප්‍රකාශනය පිළිබඳ ජනතා විමුක්ති පෙරමුණ විසින් දක්වන ලද ප්‍රතිචාරයෙන් පෙනේ. ජවිපෙ තවමත් ඉන්නේ බලය බෙදා ගැනීමෙන් අනිවාර්යයෙන් ම වෙන ම රාජ්‍යයක් නිර්මානය වේ යන 1987දී සිටි ජාතිවාදී, මුග්ධ ස්ථාවරයේ ම බව පෙනේ. දශක තුනක් තිස්සේ පළාත් සභා මේ රටේ ක්‍රියාත්මක වේ. ජවිපෙ ද පළාත් සභා නියෝජනය කරයි. 1987දී ජවිපෙ කී ආකාරයට පළාත් සභාවලින් රට බෙදී නැත.

දෙමළ ජාතික සන්ධානයේ ජාතිවාදී ඉල්ලීම් පරාජය කළ හැක්කේ ඒ හා සමාන තවත් ජාතිවාදයක් දකුණේ ඇවිලවීමෙන් නො වේ. දෙමළ ජනතාවගේ මධ්‍යස්ථ දේශපාලන ව්‍යාපාරය වන දෙමළ ජාතික සන්ධානය සමග දේශපාලනිකව ගැටීමෙන් හා එක්ව වැඩ කිරීමෙන් තත්වයන් වෙනස් කර ගත හැකි ය. අපි මේ ප්‍රශ්නයට සාමකාමී විසඳුමක් සොයා ගත යුතු ය. එය මගහැර යා හැකි නො හැකි ය.

දෙමළ ජාතික සන්ධානය මුහුණ දී සිටින ප්‍රශ්නය වන්නේ පළාත් සභාව ඔස්සේ දෙමළ ජනතාවගේ ප්‍රශ්නවලට විසඳුම් ලබා දීමට බැරි වීමයි. පසුගිය සමයේ රටේ ජනතාවගේ ප්‍රශ්නවලට විසඳුම් ලබා දීමට සිංහල ජාතිවාදී නායකයන්ට ද බැරි විය. ඒ විසඳුම් සොයා ගත හැක්කේ ජාතිවාදී පදනමින් නොව, ජාතික සමගිය හා රටට ගැලපෙන සංවර්ධන මාදිලියක් ඔස්සේ ය. 

ඒ වෙනුවෙන් කොන්දේසි විරහිතව ජාතිවාදයට එරෙහිව නැගී සිටිය යුතු ය. 

මිනිසුන්ගේ පහත් ම රුචිකත්වයන් අවුස්සා ඡන්දය දිනා ගන්නට හදන මහින්ද රාජපක්ෂ කඳවුරේ ඩලස් අලහප්පෙරුම ඇතුළු ජාතිවාදී දේශපාලන නරුමයන් ඡන්දයෙන් පරදවා, පළවා හැරිය යුතු ය. 

- රාවය, 2015 - 08 - 02 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

මහින්ද රාජපක්ෂ ගෝලයන්ට අජිත් පැරකුම්ගේ නමින් බොරු ප්‍රකාශ පළ කරන්නට සිදුවීම

අජිත් පැරකුම් නමින් පළ කර තිබෙන මහින්ද රාජපක්ෂට පක්ෂපාතී පහත උපුටා දක්වන ලියවිල්ල මවිසින් කරන ලද එකක් නොවේ.

මම කුඩා කාලයේ සිට පුරුදු වූ ආකාරයට මා මගේ නම ලියන්නේ Ajith Perakum ලෙසයි. මහින්ද රාජපක්ෂගේ අන්තර්ජාල ප්‍රචාරණ ව්‍යාපෘතියේ සාමාජිකයකු වන මෙම පුද්ගලයා Ajith Parakum ලෙස භාවිතා කරමින් බ්ලොග්වල කමෙන්ට් කිරීමට පටන් ගෙන තිබේ. එම පුද්ගලයා විසින් භාවිතා කර තිබෙන්නේ ජානක වංසපුර නම් බ්ලොගයක ඊයේ ලියන ලද සටහනකි. වංශපුර දේවගේ ජානක නම් පුද්ගලයකු විසින් නිර්මානය කර තිබෙන, කිසිවකු විසින් ෆලෝ කරනු නො ලබන එම බ්ලොගයේ වෙහෙස මහන්සි වී ලියන දේ පාඨකයන් ලවා කියවා ගන්නට අපගේ බ්ලොගය පාවිච්චි කර ඇති බව පෙනේ. තමන්ගේ නමින් දැමුවොත් නො කියවන නිසා ද කොහෙ ද ඒකත් පළ කර තිබෙන්නේ මගේ නමිනි. 

හද්දා පිටිසර ගමක ජීවත් වන, වෘත්තීය මාධ්‍යකරුවකු නො වන, හුදෙක් ම පුරවැසි මාධ්‍යකරණය ප්‍රධාන කර්තව්‍යය කර ගත් බ්ලොග්කරුවකු වන මගේ නම අනුකරණය කිරීමට මහින්ද රාජපක්ෂගේ මාධ්‍ය සේවකයන්ට සිදු වීම පිළිබඳ එක අතකින් මම සතුටු වෙමි. මන්ද, මා විසින් කරනු ලබන කාර්යය නො වටිනා දෙයකැයි කියා කියන අයට එය එසේ නො වන බව තේරුම් ගැනීමට මෙම සිද්ධිය ඉවහල් වන බැවිනි.

අනෙක් පැත්තෙන් මහින්ද වැටී තිබෙන තත්වය ගැන එයින් ම ඔබට සිතා ගත හැකි වනු ඇත. වඩාත් ම වැදගත් දෙය එයයි. 

මෙන්න ඒ මහින්ද ගෝලයා වෙහෙස මහන්සි වී මා ලෙස පෙනී සිටිමින් ලියා මගේ ම බ්ලොගයේ පළ කර ගත් ලියුම. (පව් අනේ!) කරුණාකර මින් පසු මෙවැනි ගොන් වැඩ නො කරන්න. 

ඔබ වෙනුවෙන් නොව රට වෙනුවෙන් ඔබේ ඡන්දය පාවිච්චි කරන්න

ඒ කාලෙ ඔය මායිම් ගම් කියල හඳුන්වපු සිංහල ගම්මානවලට කොටි ත්‍රස්තවාදීන් පැනල දරු පැටව් කැතිගාපු වාරයක් වාරයක් ගානෙ ඔබටත් කොටින්ව මරාගෙන මැරෙන්න හිතෙන්න ඇති. ඔබට පමණක් නොවේ හිතක් පපුවක් තියෙන මේ රටේ හැමෝටම එහෙම හිතුනා. නමුත් අපි හැමෝටම එහෙම කැක්කුමක් තිබිලත් අවුරුදු තිහක් තිස්සේ අපිට කොටි පරද්දන්න නොහැකිවුනේ ඇයි? ඒ මොකවත් නිසා නෙවෙයි අපි කාටවත් තනි පුද්ගලයින් හැටියට ක්‍රියා කරල රටේ නිදහස රැක ගන්න බැරි නිසයි. රටේ නිදහස රැක ගත හැක්කේ රාජ්‍ය බලයටයි. රාජ්‍ය බලය මෙහෙයවන්න සුදුසු රාජ්‍ය නායකයෙක් සිටිය යුතුයි. රටක නිදහස රැකෙන්නෙ රාජ්‍ය නායකයා ක්‍රියාකරන ආකාරයටයි.

එකේ අනිත් පැත්තත් එහෙමයි. රටේ මිනිස්සු නිදහස පිළිබඳව මොන ආකල්ප දැරුවත් රාජ්‍ය නායකයෙකුට අවශ්‍යනම් රටේ නිදහස පාවල දෙන්නත් පුළුවන්.

මෙවර ඡන්දයේදී මහින්ද රාජපක්‍ෂට විරුද්ධව ඡන්දය දෙන්න හිතාගෙන සිටින බොහෝ දෙනෙකුට රට ගැන කැක්කුමක් තියෙන බව සැකයක් නැහැ. ඔවුන් බහුතරයක් රට බෙදනවට විරුද්ධයි. ඔවුන් ඡන්දය දීමට බලාපොරොත්තුවෙන මන්ත්‍රී අපේක්‍ෂකයින් බහුතරයකුත් එහෙමයි. නමුත් ඊලඟට මේ රටේ රාජ්‍ය බලය ලබා ගන්න නායකයා රටේ නිදහස පාවා දෙන ආකාරයට ක්‍රියා කලහොත් ඔබටවත් මටවත් අපි කිසි කෙනෙකුටවත් රාජ්‍ය බලයට විරුද්ධව ගිහින් තනි තනියෙන් රටේ නිදහස රැක ගන්න ලැබෙන්නේ නැහැ. අපි ඒක තේරුම් ගන්න ඕනෙ.

අද කොටි ත්‍රස්තවාදය නැතිවුනත් දෙමළ ජාතිවාදී සංවිධාන මේ රට බෙදන උත්සාහය නවත්වල නැහැ. දෙමළ ජාතික සංධානය 13 වෙනි සංශෝධනයෙන් ඔවුන්ගේ අභිලාශ ඉටුවෙන්නේ නැති බව දැන් ප්‍රසිද්ධියේම කියනව. ඔවුන්ට ඉංදියාවේත් එංගලන්තයේත් ඇමරිකාවේත් ආශිර්වාදය ලැබෙනව. මේ හැම බලපෑමටත් වඩා වැඩියෙන් භයානක ලෙස රනිල් වික්‍රමසිංහ, චන්ද්‍රිකා කුමාරතුංග රාජිත සේනාරත්න මංගල සමරවීර වැනි නායකයින් සුළු පිරිසක් දෙමළ ජාතියට ස්වයං නිර්ණීය අයිතියක් තිබිය යුතුය යන මතයේ සිටිනව. ඒ බව ජනතාවට වසන් කරමින් තිරයේ පිටුපස සිටන් ඔවුන් ක්‍රියාත්මක වෙනව. මේ පිරිස අතීතයේත් වර්තමානයේත් ක්‍රියාකරන අකාරයෙන් ඒ බව ඔප්පු වෙනව.

රනිල් වික්‍රමසිංහ භාරයේ අද උතුරේ හමුදා ශක්තිය අවම කෙරෙමින් පවතිනව. උතුරේ කොටි සැමරෙන කොට දකුණේ රණ විරු සැමරුම නැවත්තුව. කොටි ත්‍රස්තවාදීන් නිදහස් කෙරෙන කොට මෙහෙ රණ විරුවන්ට මරණ දණ්ඩනය නියම කරනව. මේවට බටහිර රටවල් වල ආශිර්වාදය ලැබෙනව. රණ විරුවන්ට විරුද්ධව යුධ අපාරාධ චෝදනා ගෙන ඒම දැනට නවත්තල තියෙන්නේ එහෙම කලොත් මේ දේශද්‍රෝහීන්ට මැතිවරණයෙන් අවාසි වෙයි කියල හිතලයි. බටහිර රටවල් කාටද මේ උදව් කරන්නෙ? මොනවටද උදව් කරන්නෙ? වර්තමානයේ පමණක් නොවෙයි රනිල් රාජිත චන්ද්‍රිකා සහ මංගල අතීතයේත් ක්‍රියාකලේ මෙහෙමයි. ප්‍රභාකරන් “මහත්තයා” යුද්ධයෙන් පරාජය කරන්න බැහැ කියල ඔවුන් මතයක් ගොඩනැඟුව. රට වෙනුවෙන් ජීවිත දානය කරපු රණ විරුවන්ට අපහාස කලා. ඒ ඔක්කොමත් කරල දෙමළ ජාතිවාදීන් සමඟ රට පාවා දෙන්න ගිවිසුම් ගැහුවෙත් මේ පිරිසමයි.

මේ රටේ නිදහස ආරක්‍ෂා කරන්නේ යැයි ජනතාවට සහතිකයක් දීමට සුදුසු කමක් ඇති එකම එක නායකයා මහින්ද රාජපක්‍ෂයි. රනිල් රාජිත චන්ද්‍රිකා සහ මංගල අඩු තරමින් ජනතාවට එවැනි සහතිකයක් දීමට ඉදිරිපත්වෙන්නේවත් නැත. ඔවුන් පිළිබඳව එවැනි සහතිකයක් ඔබට දිය හැකිද?

යම් හෙයකින් රාජ්‍ය බලය රනිල් වික්‍රමසිංහ ඇතුළු මේ් පිරිස අතට පත්වුවහොත් අලියාට ඡන්දය දෙන බහුතරයකගේ හැඟීම් වලට විරුද්ධව යමින් රට බෙදීම සඳහා මොවුන් කටයුතු කරනවා නිසැකයි. රට බෙදුනොත් ඒක ආපස්සට හරවන්න බැරි වරදක් වෙනව. රටේ අනිත් ප්‍රශ්ණ අපට මැදිහත් වෙලා විසඳගන්න පුළුවන් නමුත් රට බෙදුවොත් අපි කිසි කෙනෙකුටවත් තනි තනියෙන් ඊට විරුද්ධව ගිහින් රටේ නිදහස රැක ගන්න බැරි වෙනව. අපිට අවුරුදු තිහක් තිස්සේ කොටි පරද්දන්න බැරි වුනෙත් ඒක තනි පුදගලයින් වශයෙන් කරන්න බැරි නිසයි. රටේ නිදහස වෙනුවෙන් අපට තනි තනියෙන් කටයුතු කරන්න ලැබෙන එකම අවස්ථාව මේ මැතිවරණයයි. ඔබත් ඔබේ ඡන්දය රටේ නිදහස වෙනුවෙන් කැප කරන්න.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-29

කුඩු රජා හා රාජපක්ෂ පවුල

වරක් හෙරොයින් අඩංගු කන්ටේනරයක් නිදහස් කිරීම සඳහා මහින්ද රාජපක්ෂ රජයේ අගමැති දි.මු. ජයරත්න ලියුමක් නිකුත් කර හසු වූයේ ය.

