2018-02-11

මෙහෙම වුණේ ඇයි? ඩූ යූ නෝ වයි?

වට කරගෙන ඉන්න එවුන් ටිකත් එක්ක ම යන්න කල හරි දොරේ! 
මෙම සටහන තබන විටත් පළාත් පාලන මැතිවරණයේ නිල ප්‍රතිඵල නිකුත් වෙමින් තිබෙන මුත්, නො නිල ප්‍රතිඵල අනුව ශ්‍රී ලංකා පොදුජන පෙරමුණ අති විශිෂ්ට ජයග්‍රහණයක් ලබාගෙන තිබේ.

එම ජයග්‍රහණයේ සුවිශේෂ ලක්ෂණය වන්නේ සිංහල බෞද්ධ බහුතර ඡන්ද පදනම මහින්ද රාජපක්ෂ නායකත්වය දෙන එම දේශපාලන පක්ෂය විසින් හිමි කර ගැනීමයි. බලයේ සිටින පක්ෂ දෙක අතරින් එක්සත් ජාතික පක්ෂය බලාපොරොත්තු නො වූ පරාජයකට ඇද වැටී තිබෙන අතර ශ්‍රී ලංකා නිදහස් පක්ෂය අන්ත අසරණ අඩියකට වැටී තිබේ.

මෙම මැතිවරණ ප්‍රතිඵලය ඉතා පැහැදිලිව ම 2015 ජනවාරි 08 ජයග්‍රහණය ආපසු හරවන හා එහි ආයුෂ කෙටි කරන එකක් බව පැහැදිලි ය. වත්මන් ආණ්ඩුවට මේ අන්දමින් 2020 දක්වා ඉදිරියට යන්නට ලැබෙන්නේ නැත.

එක්සත් ජාතික පක්ෂයේ පරාජය ලංකාවේ සමාජ සංවර්ධනයෙහි ලා බරපතල ගැටලුකාරී තත්වයක් නිර්මානය කරන්නකි. ලංකාවේ සමාජ ආර්ථික දිශානතිය සම්බන්ධයෙන් එක්සත් ජාතික පක්ෂයට යම් දැක්මක් තිබිණි. කාර්යක්ෂම රාජ්‍ය නියාමනයක් සහිතව, පෞද්ගලික අංශයේ හා විදේශ ආයෝජනවල මූලිකත්වයෙන් සිදු වන ආර්ථික සංවර්ධනයක්, නියාමනයක් සහිත විවෘත වෙළඳපොළක් හා වඩා කාර්යක්ෂම රාජ්‍ය අංශයක් පිළිබඳ ඔවුන්ට දැක්මක් තිබිණි. එහෙත් එය ද දූෂිත ය.

රාජපක්ෂ පවුල් පාලනයේ ආර්ථික උපායමාර්ගය ද ඊට වඩා ගොඩක් වෙනස් එකක් නො වේ. එහි තිබුණු මූලික ලක්ෂණය විනයක් නැතිකමයි. රාජපක්ෂ පවුලේ අයගේ හා ඔවුන්ගේ සහචරයන්ගේ කොල්ලකාරී, පටු අරමුණු එහිදී මූලික විය.

මෙම පාලනයන් දෙකෙහි මූලික වෙනස ඇත්තේ ආර්ථික උපායමාර්ගය හෝ දූෂණය සම්බන්ධයෙන් නො වේ. රාජපක්ෂ පාලනය වනාහි ප්‍රජාතන්ත්‍ර විරෝධී, ඒකාධිපති නැඹුරුවක් සහිත එකකි. දේශපාලන විරුද්ධවාදීන් ඝාතනයේ සිට, කප්පම් ගැනීම සඳහා මිනිසුන් පැහැර ගෙන යාම, බරපතල අපරාධකරුවන් ගංගාවල ගිල්වා මැරීම වැනි බොහෝ අවනීතික තත්වයන් එසමයෙහි රජ කළේ ය. දේශපාලකයන්ගේ, හමුදා පොලිසිවල හා රජයේ නිලධාරීන්ගේ පීඩනයට නිරන්තරයෙන් ලක් වන්නට මහජනතාවට සිදු විය.

2015 ජනවාරි 8දා බලයට පත් වූ එජාප-ශ්‍රීලනිප හවුල් පාලනය විසින් මෙම තත්වය තීරණාත්මක ලෙස වෙනස් කරන ලදී. ගත වූ වසර තුන තුළ රටෙහි ප්‍රජාතාන්ත්‍රික ප්‍රතිසංස්කරණ රැසක් සිදු වූ අතර, වඩා නිදහස් වාතාවරණයක් රට තුළ ඇති විය. එකදු දේශපාලන විරුද්ධවාදියකු හෝ මරා නො දමන ලද මෙතරම් දිගු කාලයක් මෑත ලංකා ඉතිහාසයේ කිසිදු කලෙක තිබුණු බවක් අපි නො දනිමු.

නීතිය ක්‍රියාත්මක කරන ආයතනවල යම් ශක්තිමත් වීමක් සිදු වූ අතර වත්මන් රජයේ දූෂණවලට එරෙහිව පවා නීතිය ක්‍රියාත්මක වීම ආරම්භ වී තිබේ. එහෙත්, ඒවායේ අඩුපාඩු එමට ය.

