2015-03-14

ආණ්ඩුවේ අසාර්ථකත්වය හා මාධ්‍ය බලධාරීන්ගේ අකාර්යක්ෂමතාව

මේ වන විට ප්‍රධාන ධාරාවේ මාධ්‍යවල මෙන් ම සමාජ මාධ්‍යවල ද සිංහලෙන් ප්‍රචාරය වන ප්‍රවෘත්ති හා දේශපාලන ලේඛන අධ්‍යයනය කර බැලූ විට දැකිය හැකි ප්‍රවණතා කීපයක් තිබේ.

එක පැත්තකින් හරවත් කියවීමක් සඳහා වූ ලේඛන අඩු වෙමින් තිබේ. සමාජ මාධ්‍යවල නම් තිබෙන තරමක් තිබෙන්නේ අාණ්ඩුවට පක්ෂපාත අය හා විපාක්ෂිකයෝ කරන එකිනෙකාට මඩ ගසා ගැනීම් ය. මේ දිනවල නම් ප්‍රධාන මාතෘකා වී තිබෙන්නේ එංගලන්තයේ රැජින ඉදිරියේ ජනාධිපති මැතිනිය කොන්ද නැවූ ප්‍රමාණය හා මහින්ද රාජපක්ෂ ඉදිරියේ වාසුදේව නානායක්කාර වැනි පුද්ගලයන් කොන්ද නමන ආකාරය ආදී එතරම් නොවැදගත් කාරණායි. 

මේ අතර, ප්‍රවෘත්ති ප්‍රබන්ධකරණයේ ගැටලුව බරපතල ප්‍රශ්න නිර්මානය කරයි. පුද්ගලයන් තමන්ට හිතෙන හිතලු ලියා දැමූ විට එයින් ඇති වන ගැටලු පොඩි පහේ ඒවා නොවේ. 

මෙම තත්වය ප්‍රධාන ධාරාවේ පුවත්පත්වල ද සාමාන්‍ය තත්වයක් වී තිබේ. බොහෝ ඉරිදා පුවත්පත්වල ප්‍රධාන ප්‍රවෘත්තිය යම් යම් අනුමාන ඔස්සේ ගොඩනගා ගත් අතේ‍ රෝලකි.

වර්තමානය වන විට රාජ්‍ය පාලනය පැත්තෙන් රටේ ඇති වී තිබෙන තත්වය වික්ටර් අයිවන් විසින් හඳුන්වා තිබුණේ පූර්ණ අවුලක් ලෙසයි. මාධ්‍ය විසින් කරමින් සිටින්නේ රට අවුලෙන් අවුලට ම ඇද දැමීමයි. 

එහි වාසිය අත්පත් කර ගනිමින් සිටින්නේ චෞර මහින්ද රාජපක්ෂ පවුල නැවත ඔසවා තැබීමට තැත් දරමින් සිටින වාසු, දිනේෂ්, විමල්, උදය ප්‍රතිගාමී හවුල හා ශ්‍රී ලංකා නිදහස් පක්ෂයේ හොර තක්කඩි ය.

රාජ්‍ය මාධ්‍ය විශාල ප්‍රමාණයක් මේ රටේ ඇත. එමෙන් ම රාජ්‍ය ආයතනවල දැන්වීම් ඔස්සේ පෞද්ගලික මාධ්‍යවලට සැලකිය යුතු බලපෑමක් කිරීමේ හැකියාව ද රජයට තිබේ. එවන් තත්වයක් තිබියදීත් රජයේ මාධ්‍ය ප්‍රධානීන් වෙතින් දක්නට ලැබෙන්නේ පූර්ණ අකාර්යක්ෂමතාවකි. 