කොළඹ දිස්ත්‍රික් එක්සත් ජනතා නිදහස් සන්ධාන මන්ත්‍රී දුමින්ද සිල්වා කුප්‍රකට මත්ද්‍රව්‍ය වෙළෙන්දකු වූ වෙලේ සුදා සමග ගනුදෙනු කර ඇති බව හෙළිදරව් වූයේ ය.

මේ වන විට මේ මත්ද්‍රව්‍ය ජාවාරම්කරුවන්ගේ ගෝඩ්ෆාදර් වන මොහොමඩ් මුබාරක් මොහොමඩ් මුජයිඩ් නම් චිත්‍රපට නිෂ්පාදකවරයා ආරක්ෂක අමාත්‍යාංශයේ හිටපු ලේකම් ගෝඨාභය රාජපක්ෂගේ සමීප හිතවතකු බව වාර්තා වේ.

මොහොමඩ් මුබාරක් මොහොමඩ් මුජයිඩ් දැනට මැලේසියාවේ ජීවත් වන අතර ශ්‍රී ලංකා රජය ඔහු ඉල්ලා තිබේ.

පසුගිය කාලයේ මහින්ද රාජපක්ෂ ආණ්ඩුව සෑම තරාතිරක ම ව්‍යාපාරිකයන්ගෙන් හා ජාවාරම්කරුවන්ගෙන් කොමිස්, කප්පම් ආදිය ලබා ගත් නිසා මොහුගෙන් ද කොටස් මුදල් ලබා ගත්තා නම් ඒ ගැන පුදුම විය යුතු නැත.

රාජපක්ෂ පවුල සෙල්ලම් කර තිබෙන්නේ ආර්ථිකයේ අනාගතය සමග පමණක් නො වේ. තරුණ පරම්පරාවේ ජීවිත සමග ද ඔවුහු සෙල්ලම් කර ඇත.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-28

දළු සහනාධාරය කුඩා තේ වතු හිමියන් අතට නො ලැබීමේ ප්‍රශ්නය හෙවත් ගමේ ප්‍රශ්න නගරයේ මාධ්‍යවලට නො තේරීම

රජය විසින් කුඩා තේ වතු හිමියන්ට ලබා දෙනු ලබන මිළ සහනාධාරය සුදුස්සන් වෙත නො ලැබී අතරමැදියන් අතට පත් වන බව අපේ අධ්‍යයනවලින් පෙනේ.

තේ දළු මිළ අඩු වීම නිසා තේ වතු හිමියන්ට අමු දළු කිලෝවක් වෙනුවෙන් රු. 15ක සහනාධාරයක් රජය විසින් ලබා දෙයි. එහෙත්, එම සහනාධාරය ලබා දෙන්නේ තේ කම්හල් හරහායි.

තේ කම්හල් හිමියන් විසින් මෙම සහනාධාරය ලබා දෙන්නේ තමන්ට අමු තේ දළු සපයන්නන් වෙතයි.

කුඩා තේ වතු හිමියන් බොහෝ දෙනෙක් තමන්ගේ දළු සපයන්නේ දළු එකතු කරන්නන්ටයි. එම අමු දළු කම්හල් වෙත සපයන්නේ දළු එකතු කරන්නන් විසිනි. එබැවින් කම්හල් හිමියන් කිලෝවකට රු. 15 බැගින් වූ සහනාධාරය සපයන්නේ දළු එකතු කරන්නන්ටයි.

දළු එකතු කරන්නන් එම සහනාධාරය කුඩා තේ වතු හිමියන් වෙත ලබා නො දෙන බව තේ වගාකරුවෝ මැසිවිලි නගති.

දැනට පහතරට තේ කිලෝවක සාමාන්‍ය මිළ රු. 65ක් පමණ වේ. ඒ අනුව සහනාධාරයත් සමග කුඩා තේ වතු හිමියකුට කිලෝවකට රු. 80ක පමණ සහනාධාරයක් හිමි වුය යුතු ය.

මේ වන විට අර්බුදයට පත්ව සිටින රබර් වගාකරුවන්ට ද සහන සැලසීම සඳහා පියවර ගැනීමට ආණ්ඩුව සූදානම් බව ප්‍රකාශ කර තිබුණ ද, එය ද ලබා දීම සඳහා නිසි ක්‍රමවේදයක් සකසා ගැනීම දුෂ්කර බව තේ කර්මාන්තය සම්බන්ධ අත්දැකීමෙන් පෙනේ.

මේ වන විට කුඩා තේ වතු, රබර් වතු හිමියන් සිටින කලුතර, ගාල්ල, රත්නපුර වැනි දිස්ත්‍රික්කවල රාජපක්ෂවාදීන් ප්‍රචාරයේ යෙදෙන්නේ මේ ආදායම් හිඟය ගැන මතු කරමිනි. 

ඉරානයට යළි තේ අපනයනය ආරම්භ කිරීමට කටයුතු කරන බව රනිල් වික්‍රමසිංහ අගමැතිවරයා නොබෝදා පැවසී ය.

කුඩා තේ වතු හිමියන් සම්බන්ධ මෙම පුවත පළ කිරීමට පෙර අපි මෙම කරුණ බලධාරීන්ගේ හා මාධ්‍යවල අවධානයට යොමු කරන්නට උත්සාහ ගත්තෙමු. එහෙත් ඒ කිසිවෙක් ඒ ගැන අවධානයක් යොමු කළ බවක් නො පෙනිණි. කොළඹ සිට මාධ්‍ය මෙහෙයවන්නන්ට ගමේ ජනතාවගේ ප්‍රමුඛතා අවබෝධ නො වන බවට තවත් නිදසුන් කුමට ද?

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

ඩලස් අලහප්පෙරුම ජාතිවාදියා මේ සැරසෙන්නේ කුමට ද?

මේ වන විට මහ මැතිවරණ ප්‍රචාරණ ව්‍යාපාර අතිශය සාමකාමීව සිදු වෙමින් තිබේ. බොහෝ දෙනා මේ වන විටත් තමන් ඡන්දය දෙන පක්ෂ තීරණය කර හමාර ය. ගැටලුවකට තිබෙන්නේ මනාප අංක පිළිබඳ දැනුවත් කිරීම පමණි. ඒ වෙනුවෙන් තවත් සති තුනක් පමණ මැතිවරණ ප්‍රචාරණ ව්‍යාපාරය ඇදගෙන යාම තේරුමක් නැති වැඩක් වී තිබේ. එය ආර්ථිකයට බරකි. ජනතාවට කරදරයකි. ඉදිරි මැතිවරණවලදී මේ ගැන සිතිය යුතු ය. ජනමාධ්‍ය අද තරම් දියුණු නැති යුගයක මැතිවරණ ප්‍රචාරණය වෙනුවෙන් ලබා දුන් තරම් දිගු කාලයක් දැනුත් ලබා දිය යුතු ද?

මේ වන විට උණුසුම් මාතෘකාවක් බවට පත් වී තිබෙන්නේ රගර් ක්‍රීඩක වසීම් තජුඩීන්ගේ මරණයයි. මේ හා සම්බන්ධ පරීක්ෂණ නැවත ආරම්භ කර දිගු කාලයක් වන අතර එය සිදු වන්නේ ඉතා සෙමිනි. මහින්ද රාජපක්ෂගේ දෙවන පුතා වන යෝෂිත රාජපක්ෂ සමග සම්බන්ධයක් තිබුණු බව කියන හසාරා අබේනායක හා සම්බන්ධ සිද්ධියක් මත වසීම් තජුඩීන් ඝාතනය කරන ලදැයි යෝෂිත රාජපක්ෂ සැකයට භාජනය වී තිබේ. 

වසීම් තජුඩීන් මිය ගොස් තිබෙන්නේ පෙන්වා තිබුණු ආකාරයට හදිසි අනතුරකින් නො වන බව ද එය මිනීමැරුමක් බව ද, ඝාතනයට පෙර ඔහුට වධ දී තිබෙන බව ද රහස් පොලිසිය විසින් අධිකරණයට ඉදිරිපත් කරන ලද වාර්තාවේ දැක්වේ. 

මෙම සිද්ධිය මතු වීම මහින්ද රාජපක්ෂ යුගය ගැන සිහිපත් කිරීමට ඉවහල් වේ. මහින්ද රාජපක්ෂ බලයේ සිටියා නම් මෙහෙම ඡන්ද කෙරුවාවක් තිබේදැයි සිතා ගැනීමෙන් පවා ජනතාව තමන් භුක්ති විඳින නිදහස ගැන අවබෝධ කර ගනු ඇත. 

මැතිවරණයේදී තමන්ට අවාසි බව දැනෙන විට මහින්දවාදීන්ට ඉතිරි වන්නේ සුපුරුදු ජාතිවාදය පමණි. මෙවර ඒ ජාතිවාදී බෝම්බය පත්තු කර තිබෙන්නේ විමල් වීරවංශවත් නො වේ. ඩලස් අලහප්පෙරුම ය. 

දෙමළ සන්ධානය සිය දේශපාලන හා මැතිවරණ ක්‍රියාවලියේදී එක්‌සත් ජාතික පක්‍ෂයත් සමග අභ්‍යන්තර කතිකාවක්‌ මගින් එකඟතාවකින් කටයුතු කරන බවත් එම එකඟතාව වහාම රටට හෙළිදරව් කළ යුතු බවත් ඩලස් අලහප්පෙරුම ඊයේ විපක්‍ෂ නායක කාර්යාලයේ පැවැති ප්‍රවෘත්ති සාකච්ඡාවකදී පැවසුවේ ය. 

මේ වනාහි 2005දී මහින්දගේ ජයග්‍රහණයට ඉවහල් කර ගත් අසාධාරණ අලි කොටි ගිවිසුම් කතාව නැවත වතාවක් කරළියට ගෙන එන්නට දරන නින්දිත උත්සාහයකි. අලි කොටි කතාවේ නිර්මාපකයන් වූ මහින්ද රාජපක්ෂලා ඡන්දය දිනා ගැනීම වෙනුවෙන් මැතිවරණ වර්ජන ව්‍යාපාරයක් හරහා දක්වන ලද සහයෝගයට හිලව් ලෙස රාඩා සංවිධානය හරහා කොටින්ට කප්පම් ගෙවූ හැටි දැන් හෙළිදරව් වී හමාර ය. 

උතුරු නැගෙනහිර යළි ඒකාබද්ධ කරවීම, එම ප්‍රදේශ ස්‌වයං පාලනයට යටත් කිරීම, ජිනීවා වාර්තාව ක්‍රියාත්මක කරවීමට ජාත්‍යන්තරව ක්‍රියාත්මක වීම, උතුරු නැගෙනහිර ප්‍රශ්නය විසඳීමට ජාත්‍යන්තරය මැදිහත් කර ගැනීම, ත්‍රස්‌තවාදීන් ලෙස සිරගත කර ඇති සියලු සිරකරුවන් නිදහස්‌ කිරීම එම එකඟතාවේ ඇතුළත් බව ඩලස් අලහප්පෙරුම පවසයි. 

දෙමළ ජාතික සන්ධානය එකම රටක් තුළ ෆෙඩරල් ස්වරූපී බලය බෙදීමක් ඉල්ලා සිටියි. එසේම, උතුරු නැගෙනහිර යළි ඒකාබද්ධ කරන ලෙස ද ඉල්ලා සිටියි. ඒවා දෙමළ ජාතික සන්ධානයේ මැතිවරණ සටන් පාඨ මෙන් ම දේශපාලන අරමුණු ද වේ. එසේම, ඒවා අලුත් ඉල්ලීම් ද නො වේ. දෙමළ ජනතාව අතර එක් කලෙක බලවත් වූයේ වෙන ම රාජ්‍ය ඉල්ලීම බව අපි අමතක නො කළ යුතු ය. මහින්ද රාජපක්ෂ බලයේ සිටියදී පවා දෙමළ දේශපාලන වැඩසටහන විසින් ඉලක්ක කර ගනු ලැබුවේ ජාත්‍යන්තර මැදිහත්වීමකින් පැවැත්වෙන ජනමතවිචාරණයක් ඔස්සේ වෙන ම රාජ්‍යයක් ප්‍රකාශයට පත් කර ගැනීමයි.

මේ ජාතිවාදී ඉල්ලීම් පරාජය කළ හැක්කේ ඒ හා සමාන තවත් ජාතිවාදයක් දකුණේ ඇවිලවීමෙන් නො වේ. දෙමළ ජනතාවගේ මධ්‍යස්ථ දේශපාලන ව්‍යාපාරය වන දෙමළ ජාතික සන්ධානය සමග දේශපාලනිකව ගැටීමෙන් හා එක්ව වැඩ කිරීමෙන් තත්වයන් වෙනස් කර ගත හැකි ය. ප්‍රශ්නයට සාමකාමී විසඳුමක් සොයා ගත යුතු ය. 