මේ අතර, රටේ ඇති වූ සාපේක්ෂ නිදහස් වාතාවරණය වාමාංශික පක්ෂ, රජයේ සේවකයන්, වෘත්තීය සමිති, ශිෂ්‍ය සංවිධාන ආදිය විසින් අපහරණය කරන ලදී. මහජනතාව අපහසුතාවට පත් කරන වර්ජන, උද්ඝෝෂණ ආදිය පාලනය කිරීමේ කිසිදු උවමනාවක් ආණ්ඩුවට නො තිබිණි. මෙම තත්වයන් ඉතා සියුම් ලෙස රාජපක්ෂවාදීන් විසින් හසුරුවනු ලබන බව හෝ තේරුම් ගැනීමේ උවමනාවක් ඔවුන්ට නො තිබිණි.

කෙසේ වෙතත්, 2018 පෙබරවාරි 10 තීන්දුව ද 2015 ජනවාරි 08 තීන්දුව වැනි ම වූ එකකි. එය විසින් වත්මන් ආණ්ඩුවේ සදාචාරමය පැවැත්ම තීරණය කර තිබේ.

මෛත්‍රී-රනිල් හවුල් ආණ්ඩුවට එසේ වූයේ ඇයි ද යන්න විමසා බැලිය යුතු ය. එතැනදී මෛත්‍රී යනු කෘත්‍රිමව නිර්මානය කරන ලද නායකයකු බැවින් ඔහුට හා ඔහුගේ පක්ෂයට අත් වූ ඉරණම බලාපොරොත්තු විය හැකි තත්වයකි. එහෙත් එජාපයට එසේ වූයේ ඇයි ද යන්න සාකච්ඡා කළ යුතු ය. 

එජාපයේ නායකත්වයේ සිට සංවිධායකවරුන් හා පළාත් පාලන මැතිවරණ අපේක්ෂකයන් දක්වා බොහෝ දෙනෙකු සිතාගෙන සිටියේ තමන් මෙම මැතිවරණය ජය ගනු ඇතැයි කියා ය. ඔවුන්ට තමන් ජයග්‍රහණය කරවූ බලවේගය අමතක විය. අලුත පහළ වූ සල්ලි මාධ්‍ය හා ප්‍රචාරක ආයතනවලට විසි කිරීමෙන් හා ප්‍රතිවාදීන් සමග හොර ඩීල් දැමීමෙන් ජය තහවුරු කර ගත හැකි යයි ඔවුහු විශ්වාස කළ හ. 

බිම් මට්ටමේ ඔවුන්ට සිටියේ දක්ෂ සංවිධායකයන් නො වේ. ඔවුන් දේශපාලනයේ ද අපරිණතයෝ ය. උදාහරණයක් ලෙස, මා ජීවත් වන මතුගම ආසනයේ සංවිධායක ධුරය හොබවන්නේ ගිනි පොළී ජාවාරමෙන් ධනවතකු වූ ජගත් පී. විතානයි. නිර්දය ලෙස ප්‍රදේශවාසීන් සූරා කෑමෙන් ම ධනතවතකු වූ, ගෞරවනීය නමක් නැති අයෙකුට සල්ලි විසි කිරීමෙන් (ඇත්තට ම ඔවුන් එසේ වියදම් කරන්නේ ද නැත) පමණක් කරන්නට පුළුවන් තරම මෙම මැතිවරණයෙන් ඔප්පු විය. ඔහුට අඩු ගණනේ ඔහුගේ ගමේ කොට්ඨාසයවත් දිනා ගැනීමට බැරි විය. මතුගම ආසනයේ එජාපය දිනා ගත් කොට්ඨාස දිනා ගත හැකි වූයේ සුළු ජාතික දෙමළ හා මුස්ලිම් ඡන්ද නිසා ය. මතුගම වැසියන්ගේ අවාසනාවේ ගැඹුර වන්නේ මෙතැනට බැල්ම දාගෙන සිටින අනෙකා පාලිත තෙවරප්පෙරුම වීමයි. 

රනිල් වික්‍රමසිංහගේ සිට පහළට එජාප නායකයන් පසුගිය සමයේ හැසිරුණේ උද්ධච්ඡ මෝඩයන් පිරිසක් ලෙසයි. ඔවුන් පසුපස ගොස් තනතුරු ලබා ගත් බැලයන් කිසිවෙකුට මෙය පෙන්වා දීමේ අවශ්‍යතාව ද නො තිබිණි. අලුත් ධනෝපායන මාර්ග, විදේශ සංචාර අවස්ථා ආදිය භුක්ති විඳිමින් ඔවුන් සිටියේ මාර සතුටිනි. හැබැයි දිය සැළියේ ලිපි ගිනි මොළවන තෙක් සතුටින් පීන පීනා සිටින කකුළුවන් සේ ය. 2015 ජනවාරි 8 හා ඉන් පසුව මහ මැතිවරණයේදී පවා ඔවුන්ට උපකාර කළ පුරවැසි බලවේගය ඔවුහු හිතාමතා ම බැහැර කළ හ. එසේ කරමින් ලෝක තක්කඩින් හයියෙන් හයියෙන් බදා ගත් හ.