අප කියන්නේ මහින්ද රාජපක්ෂ මෙන් මාධ්‍යකරුවන්ට තග දැමිය යුතු ය කියා නො වේ. එහෙත්, වැරදි වාර්තාකරණයන්, ජාතිවාදී හා ආගම්වාදී අගතීන් හා වෙනත් අවුල් සහගත තත්වයන් වළක්වා ගැනීම සඳහා මැදිහත් වීම අවශ්‍ය ය. සිතා මතා සියල්ල අවුල් කරන මාධ්‍ය පාලනය කර ගත යුතු ය. මෙය මාධ්‍ය නිදහස සමග පටලවා ගත යුතු නැත. කඩාකප්පල්කාරිත්වය නිදහස නො වේ.

දිගු කලක් තිස්සේ ප්‍රතිගාමිත්වයට සේවය කිරීම ම හුරු කරන ලද, වෘත්තිකභාවයෙන් හීන ලංකාවේ ජනමාධ්‍ය කලාව පුනරුත්ථාපනය කිරීම ලෙහෙසි පහසු කාර්යයක් නො වේ. ආණ්ඩුවේ මාධ්‍ය ප්‍රධානීන්ට ඒ පිළිබඳ කිසිදු අදහසක් ඇති බව නො පෙනේ.

තනතුරු හා වරප්‍රසාද බෙදා හදා ගැනීමෙන් එහාට ගිය දේශපාලනයක් තවමත් රාජ්‍ය මාධ්‍ය තුළ සිදු වන්නේ නැත. දේශපාලනය තුළ අවුල් සහගත තත්වයක් ඇති බව ඇත්ත ය. එහෙත්, මාධ්‍ය ක්ෂේත්‍රය හසුරවන්නන් දක්ෂ නම් එම තත්වය මැද පවා රටේ න්‍යාය පත්‍රය ප්‍රවර්ධනය කිරීමේ හැකියාව ඔවුන්ට තිබේ. 

මාධ්‍ය ප්‍රධානීන් පළමුව ‍දේශපාලනිකව නිරවුල් අදහසක සිටිය යුතු ය. ආණ්ඩුව කළ යුතුව තිබෙන්නේ කුමක්ද යන්න ගැන ඔවුන්ට අදහසක් තිබිය යුතු ය. අපට සිතෙන අන්දමින් නම් ආණ්ඩුවේ ප්‍රමුඛතා විය යුතුව තිබෙන්නේ දේශීය හා ජාත්‍යන්තර වශයෙන් ස්ථාවර වීම, මහජන විශ්වාසය දිනා ගැනීම, සංවර්ධනය පිළිබඳ ස්ථාවරය පැහැදිලි කර ගැනීම, මහජන සුබසාධනය, නිතියේ ආධිපත්‍යය හා යහපාලනය වැනි කාරණායි. දේශපාලකයන් කුමක් කළත්, මාධ්‍ය ප්‍රධානීන් මාධ්‍ය හැසිරවිය යුත්තේ ඒ ප්‍රමුඛතා සිත්හි තබාගෙන ය. 

මාධ්‍ය හැසිරවීම සම්බන්ධ ගැටලුව සුළුපටු එකක් නො වේ. ඔවුන් මේ සෙල්ලම් කරමින් සිටින්නේ අඩු තීව්‍රතාවකින් සිදු වූ සමාජ විප්ලවයක් සමගයි.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

28 comments:

  1. hari hari peraa oya nokiyaa kiyanne dina 100 asarthakai ena chanden ranil gedara kiyalane eka thamai wenna ona ranilla wage gay dial walata me rata palanaya karanna aithiyak na anith ekaa sirisena hutan raniltama hari yana ekaa pissumai kelinne lankawata dewiyangema pihitai

    ReplyDelete
  2. බොහෝ පුවත්පත්වල ප්‍රවෘත්ති යම් යම් අනුමාන ඔස්සේ ගොඩනගා ගත් අතේ‍ රෝලකි. යනුවෙන් ද එකතු කළ හැකිනම් තවත් හොඳයි වගේ. ඇතැම් මාධ්‍යයන්ට රට ගැන තියන කැක්කුම හා වගකීම ගැන සෑහිමට පත්විය නොහැකියි. ජාතිවාදයට ගිනිමොලවමින් රට ගිනිතියන තැනකට තල්ලු කරදමන්නට ඇතැම් ක්‍රියාකාරකම් හා අමන ප්‍රකාශ උලුප්පා දක්වන ආකාරය දෙස බලා ඉන්න වෙලා තියෙන්නෙ ඉතාම සංවේගයෙන් !