දෙමළ ජාතික සන්ධානය මුහුණ දී සිටින ප්‍රශ්නය වන්නේ පළාත් සභාව ඔස්සේ දෙමළ ජනතාවගේ ප්‍රශ්නවලට විසඳුම් ලබා දීමට බැරි වීමයි. පසුගිය සමයේ රටේ ජනතාවගේ ප්‍රශ්නවලට විසඳුම් ලබා දීමට සිංහල ජාතිවාදී නායකයන්ට ද බැරි විය. ඒ විසඳුම් සොයා ගත හැක්කේ ජාතිවාදී පදනමින් නොව, ජාතික සමගිය හා නිර්බාධිත, රටට ගැලපෙන සංවර්ධන මාදිලියක් ඔස්සේ ය. 

ඒ වෙනුවෙන් කොන්දේසි විරහිතව ජාතිවාදයට එරෙහිව නැගී සිටිය යුතු ය. 

මිනිසුන්ගේ පහත් ම රුචිකත්වයන් අවුස්සා ඡන්දය දිනා ගන්නට හදන ඩලස් අලහප්පෙරුම වැනි ජාතිවාදී දේශපාලන නරුමයන් ඡන්දයෙන් පරදවා, ඔවුන් විසින් සොයා ගන්නා ලද පාරාදීසය වන ඇමරිකාවට ම ආපසු යැවීමට මේ ඡන්දයේදී අධිෂ්ඨානයෙන් කටයුතු කළ යුතු ය. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-27

චමත්කාර වමත්කාරයා

ගහෙන් කඩා ගත් මුදලින 
ඇඟිලි පුරා මුදු පළඳින
චමත්කාර වමත්කාරයා

දනන් බිම දනින් වට්ටන
හිස පිරිමැද බඩට අනින
චමත්කාර වමත්කාරයා

වමෙන් දෙන දෙය ම දකුණින
අරන් ගෙදර අරගෙන යන
චමත්කාර වමත්කාරයා

කටින් බතල දඬු හිටවන
දනන් මුලා කර හිනැහෙන
චමත්කාර වමත්කාරයා

මළත් නැවත හිස ඔසවන
ඇවිත් යළිත් ඉහ මොළ කන
චමත්කාර වමත්කාරයා


මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

දේශපාලකයන් යට යන විට නිලධාරිවාදය උඩ එයි

නිලංග සමරසිංහ  
මෑත කාලයේදී රාජ්‍ය සේවයට දේශපාලන ඇඟිලිගැසීම් අවම වූ යුගය වන්නේ මෑත මාස කීපයයි. මධ්‍යම ආණ්ඩුවෙන් වෙනවාට වඩා තවමත් ඇඟිලි ගැසීම් වැඩි පළාත් සභාවලිනි. නිදසුනක් ලෙස මෙවරත් පාසල්වලට දරුවන් ඇතුළු කිරීමේදී පළාත් සභාවල බලය ඇති එක්සත් ජනතා නිදහස් සන්ධානයේ දේශපාලකයෝ එම කටයුතුවලට ඇඟිලි ගැසූ හ. 

මහින්ද රාජපක්ෂ ආණ්ඩුවේ දේශපාලකයන් අත පෙවූ නැති තැනක් රාජ්‍ය සේවයේ නැත. අන්තිමේදී රාජ්‍ය නිලධාරීහු දේශපාලකයන්ගේ අණ ක්‍රියාත්මක කරන බැලයෝ පිරිසක් බවට පත් වූ හ. 

එහෙත්, ඒ පීඩනය මඳක් අඩු වූ කල සිදු වී තිබෙන්නේ කුමක් ද? 

දැන් දේශපාලක පීඩනය වෙනුවට නිලධාරිවාදයක් හිස ඔසවමින් තිබෙන බව දක්නට ලැබේ. 

අන්තරායකර ඖෂධ පාලන මණ්ඩලයේ සභාපති වෛද්‍ය නිලංග සමරසිංහට මුහුණ දෙන්නට සිදු වූ තර්ජනවලදී රජයේ නිලධාරීන් කටයුතු කළ ආකාරය මේ සඳහා කදිම නිදසුනකි. 

වෛද්‍යවරයකු ලෙස රාගම රෝහලේ සේවයේ යෙදී සිටි නිලංග නව රජය යටතේ මෙම තනතුරට පත් වූයේ ය. වෛද්‍යවරයකු ලෙස ලැබිය හැකි පෞද්ගලික ආදායම් කැප කර මෙවැනි තනතුරක් ඉල්ලා ගන්නට තමන්ට හේතු වුණේ මත්ද්‍රව්‍යවලට එරෙහිව සටන් කිරීමට තමන්ට ඇති උවමනාව බව ඔහු පවසයි. එහි කිසිදු වරදක් නැත. 

අනෙක් පැත්තෙන් ඔහු අත තබා තිබෙන්නේ ඉතා අනතුරුදායක කාර්යයකටයි. මත්පැන් හා මත්ද්‍රව්‍ය හා සම්බන්ධ දේශපාලකයන්ගේ ලැයිස්තුවක් සකසා ඇති බව ඔහු පසුගියදා ප්‍රසිද්ධ කළේ ය. එය ඉතා වැදගත් අධ්‍යයනයකි. 

ඉන් පසු නිලංගට යම් තර්ජනාත්මක සිද්ධි කීපයකට මුහුණ දෙන්නට සිදු වූ අතර, ඔහු රජයෙන් ආරක්ෂාව ඉල්ලා සිටියේ ය. එවැනි තනතුරක් හොබවන අයෙකුට ආරක්ෂාව ලබා දීම මහ ලොකු ප්‍රශ්නයක් විය යුතු නැත. එහෙත්, එය සිදු වූයේ අනතුරක් සිදු වන්නට ප්‍රමාණවත් කාලයක් පසු වී ය. 

හේතුව නිලධාරීවාදයයි. 


මේ පිළිබඳව මව්බිම පුවත්පත නීතිය හා සාමය පිළිබඳ අමාත්‍යාංශයේ ලේකම් කේ.බී. තෙන්නකෝන්ගෙන් විමසූ විට ඔහු දෙන පිළිතුරු බලන්න.

• ලේකම්තුමනි, ඇයි මේ අන්තරායකර පාලක මණ්ඩලයේ සභාපතිවරයාගේ ජීවිතයට තර්ජන ඇතිවී තියෙන්නේ?

මේ සභාපතිකමට පත්කරන්න හිටියේ මහාචාර්යවරයෙක්. මේ පුද්ගලයා දේශපාලන කඩේ ගිහින් මේ තනතුරට දාගත්තා. (පත් කිරීම සම්බන්ධ ගැටලු තිබේ නම් මේ නිලධාරියා ඒ සම්බන්ධයෙන් අදාල අංශවලට පැමිණිලි කරනවා විනා ජනමාධ්‍යවලට මෙවැනි ප්‍රකාශ කිරිමට ඔහුට අයිතියක් නැත. රජය විවේචනය කරන මෙම ප්‍රකාශයට එරෙහිව ඔහුට විනය පියවර ගත යුතු ය. - සංස්කාරක)

• මත්ද්‍රව්‍යවලට සම්බන්ධ දේශපාලනඥයන්ගේ ලැයිස්තුව එළිදක්වපු දා සිටයි මේ සභාපතිවරයාට මරණ තර්ජන ඇවිත් තියෙන්නේ. ඒ නිසා එයාට ආරක්ෂාව දෙන එක සාධාරණයි නේද?

මත්ද්‍රව්‍ය ජාවාරම්කරුවන් ගැන හෙළිදරව් කරන්න පුවත්පත් සාකච්ඡා එයාට තියන්න බැහැ මගේ අවසරයක් නැතිව. එයාගෙ රාජකාරිය තමයි අන්තරායකර ඔෟෂධ පාලක මණ්ඩලය යටතේ තියෙන රාජකාරිය. අන්තරායකර ඔෟෂධ අත්අඩංගුවට ගන්න ඕනෑ මත්ද්‍රව්‍ය සැකකරුවන් ගැන මත්ද්‍රව්‍ය කාර්යාංශයට දැනුම් දෙන්න ඕනෑ. ආරක්ෂාව දීමට ක්‍රමවේදයක් තියෙනවා. එක් අයකුට ආරක්ෂාව දෙනවා නම් බුද්ධි අංශ තොරතුරු සොයලා තමයි ආරක්ෂාව දෙන්නේ. එක් වතාවකදී එයාගෙ ඉල්ලීම ගැන බුද්ධි අංශ කීවේ තර්ජනයක් දැනට නැහැ කියලයි. මම දෙවැනි වතාවටත් බුද්ධි අංශවලට දන්වා තියෙනවා ඒ ගැන සොයා බලන්න. ආරක්ෂක කොමිටිය තමයි ඒ ගැන තීරණය කරන්නේ.

• සභාපතිවරයාට පොලිස් ආරක්ෂාවක් නොදීම මත්ද්‍රව්‍ය ජාවාරම්කරුවන්ගේ ජයග්‍රහණයක් නෙවෙයිද?

ඒ සභාපතිවරයාට මුලින්ම මගෙන් පොලිස් විශේෂ කාර්ය බළකාය දත්ත රැස් කිරීමට අවශ්‍යයි කියලා තිබුණ. මම ඒකත් දුන්නා.

• මේ ප්‍රශ්න නොවිසඳෙන තැනට යන බවයි අපට පෙනෙන්නෙ?

මේ ළඟදි එයා මට ලියුමක් එවා තිබුණා එයාට ජීවිත අනතුරක් වුණොත් ඒ වගකීම මම භාරගත යුතුයි කියලා. ඒ විතරක් නෙවෙයි එහි පිටපත් තානාපති කාර්යාලවලටත් යවා තිබුණා. ඒ වගේ තුට්ටු දෙකේ වැඩ කරන අය ගැන කතා කරන්නවත් මම කැමැති නැහැ. පසුගිය සඳුදා ඔය ප්‍රශ්නය ගැන ජනාධිපති කාර්යාලයෙන් සහ තවත් පිටස්තර නිලධාරීන් අටදෙනෙක් ඔය ප්‍රශ්නය කතා කළා. ඔයා තමයි මුලින් කතා කළේ. මා ළඟ වැඩ කරන අයෙක් හැටියට අනුන්ට කියලා කියවන්නෙ නැතිව තමන්ගේ ප්‍රශ්නය මා ළඟ අඬලා හරි එයාට කියන්න තිබුණා. ආරක්ෂාව දෙන ක්‍රමවේදයක් තියෙනවා.

හේතුව නිලධාරීවාදයයි. ගම්පහ දිසා ලේකම් සුනිල් ජයලත් දෙන පිළිතුරු බලන්න. 

• අන්තරායකාරී ඔෟෂධ පාලක මණ්ඩලයේ සභාපතිවරයා ගිනි අවියක් ඉල්ලා ඔබට ඇයැදුම්පතක් එවා තිබෙනවා. ඒ ගැන කිසියම් පියවරක් ගෙන තිබේද?

ඒක පෞද්ගලික අයැදුම්පතක්. ඒ ගැන විමසන්න මාධ්‍යයට අයිතියක් නැහැ.

• අන්තරායකාරී ඔෟෂධ පාලන මණ්ඩලයේ සභාපතිවරයාට කුඩු ජාවාරම්කරුවන්ගෙන් සහ එයට සම්බන්ධ දේශපාළුවන්ගෙන් ජීවිත තර්ජන එල්ල වී තිබෙනවා. ඒ ගැන විමසූවිට එය තරහා ගන්න දෙයක් නෙවෙයි. රටට ජාතියට සේවය කරන රජයේ නිලධාරියකු රැකගැනීම ආරක්ෂා කිරීම මාධ්‍යයේ වගකීමක්. මාධ්‍යයට ඒ ගැන අහන්න අයිතියක් නැහැ කියලා ඔබ දුන් පිළිතුර මා තරයේ ප්‍රතික්ෂේප කරනවා.

මට තරහා ගන්න දෙයක් නැහැ. අපගෙන් ගිනි අවි ඉල්ලා විවිධ තරාතිරම්වල පුද්ගලයන්ගෙන් අයැදුම්පත් ලැබෙනවා. විවිධ අයගෙන් මහෙස්ත්‍රාත්වරුන්ගෙන්, දේශපාලනඥයන්ගෙන් අපි ඒ සඳහා නිර්දේශ කරන කොට සියුම් ප්‍රතිපත්තියක් අනුගමනය කරනවා. ඉල්ලන අන්දමට ගිනිඅවි සමාජගත කරන්න අපි සූදානම් නැහැ. ඔය පුද්ගලයා පසුගියදා මට දිසාපති සමුළුවකදී හමුවුණා. එතැනදිවත් කිසිදෙයක් කීවේ නැහැ. ඉල්ලුම්පත එවා තිබුණෙත් නිලධාරියකු අතෙයි. අනුන් අත එවන අයැදුම්පත්වලට අස්සන් කරන්න මම සූදානම් නැහැ.

• රටට විපත්තිකර කුඩු, එතනෝල් ජාවාරම ගැන හෙළිදරව් කළ රජයේ නිලධාරියකුට එල්ලවන ජීවිත අවදානම ගැන කතා කරන්න ඒ ගැන සොයන්න මාධ්‍යයට අයිතියක් තියෙනවා.
ඇත්තටම අයිතියක් නැහැ. ඒ නිලධාරියා මා සමඟ කතා නොකර ඔයා ඒ ගැන කතා කරන්නේ ඇයි. එයාගෙ නෝනා ඉන්නවා එයාගෙ දරුවෝ ඉන්නවා. මාධ්‍යවේදීන්ට තොරතුරු දෙන්න ඕනෑ. නමුත් මේක පෞද්ගලික අයැදුම්පතක්. ඒ නිලධාරියා තවමත් මා සමඟ දුරකතනයෙන් කතාකර නැහැ. එහෙම තොරතුරු දෙනවා නම් බුද්ධි අංශවලින් තොරතුරු දෙනවා.

