2015-12-15

මා බාල කාලේ සිංදුවේ පරිවර්තනය හා ධර්මෙගෙ කතාව

ලිය ලියා හිටපු දේශපාලන ලිපිය පැත්තකින් තියලා මේ ෆන් ආටිකල් එක ලියන්න හිතුවෙ රසිකලොජියේ මෙන්න මේ ලිපිය දැකලා. 

මේක ගැන කියනකොට මගේ පැරණි මිතුරකු වන දේව ප්‍ර‍ලිත ධර්මවික්‍ර‍ම ගැන ලියන්න වෙනවා. 

ධර්මෙව මට හමු වෙන්නෙ මහරගම ගුරු විද්‍යාලෙදි. අපි දෙන්නාම එක ගෘප් එකක හිටපු ඉංග්‍රීසි ගුරුවරු. ඒ අවුරුදු දෙකේ නම් ගුරු ශිෂ්‍යයෝ. ධර්මෙ ගුරු විද්‍යාලෙට එන්න කලින් ඉගැන්නුවේ ඇල්පිටිය පැත්තේ ඉස්කෝලෙක. ධර්මෙගෙ ගම බලපිටිය.

අපේ ශිෂ්‍ය සංගමේ රන් කළේ තාක්ෂණ විෂය ගුරුවරු වගයක්. කැම්පස් යන්න බැරි වෙච්ච ඇරියස් එක පියවගන්න කැම්පස් ළමයි වගේ හැසිරෙන්න උත්සාහ කළ බාප්පා වයසේ ගුරු සෙට් එකක්.

අපේ එවුන් අතරින් උන් එක්ක මුලින් ම සෙට් වුණේ ධර්මයා. “උන් ආතල් එකට බර කොල්ලො බං," කියන ආකල්පෙ තමයි ධර්මෙ හිටියෙ. ධර්මෙ උන් එක්ක කාලා, බීලා, වැටිලා හිටියා.

මහරගම ගුරු විද්‍යාලෙ හිටිය ලැච්චර්ලා අතර හිටපු සමහරු අර මං කියපු ගුරු බාස්ලා සෙට් එකටත් අන්තයි. හැමෝ ම නෙමෙයි කියන එකත් කියන්න ඕනැ. ඒ නිසා අපි ඉතින් පුළුවන් තරම් ලෙක්චර්ස් කට් කරලා, හොරෙන් පැනලා, හොර අත්සන් ගහලා, ආතල් එකේ ඉඳලා විභාගත් හොඳට පාස් වුණා. බොරු කියන්නෙ මොකට ද මේ කාලෙ මං හොරෙන් පිටරටත් ගිහින් ආවා.

ධර්මෙත් ඉතින් අපිත් එක්ක සිංදු කිය කියා හිටියා. ධර්මෙට ලස්සනට සිංදු කියන්න පුළුවන්. ධර්මෙ නිතර කියපු සිංදුවක් තමයි Jamaica Farewell. ඒ කාලෙ ධර්මෙගෙ හැඩරුව මේ වීඩියෝ එකේ Harry Belafonteගෙ රූපයටත් සමානයි.



ඉතින් මේ පූර්විකාව කිව්වෙ ධර්මෙ කියපු තව සිංදුවක් ගැන කියන්නයි. ඒක ධර්මෙගෙ නිර්මානයක් නෙමෙයි. ඒ කාලෙ ඉංග්‍රීසි ගුරුවරුන් පුහුණු කරන්නට තිබුණු ඩෙලික් පූර්ව සේවා ගුරු පුහුණු පාඨමාලාවේ ශිෂ්‍යයන් අතර ජනප්‍රියව තිබුණු සිංදුවක්. ඒක මෙහෙමයි:

When I was a baby
My mother lulled me
I still remember
That lovely melody

මට මතක තිබුණෙ එච්චරයි. මේකෙ තනුව සීටී ප්‍ර‍නාන්දුගේ මා බාල කාලේ ගීයේ තනුවයි. තව ටිකක් මතක් කර ගන්න සීටීගෙ සිංදුව අහන්න පොඩි සර්ච් පාරක් දාලා බලනකොට මෙන්න බොලේ Ma bala kale english song කියලා රිසල්ට් එකකුත් එනවා. බැලින්නම් මේ ජන ගීය කවුරුදෝ ලස්සනට ගයලා යූටියුබ් එකටත් දාලා. මෙන්න සිංදුව:



වචන සර්වසම නො වුණත්, සමහර වචන ටිකක් අවුල් සහගත වුණත්, සිංදුවේ සුන්දරත්වයක් තියෙනවා. ඉතිරි වචන ටික මේ වගේ. ඔය හිස්තැන්වලට එන්න ඕනැ වචන මට එච්චර අහුවෙන්නෙ නැහැ. අහලා බලන්න.

I still remember
My mother's lullabies
When she ........... me
On her loving knee
She kissed me lovely
And lulled me softly
I still remember
That lovely melody

Remember my dear son
Learning is wealth
Patience and kindness
Will be yours ........
Away with dishonesty
....... pride and jealousy
This was the advice
My mother gave me

This little Lanka
Is in your hands
Mould it and make it
Its your motherland
Safeguard your country
Foster it lovely
This was the advice
My mother gave me

ඉතින් ධර්මෙගෙ කතාවෙ ඉතිරි ටිකත් කියන්නම්කෝ. ධර්මෙ හිටියෙ බලපිටියෙ කියල මං කිව්වනේ. සංචාරක ව්‍යාපාරය එක්කත් පොඩි සම්බන්ධකම් තිබුණා. වතාවක් අපි විනෝද ගමනක් ගියා හික්කඩුවෙ බීච් එකට. ධර්මෙ බූවල්ලෙක් ඩෙවල් කරලා තිබුණා බයිට් එකට. බෝතල් එහෙම පොලිෂ් කරලා නාන අතරෙ මෙන්න ධර්මෙ මුහුදෙ ඈතට ම පීනුවා. අපි බය වුණා. බිව්වහම කට්ටිය වැඩ පෙන්නන්නත් හදනවනේ. ඒත් ඔහුට හොඳට පීනන්න පුළුවන් නිසා සහ අපිත් බීලා හිටි නිසා එච්චර ම බය වුණෙත් නැහැ. අන්තිමේදි ධර්මෙ සෑහෙන්න ඈතින් වෙරළට ඇවිත් පයින් අපි අතරට ආවා.

“ටිකක් පීනුවා බං," කියලයි කිව්වෙ.

ඇත්තට වෙච්ච වැඩේ ධර්මෙ මට කිව්වෙ අවුරුදු පහළොවකට විතර පස්සෙ. වුණේ මොකක් ද දන්නව ද?

ආ, ඊට කලින් කියන්න ඕනැ, ධර්මෙ දෙවෙනි අවුරුද්දෙදි හිටි හැටියේ ගුරු විද්‍යාලෙන් අතුරුදහන් වුණා. හොයා බලන විට රට ගිහින් බව දැන ගත්තා. ධර්මෙගෙ හැටි දන්න නිසා අපි ඉතින් එච්චර පුදුම වුණේ නැහැ.

අවුරුදු දෙක තුනකට විතර උඩදි ධර්මෙ මෙන්න මගේ ජීවිතේට නැවතත් පොප් අප් වුණා ෆේස්බුක් එකේ චැට් බොක්ස් එකකින්. බලනකොට ධර්මෙ දැන් ඉන්නෙ ෆින්ලන්තෙ. ඔහු ෆින්ලන්ත ජාතිකයෙක්.

එදා වුණ වැඩේ මට කිව්වෙ මෙහෙමයි. ධර්මෙව දිය වැලකට අහු වෙලා. ඒත්, වැඩ දන්න නිසා මිනිහා දියවැලට එරෙහිව පොර බදන්න නො ගොස්, දියවැලත් එක්ක ම ගිහින් එයින් මිදිලා ආපහු ඇවිත්.

