2013-06-11

අයි.සී.සී චැම්පියන් කුසලානයේ සමාරම්භක උළෙලේදී ප්‍රචාරය කළ යුතුව තිබුණු ගීය කුමක්ද?

ලෝකයේ කුඩා සංස්කෘතියකට හිමිකම් කියන, සෙසු සංස්කෘතීන් හා මුසු වීම පිළිබඳ යම් බියකින් පසු වන, හුදකලා වීමේ ප්‍රවණතාවක් පෙන්වන ප්‍රජාවක් වන සිංහල ජාතිය අයි.සී.සී චැම්පියන් කුසලානයේ සමාරම්භක උළෙලේදී ලාංකික කොඩිය ගෙන එන වෙලාවේ හින්දි සිංදුවක් වාදනය කිරීම ගැන තදබල විරෝධයක් නැඟීම තේරුම් ගත හැකි කාරණයකි.

සුළුතර මානසිකත්වයෙන් පෙළෙන ජාතීන් සාමාන්‍යයෙන් සිය ජාතික සංකේත පිළිබඳ අධි සංවේදී වීම සුලබ ය. වැද්දන්ගේ කෙටේරිය නිදසුනකි. වසර 2000 ආසන්න වකවානුවේදී කොළඹ වාමාංශික පිරිසක් විසින් සංවිධානය කරන ලද එක් වැඩසටහනකදී පෙත්සමක් අත්සන් කිරීම සඳහා යා යුතුව තිබුණේ ඇමරිකන් කොඩිය පාගාගෙන ය. එහෙත්, ඇමරිකා එක්සත් ජනපද තානාපති කාර්යාලය හෝ ඒ කාලයේ පිටරට සිටි අපේ ජාතික වීරයන් වැනි කිසිදු ඇමරිකානුවකු ඒ ගැන කුපිත වූයේ නැත. ඔවුන් මේ සංකේත වන්දනා නො කරන්නේ ඔවුන්ට ඉතිහාසයක් නැති නිසා ය කියා අනාගතය ගැන බියෙන් පෙළෙන අපට සතුටු වෙන්නට පුළුවන. ඔවුහු බලවත් වර්තමානයක සිටිමින් ජාතික කොඩිය ජොකාගේ පවා අලවති.

සිංහල ජාතිය සිය ජාතික අනන්‍යතාව පිළිබඳ නංවන මේ හඬ විසින් ඔවුන් පිළිබඳ ලෝකයා සතු අවබෝධය පුළුල් වන නිසා අපි ඒ උද්ඝෝෂණ ගැන නිෂේධනීය අදහසක් ඉදිරිපත් නො කරමු. එහෙත්, සිංහල ජාතියේ පිරිහීම සිදු වන්නේ බාහිර බලපෑම්වලට වඩා අභ්‍යන්තරික සාධක මත ය යන්න අපේ මතයයි.

හොඳයි, දැන් මේ හින්දි සිංදුව වෙනුවට මෙහි ප්‍රචාරය කළ යුතුව තිබුණු පිරිසිදු සිංහල සිංදුව කුමක් යයි ඔබ සිතන්නේ ද?

සිංහල සංස්කෘතිය ගැන ඇති මේ උනන්දුවේ තරම අනුව එකී ගීය සිංහල සංස්කෘතිය මැනැවින් නිරූපණය කරන ගීයක් විය යුතු යයි සිතමි. ඒ අනුව, භාතිය සන්තුෂ්ලාගේ චොකා බයිලා නම් මේ ප්‍රෞඪත්වයට ගැලපේ යයි සිතිය නො හැක. 

(ශ්‍රී ලංකාව යනු සිංහලයන්ගේ පමණක් රට නො වුණත්, මෙහි ලාංකික දෙමළ ගීයක් වාදනය ‍වුණා නම් තත්වය කොහොම ද?)

මේ ලිපියත් කියවන්න:හුළං හමාගෙන, හමාගෙන යනකොට ඔන්න හුළං බොකනවා ය කියා කාලගුණේ ඔවුන්ගේ වෙබ්සයිට් එකේ දැම්මා ය


මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න
Read in English blog.parakum.com

12 comments:

  1. මේ රටේ මිනිස්සු තනිකර කෙලීන්නේ පිස්සු වගේ ගීයක් හොඳා නේද?