මෙම නිලධාරීන් විසින් කළ යුතුව තිබුණේ තම සහෝදර නිලධාරියාට ආරක්ෂාව සැපයීමයි. ඒ වෙනුවට මෙහි දක්නට ලැබෙන්නේ වෘත්තීය ඊර්ෂ්‍යාව, කුහකකම හා ඉහවහා ගිය නිලධාරිවාදයයි. 

මේ නිලධාරීන් වනාහි පසුගිය කාලයේ දේශපාලනයෙන් රාජ්‍ය සේවයට ආ ගෝඨාභය රාජපක්ෂලාගේ සිට පළාත් පාලන මන්ත්‍රී දක්වා හෙංචයියන් ඉදිරියේ වලිගය දෙපරැන්දේ ගසාගෙන දත් මදින්නට හා කන්නට පමණක් කට ඇරිය පිරිසක් බව නො දන්නේ කවුරු ද? 

දැන් බුරන්නට විලිස්සන්නේ ඒ කාලේ හක්කේ හංගාගෙන හිටි දත් ය. 

නිලධාරිවාදයට හිස ඔසවන්නට දුන්නොත් දේශපාලකයන් නැවතත් බලවත් වනවා ඇත.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-26

දයා රාජපක්ෂගේ ජීවිත පින්සල නිසල වෙයි

ඉරිදා ලංකාදීපයේ කියවීමට ඇති වැදගත් දේ අතළොස්ස අතරින් මගේ අවධානය අනිවාර්යයෙන් ම දිනා ගන්නා දෙයක් වන්නේ දයා රාජපක්ෂගේ චිත්‍ර කතාවයි. 

දයා රාජපක්ෂ යනු අති දක්ෂ චිත්‍ර ශිල්පියෙකි. චිත්‍ර කතා ශිල්පීන් වැඩි වැඩියෙන් ස්වාභාවික ස්වරූපී චිත්‍ර ඇඳීමට යොමු වෙද්දී දයා රාජපක්ෂ සිය චිත්‍ර ශෛලිය අඛණ්ඩව පවත්වාගෙන ගියේ ය. එම චිත්‍රවල තිබුණේ මතුපිට ලස්සනක් නො වේ. ගැඹුරු සුන්දරත්වයකි. වේගවත් රේඛා හා අවිධිමත් හැඩතල ඔස්සේ ඔහු ප්‍රබල ප්‍රකාශනයක යෙදුණේ ය. 

මා දන්නා තරමින් එක් නවකතාවක්වත් ලියා නැතිමුත් දයා රාජපක්ෂ යනු ලංකාවේ අති විශිෂ්ට කතාකරුවෙකි. ඔහුගේ කතා තරමක් භාවාතිශ ය. ඒවායේ සිටි ඇතැම් වීරයෝ හා දුෂ්ටයෝ පැතලි චරිත වූ හ. එහෙත්, ඒ චරිත ගොඩනැගීම් අතිශය විචිත්‍ර ය. සක්විති සුවයේ බකට් හැරී, පියහසරේ එලියස් වැනි අය අමරණීය චරිත ය. 

ඔහුගේ කතා බොහෝ විට නරක පරදවා හොඳ දිනන, අවසානයේදී කාට, කාටත් සත්‍යාවබෝධය ලැබෙන, වීර චරිතවලින් යුත් කතා ය. 

ඔහුගේ පරිකල්පිත ලෝකය අපූරු එකක් විය. හුලවාලි, රක්තා, ආදරණීය කොමා වැනි කතා මට මතක ඇති එවැනි කතා කීපයක් පමණි. ඒ ඔස්සේ ඔහු අමුතු ම ලෝක නිර්මානය කළේ ය.  

කාන්තාව දෙස ඔහු බැලූ දෘෂ්ටිය ප්‍රගතිශීලී එකකි. ලංකාදීපයේ මෑත දශකයක කාලයක් තුළ පළ වූ, නම් මතක නැති ඔහුගේ චිත්‍රකතාවල දරුවන්, සැමියන් වෙනුවෙන් දුක් විඳින, බැල මෙහෙ කරන, සිරුර විකුණන, පීඩිත කාන්තාවන් රැසක් ඔහුගේ විෂය පථයට හසු වූ හ. 

මේ දිනවල ඔහු ඉරිදා ලංකාදීපයට අඳිමින් සිටින කතාවට විෂය වන්නේ වැඩිහිටි ජීවිතයේ හුදකලාව හා අසරණකමයි. එවන් අසරණකමක් දැනෙන්නට පෙර, වැඩ කරමින් සිටියදී ම ඔහු අවසන් ගමන් ගියේ ය. 

ඒ කතාවට කලින් අඳින ලද චිත්‍රකතාවේ සිටි මහළු චිත්‍රපට තිර කතා රචකයා තුළින් ද ඔහු වැඩිහිටි කලාකරුවන්ගේ ජීවිතය ගැන කතා කළේ ය. 

ඔහුගේ චිත්‍රකතා රැසක් චිත්‍රපට බවට පත් විය. එසේ වන්නට ඇත්තේ ඔහු ගොඩනැගූ රූප භාෂාවේ ප්‍රබලකම නිසා වන්නට ඇත.  

පුවත්පත් චිත්‍ර කතා කලාවේ සීමා හේතුවෙන් ඔහුගේ නිර්මාණශීලිත්වය මොට වූ බව මගේ අදහසයි. චිත්‍ර කතා පත්තරවලට අඳිනවා මිසක් ඇස්ටෙරික්ස් හෝ ටිංටිං සේ පොත් වශයෙන් පළ කරන ක්‍රමයක් ලංකාවේ නැති වීම එයට හේතුවක් විය. මේ සීමා හේතුවෙන් චිත්‍රකතා කලාව උසස් කලාවක් ලෙස ගොඩනැගුණේ නැත. 

එහෙත්, විවිධ සමාජ ස්ථර ස්පර්ශ කරමින් චිත්‍ර කතා නිර්මානය කළ ඔහු සැබෑ ජනතා කලාකරුවෙකි. 

මේ අසම්පූර්ණ සටහනට දයා රාජපක්ෂ පිළිබඳ ඔබගේ මතකයන් එක් කරමින් පෝෂණය කර ඒ අසහාය කලාකරුවාට අපේ ආචාරය පුදමු!

දයා රාජපක්ෂ සමග කළ සම්මුඛ සාකච්ඡාවක් මෙතැනින් කියවන්න. 

ඔහුගේ චිත්‍රකතාවක් මෙතැනින් කියවිය හැකි ය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-24

මැතිවරණ කොමසාරිස්ටත් දරාගත නො හැකි සීතල මැද පොලිෂ් වන මැතිවරණ බෝතලය

මහ මැතිවරණයට නාමයෝජනා භාරගෙන දෙසතියකට ආසන්න මුත් ලොකු දේශපාලන උද්‍යෝගයක් දක්නට නො ලැබේ. එයට එක් හේතුවක් වී තිබෙන්නේ අපේක්ෂකයන්ට ඡන්ද නීති කඩ කිරීමට පොලිසියෙන් අවසර නො ලැබීමයි. ඡන්ද ලකුණු ප්‍රදර්ශනය කරමින් පෝස්ටර් ගැසීම ද අඩු වී තිබේ. සරසා ගත් රථවාහනවල  නැගී වියරුවෙන් මෙන් සැරිසැරීම දක්නට ලැබෙන්නේ ඉතා අඩුවෙනි. එසේම, ඡන්ද දන්සැල්, පිං බාර්, බඩු බෙදීම් ආදිය ද අවම ය.

මැතිවරණ ව්‍යාපාරය ජනමාධ්‍යවලට, ඡන්ද රැස්වීම්වලට සීමා වී තිබේ. ඡන්ද රැස්වීම්වලට බස්වලින් සෙනග ඇදීම ද අඩු ය. තත්වය මැතිවරණ කොමසාරිස්ට පවා දරා ගන්නට බැරි වී ඇති බව පෙනේ. මැතිවරණ කොට්ඨාස මට්ටමෙන් කාර්යාල පිහිටුවා ගැනීමට අපේක්ෂකයන්ට අවසර දී තිබෙන්නේ ඒ නිසා විය යුතු ය. දැන් ඉතින් රට පුරා අලුත් මැතිවරණ කාර්යාල දහ දොළොස්දාහක් පිහිටුවෙනවා ඇත. ඉදිරියට තිබෙන සති තුනෙහිදී මීට වඩා උද්‍යෝගයක් ඇති වන්නට ඉඩ තිබේ.

සුවිශේෂ ම කාරණය වන්නේ ඡන්ද කලබල අවම වීමයි. ඍජුව ම මැතිවරණයට සම්බන්ධ මිනීමැරුම් කිසිවක් වාර්තා වී නැත. කලකෝලාහල ද අවම ය. ලොකු ම සිද්ධියක් ලෙස මතු කෙරුණේ එක්සත් ජනතා නිදහස් සන්ධානයේ මාතර දිස්ත්‍රික් කණ්ඩායම් නායක ඩලස් අලහප්පෙරුමට ප්‍රාදේශීය සභා සභාපතිවරයෙක් තර්ජනය කිරීම ය. මරණ තර්ජන කළ බවට චෝදනා එල්ල වූ වැලිගම ප්‍රාදේශීය සභාවේ හිටපු සභාපතිවරයා, මාතර මහෙස්ත්‍රාත් අධිකරණය විසින් ඇප මත මුදාහරින ලදී.පසුගිය 13දා නාමයෝජනා භාරදීමට පැමිණි අලහප්පෙරුමට මාතර දිස්ත්‍රික් ලේකම් කාර්යාලයේදී හිටපු සභාපතිවරයා මරණ තර්ජනය කළ බවට පොලිසියට පැමිණිල්ලක් ඉදිරිපත් කර තිබිණි.හිටපු සභාපතිවරයා නීතිඥයෙකු මාර්ගයෙන් මාතර මහෙස්ත්‍රාත් අධිකරණයට ඉදිරිපත් වීමෙන් අනතුරුව, රුපියල් ලක්ෂ දෙකක ශරීර ඇප මත මුදාහරින ලෙස ප්‍රධාන මහෙස්ත්‍රාත් යුරේෂා ද සිල්වා මෙනෙවිය නියෝග කළා ය.සාපරාධී බියගැන්වීම, බලහත්කාරකම් සහ මරණීය තර්ජන කිරීම චෝදනා යටතේ හිටපු සභාපතිවරයාට නඩු පවරා තිබේ. කේස් එක ක්ලෝස් ය.

ලොව සංවර්ධිත රටක මට්ටමට මේ රටේ මැතිවරණ ක්‍රියාවලිය දියුණු වන්නට ගත වුණේ කොතරම් කෙටි කාලයක් ද? ඒ සඳහා අවශ්‍ය වී තිබුණේ මහින්ද රාජපක්ෂ ඔහුගේ ක්‍රමයත් සමග ම බලයෙන් පහ කර දැමීම පමණි. මහින්ද ක්‍රමය අහෝසි කිරීමෙන් සමාජයට කෙතරම් සාමයක්, සුවපහසුවක් ලැබෙනවා ද යන්නට මෙවර මහ මැතිවරණය ම නිදසුනකි.

මහින්ද ක්‍රමයට එරෙහිව ජනතාව විසින් සලකුණු කරන ලද විරෝධය කෙතරම් ප්‍රබල ද යත්, මහින්ද යළි බලයට පැමිණියත් නැවත පැරණි මහින්ද ක්‍රමය ස්ථාපිත කිරීම පහසු වන්නේ නැත.

මහ මැතිවරණයේදී එක්සත් ජනතා නිදහස් සන්ධානය එක්සත් ජාතික පක්ෂයට හොඳ තරගයක් දෙන්නට උත්සාහ කරමින් සිටියි.  එසේ කිරීමට අසමත් වීමේ වාසිය ජනතා විමුක්ති පෙරමුණට අත් වේ. මේ වන විටත් සමාජයේ සැලකිය යුතු කොටසක් ජවිපෙ පාර්ලිමේන්තු බලය ශක්තිමත් කළ යුතු බව සාකච්ඡා කරමින් සිටිති. ජවිපෙ මන්ත්‍රීවරු කීපදෙනෙක් ඇත්තෙන් ම වෘත්තික මට්ටමෙන් පසුගිය පාර්ලිමේන්තුවේදී කටයුතු කළ හ. සමාජය සමග බද්ධ වීමේදී ඔවුහු කෙතරම් අඩුපාඩු පෙන්නුම් කළත්, පාර්ලිමේන්තුවේදී හා ජනමාධ්‍යවලදී ඔවුහු අති දක්ෂ දේශපාලකයෝ වූ හ. පාර්ලිමේන්තුවට පිටින් පළාත් සභා නියෝජනය කරන තවත් එවැනි දක්ෂයන් පිරිසක් ජවිපෙ සතුව සිටිති. ඔවුන්ට පාර්ලිමේන්තු නියෝජනයක් ලැබිය යුතු ය.