ධර්මෙ මට අන්තිමට කතා කරනකොට හිටියෙ ටිකක් හිතේ අමාරුවෙන්. නොවැම්බර් 27න් පස්සෙ ෆේස්බුක් අප්ඩේට් නැහැ. මට ඌ ගැන හිතට බයයි. ධර්මෙට දීර්ඝායු පතනවා. ලෝකය සොඳුරු වෙන්නෙ මිනිසුන්ගේ විශිෂ්ටත්වය නිසා ම නෙමෙයි. විවිධත්වය නිසායි.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

11 comments:

  1. Patience and kindness
    Will be your STRENGTH
    Away with dishonesty
    VAIN pride and jealousy

    ReplyDelete
  2. "ලෝකය සොඳුරු වෙන්නෙ මිනිසුන්ගේ විශිෂ්ටත්වය නිසා ම නෙමෙයි. විවිධත්වය නිසායි"
    අපූරුයි.................

    ReplyDelete
  3. මිතුදම ලේ නෑ සබඳකමටද වඩා අගනේය.

    ReplyDelete
  4. සිංදු අහලා ඕන කොමෙන්ට් කොරන්න

    ReplyDelete
  5. සී ටී ප්‍රනාන්දු ගේ තනුවක් වෙන රටක ගීතයකට කොපි කරලා තිබුණා කියලා කථාවක් කවදා හරි කියවලා තිබුණා. ඇත්ත බොරු දන්නෙ නැහැ.

    ReplyDelete
  6. //ලෝකය සොඳුරු වෙන්නෙ මිනිසුන්ගේ විශිෂ්ටත්වය නිසා ම නෙමෙයි. විවිධත්වය නිසායි. //
    සහතික ඇත්ත... බය වෙන්නෙපා. එයාට මුකුත් වෙන්නෑ. පිරිමි හිටි ගමන් එම්ප්ටි බොක්ස් හෙකට රිංගනවලු නෙහ්. බාහිර සමබධතා වලින් ඈත් වෙලා පාඩුවේ ඔහේ ඉන්න. හිත හරි ගියාම ආයේ ඒවි. අපි බලන් ඉමු.... කාලෙකින් ඔබගෙන් මෙහෙම ලිපියක් ලියවෙන්න තරම් ධර්මේ වාසනාවන්තයි

    ReplyDelete
    Replies
    1. ඇතැම් දේවල් හරිම පුදුමයි. මම මේ ලිපිය පළ කරලා ටික වෙලාවකින් ධර්මෙ පොප් අප් වුණා. ඒ වෙනකොට මං ධර්මෙට මැසේජ් එකක් තියලයි තිබුණෙ. මෙන්න ඩයලොග් එක:
      Machan, mama umba gena liwwa. Kiyawanna. http://www.w3lanka.com/2015/12/blog-post_84.html

      Ehemada
      Good
      If u feel why not
      Man awa machan
      Umba negombo peththe awoth mata enna puluvan umba dakinna
      Colombo awoth man ennam lunch interval ekedi
      Man awa lankawata
      Mage phone eke sinhala phonts ne
      Library giyama balannam article eka

      Delete
    2. ඒකනේ මං කීවේ. "එම්ප්ටි බොක්ස් " එකට වෙලා ඉන්නැති හෙහේ... අප්‍රමාණ සතුටුයි හො‍ෙඳේ...

      Delete
  7. https://binari1.wordpress.com/2008/06/07/when-i-was-a-baby/

    ReplyDelete
  8. සින්දු දෙකම ලස්සනයි.ජැමෙයිකානු ගායකයා ගයන එකේ තනුවට මරියසෙල් කියනව සින්දුවක් ඒක සාහිත්‍යමය අගයක් ඇති පදවැලක්නම් නෙමෙයි.තරුණ වයසෙදි ආදරෙ.....එ සින්දුව

    ReplyDelete

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.