    ReplyDelete
  3. පාලන බලය ලබන්නන්ගේ අමනකම් මෝඩකම් තක්කඩිකම් හොරකම් හමුවේ අසරණ වන ජනතාවට පිහිටට ඇත්තෙ තමන් පමණක් බව ජන මාධ්‍යයන්ට අමතක වී ඇතිබවක් පෙනෙනවා. මාධ්‍යය යන්න විශේෂයෙන්ම අද බලගතුම අවිය බව “මාධ්‍යවේදීන්“ යයි තමන්ට කියාගන්නා අය කී දෙනකු මාධ්‍යෙව්දී තනතුරට සුදුසුද කියා සිතිය යුතුයි. එසේ සිතීමේ බලය ඇත්තේ ද මාධ්‍යෙව්දීන්ටම බවද හැම මාධ්‍යකරුවාම මහත් වගකීමෙන් සිතා බැලිය යුතුයි නේද ? මේ විදිහට ගියොත් නුදුරු අනාගතයේ රටේ ඇතිවන විනාශයන්ට අදාල වගකීමෙන් සෑහෙන කොටසක් මාධ්‍යෙව්දීන්ට ගන්නට වන බව ඉතිහාසයේ ලියවේවි. ඩී.බී. ධනපාල, මාර්ටින් වික්‍රමසිංහ ඇතුළුව මහා වියතුන්ගේ උණුසුම ලැබූ ජනමාධ්‍යයන් අපට කවදා දක්නට ලැබේවිද

    ReplyDelete
    Replies
    1. "..මාධ්‍යය යන්න විශේෂයෙන්ම අද බලගතුම අවිය බව “මාධ්‍යවේදීන්“ යයි තමන්ට කියාගන්නා අය කී දෙනකු මාධ්‍යෙව්දී තනතුරට සුදුසුද කියා සිතිය යුතුයි. එසේ සිතීමේ බලය ඇත්තේ ද මාධ්‍යෙව්දීන්ටම බවද හැම මාධ්‍යකරුවාම මහත් වගකීමෙන් සිතා බැලිය යුතුයි නේද ?..."

      කිසිම තේරුමක් නැහැනේ! කරුණාකර ලියන ඒවා ආපහු කියවල බලන්න!

      Delete
    2. “මාධ්‍ය වේදීයා“ සහ “මාධ්‍ය කරුවා“ යනු සමානාර්ථ පද නොවේ. මාධ්‍ය වේදියා යනු මාධ්‍යකරුවාට ඉහළින් සිටින නිදහස් වෘත්තීකයෙකි. “මාධ්‍යකරුවා“ යනු ඩීල්කාරයකු වැනි වෙනත් කෙනෙකු යටතේ සිය හැකියාව තුළින් මහජනතාව ඩීල්කරුවාට අවැසි තැනට දක්කන්නට තැත් කරන්නෙකි. මා උත්සාහ කර ඇත්තේ “මාධ්‍යකරුවන්“ යන වහල් පිරිසක් තමන් මාධ්‍ය වේදීන් යයි හඟවමින් රට මුලාකරන බව පවසන්නටයි.ඉහත ප්‍රකාශයේ කිසියම් තේරුමක් ඇත්දැයි කරුණාකර නැවත සිතා බලන්න ඇනොනිමස්