මේ ගෙවන්නේ ඔය කාරණා සියල්ලේ වන්දියයි. එහෙත්, අවාසනාවන්ත තත්වය වන්නේ ඒ වන්දිය අවසාන වශයෙන් ගෙවන්නේ රටේ සමාජ වෙනසක් සැබැවින් අපේක්ෂා කළ ජනතාවක් වීමයි. 

ජනතාව නැවත ඉල්ලා සිටින්නේ ඒකාධිපතිවාදය, සමාජය බෙදා වෙන් කිරීම, දූෂණය, මර්දනය හා ප්‍රජාතන්ත්‍ර විරෝධය යයි මෙම ප්‍රතිඵලය සමග ඇතැම් විට රාජපක්ෂලා සිතනවා ඇත. එහෙත්, මෙම මැතිවරණ ප්‍රතිඵලය එසේ විග්‍රහ කර නො ගත යුතු ය. මේ සිදු වූයේ විරෝධයේ හා කලකිරීමක ප්‍රකාශනයයි. තවමත් වැරදි නිවැරදි කර ගන්නට කාලය නැත්තේ නැත. එහෙත්, ගිය නුවණ ආපසු අදින එක ලෙහෙසි නැත.

පුරවැසියන් ලෙස අප ප්‍රජාතන්ත්‍රවාදය, නිදහස, සාමය, සංවර්ධනය හා සමාජ වෙනස සම්බන්ධයෙන් වූ අරගලය කිසි සේත් ම අත හැරිය යුතු නැත. මේ පරාජය අලුත් ජවයක අවශ්‍යතාවේ ප්‍රකාශනයක් ලෙස විග්‍රහ කර ගත යුතු ය. 

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

44 comments:

  1. ලංකාවේ ශ්‍රිලනිප පාක්ෂිකයා යනු උග්‍ර සිංහලබෞද්ධ ජාතිවාදියෙක් කියල ඔප්පුකලා එච්චරයි

    ReplyDelete
    Replies
    1. එතකොට දෙමල්ලුයි හම්බයෝයි ජත්වාදී නැහැ?

      Delete
  2. මිනීමරු රාජපක්ෂට කැමති මෝඩයින් මේ රටේ තාමත් ඉන්නවා... දැන් තව ටිකකින් මෙතෙන්ට එන ලාංකිකසිතුවිලි කියාගන්නා පුද්ගලයාට අනුව එක්නැලිගොද කොටියෙක් නිසා ඔහුව මැරීම සාධානරයි... ඔන්න දියුනු ස්‍රිලන්කා කාරයින් හිතන විදිහ

    ReplyDelete
    Replies
    1. පාසල් ළමයි ඇතුළුව 60000ක් මරපු UMP එකට වඩා 60ක් මරපු මහින්ද මිනිමරුවෙක් වෙනහැටි කියපන්.

      Delete
    2. https://archive.org/stream/BatalandaCommissionReportSrilanka/Batalanda-Commission-Report%20-Srilanka#page/n7/mode/2up

      Delete
    3. https://www.youtube.com/watch?v=qqSW3cKNb7k

      Delete
    4. මෙන්න ලාංකිකසිතුවිලියගේ අදහස http://lankasithuwili.blogspot.com/2018/02/blog-post.html

      Delete
  3. //මේ ගෙවන්නේ ඔය කාරණා සියල්ලේ වන්දියයි. එහෙත්, අවාසනාවන්ත තත්වය වන්නේ ඒ වන්දිය අවසාන වශයෙන් ගෙවන්නේ රටේ සමාජ වෙනසක් සැබැවින් අපේක්ෂා කළ ජනතාවක් වීමයි.//

    නින්ද යන්නෑ බං.

    පහුගිය සතියක ආචාර්ය ජයදේව උයන්ගොඩ රාවයට ලියලා තිබුනා මෙහෙම ".... සිරිසේන-වික්‍රමසිංහ යන දෙපල සම නායකයන් බවට පත්වූ අලුත් දේශපාලන සන්ධානය පොරොන්දු වූයේ මෙම පර්වර්තනීය සමාජ දේශපාලන අභිලාශයෙන් තමන්ගේද දේශපාලන න්‍යාය පත්‍රය කරගන්නා බවයි. එහෙත් පසුගිය අවුරුදු තුනේ අත්දැකීම වී තිබෙන්නේ වික්‍රමසිංහ-සිරිසේන යන දෙදෙනාම එම පරිවර්තනීය කාර්යය ඒ තරම් වගකීමකින් යුතුව ඉදිරියට ගෙන නොගිය බවය්. ඒ සඳහා ලැබිය යුතු දෝශයේ වැඩිම කොටස යා යුත්තේ රනිල් වික්‍රමසිංහ වෙතය."

    ...දෝශයේ වැඩිම කොටස යා යුත්තේ රනිල් වික්‍රමසිංහ වෙතය... දෝශයේ වැඩිම කොටස යා යුත්තේ රනිල් වික්‍රමසිංහ වෙතය..දෝශයේ වැඩිම කොටස යා යුත්තේ රනිල් වික්‍රමසිංහ වෙතය...

    උඹ දැක්කද කලින් පෝස්ට් එකට මම දැම්ම කොමෙන්ට් එක.