ලාල් කාන්ත කොළඹට පැමිණ සුනිල් හඳුන්නෙත්ති මාතරට තල්ලු කර දැමීම හේතුවෙන් හඳුන්නෙත්ති තේරී පත් වීම සම්බන්ධයෙන් තරමක් අපහසු තත්වයකට පත් වී සිටියි. සමන්ත විද්‍යාරත්න, වසන්ත සමරසිංහ, මහින්ද ජයසිංහ වැනි අය පාර්ලිමේන්තුවට පත් කර ගැනීම ඇත්තෙන් ම ප්‍රයෝජනවත් විය හැකි ය. එහෙත්, ජවිපෙ බඩු ෂුවර් ය කියා අන්ධ විශ්වාසයක් ඇති කර ගත යුතු නැත. 2004 පාර්ලිමේන්තුවට පත් වූ ජවිපෙ මන්ත්‍රීන් 39න් තුනෙන් දෙකක් ම දැන් ජවිපෙ සමග නැති බව ද අපි අමතක නො කළ යුතු ය.

මෙවර මහ මැතිවරණයට පෙරටුගාමී සමාජවාදී පක්ෂය ද තරග කරයි. එම පක්ෂය ද මැතිවරණ දේශපාලනයේදී බොහෝ දුරට නව සමසමාජ පක්ෂය, එක්සත් සමාජවාදී පක්ෂය වැනි පක්ෂවල මට්ටමට පත් වී තිබේ. මෙවැනි කුඩා වාමාංශික පක්ෂවලට ජාතික ලැයිස්තුවෙන් හෝ නියෝජනයක් ලබා දෙන මට්ටමට සමාජය දියුණු කරන්නට එම පක්ෂ වැඩ කළ යුතු ය. නැතිනම්, උපායශීලී විය යුතු ය. ලංකාවේ වාමාංශික පක්ෂවල උපාය උපක්‍රම ගැන කතා කරන විට සිහිපත් වන්නේ කොටියා පිටේ ගිය තරුණියගේ කතාව ය. ආපසු එන විට තරුණිය සිටියේ කොටියාගේ බඩේ ය.

මැතිවරණ උණුසුම අඩු වීමට තවත් හේතුවක් වන්නේ සටන් පාඨ හිඟකම ය. එක්සත් ජාතික පක්ෂය හා ජනාධිපති මෛත්‍රීපාල සිරිසේන විසින් සලකුණු කරන ලද වෙනස හා යහපාලනයට එරෙහිව එක්සත් ජනතා නිදහස් සන්ධානයට ලෙලවන්නට සටන් පාඨ නැති වී තිබේ. එක්සත් ජනතා නිදහස් සන්ධානයේ මැතිවරණ තේමාව වන "රටට පණ දෙමු අලුතෙන්ම පටන් ගමු" යන්න ම ජනවාරි 08 දින සිදු වූ වෙනස පරාවර්තනය කරන්නකි. මහින්ද රාජපක්ෂ විසින් අනුගමනය කරන ලද ක්‍රමය අදට වලංගු නැති බවට සංඥාර්ථයක් එහි තිබේ.

එක්සත් ජාතික පක්ෂයට එරෙහිව මතු කරනු ලබන ප්‍රධාන චෝදනාව වන්නේ ශ්‍රී ලංකා මහ බැංකුවේ භාණ්ඩාගාර බැඳුම්කර නිකුතුව පිළිබඳ චෝදනාවයි. මෙම කරුණ මැතිවරණයේදී පුළුල්ව සංවාදයට භාජනය වීම ඇත්තෙන් ම සාධනීය තත්වයකි. එයට හේතුව වන්නේ මෙතෙක් මහජනතාවගෙන් වසන් කර තිබුණු අඳුරු කලාපයක් මේ සමග ම ජනතාවට නිරාවරණය වීමයි.

මෙතෙක් කල් ජේම්ස් බොන්ඩ් ගැන පමණක් දැන සිටි සාමාන්‍ය ජනතාවත් දැන් ට්‍රෙෂරි බොන්ඩ් ගැන කතා කරති. 2015 පෙබරවාරි 27 දින සිදු කරන ලද වසර 30කින් කල් පිරෙන භාණ්ඩාගාර බැඳුම්කර නිකුතුවේදී සිදු වූ ගැටලුව පිළිබඳ දැන් හිටපු මහ බැංකු අධිපති අජිත් නිවාඩ් කබ්රාල් පවා කතා කරයි. එහිදී මුලින් අපේක්ෂා කරන ලද රුපියල් බිලියනයක ණය ලබා ගැනීම වෙනුවට කල් තබා නො දන්වා එමෙන් දහ ගුණයක් හෙවත් රු. බිලියන 10ක් ණය ලබා ගන්නා ලදී. එහිදී පොළී අනුපාතිකය ඉහළ ගිය බව ද, එයින් මහ බැංකුවේ අධිපති අර්ජුන මහේන්ද්‍රන්ගේ බෑණා වන අර්ජුන ඇලෝසියස්ට කොටස් හිමි පර්පෙචුවල් ට්‍රෙෂරීස් නම් සමාගමට අයුතු ලාභයක් හා රජයට දැවැන්ත පාඩුවක් සිදු වූ බවට චෝදනාවක් තිබේ. මෙම තිස් අවුරුදු බැඳුම්කර වෙනුවෙන් වසරකට 11.73%ක් වන ඉහළ පොළියක් ගෙවන්නට රජයට සිදු වී තිබේ. මෙය කෙතරම් ඉහළ අගයක් ද යත්, රජයට අවසානයේදී ගත් ණය මෙන් තුන්ගුණයක් පමණ පොළිය පමණක් ගෙවන්නට සිදු වේ.

මෙම චෝදනාව හඬ නඟා කරන අජිත් නිවාඩ් කබ්රාල්ගේ කාලයේ මෙවැනි භාණ්ඩාගාර බැඳුම්කර නිකුත් කිරීම් පහක් සිදු කර තිබේ. ඒ හැමෙකකදී ම ගෙවා තිබෙන පොළිය 11.73%කට වැඩි ය. අවස්ථා තුනකදී 12.50%ක පොළී ගෙවා තිබේ. මෙම බැඳුම්කර නිකුතු පහේදී රු. බිලියන 18.5ක් ණයට ගෙන තිබේ.

මහ බැංකුව යනු ඇත්තට ම ජනතාවගෙන් වසන් කර තිබෙන චෞර බලකොටුවකි. එහි අභ්‍යන්තර තොරතුරු පර්පෙචුවල් ට්‍රෙෂරීස් වැනි සමාගම්වලට ලබා දෙන්නන් සිටිය යුතු ය. ඔවුන් කවුරු වුණත්, තරාතිරම නො බලා ඔවුන්ට එරෙහිව නීතිය ක්‍රියාත්මක කරන්නට පුරවැසියන් රජයට බල කළ යුතු ය. එසේම, මහේක්ෂ ආර්ථිකයේ යහ කළමනාකරණය ගැන ජනතා නියෝජිතයන්ට වැඩි වගකීමක් පැවරිය යුතු ය. සරළව කියනවා නම් ආණ්ඩුවේ ණය ගැනීම් ගැන පාර්ලිමේන්තුවේ මීට වඩා සාකච්ඡාවට භාජනය විය යුතු ය. ලංකාව තවත් ග්‍රීසියක් බවට පත් කරන්නට ඉඩ නො දිය යුතු ය.

භාණ්ඩාගාර බැඳුම්කර නිකුතුව හැරුණු විට ආණ්ඩුවට පහර දීම සඳහා යොදා ගැනෙන අනෙකුත් ප්‍රධාන මෙවලම් වන්නේ ජාතිවාදයයි. මහින්දගේ සමාජ මාධ්‍ය බලකාය සිය කාර්යභාරය කරගෙන තිබෙන්නේ ජාතිවාදය පැතිරවීමයි. අනුකම්පාව දිනා ගැනීම සඳහා එක්සත් ජාතීන්ගේ මානව හිමිකම් කොමිෂම විසින් සැප්තැම්බරයේදී නිකුත් කරන්නට නියමිත වාර්තාව ලෙස පෙනෙන ව්‍යාජ වාර්තාවක් නිකුත් කිරීමේ සූදානමක් ඇති බව දිනමිණ පුවත්පත විසින් පසුගිය සතියේ හෙළිදරව් කරන ලදී.

මේ අතර, එක්සත් ජනතා නිදහස් සන්ධානයේ මහින්ද පාර්ශ්වය, මෛත්‍රීපාල පාර්ශ්වය පරාජය කිරීම අරමුණු කරගෙන දියත් කර තිබෙන අභ්‍යන්තර ප්‍රහාරය ද සන්ධානයේ අවාසියට හේතු වී තිබේ.

මේ සියලු අරගල මැද ජනතාවගේ පාර්ශ්වයෙන් යම් ප්‍රබුද්ධකරණයකට ඉඩකඩ විවර වී තිබේ. සොරුන්, මංකොල්ලකාරයන්, ස්ත්‍රී දූෂකයන්, මත්ද්‍රව්‍ය ජාවාරම්කරුවන් වෙනුවට මහජන සේවාවට කැප වූ දේශපාලන වෘත්තිකයන් තෝරා පත් කර ගැනීම ගැන ජනතාව අතර ඇති වී තිබෙන කතිකාව අතිශය සාධනීය තත්වයකි. මේ අවස්ථාව උපරිම අන්දමින් ප්‍රයෝජනයට ගත යුතු ය. පුරවැසි බලවේග හා සිවිල් සමාජ නායකයන් පෙරමුණ ගත යුතු ය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-23

සමාජ විද්‍යාඥයන්ගේ සංගමයේ සමීක්ෂණය ඔස්සේ මැතිවරණ ප්‍රතිඵලය අනුමාන කිරීම

ඉදිරි මහ මැතිවරණයේදී මහජන මතය ක්‍රියාත්මක වන්නේ කෙසේ ද යන්න අධ්‍යයනය කිරීමට හොඳ සමීක්ෂණ වාර්තාවක් නිකුත් වී තිබේ. සමීක්ෂණය කර තිබෙන්නේ සමාජ විද්‍යාඥයන්ගේ සංගමය විසිනි. දේශපාලන පක්ෂ හා අපේක්ෂකයන්ට තම ප්‍රචාරණ ව්‍යාපාර හා මැතිවරණ ප්‍රතිපත්ති ප්‍රකාශන සම්පාදනය කිරීමේදී ද එය ඉවහල් කර ගන්නට හැකියාව තිබේ.

මෙම ජනමත සමීක්ෂණය සඳහා දිවයින පුරා දිස්ත්‍රික්ක 22හි ම ගෘහ ඒකක 1500ක් ආශ්‍රය කරගෙන තිබේ. පුහුණු සමීක්ෂකයන් 80දෙනෙකු යොදාගෙන, ප්‍රශ්න 35ක ප්‍රශ්නාවලියක් ඔස්සේ ජුනි මස මුල් සතියේ කරන ලද එම ජනමත සමීක්ෂණයේ වැදගත් නිරීක්ෂණ මෙසේ පෙළගස්වා තිබේ.

මීට වසරකට පෙර පවුලේ පැවති ආර්ථික තත්වය හා දැන් ආර්ථික තත්වය සන්සන්දය කිරීමේදී වර්ධනයක් සිදු වී තිබෙන බව 37.5%ක් දෙනා පිළි ගන්නා අතර 38%ක් දෙනා පවසන්නේ වෙනසක් සිදු වී නැති බවයි. වර්ධනයක් සිදු වී ඇති බව පවසන අය අතර සුළුතර ජාතීන්ට අයත් අය වැඩි ය. තත්වය නරක අතට හැරී ඇති බව පවසන්නේ 23%ක් පමණි. සිංහලයන්ගෙන් වැඩි ප්‍රතිශතයක් (42%) ඉන්නේ තත්වයේ වෙනසක් සිදු වී නැත යන ස්ථාවරයේ ය. සිංහලයන් අතර තත්වය වර්ධනය වී ඇති බව හා පිරිහී ඇති බව කියන දෙපිරිස ම 27%ක පමණ මට්ටමේ සිටිති.

පසුගිය වසරට සාපේක්ෂව මේ වසරේදී දේශපාලන වටපිටාව තුළ වැඩි නිදහසක් දැනෙන බව සහභාගිකයන්ගෙන් අඩක් පමණ ම පිළිගනිති. 37%ක් පවසන්නේ වෙනසක් සිදු වී නැති බවයි. නිදහස අඩු වී තිබෙන බව කියන්නේ 9.3%ක් පමණි. මෙහිදී ද සුළුතර ප්‍රජාවෝ වැඩි නිදහසක් ලැබී ඇති බව පවසන අතර බහුතර සිංහලයන් වැඩිපුර පවසන්නේ වෙනසක් සිදු වී නැති බවයි.

සාමාන්‍යයෙන් ගත් කල 56.8%ක් ජනයා මෛත්‍රීපාල සිරිසේන ජනාධිපතිවරයාගේ හා රනිල් වික්‍රමසිංහ අගමැතිවරයාගේ ආණ්ඩුව ගැන තෘප්තිමත් ය. අතෘප්තිමත් බව පවසන්නේ 33.6%ක් පමණි. ජාතික පදනමින් ගත් කල, සුළුතර ප්‍රජාවන් අතර තෘප්තිමත්භාවය ඉහළ තත්වයක පවතී. සිංහල ජනතාව අතර 35.5%ක් තෘප්තිමත් ය. 34.3%ක් තරමක් අතෘප්තිමත් ය. දැඩි ලෙස අතෘප්තිමත් බව ප්‍රකාශ කරන්නේ සිංහලයන්ගෙන් 12.9%කි. 