      බලන්න ඇනොනිමස්

      Delete
  4. මගේ ප්‍රතිචාරය් මාධ්‍යය හසුරවන ඇත්තන්ට සීමා වී ඇත්තේ ආණ්ඩුව හා විපක්ෂයේ සියලුම පක්ෂ කරන්නේ කුමක්ද යන්න ගැන සඳහන් කිරීමෙන් පලක් වේදැයි කිසිම අයුරකින් නොසිතෙන තරමට අපේක්ෂා සුන්ව ඇත. දැඩි වේදනාවෙන් මාධ්‍යය දෙස බැලුම් හොලුවද විශිෂ්ට ජනමාධ්‍යයන් හා විශීෂ්ට මාධ්‍යෙව්දීන් හා ඔවුන්ගේ උණුසුම තවමත් බලවත්ය එය මියගොස් නැත. නැවත අළුගසා නැගීසිටින්නට ශක්තිය මාධ්‍යයට ඇති බවට ඇති විශ්වාසය නිසා ඒ ගැන පමණක් සටහන් කළෙමි

    ReplyDelete
  5. "...මේ අතර, ප්‍රවෘත්ති ප්‍රබන්ධකරණයේ ගැටලුව බරපතල ප්‍රශ්න නිර්මානය කරයි. පුද්ගලයන් තමන්ට හිතෙන හිතලු ලියා දැමූ විට එයින් ඇති වන ගැටලු පොඩි පහේ ඒවා නොවේ. ..."

    සම හරක් පුරවැසි මාධවේදීන් උමා ඔයේ පොර්ට් සිටියේ තාක්ෂණික පැත්ත කතා කළා වගේ

    ReplyDelete
  6. පසුගිය ජනාධිපති මැතිවරණයෙන් පසු දිවින පත්‍රය ආචාර්ය නලින් ද සිල්වා මහතාගේ දැක්ම විශේෂාංග ලිපිය මෙන්ම කීර්ති වර්ණ කුලසුරියගේ ආරක්ෂක කොලමද දිවයින කතෘතුමා විසින් ඉවත් කළ බව දුටිමු . එහෙත් ඒ සඳහා වර්තමාන අගමැති (පස්ස දොරෙන් අගමැතිකමට පත්වූ ) රනිල් වික්‍රමසිංහ විසින් දිවයිනට පසුගිය දිනක පුදුම සහගත ප්‍රසංසාවක් කර ඇත . දිවයිනට වැනි කතෘවරුන් මහින්ද රාජපක්ෂගේ වැසිකිළි ශෝදන ‘සක්කිලියන්’ බව පැවසීම එම ප්‍රසංසාවයි .

    සිංහල ජාතිකත්වයක් කිසිදිනක නැති එයට සැමදා විරුද්ධ වූ රනිල් වික්‍රමසිංහ දිවයින පත්‍රයට විරුද්ධවීම පුදුමයක් නොවේ . එහෙත් ඔහු ඔබට අවමන් කිරීම සඳහා වැසිකිළි ශෝදන අයගේ කුළය ඇදගැනීම පිළිකුල් සහගතය . මේ විසිඑක්වන දශකයේ මිනිසුන් ඔවුන් කරණ රැකියාව අනුව අවමන් නොකළ යුතු බව රනිල් හාමු නොපිළිගනී.

    ම මෙය ලියන්නට සිතුවේ ඉදිරි කාලයේදී කොළඹ හතේ රනිල් හාමු පහත ආකාරයෙන් ඔහුට විරුද්ධවන සිංහලයන්ට බැණ වදිනු ඇති බව හංසයාට චන්දය දුන් සිංහලයින් වෙත මතක් කිරීමටයි .