    //චන්ද ප්‍රතිපල පැහැදිලි වෙමින් පවතී (දැන් 00.18 -පෙබ 11)...

    පැරා තාම හිතනවද රනිල්ගෙ නවීන ආර්ථික ප්‍රතිපත්ති හැන?

    මම හිතන්නෙ දේශපාලකයෙක් විදියට නම් තව දුරටත් බලපොරොත්තු තියාගන්න බැරිවෙයි (ලබාගත් බලය අවුරුදු 3ක්වත් අල්ල ගෙන ඉන්න බැරි කෙනෙක්!) අදාල අමාත්‍යංශයට (මුදල්/ප්‍රතිපත්ති ) රාජ්‍ය නිලධාරියෙක් විදියට ස්ථිර පත්වීමක් වත් දීල කරගන්න බලන්න වෙයි.//

    Dimithri

    ReplyDelete
  4. විශම චක්‍රය තමයි..

    අඳුරු දශකය -> දූශිත මැතිවරන -> ජන 8 යහපාලන ජයග්‍රහනය-> ප්‍රජාතාන්ත්‍රික අවකාශය-> නිදහස->සාපේක්ශව සාධාරන/නිදහස් රජ්‍ය පාලනය->සාධාරන මැතිවරනය -> දූශිතයන්/ප්‍රජාතන්ත්‍ර විරෝධීන්ගේ නැවත ජයග්‍රහනය ->අඳුරු යුගය - දූශිත මැතිවරන ->අඳුරු යුගය.....???......

    Dimithri

    ReplyDelete
  5. මේක ඇත්තද? අනේ සාදු... ලොකු දෙයක්!

    http://sinhala.lankanewsweb.net/news/special-news/item/13347-7-update-3

    ආණ්ඩුවේ ප්‍රබලයන් 7 ක් අද අස්වෙති : පළාත් පාලන මැතිවරණය - Update 3 Featured
    - Feb 11, 2018

    අනුර ප්‍රියදර්ශන යාපා, ඩිලාන් පෙරේරා, නිමල් සිරිපාල ද සිල්වා, ජෝන් සෙනෙවිරත්න, සුසිල් ප්‍රේමජයන්ත ඇතුළු ආණ්ඩුවේ ප්‍රබලයන් 7 දෙනෙක් අද දිනයේ ආණ්ඩුවෙන් සහ සිය ධුරයන්ගෙන් ඉල්ලා අස්වීමට නියමිත බව තහවුරු නොකළ ආරංචි මාර්ගවලින් අප වෙත වාර්තා වේ.

    - Dimithri

    ReplyDelete
  6. මේක තමයි චන්දය දන කියෙව්ව පලවෙනි පොස්ට් එක. මයිත්‍රී ට අයිති පක්ෂයට මොකක් උනත් රනිල් කරගත්ත ගොං වැඩ වලින් එක්සත් ජාතික පක්ෂයට කෙලවිම ගැනනම් මට තියෙන්නෙ පොඩි අප්සට් එකක්.හැබැයි මේ කවුරු හොරකං කලත් ඒවට විරුද්දව මහින්දව බලයට ගේන්න හිතනවනම් එච්චර මෝඩ කමක් තවත් නැහැ. ඔබ කිව්වා වගේ වැරදුන තැනින් පටන් අරගෙන හැදෙන්න නං ගෙඩිය පිටින්ම තව අවුරුදු දෙකක් සම සමව දෙගොල්ලන්ටම තියෙනව. බලමු මොකද වෙන්නේ කියල.

    ReplyDelete
  7. පැරාග රේඩියෝ රස්සාවට කෙල නොවේවා.

    ReplyDelete
  8. රෙදි හෝදන්න එපා පැරා ඔයත්..... දැං වත් නවත්තල හරි දේ කියන්න....

    ReplyDelete
  9. Even with the defeat Mahinda had 42Laks and more than 40% out of the total country. We will see the total and percentage change this time before making a decision. ( Actually my3 promised to be a party less leader but this this did not happened ).

    ReplyDelete
    Replies
    1. There was a person who moved here and there on top of a elephant. People used to clap when they see this. Man thought this is because of him and tried to walk along and everybody ignored him as this is a usual seen. This is what has happened. He got claps because of the combination of man and elephant.

      Delete
  10. ලොකු විනාශයක් රටේ ජනතාව කරගත්තේ....ඒකාධිපතියගෙන් අමාරුවෙන් ගලවගත්ත රට රැක ගන්න බැරි මෝඩ තකතීරු රනිල් , සිරී ටයි කියන්න තියෙන්නේ තොපිට හොද වැඩේ කියාය.

    ReplyDelete
  11. මම් ඕකුන්ගේ එකම උද්දච්ච කමක් විතරක් ලියන්නම් මචෝ (තා කීපයක්ම තියෙනවා)

    පිටරටක ඉන්න මගේ යාලුවෙක්, මහා පරිමාන සෝලා ප්ලාන්ට් එකක් දාන්න ඉන්වෙස්ට් කරන්න කැමතියි කියලා පොඩ්ඩක් හොයලා බලපන් කිව්වා...

    අජිත් පී පෙරේරා බුකියේ ඉන්න නිසා මම පොරගෙන් ඇහුවා මෙහෙම කෙනෙක් ඉන්නවා මොකක්ද කරන්න පුළුවන් කියලා..