පසුගිය වසරට සාපේක්ෂව රටේ යටිතල පහසුකම් සංවර්ධනය වැඩි වී තිබේ ද, බිඳ වැටී තිබේ ද යන ප්‍රශ්නයට ලැබුණු ප්‍රතිචාරය මෙසේ ය: 20.2%කු් වර්ධනය වී ඇති බව පවසති. 28%ක් පවසන්නේ තත්වයේ වෙනසක් සිදු වී නැති බවයි. 43.6%ක් ම යටිතල පහසුකම් සංවර්ධනයේ තත්වය පිරිහී ඇති බව පවසති. සිංහලයන් අතරින් 55%ක් ම යටිතල පහසුකම් පිරිහී ඇති බව පවසති. වර්ධනය වී ඇති බව පවසන්නේ 9.3%ක් පමණි. සිංහලයන්ගෙන් 27.5%ක් පවසන්නේ තත්වයේ වෙනසක් නැති බවයි.  

මෛත්‍රීපාල සිරිසේන රජයේ වැදගත් ම ජයග්‍රහණය ලෙස සැලකෙන 19වන ආණ්ඩුක්‍රම ව්‍යවස්ථා සංශෝධනය සම්මත කර ගැනීම පිළිබඳව දැනුමක් ජනතාවගෙන් 71%කට ම නැත. සිංහලයන් අතර මෙම නො දැනුවත්කම වැඩි ය. එය 79%කි. දෙමළ ජනයා අතරින් 28%කට ඒ පිළිබඳ දැනුවත්භාවයක් තිබේ.

19වන ආණ්ඩුක්‍රම ව්‍යවස්ථා සංශෝධනය පිළිබඳ දැනුවත් පිරිස් අතර 75%ක් ජනයා 19වන ආණ්ඩුක්‍රම ව්‍යවස්ථා සංශෝධනයෙන් අනාගතයේදී රටට සෙතක් වනු ඇතැයි විශ්වාස කරති. එම අදහස සෑම ජන කොට්ඨාසයක් අතර ම එක සේ දක්නට ලැබේ. 19වන ආණ්ඩුක්‍රම ව්‍යවස්ථාව හානිකර එකකැයි විශ්වාස කරන 9.1%ක් සිටිති. ඒ අතරින් බහුතරය සිංහල ජාතිකයෝ ය.

පසුගිය වසරට සාපේක්ෂව මාධ්‍ය නිදහස ඉහළ තත්වයක තිබෙන බව 60%ක් ජනයා පිළිගනිති. මෙම පිළිගැනීම සිංහල ජනයා අතර 50%ක් වන අතර සුළුතර ජාතීන් අතර 69%ට වැඩි ය.

ප්‍රතිචාර දැක්වූවන්ගෙන් 43.6%ක් දෙනා පසුගිය වසරට සාපේක්ෂව ජීවන වියදම අඩු වී තිබෙන බව පවසති. 25%ක් පවසන්නේ වෙනසක් සිදු වී නැති බවයි. ජීවන වියදම ඉහළ ගොස් ඇති බව පවසන ප්‍රතිශතය 29%කි. මෙහිදී ද සිංහල ජනයා අතර ජීවන වියදම අඩු වී තිබෙන බව පිළිගන්නේ 35%ක් පමණි. සිංහලයන්ගෙන් 37.6%ක් පවසන්නේ ජීවන වියදම ඉහළ ගොස් ඇති බවයි. 

නීතියේ ආධිපත්‍යය සුබවාදී වෙනසකට ලක් වී තිබෙන බව 50%ක් ජනයා පිළිගනිති. 25%ක් පවසන්නේ වෙනසක් නැති බවයි. නීතියේ ආධිපත්‍යය වර්ධනය වී ඇති බව පිළිගන්නේ සිංහල නියැදියෙන් 41.5%ක් පමණි. සුළුතර ප්‍රජාවන් අතර මෙම පිළිගැනීම 50%ට වැඩි ය. එහෙත්, සිංහලයන් අතර පවා නීතියේ ආධිපත්‍යය පිරිහී ඇති බව පවසන ප්‍රතිශතය 13.3%ක් පමණි.

ශ්‍රී ලංකාවේ විදේශ සම්බන්ධතා වර්ධනය වී ඇති බව ප්‍රතිචාර දැක්වූවන්ගෙන් 40%ක් දෙනා පවසති. පිරිහී ඇති බව පවසන්නේ 11.2%ක් පමණි. එහෙත්, 33%ක් ම ඒ ගැන කිසිත් දන්නේ නැත.

සමස්තයක් ලෙස රටේ ජනගහණයෙන් 49%ක් පමණ තමන් අයත් ජනවර්ගයේ අවශ්‍යතාවන් ඉටු වී තිබෙන බව පිළිගනිති. 27%ක් පවසන්නේ තත්වයේ වෙනසක් සිදු වී නැති බවයි. පසුගිය වසරට සාපේක්ෂව තම ජනවර්ගයේ අවශ්‍යතාවන්ගේ තත්වය පිරිහී තිබෙන බව පවසා තිබෙන්නේ 15.4%ක් පමණි. තමන්ගේ තත්වය පිරිහී ඇති බව සිතන්නේ සිංහලයන්ගෙන් 21%ක් පමණි. තමන් අයත් වන ආගම් සම්බන්ධයෙන් ද දක්වා තිබෙන්නේ මේ හා ආසන්න ප්‍රතිචාරයකි.

සුළුතර ප්‍රජාවන්ගේ හිමිකම් තහවුරු කිරීමට රජය වැඩිපුර මැදිහත් විය යුතු බව 84%ක් දෙනා පවසති. සිංහල ජනතාවගෙන් ද 79%ක් ඒ බව පිළිගනිති. 

මෛත්‍රීපාල සිරිසේන ජනාධිපතිවරයාගේ ආණ්ඩුව යටතේ වාර්ගික ප්‍රජාවන් අතර සම්බන්ධතා වර්ධනය වනු ඇති බව 68%ක් දෙනා විශ්වාස කරති. තත්වය වෙනස් නො වනු ඇතැයි පවසන්නේ 15%ක් පමණි. 

එසේම, යුද්ධයෙන් පීඩාවට පත් උතුරු නැගෙනහිර පළාත්වල ජනතාවගේ ජීවනෝපාය සුරක්ෂිත කිරීම සඳහා ආණුඩුව වැඩිදුරටත් කටයුතු කළ යුතු බව 90%ක් ම ජනයා ප්‍රකාශ කරති. සිංහල ජනයා අතර ද මෙම පිළිගැනීම ඉතා ඉහළ ය. 

‘යුද්ධයෙන් පසු සිංහල ජනතාවගේ අවශ්‍යතාවන් නො තකා හැර තිබේ' යන ප්‍රකාශයට එකඟ වී තිබෙන්නේ 16%ක් පමණි. සමස්තයක් ලෙස 68%ක් ම එය ප්‍රතික්ෂේප කර තිබේ. විශේෂයෙන් සිංහලයන් අතරින් 71%ක් ම තම අවශ්‍යතාවන් නොතකා හැර ඇති බව පිළි ගන්නේ නැත. 

සමීක්ෂණයට සහභාගි වූ නියැදියෙන් 41%ක් පවසන්නේ හමුදාවන්ගේ යහපැවැත්ම පසුගිය වසරට සාපේක්ෂව තහවුරු කර ඇති බවයි. 22%ක් දෙනා තත්වයේ වෙනසක් නැති බව පවසති. පිරිහී ඇති බව පවසන්නේ 14%ක් පමණි.

මහ මැතිවරණය ජනාධිපතිවරණයට වඩා වෙනස් ය. උතුරු, නැගෙනහිර පළාත්වල ඡන්ද බොහෝ දුරට ජනවාර්ගික පදනමින් දෙමළ හා මුස්ලිම් පක්ෂ අතර බෙදී යයි. රටේ සෙසු පළාත්වල සුළුතර ප්‍රජාවන්ගේ ඡන්ද වැඩි වශයෙන් ලබාගැනීමේ හැකියාව තිබෙන්නේ එක්සත් ජාතික පක්ෂයට බවට සැකයක් නැත. එය එක්සත් ජාතික පක්ෂයට ඉතා වාසිදායක තත්වයකි. එහෙත්, ජයග්‍රහණය කරන්නේ කුමන පක්ෂය ද යන්න තීරණය කිරීමේදී තවමත් සිංහල බහුතර ජනයාගේ ඡන්දය දීමේ රටාව ඉතා වැදගත් ය.

මෙම සමීක්ෂණය පදනම් කරගෙන අපට පැමිණිය හැකිව තිබෙන ඉතා පැහැදිලි නිගමනයක් වන්නේ සිංහල ජනයා අතර ජාතිවාදය සම්බන්ධයෙන් ඉහළ ප්‍රතිචාරයක් නැති බවයි. ඒ බව වාර්ගික අවශ්‍යතාවන්, බුද්ධාගම, හමුදා සෙබළුන්ගේ සුබසාධනය වැනි කාරණා සම්බන්ධයෙන් සිංහල ජනතාව දක්වා තිබෙන ප්‍රතිචාර ඇසුරින් පැහැදිලි වේ. මෙවර ද කොපමණ ජාතිවාදය ඇවිළුවත් සිංහල ජනයා වෙතින් ඡන්ද වර්ධනය කර ගත නො හැකි බව විශේෂයෙන් ම මහින්ද රාජපක්ෂ පාර්ශ්වය විසින් අවබෝධ කර ගත යුතුව තිබේ. 

ආණ්ඩුව කෙරෙහි තෘප්තිමත්භාවය ප්‍රකාශ කරන 35%ක් පමණ වන සිංහල ජනයා බොහෝ දුරට එක්සත් ජාතික පක්ෂයේ සිංහල ජනතාව අතර ඡන්ද පදනම ලෙස අනුමාන කරන්නට පුළුවන. එජනිස මෛත්‍රීපාල පාර්ශ්වය හිමිකම් කියනු ඇත්තේ එයින් සුළු ප්‍රතිශතයකට පමණි. දැඩි ලෙස අතෘප්තිමත්භාවය ප්‍රකාශ කරන 13% නියත වශයෙන් ම මහින්ද රාජපක්ෂ පාර්ශ්වයේ ස්ථාවර ඡන්ද පදනමයි. තරමක් අතෘප්තිමත්භාවය ප්‍රකාශ කරන 34% පාවෙන ඡන්ද ලෙස සැලකිය හැකි ය. අතෘප්තිමත් වූ පමණින් මෙම පිරිස ඍජුව ම මහින්ද රාජපක්ෂ පාර්ශ්වයට ඡන්දය දෙන පිරිසක් ලෙස නො සැලකිය යුතු ය. එම ඡන්ද බොහෝ දුරට එජාප, එජනිස, ජවිපෙ අතර බෙදී යනු ඇත. 

යටිතල පහසුකම් සංවර්ධනය පිළිබඳ විශේෂයෙන් ම සිංහල ජනයා අතර තිබෙන අදහස් එක්සත් ජනතා නිදහස් සන්ධානයට වාසිදායක බව පෙනේ. සිංහලයන්ගෙන් 55%ක් ම යටිතල පහසුකම් සංවර්ධනය බිඳ වැටී ඇති බව පවසති. පවුලේ ආර්ථිකය සම්බන්ධයෙන් සිංහලයන් වැඩි දෙනෙක් සිතන්නේ වෙනසක් සිදු වී නැති බවයි. එහෙත්, සෙසු කාරණා සියල්ලෙහිදීම පාහේ දක්නට ලැබෙන්නේ ආණ්ඩුවට සුබවාදී තත්වයකි. ආණ්ඩුවට තිබෙන සුබවාදී තත්වයෙන් වැඩි වාසි ලබන්නේ එක්සත් ජාතික පක්ෂයයි.  

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-22

සන්ධානෙටමනේ මෙහෙම වෙන්නෙ

ඔන්න අපි මොකවත් කියන්නෙ නැහැ. කිව්වාම කියන්නෙ අපි මඩ ගහනවා කියලනේ.

ඉස්සර එක්තරා වෙළඳ දැන්වීමක තිබුණා ‘මටමයි වෙන්නෙ' කියලා කෑල්ලක්.

මේ ඔක්කොම වෙන්නෙ සන්ධානෙටමනේ අප්පා!



මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

මහින්ද ගහන්න යන්නේ කාට ද?

මේ සමග ඇති වීඩියෝවේ මහින්ද රාජපක්ෂ පැමිණෙමින් සිටින්නේ අකුරැස්සේ පැවති රැස්වීමක වේදිකාවකට ගොඩවෙන්නටයි. 

ඔහු දකින විට හිස්ටීරියාවෙන් හෙවත් කෝලසන්නියෙන් මෙන් යටිගිරියෙන් බෙරිහන් දෙන ගැහැනු, පිිරිමි අතර සිටින කිසිවෙක් කිසිවක් අසා මහින්ද කුපිත කරයි. 

ඒ කුමක් ද?

ඉන් පසු මහින්ද එම පුද්ගලයාට පහර දෙන්නට පනියි. ඉන් පසු කිසිවෙක් ඔහු තල්ලු කරයි. නැතිනම් අදියි. 

මහින්ද කුපිත කළ පුද්ගලයාට ඉන් පසු සිදු වූයේ කුමක් ද? 