    නුඹලා රාජපක්ෂගේ රෙදි හෝදපු රදවූ

    නුඹලා රාජපක්ෂට බෙර ගහපු බෙර වායෝ

    නුඹලා රාජපක්ෂට වලන් හදපු කුඹල්ලු

    නුඹලා රාජපක්ෂට මාළු අල්ලපු කරාව , හාලි

    නුඹලා රාජපක්ෂට හුණු හදපු හුණ්නෝ

    හංසයාට චන්දය දුන්නේ රනිල් අගමැති කිරීමට නොව මෛත්‍රීපාල ජනාධිපති කිරීමට බව සමහරු තර්ක කරනු ඇත.එහෙත් රනිල් ඇතුළු බටහිර බලවේගවල උවමනාව කුමක්ද යන්න දැන් සියළුම සිංහලයන්ට හොඳින් තේරී ඇතැයි සිතමි.
    - ගාමිණී පරාක්‍රම

    ReplyDelete
    Replies
    1. කරා හාද කං මාළු බාන කං
      දුරා හාද කං ලබ්බ බාන කං
      බෙරවා හාද කං නැටුම නටන කං
      ගොවියා හාද කං සදා කාල කං

      Delete
    2. මෙහි වඩාත්ම ඛෙදජනක සිද්ධිය වන්නේ මෙයටේ පෙර පත්තර බෙදන කොල්ලෙකු විදුලි පහන් නොමැතිව ගොසි පොලිසියේ දඩයකට යටත්වුකල ලිප්ටන් වටරවුමේ උද්ගෝෂණය කරන නිදහස් මාධ්‍ය ව්‍යාපාරය රනිල්ගේ අවලාදය අනුමත කිරීමයි

      Delete
  7. ධනවාදය තුළ ගුරුකම, දොස්තර කම වැනි අනෙක් සියළු වෘත්තීන් මෙන්ම ජනමාධ්‍යවේදී කමද වගකීම ආවස්ථික පිරිවැයෙන් සහ ලාභයෙන් තීරණය වන්නක් බවට පත්ව තිබේ. එහි අමුතු අරුමයක් නැත.

    ReplyDelete
  8. //මාධ්‍ය හැසිරවීම සම්බන්ධ ගැටලුව සුළුපටු එකක් නො වේ. ඔවුන් මේ සෙල්ලම් කරමින් සිටින්නේ අඩු තීව්‍රතාවකින් සිදු වූ සමාජ විප්ලවයක් සමගයි. //
    බම්බුව තමයි

    ReplyDelete
  9. මාධ්‍ය නිදහස ගැන කතා කරන මාධ්‍යවේදියෙක් යයි කියා ගන්නා නමට ඉංගිරිසි ගුරුවරයෙක් රාජ්‍ය මාධ්‍ය ඒකපාර්ශිකව කටයුතු නොකරන්නේ යයි හුල්ලයි.

    ReplyDelete
  10. ආණ්‌ඩු වෙනසත් සමග එතෙක්‌ නිසි අයුරින් පවත්වාගෙන ගිය අපේ රටේ ඇතැම් ආයතන මේ වන විට අතිශය කනගාටුදායක තත්ත්වයකට පත්ව තිබේ. ලංකා සතොස, ලක්‌සල සහ රාජ්‍ය වාණිජ විවිධ නීතිගත සංස්‌ථාව ඊට හොඳම උදාහරණයන්ය. වසා දැමීමට තිබූ රාජ්‍ය ආයතන වූ මේ ආයතන තුනම එම තත්ත්වයෙන් ගොඩගෙන මෙරට පුද්ගලික අංශය හා කරට කර තරග කරමින් රජයේ ආයතන ලෙස පවත්වා ගෙන ගියේ සෙසු රාජ්‍ය ආයතන සඳහා පවා ආදර්ශයක්‌ වන ආකාරයෙනි. එහෙත් අද වන විට ඒවායේ තත්ත්වය යළිත් ආපස්‌සට ගමන් ගනිමින් තිබේ. එයින් කනගාටු දායකම තත්ත්වයට මුහුණ දෙමින් සිටින්නේ ලංකා සතොසය. අත්‍යවශ්‍ය භාණ්‌ඩ අඩු මිලට ලබාදෙමින් විශාල පිරිසකට රැකියා ලබාදෙන අතරම විශාල ලාභයක්‌ද ලබමින් රජයට බරක්‌ නොවී ලංකා සතොස පසුගිය රජය යටතේ පවත්වාගෙන ගියේ පුද්ගලික අංශයේ සෙසු සුපිරි වෙළඳසල් පරදවමිනි. අද වන විට ලංකා සතොස අලෙවිසල් බොහොමයක ඇතැම් භාණ්‌ඩ හිඟය. ඇතැම් භාණ්‌ඩ විකිණීම සීමා කර තිබේ.