    පොර මට කිව්වා වෙබ් සයිට් එකට ගිහින් බලාගන්න එකේ ඔක්කොම තියෙනවා කියලා... මගේ යාලුවයි මම දෙන්නම ගේම අත ඇරලා දැම්මා... ඊට හොඳට්යි පොතේ දාලා අතේ ගහගෙන ඉන්න එක කියලා.. මේ වගේ උන්ට ඇමති කම් හරි නියෝජ්ජ ඇමති කම් දුන්නට වඩා හොඳයි... කොරලේ කිට් එකක් අන්දලා, කටු ගේ ඉස්සරහා තියලා තිබ්බා නම්..

    ඒ වගේම මහින්ද මහත්තයගේ කාලේත් සුද්දෙක් ඇහුවා ගර්කින් වවන්න ඉඩමක් සෙට් කර ගන්න පුළුවන්ද කියලා... මම යාලුවෙක් මාර්ගයෙන් බැසිල් කන්ටැක්ට් කලා.. පොඩි යටි මඩි ගානක් ගියා තමයි... ඒත් මාස හතරෙන් වැඩේ උනා... දැන් එතන 60-70 ක් වැඩ කරනවා...

    ඕන් මහ ලොකු ආර්තික උස්තාද්ලගෙ වෙනස

    ReplyDelete
    Replies
    1. White-Collar Crimes AssociationFebruary 12, 2018 at 10:55 AM

      "Disce aut discede"

      Delete
  12. පැරාට නන් මොකද ඉල්ලමක් පෑදුනා වගේ ඇති නේ දැන්... ඩොලර් මලු පි‍ටින් ලැබෙයි දැන් මහින්දට විරැද්ධව ලියන්න...

    ReplyDelete
  13. පැරා, මම නම් කැමති රට කැලි වලට කඩන්න හදන ව්‍යවස්තාවට ජලාහුටනා වෙන එකටයි

    ReplyDelete
  14. අධ්‍යාපන ක්‍රමයේ හෙමින් හෙමින් උනත් කරමින් යන වෙනස කරගන්න කාලයක් නොලැබීම නම් ඉතාම කණගාටුවට කරුණක්. හර්ෂ ද සිල්වා වගේ අය දේශපාලනයට එක්වෙන්න පෙර දැනගතයුතුව තිබුන සිංහල වාසගමක් වැදගත්බව, රනිල්ලාගේ තාත්තලාගේ කාලේ මිනිසුන්ට මොලේ තිබුන ඇල්බට් පෙරේරාව අමරදේව කරන්න, මේ රටේ තාමත් ජිවත් වෙන්නේ ඒ යුගයේ මිනිසුන් ම බව. අර එරාන්ට සිවුරක් අන්දලා අනගාරික ධර්මපාල වර්ගයේ නාඩගමක් නටවල ගත්තත් වරදක් නෑ.

    ReplyDelete
  15. සමහර විට යු.එන්.පීය දින්නොත් අධි තක්සේරුවකින් ඉන්න තිබ්බා. කවුද දන්නේ? මම නම් දකින්නේ ඔවුන්ගේ පරාජයට ගොඩාක්ම බලපෑවේ බැඳුම්කරේ සිද්ධිය කියලයි

    ReplyDelete
  16. තුෂාර වන්නිආරච්චි කියන්නෙ කව්ද පැරා ? මිනිහ රනිල්ගේ ජාතික ප්‍රතිපත්ති සහ ආර්ථික කටයුතු අමාත්‍යංශයේ සම්බන්ධිකරණ ලේකම්වරයෙක්ලු.

    චන්දෙට කලින් මිනිහ ලියල තිබුන මහින්දට ලොකු තරඟයකින් පස්සේ හරි දිනන්න පොඩි හරි චාන්ස් එකක් තියන්නෙ මොණරාගල විතරයි කියල. ඇත්තටම දැන් මිනිහගෙ අනාවැකිය හරියටම හරිගිය බව අපි දැන් දන්නවනේ.

    අද මිනිහ ලියල තියෙන විදියට කිසි අවුලක් යූ.ඇන්.පි යට නෑ. ඊළඟ ජනාධිපතිවරණයක් වුනත් පහසුවෙන් ජයග්‍රහණය කරන්න පුළුවන්ලු.

    මිනිහ අන්තිමට මෙහෙම ලියනවා.

    “දැන් පොහොට්ටුව පිපී මලක් බවට පත්වී තිබේ. මීළඟට තිබෙන්නේ මල පරවන යුගයයි.”

    මෙහෙම ප්‍රාඥයො තවත් ළඟ තියාගත්තොත් රනිල් ඊළඟ ජනාධිපතිවරණය ගෙදර ඉඳන් අත උඩින් දිනන බවට කිසිම සැකයක් නෑ !!!

    ReplyDelete
  17. අනේ මන්දා ඉස්සර අපක්ෂපාතී, අපට හිතන්න යමක් ඉතුරු කරල ලියපු පැරාගේ දේශපාලන විච්චේදන ලිපි, දැන්, දැන් "පොඩි එකාගෙ ලියුම" වාගෙ වෙලා කියල හිතෙන්නෙ මට විතරද?