ඔහු බලයේ සිටියදී මෙවැන්නක් සිදු වී නම් එම පුද්ගලයාට කුමක් වන්නට ඉඩ තිබිණි ද?

කෙසේ වෙතත්, මහින්ද දැන් දැන් පවත්වන කතා හා මෙවැනි සිද්ධි ඔහු සන්සුන් මනසකින් යුක්ත නො වන පුද්ගලයකු බව පැහැදිලිව පෙන්වයි. 

අනුන්ගේ වැරදිවලට නිතර අවමන් කරන ඔහුට බඩ ඉරිඟු වෙනුවට බඩ ඉඟුරු යයි කියවුණේ ය. තමනුත් මෛත්‍රීපාලට ඡන්දය දුන් බව කීවේ ය. ඒ අව් අස්සේ මේක ය. 

කොහොම හිටිය මහින්ද ද? 

මහින්ද යනු බලය ගැන පාඩමකි. 



මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-21

අයි.එස් ද? ලංකාව ද?

මෙම පුද්ගලයා වීරයෙකු ලෙස සැලකීමට තරුණ පරපුරට ඉඩ නො දිය යුතු ය  
ලාංකික මුස්ලිම් ජාතිකයෙකු ඉස්ලාමීය රාජ්‍යය නම් ත්‍රස්ත සංවිධානය සමග එක්ව සිරියාවේ සටන් කරද්දී ගුවන් ප්‍රහාරයකින් මිය ගිය සිද්ධියක් වාර්තා වීමත් සමග ම රට තුළ මහත් ආන්දෝලනයක් සිදු වී තිබේ. 

මෙම පුද්ගලයා ගලේවෙල පැත්තේ ජාත්‍යන්තර පාසලක විදුහල්පතිවරයකු ලෙස ද සේවය කළ, කරාටේ ගුරුවරයකු ද වූ, මහනුවර වැරැල්ලගම පැත්තෙන් පැවත එන්නකු බව වාර්තා විය. ඔහු පිළිබඳ සියලු තතු තවම වාර්තා වී නැත. 

මෙම සිද්ධිය හුදකලා සිදුවීමක් වුවත්, එයින් ජාතික සමගියට දැඩි හානියක් සිදු වී තිබේ. 

මෙම පුද්ගලයා සිරියාවට ගොස් සටන් පුහුණුව ලැබීමෙන් බලාපොරොත්තු වුණේ කුමක් ද යන්න පොලිසිය විමර්ශනය කළ යුතු ය. එසේ ම, ඉස්ලාමීය රාජ්‍යය නම් මෙම ත්‍රස්ත සංවිධානයට සම්බන්ධ තවත් අය ලංකාවේ සිටිත් ද යන්න ද විමර්ශනය කළ යුතු ය. ලංකාවට ත්‍රස්තවාදය ව්‍යාප්ත කරන්නට උත්සාහයක් තිබේ නම් එය මුලිනුපුටා දැමිය යුතු ය. 

ලාංකික මුස්ලිම් ජනතාව යනු මේ රටේ සිංහල, දෙමළ වැසියන් සමග පරම්පරා බොහෝ ගණනක් තිස්සේ සහෝදරත්වයෙන් ජීවත් වූ ප්‍රජාවකි. ඒ සහෝදරත්වයේ යම් දුරස් වීමක් පසුගිය පාලන සමයේ සිදු වූ බව පැහැදිලි ය. දැන් එය පිළිසකර කර ගත හැකි ය. 

ජනවාරි 8 වෙනස යනු සිංහල, දෙමළ, මුස්ලිම් ජනයාගේ දායකත්වයෙන් සිදු වූ ජාතිවාදයට එරෙහි ප්‍රජාතාන්ත්‍රික විප්ලවයකි. අපි දැන් ජාතික සමගියට දොර විවර කරගෙන ඇත්තෙමු. 

සිංහල, දෙමළ, මුස්ලිම් වාර්ගික අනන්‍යතාවන් අතික්‍රමණය කර ලාංකික අනන්‍යතාවක් ගොඩනගා ගන්නට අප සැම අත්වැල් බැඳ ගත යුතු ය. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-20

පකිස්තානයට හුරේ දාන එවුනුත් පිස්සෝ ය. පිස්සන්ට ගහපු එවුනුත් පිස්සෝ ය.

ලංකාවේ අය විවිධ රටවල ගොස් ඒවායේ පුරවැසිභාවය, අරක, මේක අරගෙන ජීවත් වෙති. 

ඔවුන් යන්නේ ම ලංකාව හොඳ නැති ය කියා ය. ඇතැමෙක් ලංකාවේ කරදර ඇති බව කියා දේශපාලන රැකවරණ ලබා ගත් අයයි.

ක්‍රිකට් ගහන එංගලන්තයේ, ඕස්ට්‍රේලියාවේ, නවසීලන්තයේ සිටින ලාංකිකයෝ ශ්‍රී ලංකා කණ්ඩායම තරග වදින්නට ආ කල මැච් බලන්නට යති. ඔවුහු සහාය දක්වන්නේ ශ්‍රී ලංකා කණ්ඩායමට ය. ශ්‍රී ලංකා කණ්ඩායම මැච් දිනන විට ඔවුහු මහත් උජාරුවෙන් හැසිරෙති. 

එහෙත්, ඒ රටවල මිනිස්සු “මුං අපේ රටේ ඉඳගෙන පිටරටකට හුරේ දානවා," ය කියා වලියට ආ බවක් කිසි දිනෙක වාර්තා වී නැත. 

ඒ රටවල පුරවැසියන් අපට වඩා දියුණු මිනිසුන් බව එයින් ම නො පෙනේ ද?

අනෙක් පැත්තෙන් ලංකාවේ මුස්ලිමුන් හුරේ දාන රටත් නල්ල මලේ රටකි. ඉස්ලාම් අන්තවාදය හා ත්‍රස්තවාදය නිසා පකිස්තානයේ සාමයක් හෝ ස්ථාවරත්වයක් නැත. ලංකාවේ මුස්ලිම් මිනිහෙක් වුණත්, ලංකාව එපා වෙලා ගියොත් සංවර්ධිත බටහිර රටකට හෝ ඕස්ට්‍රේලියාව, නවසීලන්තය වැනි රටකට යනවා මිසක් පකිස්තානයට නම් යන්නේ නැත. යතොත් යන්නේ කුඩු බිස්නස් හෝ ඉස්ලාම් ත්‍රස්ත සංවිධානයක් සමග එක් වීම වැනි කුපාඩි වැඩකට පමණි. 

පකිස්තානයට හුරේ දාන එවුනුත් පිස්සෝ ය. පිස්සන්ට ගහපු එවුනුත් පිස්සෝ ය. 

ඒ ඔස්සේ මුස්ලිමුන්ට බය වන්නෝත් පිස්සෝ ය. 

මුස්ලිමුන් අපට ගහන්නට පෙර අපි ගැසිය යුතු යයි සිතන්නෝත් පිස්සෝ ය. 

මේ අස්සේ හම්බයන්ට කෙළින්නට නම් මහින්ද ම තමයි ඕනෑ යයි කියන්නෝ ද අමු ම අමු පිස්සෝ ය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

මහීපාල හේරත්ගේ නිල ආරක්ෂක රථයේ ගංජා අදින බව මහීපාල දන්නේ ම නැද්ද?

එක්සත් ජනතා නිදහස් සන්ධානයේ සබරගමු මහ ඇමති මහීපාල හේරත්ගේ නිල ආරක්ෂක රථයක ගංජා ප්‍රවාහනය කිරීම සම්බන්ධයෙන් නිල රථය හා රියදුරු ගංජා කිලෝ තුනක් සමග අත්අඩංගුවට ගැනීම ආරක්ෂක පැත්තෙන් මෙන් ම දේශපාලනිකව ද ඉතා වැදගත් ය. 

මහින්ද රාජපක්ෂ ආණ්ඩුව සමයේ ඇතැම් දේශපාලකයන්ගේ ක්ෂණික ධනවත් වීම පිටුපස මත්ද්‍රව්‍ය ජාවාරම් තිබුණු බවට චෝදනා එල්ල විය. එහෙත්,  නිසි පරිදි විමර්ශන සිදු වූයේ නැත. එසමයේදී දේශපාලකයන්ගේ රථ, පරිවාර රථ ආදිය පරීක්ෂා කිරීමට පොලිසියට ශක්තියක් නො තිබිණි. 

මත්ද්‍රව්‍ය ජාවාරම හා ප්‍රධාන පෙළේ දේශපාලකයකු අතර මෙතරම් සමීප සම්බන්ධයක් මීට පෙර හසු වූයේ නැති තරම් ය. වෙලේ සුදා හා දුමින්ද සිල්වා අතර සම්බන්ධය ද හසු වූයේ මුදල් ගනුදෙනුවලින් මිස ඍජුව ම මත්ද්‍රව්‍යවලින් නො වේ. 

දැන් මේ සිද්ධියෙන් ගැලවීම සඳහා මහීපාල හේරත් බොහෝ දේ පවසනු ඇත. එසේ ම, සිද්ධියේ මුළු වගකීම ම රියදුරාට පවරනු ඇත. 

මතු වන ප්‍රශ්න මෙසේ ය: 


  • පසුගිය සමයේ මහීපාල හේරත්ගේ නිල රියෙන් ගංජා කිලෝ කීයක් ඇද්දා ද?
  • ඒ ගැන මහීපාල හේරත් දැන සිටියේ ම නැද්ද?
  • දේශපාලකයන්ගේ රැකවරණය මත මෙවැනි ක්‍රියා තව කොපමණ සිදු වෙනවා ද? 
  • ඒවාත් ඒ දේශපාලකයෝ දන්නේ නැද්ද?
  • දේශපාලකයන් ඡන්දයට වැය කරන අති විශාල ධනස්කන්ධය උපයා ගත්තේ කෙසේ ද?
  • ඇතැම් දේශපාලකයන්ගේ ක්ෂණික ආර්ථික සමෘද්ධියේ රහස කුමක් ද?


මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

2015-07-19

එක්සත් ජාතීන්ගේ දූෂණ විරෝධී ප්‍රඥප්තිය ලංකාවේ ක්‍රියාත්මක කිරීම

ශ්‍රී ලංකාව 2014 මාර්තු මස එක්සත් ජාතීන්ගේ දූෂණ ප්‍රඥප්තියට අත්සන් තැබුවේ ය. එයට අත්සන් කර නැත්තේ සෝමාලියාව, චැඩ් හා උතුරු කොරියාව වැනි රාජ්‍යයන් කීපයක් පමණි. ලොව සෑම රටක් ම පාහේ දූෂණය පිටුදැකීම සම්බන්ධයෙන් මූලධාර්මික එකඟතාවක සිටියි. ශ්‍රී ලංකාව ජාතික වශයෙන් මෙම ප්‍රඥප්තිය වලංගු කර තිබෙන මුත්, එය පූර්ණව ක්‍රියාත්මක කිරීම සඳහා වැඩිදුරටත් ගත යුතු ක්‍රියාමාර්ග තිබේ.

වරක් එක් අප්‍රිකානු රාජ්‍ය නායකයෙක් එක්සත් ජනපද ජනාධිපතිවරයා හමුවීමට ගියේ ය. ඔහුගේ අරමුණ වූයේ තම රටට විදේශාධාර ලබා ගැනීමයි. අතිශය දුප්පත් රටක් වූ එම රාජ්‍යයේ ජනාධිපතිවරයාගේ බිරිඳ ‍මෙම හමුවේදී පැළඳගෙන සිටි දියමන්ති මාලය වෙත එක්සත් ජනපද ජනාධිපතිවරයාගේ අවධානය යොමු විය. එවැනි දියමන්ති මාලයක් පැළඳිය හැකිව තිබුණේ එක්සත් ජනපදයේත් ඉහළ ම පෙළේ ධන කුවේරයන්ට පමණි. එම රටට ණය ලබා දීම එක්සත් ජනපද ජනාධිපතිවරයා ප්‍රතික්ෂේප කළේ ය.

බලය දූෂණය ඇති කරන බව ද, අධික බලය අධික ලෙස දූෂණය ඇති කරන බව ද ප්‍රකට කියමනකි. පසුගිය කාලයේ මෙරට ඇති වූ තත්වය මේ සඳහා කදිම නිදසුනකි. යුද්ධයේ ජයග්‍රහණයත් සමග හිටපු ජනාධිපති මහින්ද රාජපක්ෂ වටා ගොඩනැගුණු බලය හේතු වූයේ ඔහු, ඔහුගේ පවුල හා හිතවතුන් දැවැන්ත දූෂණ සාගරයක ගිල්වන්නට ය.

තම ආණ්ඩුව කිසිදා බිඳ ‍නො වැටෙනු ඇතැයි පැවති අතාර්කික විශ්වාසය හේතුවෙන් ඔවුහු තමන්ගේ ක්‍රියාකාරකම්වල සීමාවක් පවත්වා ගැනීමට අසමත් වූ හ. කිසි සේත් දූෂණවලට සම්බන්ධ වීමේ අවශ්‍යතාවක් නො තිබුණු, තම ‍‍ගෞරවය ආරක්ෂා කරගෙන රැකියාව කිරීමේ ඉඩ ප්‍රස්ථාව ඕනෑවටත් වඩා තිබුණු ‍හිටපු ජනාධිපති ලේකම් ලලිත් වීරතුංග, සෞඛ්‍ය අමාත්‍යාංශ‍යේ හිටපු ලේකම් වෛද්‍ය නිහාල් ජයතිලක වැනි ජ්‍යේෂ්ඨ රාජ්‍ය නිලධාරීහු පවා දූෂණවල පැටලුණු අතර දැන් ඔවුන්ට එරෙහිව ද විමර්ශන සිදු වෙමින් පවතී.