    එක්‌තරා මුස්‌ලිම් ඇමතිවරයෙක්‌ ලංකා සතොස හරහා අසීමිත ලෙස මුදල් හම්බකරමින් සිටී. අද ලංකා සතොස සියලු මිලදී ගැනීම් කරනු ලබන්නේ මේ ඇමතිවරයාගේ සහෝදරයෙක්‌ මුලිකත්වය ගන්නා සමාගමකිනි. එම සමාගම පසුගිය කාලයේ ඉන්දියාවට කරුන්කා ප්‍රතිඅපනයනය සම්බන්ධයෙන්ද චෝදනා ලත් සමාගමකි. එම ඇමති සහෝදරයා සහ පිරිස සතුව සමාගම් කීපයක්‌ විවිධ නම් වලින්ද පවතී. ඒ මිල ගණන් කීපයක්‌ ඉදිරිපත් කර තරගකාරීත්වය පෙන්වීම සඳහාය. ඒ සාමාන්‍ය වෙළඳපොළ මිලට වඩා වැඩි මිලටය. මේ හරහා දිනපතා රුපියල් මිලියන ගණනින් අදාළ සමාගම උපයමින් සිටී. අද වන විට සතොස ආයතනය සඳහා අත්‍යවශ්‍ය ආහාර ද්‍රව්‍ය හා භාණ්‌ඩ මිලදී ගන්නේ බොහෝදුරට මේ සමාගම හරහාය. සෙසු ආයතනවලින් ඉදිරිපත් කරන භාණ්‌ඩ, තත්ත්වය හෝ වෙනයම් හේතු පවසා ප්‍රතික්‌ෂේප කෙරේ. එසේම අදාළ සමාගමෙන් ඉදිරිපත් කර ඇති මිල ගණන් වලට මිලදී ගන්නේ කොටසක්‌ පමණි. එහි වැඩිම කොටස මිලදී ගන්නේ එම සමාගමෙන්ම වැඩි මිලටය. උදාහරණයක්‌ ලෙස සීනි මිලදී ගැනීමේදී කිලෝවක්‌ රුපියල් 74 බැගින් ටොන් 175 ක්‌ එම සමාගමෙන් මිලට ගන්නට මිල ගණන් කැඳවා තිබියදී අවසානයේ තවත් ටොන් 1300 ක්‌ එම සමාගමෙන්ම මිලදී ගන්නේ ඊට වඩා වැඩි මිලටය. මෙහි හාස්‍යජනකම සිද්ධිය වන්නේ අදාළ සමාගම එම තොග ලබන්නේ තත්ත්වයෙන් පහළ බවට පවසමින් අදාළ ටෙන්ඩර් කමිටුව ප්‍රතික්‌ෂේප කළ ආයතනවලින්ම වීමය.
    http://www.divaina.com/2015/03/15/politics04.html