    ReplyDelete
    Replies
    1. මම කියන්න හිතාගෙන හිටිය සිංදුව!
      -රාජ්

      Delete
  2. This comment has been removed by the author.

    ReplyDelete
  3. ඔතන නියම සීන් එකක් තිබුනා. අපේ පට්ට ගොන්නු තාම දැකලා නෑ. කොඩිය ගෙනිච්ච පොඩි උන්ගෙන් දෙන්නෙක්ම මුස්ලිම් කෙල්ලෝ. මම සිංහල රාවයේ අති ගෞරවනීය හාමුදුරුවන්ගෙන් ඉල්ලනවා ඒ පිළිබඳ විරෝධය පල කර කර ඉන්නේ නැතිව. ක්‍රිකට් පාලක මන්ඩළය ඉදිරිපිට ගිනි තියාගන්නා ලෙස. ඒ ගමන් ක්‍රිකට් පාලක මණ්ඩලයත් ගිනි තිබ්බත් අවුලක් නෑ. සල්ලි නැතුව ඉන්න වෙලාවේ, ඉන්ෂූරන්ස් එකෙන් හරි කීයක් අහරි හම්බ වෙයි නේ. කැසිනෝ වලට නම් මහපරිමානෙන් විරෝදේ දක්කනවා කිව්වා. එදාට බවුසරයක් වත් ගේන්න වෙයි. පැට්‍රෝල් ඕන නම් ඔය පාලක මන්ඩලේ මහත්තයෙක්ගෙන් ඉල්ල ගන්න බැරිය.

    මුන්ට පිස්සු. උදේ ඉඳන් හැන්දෑ වෙනකන් ටී වී වල පොඩි උන් නටවන්නේ හින්දී ගීත වලට. සුද්දා හිතන්න ඇති ඒක ලංකාවේ සින්දුවක් කියලා. දැන් ලංකාවේ තියෙන ළොකුම ප්‍රෂ්ණේ තමයි ඒක. අහිංසක ධීවරයෝ මැරුණ එක නෙමෙයි.

    ReplyDelete
  4. හුඟක් සිංහල සිංදු හිංදි තනු වලටයි උත්තර භාරතීය සංගීතයට හදපු ඒවා හින්දා ඒ එකක්වත් ගැලපෙන්නේ නෑ. හරියන්නේ ජනගීයක් එහෙම නැත්නම් වැදි සින්දුවක්....

    ReplyDelete
  5. ඒ පාර පර ඉන්දියන් කාරයොත් අපිට බාධා කරනවද ..?අපි තැනකට එනවා දකිද්දී ඇහේ කටු අනිනවා වගේ ඇති..සිංහ ලේ ඇති අපි ඕවට සැලෙන්නේ නැහැ පරයනේ...:P

    ReplyDelete
    Replies
    1. SilentSahan මට සමාවෙන්න මම හරියටම දන්නේ නැති නිසා අහන්නේ ඔය ගොල්ලන්ගේ අම්ම සිංහයා ලගට ගියාද නැත්නම් සිංහයා ඔය ගොල්ලන්ගේ ගෙදර ආවද ?

      Delete
    2. උපහාසය හැඟවීම වස් අගට P අකුර එක් කර ඇති බැව් සළකන්න.

      Delete
  6. ආයුබෝ වේවා මහරජාණනි ගීතය දාපු නැති එකේ අවුල වෙන්න ඇති ඔය

    එත් අනෙක් හැම රටක්ම තමන්ට අනන්‍ය උන ගීත හෝ සංස්කෘතිකාංග එලි දක්වන තැනක අපේ කියල මොකක් හරි අනන්‍ය නිර්මානයක් තිබුනානම් වටිනවා කියල මට හිතෙනවා.මොනා උනත් ලෝකේ බහුතරයකට අනුව අපේ අනන්‍යතාවය ඉන්දියාව විසින් තමයි නියෝජනය කරන්නේ එතන උනෙත් එහෙම දෙයක්.

    ReplyDelete
  7. http://www.youtube.com/watch?v=RsQ21aCpJz4

    ReplyDelete
  8. බාචි සුසාන්ගේ අවසාන මොහොත මාගේ හොඳ නැද්ද?

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.