නාම‍යෝජනා භාර දීමෙන් පසු මහනුවර ගිය හිටපු ජනාධිපති මහින්ද රාජපක්ෂ හිටිහැටියේ මතක් වී මාධ්‍යවලට විශේෂ ප්‍රකාශයක් කළේ ය. රජයේ නිලධාරීන් සත්භාවයෙන් කළ දේ වෙනුවෙන් පළිගැනීම වැරදි බව ඔහු පැවසුවේ ය. ‍මේ කියන සත්භාවය කුමක් ද? මැතිවරණයේදී තමන්ට පෞද්ගලිකව වාසි ලබාගැනීම සඳහා රජයේ අරමුදල්වලින් සිල් රෙදි වැනි අල්ලස් දෙන්නට අනුබල දීම සත්භාවයක් වන්නේ කෙසේ ද? රාජ්‍ය නිලධාරීන්ගේ වගකීම හා සත්භාවය අදාළ වන්නේ මහජන සේවයට මිස දේශපාලකයන්ට සේවය කිරීමට නො වේ.

දූෂණ වංචා නැති කිරීම සඳහා දැනට රටේ පවතින නීති මදි බැවින් එක්සත් ජාතීන්ගේ දූෂණ විරෝධී ප්‍රඥප්තිය මෙරට තුළ නීතිගත කරන බව එජාප නායක අග්‍රමාත්‍ය රනිල් වික්‍රමසිංහ මහතා මහමැතිවරණයේ මංගල රැළිය අමතමින් මහනුවරදී පැවසී ය. ඒ ඔස්සේ දූෂණ වංචා සෙවීමට අලුත් සංවිධානයක් ස්ථාපිත කරන බවද ඒ මහතා කීය. පසුගිය රජය කළ දූෂණ වංචා පිළිබඳ පරික්ෂා කිරීමේදී විශාල ගැටලුවක් වූයේ එම පරීක්ෂණ සඳහා පුහුණුවලත් නිලධාරින් නොමැතිවීම බවත් මේ නිසා ඇතැම් මහ පරිමාණ දූෂණ පිළිබඳ පරීක්ෂණ සිදුකර ගෙන යෑමේදී ගැටලු මතුවූ බවත් ඒ මහතා කීය.

එක්සත් ජාතීන්ගේ දූෂණ විරෝධී ප්‍රඥප්තියට ශ්‍රී ලංකාව අත්සන් තබා වලංගු කළේ 2004 වසරේ මාර්තු මාසයේ ය. පරිච්ඡේද අටක් යටතේ වගන්ති 71ක් ඇතුළත් කර සකසා තිබෙන මෙම ප්‍රඥප්තිය අනුව එහි පාර්ශ්වකරුවන් විසින් දූෂණ විරෝධී නීති සම්පාදනය කළ යුතුව ඇත.එමගින් ඉලක්ක කරන්නේ දූෂණ වැළැක්වීම, ඇතැම් ක්‍රියාකලාපයන් සම්බන්ධයෙන් දඬුවම් කිරීම, ජාත්‍යන්තර නීතිය හා අධිකරණ සහයෝගිතාව ලබා ගැනීම ශක්තිමත් කිරීම, දේපල ආපසු ලබාගැනීම සඳහා කාර්යක්ෂම නීතිමය යාන්ත්‍රණ සැකසීම, තාක්ෂණික සහයෝගය ලබා දීම සහ එක්සත් ජාතීන්ගේ දූෂණ විරෝධී ප්‍රඥප්තිය වෙනුවෙන් රාජ්‍ය පාර්ශ්වකරුවන්ගේ සමුළුවක් ගොඩනැගීමයි.

‍එක්සත් ජාතීන්ගේ දූෂණ විරෝධී ප්‍රඥප්තිය ක්‍රියාත්මක කිරීම සඳහා අවශ්‍ය නීති සම්පාදනය අප්‍රමාදව කළ යුතු ය. විශේෂයෙන් ම කොල්ල කන ලද මෙරට ජනතාවට අයිති ‍‍‍‍දේපල ආපසු ලබා ගැනීම අතිශය වැදගත් අවශ්‍යතාවකි.

දූෂණය, මත්ද්‍රව්‍ය හා අපරාධ එකිනෙකට සම්බන්ධ ය. මත්ද්‍රව්‍ය හා අපරාධ පිළිබඳ එක්සත් ජාතීන්ගේ කාර්යාලය ද එක්සත් ජාතීන්ගේ දූෂණ විරෝධී ප්‍රඥප්තිය සමග බැඳී කටයුතු කරන්නේ ඒ නිසා ය. මෙම ප්‍රඥප්තියේ සිව්වන හා පස්වන පරිච්ඡේද අනුව, දූෂණ පරීක්ෂණවලට හා සොරකම් කරන ලද දේපල ආපසු ලබා ගැනීම සඳහා ගිවිසුමේ පාර්ශ්වකරුවෝ සහයෝගය ලබා දිය යුතු ය. බැංකු රහස්‍යභාවය වැනි හේතු මත තොරතුරු ලබා දීම ප්‍රතික්‍ෂේප කළ ‍නො හැකි ය. ‍එ‍පමණක් ‍නොව, දූෂණ සිද්ධියක් සම්බන්ධයෙන් රාජ්‍ය දෙකකදී හෝ වැඩි ගණනකදී නීතිමය පියවර ගැනීමේ අවස්ථාව ද එයින් ලැබේ.

මෙම නීති පිළිබඳ සාකච්ඡා කිරීමේදීකරන විට, මහබැංකුව භාණ්ඩාගාර බිල්පත් නිකුත් කිරීමේදී ‍වංචාවක් සිදු වූ බවට එල්ල වන චෝදනාව ගැන ද අවධානය යොමු කළ යුතුව තිබේ. මේ වන විට ඒ පිළිබඳ පරීක්ෂණ පැවැත්වෙමින් තිබෙන අතර, ඉදිරි පාර්ලිමේන්තුවෙන් ද ඒ පිළිබඳ පරීක්ෂණවලට ප්‍රමුඛස්ථානය ලබා දෙන බව අගමැති රනිල් වික්‍රමසිංහ මහතා පොරොන්දු වී තිබේ. නාමයෝජනා ලබා දීමෙන් පසු ජනාධිපතිවරයා විසින් පවත්වන ලද කතාවේදී ද බැඳුම්කර සිද්ධිය ගැන සඳහන් කරන ලදී.

මහේක්ෂ ආර්ථිකය හා සම්බන්ධ මෙම කාරණා පිළිබඳ සාමාන්‍ය ජනතාවට තිබෙන අවබෝධය ඉතා මඳ ය. මෙතැනදී මහ බැංකු අධිපතිව අර්ජුන මහේන්ද්‍රන් හෝ වෙනත් අයෙක් අභ්‍යන්තර තොරතුරු මහේන්ද්‍රන්ගේ බෑණාට අයත් සමාගමට ලබා දී තිබේ නම් එය ඉතා පැහැදිලි මුල්‍ය අපරාධයකි. ‍පෙනෙන ආකාරයට මෙහි සිදු වී තිබෙන්නේ දිගු කලක සිට සිදු වූ ක්‍රියාවලියකි. එබැවින් විමර්ශනය එම සිද්ධියට පමණක් සීමා නො කළ යුතු ය. ජනවාරි 08 වෙනසින් පසු වුව ද පසුගිය ආණ්ඩුව විසින් ස්ථාපිත කරන ලද ක්‍රමවේද සහමුලින් ම පරාජය වී නැති බව අප මතක තබා ගත යුතු ය. සමාජ ආර්ථික ක්‍රමයක් වෙනස් කිරීම එක රැයකින් කළ හැකි දෙයක් නො වේ. එය අදියර ගණනාවක් ඔස්සේ විහිදෙන දීර්ඝ ක්‍රියාවලියකි.

මෙහිදී අපගේ අවධානය යොමු විය යුතුව තිබෙන තවත් කාරණයක් වන්නේ පාලනයකින් තොරව ණය ගැනීම නිසා රටකට සිදු විය හැකි විපතයි. සංවර්ධන ව්‍යාපෘති වෙනුවෙන් ගනු ලබන ණය ආපසු ගෙවීම ප්‍රශනයක් නො විය යුතු ය. ණයට ගත් මුදල් ආයෝජනය කිරීමෙන් බිහි කරනු ලබන යටිතල පහසුකම් හේතුවෙන් සංවර්ධනය වන ව්‍යවසායන්ගේ ආදායමෙන් ඒ ණය ගෙවීමේ හැකියාව ලැබිය යුතු ය. නැතිනම් සිදු වන්නේ ගත් ණය ගෙවන්නට තවත් ණය ගන්නට සිදු වීමයි. නිදසුනක් ලෙස, හම්බන්තොට වරායේ මුල් අදියර සඳහා ගත් ඩොලර් මිලියන 500ක ණය වෙනුවෙන් වාරික හා පොලිය ලෙස මේ වසරේදී රුපියල් බිලියන හතක් ආපසු ගෙවන ලදී. එහෙත්, හම්බන්තොට වරාය පසුගිය වසර හතරක කාලය තුළ උපයා තිබුණේ රුපියල් බිලියන 1.2ක් පමණක් බව පාර්ලිමේන්තු මන්ත්‍රී සුජීව සේනසිංහ 2014 අගෝස්තු මස පාර්ලිමේන්තුවේදී පෙන්වා දුන්නේ ය. රජය මෙමගින් රු. බිලියන 15ක වාර්ෂික ආදායමක් ඉලක්ක කළේ ය. දැනට හම්බන්තොට වරායේ කිසියම් සාර්ථකත්වයක් තිබෙන්නේ වාහන ආනයනය හා ප්‍රතිඅපනයනය කොළඹ වරායෙන් හම්බන්තොටට යොමු කර තිබෙන නිසා ය.

ග්‍රීසිය මේ වන විට මුහුණ දී සිටින තත්වය මෙහිදී අපගේ විශේෂ අවධානයට ලක් විය යුතු ය. අවසාන වශයෙන් ගත් කල ග්‍රීසියේ සිදු වී තිබෙන්නේ අන් යමක් නොව ගත් ණය ගෙවන්නට තව තවත් ණය ගැනීමේ ප්‍රතිඵලයක් වශයෙන් අවසානයේදී ණය ගෙවා ගන්නට බැරි තැනකට ග්‍රීසිය පැමිණීමයි. ග්‍රීක් රජය ණය ගෙවා ගත නො හැකිව බංකොලොත් තත්වයට පත්වීම ලෝකයේ ම ආර්ථිකයට ගැටලුවක් වී තිබේ. නිදසුනක් ලෙස ශ්‍රී ලංකා මහ බැංකුව විසින් ග්‍රීක් භාණ්ඩාගාර බැඳුම්කරවල කරන ලද ආයෝජන ද රටට අහිමි වූයේ හිඟන්නාගේ පාත්තරයට හෙනහුරා වහන්නා සේ ය. පසුගිය ආණ්ඩුව සමයේ රටක් ලෙස අප ද යමින් සිටියේ ග්‍රීසිය ගිය පාරේ ය. ග්‍රීසියට වූ දෙය ලංකාවට තවමත් නො වුණේ මැද පෙරදිග රටවල දුක් විඳින කාන්තාවන් හා වෙනත් විදේශ ශ්‍රමිකයන් විසින් උපයා මෙරටට එවන ලද විදේශ විනිමය නිසා ය.

රාජ්‍ය දේපල මංකොල්ලකෑම තවමත් මානව වර්ගයාට එරෙහි අපරාධයක් ලෙස නිල වශයෙන් පිළිගෙන නැත. එහෙත් සදාචාරාත්මකව ගත් කල එය යුද අපරාධවලට වඩා බිහිසුණු අපරාධයකි. මන්ද, රටක ජන පරම්පරා ගණනාවක් ම එමගින් අර්බුදයට ලක් වන හෙයිනි. එක්සත් ජාතීන්ගේ දූෂණ විරෝධී ප්‍රඥප්තිය ක්‍රියාත්මක කිරීම සඳහා අවශ්‍ය නීති සම්පාදනය තත්වය පාලනය කිරීමට ඉවහල් වේ. ‍එසේම, තොරතුරු දැනගැනීමේ පනත හා විගණන පනත සම්මත කර ගැනීම ද ප්‍රසම්පාදන කොමිෂම ඇතුළු ස්වාධීන කොමිෂන් සභා ස්ථාපිත කිරීම ද මෙහිදී ඉතා වැදගත් ය.

මේ සියල්ල සඳහා ඉදිරි මහමැතිවරණයේදී ජනතාව විසින් පත් කර ගත යුතුව තිබෙන්නේ දූෂණ විමර්ශනවලින් ගැලවීම සඳහා බලය ඉල්ලන, දූෂණ විමර්ශන පළිගැනීම් ලෙස හංවඩු ගසන පිරිසක් නො වේ. දූෂණ චෝදනාවලට නිර්භයව මුහුණ දෙන, දූෂණය නැති කිරීම අරමුණු කර ගත් දේශපාලනයකි.
- අජිත් පැරකුම් ජයසිංහ, සිළුමිණ 2015-07-19

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.