    කමක් නෑ මල්ලි , මහින්ද ගෙදර ඇරිය නේ ... ඒ ඇති

    ReplyDelete
  11. පැරා,

    මොකෝ මේ වටේ පඳුරු තලන්නෙ. ඔබට තවම පෙනෙන්නේ මහින්ද කල්ලියේ හොරුන් විතරද.ඇස් නොපෙනේනම් ඉක්මනටම කන්නාඩියක් දමන්න.අද රටේ පුවත් සොඅන හා බලන අය කතා කරන තිබෙන ලොකුම ගැටලුව මහබැංකුවේ ලොක්කා සම්බන්ධවුණු භාණ්ඩාගාර බිල්පත් වංචාවයි.මේකට සම්බන්ධවුණු බෑනාගේ කොම්පැනියම තමයි මිට කලින් ආණ්ඩුව යටතේ කොටස් වෙළඳපලට epf සල්ලි දමන්න සම්මාදම් කියලත් කතාවක් තියෙනවා.මේකෙ ලොක්කෝ දැනටමත් රට හැර ගියා කියලත් රාවයක් තියෙනවා.අනෙක අපරාධ පරීක්ෂණ දෙපාර්තමේන්තුව විසින් කලයුතු පරීක්ෂණය අගමැති තුමා විසින් පත් කල කොමිටියකට භාර කරලත් කියනවා.


    පැරා
    ඔබට මොකද මේක නොපෙනෙනුනේ.
    සමරසේකර

    ReplyDelete
    Replies
    1. මේකනේ සමරසේකර අන්කල්, අපේ පුරවැසි මාධවේදී පැරා තුමාට ඔය භාණ්ඩාගාර බැදුම්කර පිලිබදව විස්තර කරන්න තරම් දැනුමක් නැහැ. එතුමාගේ නිහතමානී කමට එතුමා තමන් නොදන්නා දේවල් පළිබදව විග්‍රහ කරන්නේ නැහැ. හැබැයි එතුමා පොර්ට් සිටියේ උමා ඔයේ ඉංජිනේරු ශක්‍යතාව ගැන හොදට දන්නවා. එකනේ බය නැතුව ඒගැන ලිව්වේ.

      Delete
  12. දිගු කලක් නිරාහාරව සිටි සුනඛ රැළකට එතරම් රස නොවුවත් කුස පිරෙන්න නෙවුවත් යම් ප්‍රමාණයකට කෑම ලැබි ඇත. ලැබුණු කෑම ප්‍රමාණයට වඩා බලු රැළ විශාල බැවින් උන් ආහාර චාරිත්‍ර නොසලකා ආහාර සඳහා සුපුරුදු බලු පොරයේ යෙදි සිටි. එහිදි සුළු වශයෙන් ආචාර ධර්ම උල්ලංඝනය වීම නොවැලැක්විය හැකිය. යහපාලනට බොක්කෙන්ම දර දිය ඇද්ද අයට මෙය ටිකක් අප්සැට් වුණාට මහින්ද ගෙදර යැවීම වැනි පොඩි පොඩි කාරණා පදනම් කරගත් අයට (මහින්ද ගේ නම ඇහෙන විට මළ බද්ධය හැදෙන අයට හැර) නම් මෙම ක්‍රමයේ ගොඩක් අඩුපාඩු පෙනෙන්නේ නැත. මොවුන් හැම දෙනාම එකම ශ්‍රී ලාංකීය දේශ පාලන මඩ ගොහොරුවේ පිපෙන විවිධ විශේෂයන්ට අයත් පුෂ්පයන් වෙති. තම තමන්ගේ ආවේණික සුවඳට අමතරව සුපුරුදු මඩ ගඳ පතුරවති. ඉවසීමෙන් බලා සිටින්න.

    ReplyDelete
  13. යහ පාලකයින් දින හැටක් වෙන විට කරන හොරකම් හා අක්‍රමිකතා, ඥාති සංග්‍රහයන් සලකා බලන කොට දින තුන් දාහක් පමණ ආණ්ඩු කළ මහින්ද රාජපක්ෂ කර ඇති දේවල් නොගිණිය හැකි තරම්ය. කෝ මේ යහපාලන හොරි කඩයින් ? රතන ,ධම්පික, අනුර ඔබ කොහිද? ඇ‍යගේ රෙදි නැත්නම් තුවායකින් වත් හෙළුව වහ ගෙන ඉන්න තැනකින් එළියට වරෙල්ලා....! ජනතාවට උත්තර දීපල්ලා..!