    වැ‍රැද්දක් කියන්නත් බෑ. අපි කිව්වට පැරාත් ජාම බේරාගෙන කු‍ටුම්බරක්ෂණය කරන්න එපැයි.

    උඩුවට නං මොකද? ඌ තාම ඉලංදාරියා නෙව? මෙහෙම ලියන්නෙ ඒ නිසා වෙන්ටෑ? ඒත් එකක් කියන්න ඕනෙ, උඩුවගෙ තමා , මම දැකපු හොඳම ලිපිය.

    ReplyDelete
    Replies
    1. කුටුම්බ රක්ෂණේ කරන්නට අපට රස්සාවල් තියෙනවා. දෑතෙ කුසලතා තියෙනවා. දේශපාලනය කරන්නෙ රටට, සමාජයට තියෙන ඇල්මයි, අපි දේශපාලන සත්තුයි නිසා.

      Delete
  18. හොරු නොඇල්ලු නිසා හොරුන් පත් කරගත් ජනතාවක්!

    ReplyDelete
    Replies
    1. අනේ මේ ආණ්ඩුවට බැරිවුනේ හොරු අල්ලන්න විතරද? පෝර ටික වෙලාවට දෙන්න බැහැ, පෙට්‍රල් ටික වලාවට ගෙන්න බැහැ, කෝටි දෙකක් මිනිස්සු එකතුකරලා දීලත් පෙට් ස්කන් එක ගෙන්න අවුරුදු 2ක් ගියා. ඉතින් මුන්ට මොකට චන්දෙ දෙනවද?

      Delete
  19. රාජිත කියන එකෙත් ඇත්තක් තියෙනවා. මේ චන්දෙ ජනාධිපතිවරනයක් කියල හිතුවොත්, මෛත්‍රි+යූඑන්පී+ජේවීපී > 50% විතරක් නෙවෙයි, 2015 ප්‍රතිශතයටත් වඩා සුලුවෙන් හරි වැඩිත් වෙලා තියෙනවා. තවත් කවුද කොහෙද කියලා තිබුනා මුලු ආසන ගනන ගත්තත් මහින්ද 44%, මෛත්‍රි+යූඑන්පී+ජේවීපී 46% කියලා. ඉතින් මොකටද ආන්ඩු විසුරුවන්නේ? කවුද කියන්නේ මහින්දට අගමැති කම දෙන්න ඕනෙ කියලා.

    හැබැයි ෆුල් ප්‍රෙශර් එක දාන්න ඕනේ රනිලව එලවන්න සහ මෛත්‍රි ට යහපාලන ප්‍රතිපත්ති වලට ආපහු යන්න. හාෆ් හාටඩ් නැතුව සංහිදියාව, හොරුන් මිනීමරුවන් ට දඬූවම් දීම, ව්‍යවස්ථාව ගෙන ඒම වගේ ඒවා. මම හිතන්නෙ අවුරුදු 2 ඇතුලෙ මේක ගොඩ දාන්න පුලුවන් වෙයි ආපහු.

    මම ධනාත්මකයි දැන් ඊයෙට වඩා! :-)

    - Dimithri

    ReplyDelete
    Replies
    1. Ranawiruwan kiyana ayada daduwan denne ne kewe my3 neda? Ko chande hamba wunada?
      Meya baluwe thaniyama raja wenna.

      Delete
    2. අනේ ඔයා දන්නේ නැත්ද රාජිතට ගැන බැහැනේ! මෙහෙම බලන්නකෝ ජන්දිපතිවරණයකදී SLPP , SLFP හා නිදහස් සන්දාන එකටනේ, එතකොට
      SLPP - 44.65%
      SLFP - 4.44%
      නිදහස් සන්දානය - 8.94%
      එකතුව = 58.03%
      දැන් ටිකක් රිනාත්මකද?

      Delete
    3. බුලත් කොලේටයි අතටයි ගැහුවෙ බහුතරයක් පොලොන්නරුවෙ, මඩකලපුවෙ, උ. නැ. පැතිවල කොටස් සහ අනිත් පැතිවල අපි වගේ කීයටවත් මහින්දට දෙන්නෙ නැති අය.

      බුලත් කොලෙයි අතෙයි සංවිධායකයොන්ගෙ ඡන්දත් තියෙනවා තමයි (සෙල්ලං පිස්තෝල එරාජ් වගේ අයගෙ ) ඒත් හැමෝම දන්නවා ඩිලාන්ලා, සුසිල් ප්‍රේම ජයන්තලා, නිමල් සිරිපාලලා, අනුර යාපාලා හොර ගල් ඇහුලුවෙ කියලා. ඒ ඔක්කොටම වැඩිම වුනොත් යන්තම් ඔයා කියන හින්දා 5% ක් තිබ්බැහැකි. ඉස්ටිල් 50% ක් නැහැ නේද?

      අනික් අතට තාජුඩීන්ගෙ වගේ ඝාතකයො, මූල්‍ය හොරු, ප්‍රාදේශීය හොරු නිර්භීතව අල්ලල, සංහිඳියාව අවංකව ඇතිකරල, නීතිය සාමය රාජ්‍ය පාලනය විනිවිදව, සාධාරන සහ කාර්යක්ශම කරන්න පුලුවන්නම් (මූල්‍ය පාලනය ගැන නම් මම වැඩිය දන්නෙ නැහැ දෙගොල්ලොම එකයි ඒකෙදි ) මේක ආපහු හරවන්න බැරි නැහැ.

