2017-07-19

පූර්ණ කාලීන දේශපාලනයට මුවා වෙන වාමාංශික තඩි පිරිමින් රැකියාවලට යැවිය යුත්තේ ඇයි?

කොළඹ කොලේජ් බේබිලාට ගැහැනුන් පෙනෙන හැටි 
තෘතීයක හා වෘත්තීය අධ්‍යාපන කොමිෂන් සභාව විසින් සංවිධානය කරන ලද නිපුණතා තරගයේ අද සවස ජනාධිපතිවරයාගේ ප්‍රධානත්වයෙන් පැවැත්වුණ සම්මාන හා තෑගි බෙදා දීමේ අවස්ථාව නරඹන්නට යන්නට සිදු වුණා, රාජකාරි අවශ්‍යතාවක් එක්ක.

සුගතදාස ගෘහස්ථ ක්‍රීඩාංගනය පිරී ඉතිරී ගොස් තිබුණේ එක වගේ ටී කමිස, කැප් තොප්පි දාපු තරුණ පිරිසකගෙන්. ඒ නිපුණතා සංවර්ධන හා වෘත්තීය පුහුණු අමාත්‍යාංශය යටතේ ඇති වෘත්තීය පුහුණු ආයතනවල ඉගෙනුම ලබන සිසුන් වෙන්නට ඇති.

මෙහි සම්මාන හා තෑගි බෙදා දෙද්දි එක්තරා කරුණක් වෙත මගේ අවධානය යොමු වුණා. එය ජනාධිපතිගේ, නිපුණතා සංවර්ධන හා වෘත්තීය පුහුණු ඇමති චන්දිම වීරක්කොඩිගේ සහ නියෝජ්‍ය ඇමති කරුණාරත්න පරණවිතානගේ විශේෂ අවධානයට යොමු වෙනවා නම් හොඳයි.

සම්මාන දෙද්දි, යාන්ත්‍රික ශිල්පි, වැද්දුම්කරු, ජලනල කාර්මික වැනි කාර්මික අංශ විතරක් නෙමෙයි පරිගණක ග්‍රැෆික් නිර්මාන, දෘඪාංග වැනි ශිල්පයන් සම්බන්ධයෙනුත් පළමු, දෙවන, තෙවන ස්ථාන සියල්ල දිනා ගත්තේ පිරිමි සිසුන්.

සිසුවියන්ට සම්මාන ලැබුණේ කොණ්ඩා මෝස්තර, ඇඳුම් මැසීම, හෙද සහායක වැනි ක්ෂේත්‍රවල විතරයි.

බොහෝ දෙනෙකුට මේ ගැටලුවේ තිබෙන දේශපාලනය ග්‍රහණය වන්නේ නැහැ. මේ වර්තමාන ශ්‍රී ලංකාවේ ශ්‍රම විභජනයේ මූලික ලක්ෂණයක්.

ලංකාවේ කාන්තාවන්ගෙන් සියයට 35ක්වත් ශ්‍රම බලකායෙ නැහැ. ඒ කියන්නෙ රැකියා කරන්නෙ කාන්තාවන්ගෙන් තුන්දෙනෙකුගෙන් එක්කෙනෙකු පමණයි.

රැකියා කරන කාන්තාවනුත් වැඩිපුර යොමු වෙන්නෙ ගුරු වෘත්තිය, ලිපිකාර සේවය, හෙද සේවය, වෛද්‍ය වෘත්තිය, කාර්යාල කටයුතු වැනි රැකියාවලටයි. තොරතුරු තාක්ෂණ ක්ෂේත්‍රයේ පවා කාන්තා සේවා නියුක්තිය අවමයි.

වර්තමානය වන විට විශ්වවිද්‍යාලවල ඉංජිනේරු හා අලුතෙන් පටන් ගත් තාක්ෂණ පීඨ හැර අනෙක් සියල්ලේ ම සිසුන් අති බහුතරය කාන්තාවෝයි. ඒ වගේ ම අධ්‍යාපන විද්‍යා පීඨවල කාන්තාවන් ප්‍රතිශතය සියයට 80කට වැඩියි.

කාන්තාවන් තාක්ෂණික අංශයේ රැකියාවලට යොමු නො වන්නේ ඇයි?

හොරණ අරමනාගොල්ලේ පිහිටි මරුති සේවා මධ්‍යස්ථානයේ පසුගිය කාලයේ එක් තරුණියක් ඉතා හොඳින් මෝටර් කාර්මික රැකියාවක යෙදී සිටියා.

කාන්තාවන් අතර ව්‍යවසායිකාවන් ප්‍රතිශතය සියයට එකටත් වඩා අඩුයි.