    ReplyDelete
    Replies
    1. සෙනෙවි (සෙනිතද? ;-0) ප්‍රියාත් බන්දු වික්‍රම නම් හොදට ගහ ගත්තා

      Delete
    2. ඇයි බ්ලොග් හොරිකඩයෝ රෑන
      පැරකුම් , රසික , බුවා , මාතලන් , රාජ් , ඉවාන් පවුලුෂා , හෙනහුරා , ප්‍රා ජේ

      තුවායකින් වත් හෙළුව වහ ගෙන ඉන්න තැනකින් එළියට වරෙල්ලා....! ජනතාවට උත්තර දීපල්ලා..!

      Delete
  14. ශ්‍රී ලංකික මාධ්‍යවේදීන්ගේ නිවටත්වය ගැන හොදම උදාහරණයක්! රුවන් වැලි සෑ මළුවේ දී මෝදිට මල් වර්ෂා

    නාකපන වැස්සක් වැහැපු බව පින්තුරවලින් පැහැදිලිවම පෙනෙන්ද්දී රෝහණ චන්ද්‍රදාස , අතුල බණ්ඩාර තම දීනකම පැහැදිලිවම පන්නුම්කරමින් මල්වැස්සක් වැටුන බවට කියතිබෙනවා!

    ReplyDelete
    Replies
    1. යහපාලන රාජ්‍යයක ප්‍රව්ර්ති වාර්තාකරණය එහෙම තමයි. ඇයි අවුල්ද ?

      Delete
  15. පැරා දිවයින, මවුබිම වගේ ගෝත්‍රික පත්තර නෙමේ.. lankaenews.com වගේ වෙබ් අඩවි බලන්න...
    ඒවා මරාගෙ කාලෙ බය නැතිව මරාට විරුද්ධව වැඩ කලා, දනුත් අවශ්‍ය තැනේදී සිරිසේන හෝ රනිල්වත් විවේචනය කරනවා...
    අන්න මාධ්‍ය...

    ReplyDelete
  16. අපක්ශපාති.මද්යස්ත මාද්ය කලාවක් ගෑන කන්නාඩියක් ඉස්සරහාට ගිහින් බලන්න පෑරාට දර්ගානගරය මෑදින් පෙනේවි.

    ReplyDelete
  17. සාරිකා විචාරනීMarch 16, 2015 at 9:03 AM

    මේ සංවාදය තව ඉදිරියට යන්නේ නම්.................!

    ReplyDelete
    Replies
    1. "...එසේ සිතීමේ බලය ඇත්තේ ද මාධ්‍යෙව්දීන්ටම බවද හැම මාධ්‍යකරුවාම මහත් වගකීමෙන් සිතා බැලිය යුතුයි නේද ?..."

      මාධ්‍යවේදීන් හෝ එසේ කියාගන්නා අයව විවේචනය කරන්න පෘථක්ජන අපිට බැරි ඇයි?

      Delete
  18. "..ප්‍රධාන මාතෘකා වී තිබෙන්නේ එංගලන්තයේ රැජින ඉදිරියේ ජනාධිපති මැතිනිය කොන්ද නැවූ ප්‍රමාණය හා මහින්ද රාජපක්ෂ ඉදිරියේ වාසුදේව නානායක්කාර වැනි පුද්ගලයන් කොන්ද නමන ආකාරය ආදී එතරම් නොවැදගත් කාරණායි. "

    එතකොට වීරවංශට සිරිසෙනගේ මූන බලන්න ගට තියෙනවද..

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.