      ඉතින් ඇයි රිනාත්මක වෙන්නෙ? හැබැයි මට අනුව අංක එක වෙන්න ඕනෙ රනිලව එලවන එක. එහෙම නැතුව නම් ගමනක් නැහැ.

      - Dimithri

      Delete
    4. ඔයා (සහ කවුරු ) කැමති වුනත් අකමැති වුනත් ලංකාවෙ තියෙන යතාර්ථය තමයි ජනාධිපතිවරනෙකදි උ.නැ. චන්ද ටික ගන්න කෙනා දිනන බව. මෛත්‍රි ට බැහැ ඒ අයට පිටුපාල නම් මේක කරන්න. රනවිරුවො එන්ටර්ටේන් කරන එක මූලික කරගත්ත පසුගාමිත්වයක් එක්ක නම් මේක කරන්න බැහැ. ඒක එයා ගොඩ දාගත්තොත් දිනුම් !

      මහින්ද ඔතනදි තමයි හිරවෙන්නෙ. එයාට දකුනෙ සිං-බෞ කට්ටිය එන්ටටේන් කරන්නයි උ.නැ. දිනාගන්නයි දෙකක් එකවිට බැහැ. දකුනෙදි වගේ ඩීල් දාලා සල්ලි දීලා ගන්නත් බැහැ ඒ අයව. එහෙම පුලුවන්නම් මෙලාකට හකීම් ලා, බදියුදීන්ල ඒ පැත්තෙ. රාජ්‍ය බලයත් නැතුව මහින්දට ඕක ගොඩ දාගන්න නම් හම්බෙන්නෙ නැහැ.

      -Dimithri

      Delete
    5. හහ් හා, අපි බලන් ඉමු. කවදාවත් උතුරේ යුද්ධය යුද්ධයෙන් ජය ගත නොහැකි බව කියපු මන්දබුද්ධික පිස්සො / ජෝකර්ලා හිටපු රටක්නේ මේක. හකීම්ලා බතියුතීන් ලා කියන්නේ නොම්මර එකේ බ්‍රෝකර් ලා. එල්ටීටීඊ එක්ක ඩීල් දාපු මරා බැරා වගේ ගල් කපටි නීලකාස කම්බා හොරුන්ට ටී.එන්.ඒ. එක ෆුල් හරි ඒකෙන් ලොකු කෑල්ලක් ඩීල් එකකින් බාගන්න එක සුළු වැඩක්. කරන්න තියෙන්නේ බොරුවට මෛත්‍රී එක්ක වලියක් දාගේන මෛත්‍රීට/ රනිල්ට බැනලා අපි එකෙකුටවත් ඡන්දෙ දෙන් නෑ කියල වර්ජනේ කොරන එක. මරාගේ පොහොට්ටු හොරමුල මහරගමදි මෝටර් සයිකලෙන් දින්න වගේ තියෙයි.

      Delete
    6. "..ඔයා (සහ කවුරු ) කැමති වුනත් අකමැති වුනත් ලංකාවෙ තියෙන යතාර්ථය තමයි ජනාධිපතිවරනෙකදි උ.නැ. චන්ද ටික ගන්න කෙනා දිනන බව. .."

      මේක හැමදාම හරිගියේ නැනේ මෙයා! මේක හරිගියේ 2015 විතරයි! හරියට කියනවම් දකුණේ පළාත්වලින් මහින්ද පාර්ශවයට 55% කට වඩා ගන්න පුලුවන්නම් මේක නිශේදනය කරන්න පුළුවන්! මගේනම් අදහස පෙබරවාරි 10 ජනාධිපතිවරණයක් තිබ්බනම් මහින්ද පාර්ශවය දිනන්නවා කියලා.

      Delete
  20. Well said Dimithri. Agree with you 110 pct.

    ReplyDelete
    Replies
    1. 110 pct? What packets? Bath packet?

      Delete
  21. ආණ්ඩුවට උනෙත් බෙල්ලන්විල හාමුදුරුවන්ට වෙච්චදේ. එපා කිව්වට ඇහුවේ නෑ. අන්තිමට ජනතාව මීයන් කුමාර උනා.

    ReplyDelete
  22. සැනසෙන්න එකම දෙයක් තියෙනවා ඒ කියන්නේ මහින්දලාගේ පැත්තෙන් කිසිම කෙනෙකුට ජනාධිපතිවරණය දිනන්න හම්බවෙන්නෙ නැහැ. ඒ හින්ද මෛත්‍රී වාගේ පතෝලයකුට තවම ඉඩ තියෙනවා.

    ReplyDelete
  23. ඈ පැරා බලන් ගියාම මේ නූතන සේනක බිබිලේ, අජිත් ධර්ම, Dimithri වගේ ප්‍රගල්භ දේශපාලන දාර්ශනිකයො කියන විදියට මේ පාරත් මහින්ද පරාදයි. ය(ජ)හපාලනේ 2015 දී ටත් වඩා චන්ද ප්‍රතිශතයක් අරගෙන මේ පාරත් ඉහලින්ම අනුමතයි. ආණ්ඩුව තමන්ගෙ ජනප්‍රියත්වය රැකගෙන තියනවා විතරක් නෙමෙයි ටිකක් වැඩි කරගෙනත් තියනවා.