කාන්තාවන් බහුතරයක් රැකියා කරන ගුරු, හෙද, ලිපිකරු වැනි රැකියා ක්ෂේත්‍රවල පවා වෘත්තීය සමිති නායකයන් වන්නේ පිරිමි.

මා මෙහිදී මතු කරන්නට උත්සාහ කරන්නේ දේශපාලනික කාරණාවක්. ලංකාවේ විප්ලව කරන්නට බැහැ කාටවත් මේ තත්වය වෙනස් කරන තාක් කල්.

රටේ ජනගහණයෙන් සියයට 52ක් කාන්තාවෝ. ඒ වුණාට පාර්ලිමේන්තුවේ කාන්තා නියෝජනය සියයට හයයි. පළාත් සභාවල සියයට හතරයි. පසුගිය කාලයේ තිබුණු පළාත් පාලන ආයතනවල කාන්තා නියෝජනය සියයට දෙකයි.

ලංකාවේ නියෝජිත දේශපාලනයේ තිබෙන මේ ගැටලුව ඉතාම කටුක විදියට නිරූපණය කරන්නේ වාමාංශික පක්ෂවල වීම තරම් විහිළුවක් තවත් නැහැ. ජනතා විමුක්ති පෙරමුණ, පෙරටුගාමී සමාජවාදී පක්ෂය යන මේ පක්ෂ දෙකේම සත්‍ය දේශපාලන මණ්ඩල හා මධ්‍යම කාරක සභාවල එකම එක ගැහැනියක්වත් නැහැ. අනෙක් වාමාංශික පක්ෂ, කල්ලි, කණ්ඩායම්වල තත්වයත් එයමයි.

නායකයන් සමග ඇති ලිංගික හා පවුල් සම්බන්ධතා නිසා පක්ෂවලට එකතු වන ගැහැනු ටික දෙනෙක් ඉන්නවා. ඒ ඇරෙන්නට මේ වාමාංශිකයන් අතර කාන්තාවන්ට තියෙන්නේ බත් තැම්බීම, තේ හැදීම, රතු කමිස මැද දීම, රෙදි මසා හෝ ටීචිං කර හෝ දරු පවුල් නඩත්තු කිරීම වැනි වාමාංශික පිරිමින් විසින් බාල වැඩ ලෙස සලකන කටයුතු පමණයි. න්‍යායික සාකච්ඡා වගේ සිරා වැඩ නම් කාන්තාවන්ට දෙන්නෙම නැහැ. එයාලට පැවරෙන්නෙ ඇවිත් අහන් ඉඳලා යන එක වගේ ඒවා විතරයි.

හැබැයි කොටි සංවිධානය මේ අයට වඩා එක පැත්තකින් ඉදිරියෙන් හිටියා. ඒ ඔවුන් කාන්තා මිලිටරි නායිකාවන් පවා බිහි කළ නිසායි. හැබැයි අවසානයේදී වුණේ කාන්තාවන් මිනිස් බෝම්බ බවට පත් කරන එකයි. 

ඔය ඔක්කොම බොරු ය කියලා අප කියන්නේ ඒ නිසායි.

සමාජය වෙනස් කරන්නට අවශ්‍ය නම්, වැඩ කරන ජනතාව අතර හා විශේෂයෙන් ම කාර්මික වැනි ක්ෂේත්‍ර තුළ කාන්තා සේවා නියුක්තිය ගැනත්, කාන්තා ව්‍යවසායකත්වය ගැනත් විශේෂ අවධානයක් යොමු විය යුතුයි.

දේශපාලන පක්ෂ මුලින් ම ගැහැනුන්ට බිය නො විය යුතුයි. ඔවුන්ට වැඩියෙන් ඉඩ ප්‍රස්ථා ලබා දිය යුතුයි. 

ඔක්කොටම කලින් පූර්ණ කාලීන දේශපාලනයට මුවා වෙමින් වගකීම්වලින් ගැලවෙමින් සිටින වාමාංශික තඩි පිරිමින් රැකියාවලට යැවිය යුතුයි. ඔවුන් පුනරුත්ථාපනය වෙන්නට රැකියාවක් කරන එක ඉතා වැදගත්.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

30 comments:

  1. මෙතන passion එකත් එක්ක යන දේකුත් තියනවා. කෙල්ලන් ගොඩක් ආස ඔය Beauty Culture, Fashion Design වගේ දේ වලට. අනික් දේ කරන්නේ නිකන් සහතිකයක් ගන්න හරි විභාග ගොඩ දාන්න හරි. විශ්ව විද්‍යාලයේ සත්ව විද්‍යාව කරන ගොඩක් කෙල්ලෝ තෝරාගන්නේ කෘමි විද්‍යාව සම්බන්ද පර්යේෂණ. එකට හේතුව තමා ගෙදර ඉඳම ගොඩ දාගන්න පුළුවන්කම. ඕන තැනක ඔය මැස්සෝ කුඹි ඉන්නවනේ. කැලෑ ගානේ ගිහින් නිදර්ශක එකතු කරන් බොක්කෙන්ම කරන්නේ කොල්ලෝ විතරයි.

    motor mechanics පැත්තක තියමු මොකද මජන් ගාගෙන කෙල්ලෝ වාහන හදන එකේ පොඩි taboo එකක් තියනවා කියල හිතල. දැන් එහෙම එකක් නැති ඔය IT වගේ , graphic වගේ දේවලටත් කෙල්ලෝ ආස නැත්තේ ඇයි? passion එකක් නැති නිසා. IT වලනම් academic side එකේ උඩට යන කෙල්ලෝ ඕනෑතරම් ඉන්නවා.හැබැයි දෙයක් කරලා තියෙන්නේ කොල්ලෝ විතරයි. ලංකාවේ විතරක් නෙවෙයි. Unix, Windows, Linux, Python, php, jQuery, Angular ඔය වගේ ගොඩක් දේ කෙල්ලෝ කරපුව නෙවෙයි. ගොඩක් open source developments හදන්නෙම ආර්ථික වාසියකට වඩා passion එකට. IT වලට ආවත් කෙල්ලන්ට දෙයක් කරන්න උණක් නෑ කොල්ලන්ට වගේ. උපාධි සහතික ගන්නනම් තියනවා මාරම උණක්. හැබැයි බොහොම කලාතුරකින් පට්ටම දේවල් කරපු කෙල්ලෝ ඉඳල තියනවා IT වල - Ada Lovelace, Grace Hopper, Margaret Hamilton වගේ.

    ReplyDelete
  2. අම්මට හුඩු... දැන් කාලයක් පැරාට ගෙවල් හදාගෙන, වාහන අරගෙන ජීවත්වෙන මධ්‍යම පාන්තිකයින්ව පේන්න බැරුව හිටිය නේද? දැන් ඇයි එකපාරටම වාමාංශිකයින්ව මධ්‍යමපාන්තිකයින් කරන්න හදන්නෙ?

    ReplyDelete
    Replies
    1. ගෙයක් හදා ගත්තාට, වාහනයක් තිබුණාට මධ්‍යම පංතිකයෙකු වෙන්නෙ නැහැ. ඔය දේවල් කම්කරුවන්ටත් අවශ්‍යයි.

      මධ්‍යම පංතිකයෙකු වෙන්නෙ ප්‍රධාන වශයෙන් ම මහජනතාවගෙන් රජය අය කරන බදු මුදල් කොල්ල කන්නකු බවට පත් වීමෙන්.

      එහෙම නැතිනම් සමාගම් ලබන ලාභයෙන් සැලකිය යුතු කොටසක් කම්කරුවන් හා වෙළඳපොළ සූරාකෑම සංවිධානය කිරීම වෙනුවෙන් ලබා ගන්නා අයටත් මධ්‍යම පංතිකයන් බවට පත් වෙන්නට පුළුවන්.

      මධ්‍යම පංතිය බවට පත් වෙන්නෙ රැකියාව නිසා නෙමෙයි. අසාධාරණය කිරීම වෙනුවෙන් මහජන බදු මුදල් හා සමාගම් ලාභය ලබා ගන්නා නිසා.

      Delete
    2. එකඟ නෑ, වෙන වචනයක් හදා ගනිමු 'බද්දෙන් යැපෙන්නෝ' වගේ එකක්.

      Delete
  3. කෙල්ලන්ව බලෙන්ම ටෙක්නිකල් පැත්තට යවන්න හදන එක තේරුමක් නෑ... ගෑනු හා පිරිමි බුද්ධිය දෙවිදියක්... පිරිමි කැමතියි තර්කානුකූල abstract දේවලට... ගෑනු වැඩිපුර ආස හැගීම් දැනීම් තියෙන tangible දේවලට... ඒකයි පිරිමි Engineering, Technology, Mathematics පැත්තට යද්දි කෙල්ලො වැඩිපුර සමාජය සමග interact කරන්න ලැබෙන medicine, nursing, teaching, HR Management වගේ පැතිවලට යන්නෙ...

    ReplyDelete
    Replies
    1. සාමානයෙන් biotechnology, bio chemistry, genetics, molecular biology, microbiology, food technology පැත්තේ ගොඩක් ඉන්නේ කාන්තාවෝ. ගොඩක් දේවල් පාඩම් කර මතක තියාගන්න ඕනේ විෂයයන් මේවා. කාන්තාවන්ට හොද හැකියාවක් තිබෙනවා මේවට.

