රජය, සමාගම, එක්සත් මෝටර් සේවක සංගමය සහ බැඳුම්කර හිමියන්ගේ සංගමයක් අතර ඇති කර ගත් ගිවිසුම අනුව සමාගමේ කොටස්වලින් 60%ක් එක්සත් ජනපද රජයටද, තවත් 12.5%ක් කැනඩාවටද හිමි වේ.

කෙසේ වෙතත්, සමාගම ගොඩ යන්නට දරන පළමු තැතෙහිදීම එහි එක්සත් ජනපද කාර්ය මණ්ඩලයෙන් 1/3ක් වන 21,000ක් සේවකයන් සහ අලෙවිකරුවන්ගෙන් 40%ක් වන 2600ක් නියෝජිතයන් ඉවත් කර දමනු ලැබේ.

එක්සත් ජනපද රජය මහජන මුදලින් සමාගමට ඩොලර් බිලියන 30ක් ණයට දෙයි. (ලංකාව රටක් ලෙස ජාත්‍යන්තර මුල්‍ය අරමුදලෙන් ඉල්ලන ණය මුදල වූ ඩොලර් බිලියන 1.9 මෙන් පසළොස් ගුණයකි.) ජෙනරල් මෝටර්ස් සමාගම දැනටමත් භාණ්ඩාගාරයෙන් ඩොලර් බිලියන 20ක් ණයට ගෙන තිබේ. කැනඩා රජයද ඩොලර් බිලියන 9.5ක් ලබා දෙයි.

සියක් වසරක් පැරණි ජෙනරල් මෝටර්ස් සමාගම කලකදී එක්සත් ජනපදයේ ආර්ථික ශක්තියේ සංකේතය ලෙස සැලකිණි. .