    ReplyDelete
  24. “මෙතැන් පටන් මහින්ද පාර්ශවයෙන් ඉදිරිපත් වන ජනපති අපේක්ෂකයා වෙනුවෙන් කඩේ යමි...”

    පිස්සු කෙලින්න එපා මචං.

    මේ නූතන සේනක බිබිලේ, අජිත් ධර්ම, Dimithri වගේ ප්‍රගල්භ දේශපාලන දාර්ශනිකයො කියන විදියට මේ පාරත් මහින්ද පරාදයි. ය(ජ)හපාලනේ 2015 දී ටත් වඩා චන්ද ප්‍රතිශතයක් අරගෙන මේ පාරත් ඉහලින්ම අනුමතයි.

    ය(ජ)හපාලන ආණ්ඩුව තමන්ගෙ ජනප්‍රියත්වය රැකගෙන තියනවා විතරක් නෙමෙයි ටිකක් වැඩි කරගෙනත් තියනවා.

    ඒ හින්ද බලපන් ඊළඟ පළාත් සභා චන්දෙදි තොන්ඩමන්, හකීම්, රිෂාර්ඩ්, අතාවුල්ලා ඔක්කොම ඉන්නෙ රනිල් හරි සිරිසේන එක්ක.

    බලපන් මෙහෙම ගිහින් ආණ්ඩුව 2020 වෙනකොට 65% ක විතර ජනප්‍රියත්වයක් හිමිකර ගන්නවා. රනිල් ආවොත් 2020 ජනාධිපතිවරණයට අත උඩින් දිනන්නෙ ගෙදර ඉඳන්.

    ඒ විතරක් නෙමෙයි විශේෂයෙන්ම “රනිල් උතුරු පළාතේ දෙමළ ජනතාවගේ විශ්වාසය දිනාගත්ත ජාතික තලයේ එකම නායකයා” කියන එක මේ පාරත් තහවුරු වුනා. දැක්ක නේද TNA එකට දුන්න fight එක එහෙදි.

    අම්මට සිරි. අමතක වුනා. අර “පොහොට්ටුවෙ” නාම යෝජනා ප්‍රතික්ෂේප වුනු මහරගම, තිරප්පනේ වගේ මට මතක හැටියට ඔක්කොම පළාත් පාලන ආයතන 19 ක විතර “පොහොට්ටුව” සහය දීපු ස්වාදීන කණ්ඩායම් වල චන්ද ඔය “ප්‍රතිශත සෙල්ලමට” අදාළ නෑ මචං. ඒවගේම “පොහොට්ටුව” තරඟ නොකළ පළාත් පාලන ආයතනවල “පොහොටුවට” එකම චන්දයක්වත් නෑ කියල හිතන්නත් ඕන මචං.

    Research Methodology පරතෙරට දන්න “තාරකා විද්‍යාඥයෙක්” (දවල්?) එක්ක තර්ක කරන්න අපි කවුද බං?

    ReplyDelete
  25. //ලංකාවේ සමාජ ආර්ථික දිශානතිය සම්බන්ධයෙන් එක්සත් ජාතික පක්ෂයට යම් දැක්මක් තිබිණි. කාර්යක්ෂම රාජ්‍ය නියාමනයක් සහිතව, පෞද්ගලික අංශයේ හා විදේශ ආයෝජනවල මූලිකත්වයෙන් සිදු වන ආර්ථික සංවර්ධනයක්, නියාමනයක් සහිත විවෘත වෙළඳපොළක් හා වඩා කාර්යක්ෂම රාජ්‍ය අංශයක් පිළිබඳ ඔවුන්ට දැක්මක් තිබිණි.//

    හිතවත් පැරා....

    මා හට 2015ට පෙර නම් මෙයට එකඟ විය හැකිව තිබිනි....

    නමුත් පසුගිය අවුරුදු තුන ඇතුලත මේ එජාප අම්බරුවන් රැස කල වැඩ මෙන්ම ගත් තීරණ, රාජ්‍ය මූල්‍ය ආයතනයක සේවය කරමින් (මහබැංකුවේ නොවේ) පෞද්ගලිකවම අත්දැකි බැවින්, දැන්නම් මෙයට කිසිසේත් එකඟ නොවෙමි.....

    නමුත් ඊට පසු පවසා ඇති “දූෂිතය“ කියන වදනටනම් 100% ක් එකඟවෙමි.

    ReplyDelete
  26. මේ දේශපාලන ප්‍රතිඵලය එක්කෙනෙක්වත් හරියට තේරුම් අරගෙන නැහැ. මහින්දලාගේ මිනීමරු හොර කල්ලිය සමග ලංකාව සුරගන කාපු ගොඩක් අය හිටියා . යහපාලනය හන්දා මුන්ට යන එන මං නැති වුණා( තෝරු මෝරු ටික බේරුණු එක් වෙනම දෙයක්.) මුන්ව දේශපාලනයෙන් අතුගාලා දාන තුරු මොනව කළත් වැඩක් වෙන්නේ නැහැ

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.