      ඒ වගේම material science, quantum device , nanotechnology, plasma processing පැත්තේ වැඩිපුර ඉන්නේ පිරිමි. ගණිතමය පැත්ත සහ නිර්මාණාත්මක අවබෝධය වැඩිපුර ඕනේ වෙන පැති තමයි මේ.

      Delete
    2. 100% true, economy is not everything. Majority of women are doing an excellent job at home for maintaining a healthy economy too. Males and females are different in psychology as well. Gender specifications are essential in the human society.

      Delete
  4. ලංකාවේ දේශපාලනයේ පියාගෙන් හෝ සැමියාගෙන් හෝ වෙනත් කිසිම නෑයෙකුගෙන් කිසිම දේශපාලන දායාදයක් හෝ ආධාරයක් නොලැබ පාර්ලිමේන්තු ගිහින් ජේ ආර් සමයේ කැබිනට් ඇමතිකමක් ලද එකම කාන්තාව මන් දන්නා විදිහට වලපනේ රේණුකා හේරත් පමණයි. ඇය මේ ලගදි මියගියා. දේශපාලනයේ සිටි අනෙත් සියලුම කාන්තාවන් "වැන්දඹු අනත්දරු" දේශපාලනය කරන අයයි. Oh la la

    ReplyDelete
  5. වැඩිය ඕනෙ නැහැ ප්‍රසව හා නාරිවේද විශේෂඥ දොස්තරවරු සියලු දෙනාම පිරිමිනෙ.

    ReplyDelete
  6. පෙරටුගාමි පක්ශයේ මතවාදය සමග (පක්ශයේ නිල දේශපාලන මන්ඩල තුල ඉන්නවද දන්නේ නැහැ) එක ඉදිරිපෙල ක්‍රියාකාරී කාන්තාවක් ඉන්නවා මම දන්න තරමින්. ලක්මාලි හේමචන්ද්‍ර

    ReplyDelete
  7. පුජකයන්ටත් රැකියාවක අවශ්‍ය ය, ගුරුකම ගැලපෙන්නේ නෑ , මහන්සිවෙන, කළමනාකරණය ට සම්බන්ද රැකියා ගැලපෙනවා.

    ReplyDelete
  8. I usually ask from my young female patients what they do ? There are married or unmarried .Married young females have children who have health issues.
    Usual unswer i hear is i do nothing .Further inquiry reveals they depend on parents and 70% of situations husband is military person .20% husband is three wheel driver.
    So this trend is markedly prevalent in rural areas.
    m
    Most involved occupation by rural young women is garment industry .More than 70% of house maids going abroad is young married women .More than 50% of garment factory workers are unmarried.
    This rough estimations have startling fact.That is nature of the jobs done by rural young women ( age 18-45 ) and unemployment rate are closely linked to male dominance nature of the society .

    ReplyDelete
  9. yako ubata loka swabhawaya kanapita harawanna ba

    ReplyDelete
  10. parakum ubata ona widhihata ganu minissu hasurawanna me rate ba. thadi pirimingen thami amaru wada serama karaganna one. ganu udawiya thamanta galapena de thoraberaganna dhannawa. kanthawan kanthawan wenne e hakiyawath ekka kiyala mathaka thiyaganin. kanthawan kanthawan widihata hithala wada karayi uba kalabala wenna ona na. pirimiyek widihata ubata karanna puluwan de karagena hitapan.

    ReplyDelete
  11. ඊයේ හික්කඩුවට පණ කඩාගෙන දුවනවා දැක්කා. කතා කරන්න හැදුවත් පෝන එක කනේ ගහගෙන් යද්දි කතා කරන්න බැහැනේ.

    ReplyDelete
  12. පැරා කාන්තා හිමික්ම ගැන කතා කෙරාට නිතරම ද්මරියේ යනවා නම් කාන්තාවන්ට වන ලෝක අවාසියක් තියෙනවා ලදුදේ කරන අමන වැඩක් හින්දා . මේ ගැන හැඟිමක් නැද්ද?

    ReplyDelete
  13. කාන්තාවන් ශ්‍රම බලකායේ අඩු එක මහා ලොකු ප්‍රශ්නයක් නෙවෙයි. අනික පැරා කියන විදිහට බත් තම්බන තේ හදන රතු කමිස මදින කියල හැම දේම බාල්දු කරන්න බෑ. මේ රටේ පිරිමින්ගේ තියෙන කම්මැලිකමයි නැති කරන්න ඕනේ. කාන්තාවන් ගෘහ සේවිකාවො විදිහට පිටරට ගිහිල්ල කරන්නේ තාක්ෂනික වැඩද? ඒ අයට ඊට වඩා මෙහෙ තමන්ගේ ගෙවල් වල ඉඳල ස්වයං රැකියා කරල හම්බ කරන්න මාර්ග තියෙනවා. කාන්තාවන් රූපලාවන්‍ය කොන්ඩ මොස්තර දැමීම සුපවේදය වගේ දේවල් වැඩිපුරම කරන්නේ ඒ අයගේ ස්වභාවික කැමැත්ත නිසා. ඒකේ වරද මොකද්ද්? රටේ ආර්ථිකයට ලොකුම හෙනේ පිරිමි වැඩ කරන්න කම්මැලි එක. ඒකට විසඳුමක් තියෙනවනම් ප්‍රශ්නෙ ඉවරයි. අනික කාන්තාවන් ආහාර සැකසුම, ඇඟලුම් කර්මාන්තය වගේ ක්ෂේත්‍ර වල රැකියා කරද්දී ආර්ථිකයට ඒක අවාසියක් වෙනවද? ඒකෙන් ආර්ථිකය ශක්තිමත් වෙන්න කිසිම දෙයක් වෙන්නෙම නැද්ද? තමන් හිතන දේම හරි කියල අරං මේ වගේ පෝස්ට් දාන්න කලින් කීප වතාවක් කල්පනා කරන්න.

    ReplyDelete
    Replies
    1. කාන්තාවන් කාර්මික, තාක්ෂණික අංශවලට යොමු විය යුතුයි කියා මා හිතනවා නම් එය වැරදි වන්නේ කොහොමද කියලා කරුණාකර පැහැදිලි කරන්න.

      එය වැරදි අදහසක් බව මට තේරෙන්නේ නැත. එය තේරුම් කර දුන් පසු මෙවැනි පෝස්ට් දාන්නට කලින් ඒ ගැන කල්පනා කළ හැකි ය.

      ඊළඟට, පිරිමි වැඩ කරන්නට කම්මැලි ය කියන සොයාගැනීම කළ හැටි හා එයට පදනම් වූ සාක්ෂි මොනවාදැයි දක්වන්න.

      Delete
    2. ඉස්සර කොමෙන්ට් කාරයෝ පැරාගෙන් අනුභූතික සාක්ෂි ඉල්ලනවා.
      දැන් පැරා කොමෙන්ට් කාරයොන්ගෙන් සාක්ෂි ඉල්ලනවා.

      ඔය වගේ තව ටික කාලයක් යනකොට කාන්තාවෝත් ඔය දැන් නොකරන තාක්ෂණ අරව මේවා කොරන්න පටන් ගනීවි.
      පිරිමි රතු කමිස හොඳට තමන්ම මැදලා, බත් එකක් තම්බගෙන බැඳගෙන චාටර් වෙන්න යයි.
      පැරා ඔව්වට ඔච්ච්ච්ර කලබොල වෙන්න එපා.

      Delete
    3. කාන්තාවන් ඉතා වැඩිම පිරිසක් කාර්මික තාක්ෂණික පැත්තට යොමු වෙන්නේ නැත්තේ කාන්තාවන්ගේ ස්වභාවයට අනුව. පිරිමින් වැඩිම පිරිසක් කාර්මික තාක්ෂණික පැත්තට යොමු වෙන්නෙත් පිරිමි මනසේ ස්වභාවයට අනුව. පැරකුම්ට මේකෙ වරදක් කියන්න තියෙනවනම් ඒක හේතුත් එක්ක ඉස්සර වෙලා කියන්න. මේ බහුතර ගෑනු පිරිමි දෙපිරිස තමයි කොයි මනුස්ස ජන කොටසකත් කොයි සමාජ පසුබිමකත් ප්‍රමුඛත්වය ගන්නේ. ඒකත් සමස්තයක් හැටියට මිනිස්සුන්ගේම ලිංගිකත්වයෙහි ස්වභාවය. ඒක පිළිගන්න පැරාගේ මොළය පස්ස ගහන එක එක් වරදක්. අනෙක කොන්ඩා සැකසීම මනමාලියන්ට ඇන්දීම වගේ දේවල් කරන පිරිමිත් ඉන්නව. ඒ වගේම කාන්තාවන් මෙන් හැඳ පැල්ලඳ කාන්තාවන් මෙන් ජීවිත ගෙවන පිරිමි ඉන්නව පැරාට මතක්කරගන්නයි කිවුවේ. මෙන්න මේ පිරිමියි තාක්ෂණික කාර්මික පැත්තට නැඹුරු වෙන වගේම තවත් එහාට ගිහින් පිරිමින් මෙන් ජීවත් වෙන කාන්තාවනුයි දෙපිරිසට වඩා මම මුලින් කියපු අති විශාල බහුතරය ඉන්නේ ගොඩක් ඉදිරියෙන් වගේම ඒ අය පැරා කියන අයට වඩා ප්‍රමුඛවෙලත් තියෙනවා. ලංකාවේ විතරක් නෙවෙයි ලෝකේ කොහෙත්. ඉතින් පැරා හිතන දේ මනුස්ස සංහතිය තුලම ප්‍රමුඛ ප්‍රියමනාප ජනප්‍රිය දෙයක් වෙලා නෑ කියන එක පැරාට හිතා ගන්න අමාරු නෑ කියල මට විස්වාසයි. අකමැත්තෙන් උනත් ඒක පිළිගන්න වෙන්නේ ස්වභාවික නැඹුරුව ඒක නිසා. අනික මම පෙන්වන පාර්ශව දෙක එකකට එකක් තියෙන්නේ ප්‍රති විරුද්ධ අන්ත වල. අපිට මේ ස්වභාවයන් තේරුම් අරගෙන අපට බොරු කරගන්නෙ නැතුව පිළිගන්න ඕන දේ කෙලින් පිළිගන්න පිටකොන්දක් තියෙනව. පැරා විතරක් නෙවෙයි පැරාගේ මුළු සනුහරේත් ඉන්නේ මම මුලින් කියපු බහුතර ගොඩේ. ඉතින් වෙන කතා මොකටද?
      අනික මම මගේ කමෙන්ට් එකෙන් මතු කරපු අනික් ප්‍රශ්න වලට පැරා උත්තර දීලත් නෑ. කාන්තාවන් ඉවුම් පිහුම් කටයුතු රූපලාවන්‍ය වගේ දේවල් කරන එකෙන් ආර්ථිකයට අවාසියක් වෙනව කියල පැරා කියන්නේ මොන පදනමකින්ද? මේ රටේ නිමි ඇඟළුම් කර්මාන්තය තුළ වැඩිපුරම ඉන්නේ කාන්තාවන් මේ අය ආර්ථිකයට වැදගත් කාර්යක් නොකරනවද? ඔවුන් මේ රටට ආදායම් උපයල දෙන්නේ නැද්ද? කාන්තාවන්ට ගෙවල් වලම රෙදිපිලි ආහාරද්‍රව්‍ය වැනි නිශ්පාදන කරල දේශීය ආර්ථිකයට ශක්තියක් වෙන්න බැරිද පිරිමින්ට අනික් අමාරු වැඩ බාර දීලා. වාමාංශික තඩි පිරිමින්වත් පූර්ණකාලීන දේශපාලනේ පැත්තක දාල ඇඟ මහන්සි කරවන රස්සා වලට යැවුවනම් අඩුම තරමෙන් කම්කරු පංතියේ අමාරුකම්වත් දැනගනියි. මමත් කියන්නේ උන්ව රස්සා වලය යවන්නම ඕනේ. පිරිමින්ගේ කම්මැලිකම ගැන මම හොයාගැනීම කරපු විදිහ අහන පැරාට පැරාගේ කතන්දරේ ඇතුලෙන්ම එක උදාහරනයක් ගන්න පුළුවන්. කම්මැලි පිරිමි බොහොමයක් කැමතියි අඩුවෙන් වැඩ කරලා වැඩියෙන්ම පඩි ගන්න ආණ්ඩුවේ රස්සා කරන්න. පැරා මට වඩා හොඳට දන්න දෙයක් ඒක. අන්න ඒකත් මගේ හොයා ගැනීමට සාක්ෂියක්. තව සමහර ගම් වල කම්මැලි හාල්පාරුවො කැමති දවසම වැඩි වැඩක් නොකර මොනව හරි පොඩි පහේ ජාවරමක් කරගෙන හවසට කසිය ටිකකුත් කටේ හලාගෙන ආතල් එකේ ඉන්න. වෙන ඕන නෑ ඉහලට ඉගෙනගන්න වලි කන සහතික එකතු කරගන්න දඟලන දැන් කාලේ බොහොමයක්ම කම්මැලි කොල්ලන්ගේ ඒකායන බලාපොරොත්තුව කවද හරි ඒසී කාමරේක ඉඳන් ඇඟ මහන්සි නොකර ලොකු පඩියක් ගන්න මැනේජර් ලෙවල් එකේ රස්සාවල් කරන්න. කමෙන්ට් එක මකන්නේ නැතුව දායි කියල බලාපොරොත්තු වෙනවා.

      Delete
  14. මං කොමියුනිස්ට් පක්ෂේ මධ්‍යම කාරක සභාවේ ඉන්න කාලේ කාන්තාවන් තුන් හතරදෙනෙක් එහි හිටියා. චන්දෙන් තේරිලා ආපු අය.

    රෑ වෙනකොට කාන්තාවනට සුරක්ෂිත බවක් නැහැ. ඒ නිසා වේලාසනින් ගෙදර එන්න තමයි බලන්නේ . ඒ නිසා හැන්දෑවට ගෙදර එන්න බැරි වැඩ වලට කාන්තාවෝ යොමු වෙනවා අඩුයි. මන් හිතන්නේ එකයි ඔය හුඟක් ශේෂ්ත්රවල කාන්තා නියෝජනය අඩු

    ReplyDelete
  15. මීට සම්බන්ධ වෙනත් නිරීක්ශනයකක් ගැන.

    ලංකාවේ ක්‍රියාකාරී දේශපාලනයේ යෙදෙන (සීරියස් - න්‍යායාත්මක දේ ගැන කතාකරන මට්ටමේ) කාන්තාවන් ඉන්නේ ඉතා අතලොස්සයි. මම දැකලා තියෙන දෙයක් තමයි මේ කාන්තාවන් වැඩි දෙනෙක් තමන් සමග සංවාදයේ යෙදෙන වෙනස් මතාධාරී අනික් (පිරිමි) කෙනාට පොඩ්ඩ බැරි වෙනකොට කාන්තාවකට අපහාස කලා යැයි කියමින් චෝදනා කරන එක. වැඩි දෙනෙක් ලංකාවේ පිරිමි සංවාදකයො එහෙම කාන්තාවන්ට අපහාස වන අන්දමින් කතාකරන අය තමයි. නමුත් හැමෝම එහෙම නැහැ.

    සහ මේ කාන්තාවන් බොහෝ විට භාවිතා කරනවා අනිකාට (විරුද්ධ මතධාරියාට ) අපහාස වන අන්දමේ දේවල් පිරිමි සංවාදකයන්ට සාපේක්ශව (මම මේ කියන්නේ එකම කැලිබර් එකේ අයව; නිර්මාලුයි, විදර්ශනයි, රමිඳුයි එක්ක ගීතයි, පවිත්‍රයි, උපේක්ශයි වගේ නෙමෙයි ).

    ස්ත්‍රී විරෝධී අදහසක් කියලා හිතන්න එපා, මේක මගේ නිරීක්ශනයක් විතරයි, වැරදි වෙන්න පුලුවන්. පැරා මොකද හිතන්නේ මේ ගැන? මේ වෙනස් මතධාරීන් සමග සීරියස් සංවාද වලදී කාන්තාවන් සහ පිරිමින් සංවාද කරනවා වෙනස්ද? දෙගොල්ලොම එක විදියද? (මං දන්නවා පැරාට තියෙනවා මේ වගේ සංවාද ගැන අත්දැකීම් ;-))

    - Dimithri

    ReplyDelete
    Replies
    1. මගෙ අත්දැකීම වන්නෙ විකල්ප දේශපාලනේ යෙදෙන කාන්තාවන් ස්ත්‍රීභාවය වෙනම මාකට් කරගන්නට යන එකයි.එතන සමතැන නැතුවා විතරක් නෙමෙයි ස්ත්‍රී ස්වෝත්තමවාදයකුත් තියෙනවා.

      Delete
    2. මගෙ අත්දැකීම වන්නෙ විකල්ප දේශපාලනේ යෙදෙන කාන්තාවන් ස්ත්‍රීභාවය වෙනම මාකට් කරගන්නට යන එකයි.එතන සමතැන නැතුවා විතරක් නෙමෙයි ස්ත්‍රී ස්වෝත්තමවාදයකුත් තියෙනවා.

      Delete
    3. ස්ත්‍රී ස්වෝත්තමවාදයක්! මම හිතන්නේ ඒ වචනය වැරදියි.

      ඔවුන් ඒ කරන්නේ එක්තරා විදියක ප්‍රී එම්ප්ටිව් ඇටෑක් එකක් ලෙස. ඒක එක අතකින් (තව මොහොතකින් අනිවාර්යයෙන්ම මුහුනදීමට නියමිත යැයි ඔවුන් සිතන - තමාට අලුත් ඕනම කෙනෙකු වෙන්න පුලුවන්) පුරුශෝත්තමවාදයට ප්‍රතිචාර දක්වන විදියක් වෙන්න පුලුවන් සමහරවිට අවිඥානිකවම.. ඔවුන්ට එය කල හැක්කේ වාචිකවම පමනක් නිසා ඒ ප්‍රතිචාර ටිකක් දරුනුයි වගේ පේනවා. (උදාහරනයක් ලෙස, වාහන පදවන ලඳුන් නිතර පුරුශෝත්තමවාදී රියදුරන් අතින් හිරිහැර, බය ගැන්වීම් වලට ලක්වෙනවා. නමුත් ඔවුන්ට ඒ රියදුරන්ට ප්‍රතිචාර දක්වන්න විදියක් නැහැ.). මේක හරිද වැරදිද කියන්න මම දන්නේ නැහැ. ටිකක් විතර සුලුජාතියේ ජාතිවාදය වගේ එකක් කියලත් හිතන්න පුලුවන්. මම දන්නවා පැරා ඒකට (සුලුජාතියේ ජාතිවාදය කියන අදහසට) කැමති නැහැ ;-)

      අපි එහෙම පුරුශෝත්තමවාදීන් නෙවෙයි තමයි. නමුත් අපට අභිමුඛ වන ආගන්තුක ස්ත්‍රිය එහෙම හිතන්නේ නැතුව ඇති. ඔවුන් හිතනවා ඇති අර රියදුරන් වගේ කියලා. රියදුරන් විතරක් නොවේ එක්ස් එකේ පිරිමි වුනත් ඔවුන්ට අගේන්ස්ට් යන කාන්තාවන්ට පොඩ්ඩ බැරි වුනාම කිව්වේ "දෛව ස්ත්‍රිය" කියලා!

      -Dimithri

      Delete
    4. ඔහොම වෙන්න එක හේතුවක් තමයි වාමාංශික පක්ෂ, කණ්ඩායම් ආදියට පැමිණෙන බොහෝ කාන්තාවන් එක්කෝ එන්නේ ම ප්‍රේම සම්බන්ධයක් නිසා හෝ ඇවිත් ඉන්නේ එවැන්නක් නිසා වීමයි. එය වරදක් නෙමෙයි. එහෙත්, ඒ ඔස්සේ ලබා ගන්නා දේශපාලනික විඥානය බොහෝ විට රොමැන්තික් සම්බන්ධකම්වල පවතින සාමාන්‍ය ගැටුම්වලට දෙවෙනි වෙනවා.

      උදාහරණයක් විදියට ලිංගික ඊර්ෂ්‍යාව වගේ ඒවා මේවායේ යටිතලයේ රැව් පිළිරැව් දෙනවා.

      මෙවැනි ව්‍යාපාරවලට එවැනි ප්‍රවේශ මාර්ග හැර කාන්තාවන්ට ප්‍රජාතන්ත්‍රවාදීව පිවිසිලා, ස්වාධීනව පවතින්නට අවකාශ නැති වීම විසින් ම මෙම අවකාශයන්ගේ එක්තරා ලක්ෂණයක් ප්‍රකාශමාන වෙනවා.

      Delete
  16. I will ask my wife to apply for the candidacy from a left political party for the next election.

    ReplyDelete
  17. පැරාගේ පෝස්ට් එකට එකඟ වෙන ගමන්ම තව දෙයක් කියන්න ඕනේ. ඇත්තෙන්ම අද වාමාංශික දේශපාලනයත් වැඩකට නැති එකක් වෙලා. අද තියෙන්නේ බොරු වමක්. වමේ සංකල්ප නෑ. පැරා කියන එක හරි. වාමාංශික දේශපාලන පක්ෂ වල නායකයො පූර්ණ කාලීනව දේශපාලනේ කරමින් ප්‍රවුර්ති සාකච්චා රැස්වීම් තිය තියා සුපිරි හෝටල් වල වැඩසටහන් කර කර කරන්නේ බොරු රැවටිලිකාර වැඩ. මේ ඔක්කොම වැඩකරන්න යවන්න ඕනේ. අනික කාන්තාවන්ට තාක්ෂණික දැනුම දීල හැම කටයුත්තටම සහභාගි කරවන්න ඕනේ. සෑම පාඨමාලාවකටම හැම අධ්‍යාපන ආයතනයකම කාන්තාවන් 50% ඇතුල් කිරීම අනිවාර්ය කරන්න ඕනේ. රැකියා වලත් එහෙමයි. පාර්ලිමෙන්තුවටත් ඒකම කරන්න ඕනේ. මේ හැම දෙයක්ම කරන්නනම් කටින් සමාජවාදය කරනවට වඩා ක්‍රියාවෙන් ඔප්පු කරන්න පුළුවන් නියම වාමාංශික ව්‍යාපාර බිහි වෙන්න ඕනේ.

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.